Արմենիա2020 - հիշո՞ւմ եք։

[ahousekeeper]

Վեց-յոթ տարի առաջ Ռուբեն Վարդանյանի «Արմենիա 2020» նախաձեռնությունն ահագին աղմուկ հանեց։ Նպատակը Հայաստանի զարգացման զանազան սցենարներ քննարկելն էր [Armenia 2020 is a scenario-building initiative that focuses on the identification of alternative development models for the Republic of Armenia until the year 2020 and the elaboration of development

Comments

[lernci]

Եթէ չեմ սխալւում, Տաթեւի ճոպանուղին էդ ծրագրի շրջանակներում է կառուցուել...

[ahousekeeper]

Ավելի ճիշտ. այդ ծրագրի շրջանակներում որոշեցեին ստեղծել «Հայաստանի մրցունակության հիմնադրամ», որոշեցին ՀՀ-ն դարձնել «տուրիստական դրախտ» և այլն... Ճոպանուղին կարող էին առանց գիտաժողովներ հավաքելու էլ կառուցել կամ Բեկորին ամսական 20000 դոլար աշխատավարձ տալու։

Ի դեպ, Տաթևի ճոպանուղու տնտեսական արդյունավետությունն ու «զարգացնող գործոն» լինելն ինձ համար խիստ կասկածելի է։ Այդպես էլ չկարողացա որևէ հաշվարկներ տեսնել, որ արդարացներ այդ նախագիծը։ Կասկածներ ունեմ, որ 7-8 տարուց նույն «Արմենիա 2020» բախտին է արժանանալու։

[lernci]

Պարզ է:
Տաթեւի տարածքը, միջավայրը ունեն լրիւ հնարավորութիւնները տուրիզմի զարգացման համար:
Պարզապէս պիտի լաւ աշխատեն:

[ahousekeeper]

Ըստ իս, ավելի ճիշտ կլիներ ճանապարհներ վերականգնել։ Ու իրական արտադրությունն ու գյուղատնտեսությունը զարգացնել։ Զբոսաշրջությունը՝ ձեռքի հետ։

[yuliaantonian]

Վայ էն գլխից պարզ էր որ ոչ մի բան էլ չի լինի: Չգիտեմ մի մարդ որ կասկածներ չհայտներ: Բայց թե փող տվող կար, մարդիկ կային ովքեր ուզում էին փողից օգտվել և դարձավ "ծրագիր": Միջոցների փուչ վատնում: Ճոպանուղին գոնե ինչ որ արդյունք ա նյութական, Արմենիա 2020-ը իր նյութական մարմնավորումը ունեցավ միայն մի քանի տասնյակ դպրոցական շարադրություններում /ով հիշում է, մրցույթ էր հայտարարված/

[ahousekeeper]

> իր նյութական մարմնավորումը ունեցավ միայն մի քանի տասնյակ
> դպրոցական շարադրություններում /ով հիշում է, մրցույթ էր
> հայտարարված/

Ոչ էլ լսել էի այդ մասին :)

[noni_no]

ինձ թվում է, դա ուղղակի Ռուբեն Վարդանյանի գումարները տակով անելու գործունեության մի տեսակ էր, ոնց որ և ազգային մրցունակության հիմնադրամը

Իսկ ի՞նչ վատ բան կա

[ext_208914]

Զբոսաշրջիկության մեջ։ Հայաստանն իրեն այսօր չի կերակրում՝ ներմուծումը անգամներ մեծ է արտահանումից։ Դա արդեն տնտեսապես թերի է։ Իրական արտահանման աղբյուրները շատ չեն, իսկ զբոսաշրջիկությունը բավական շահավետ է երկրի համար։

Re: Իսկ ի՞նչ վատ բան կա

[ahousekeeper]

Պատերազմող ու երկու հզոր թշնամիներով շրջապատված երկիրը պիտի ունենա գոնե մասամբ ավտոնոմ իրեն ապահովելու հնարավորություն։ Գյուղատնտեսություն պիտի ունենա, որոշ արդյունաբերություն։

Տուրիզմը կարելի էր ողջունել, բայց ոչ երբ այն առաջ է մղվում, որպես գերակա ոլորտներից մեկը՝ ի վնաս մնացած ոլորտների։ Չնայած մեր դեպքում ոչ էլ թե իրականում մղվում է։ Միայն խոսակցություններ են ու փող մսխոցի։

Re: Իսկ ի՞նչ վատ բան կա

[ext_208914]

Դրանք արտահանման իրատեսական աղբյուր չեն։ Մեր երկիրը ռիսկային գյուղտնտ. գոտի է։ Արտահանման զգալի ծավալների համար ահագին ու ահագին գումար է պետք ներդնել զարգացման ու շուկա բրդելու համար։ Ընդ որում ռուսական շուկայից բացի էլ շուկա չկա մեր համար։ Արդյունաբերական արտադրանքի համար հումքի անխափան ներհոսք է պետք իսկ մենք շրջափակման մեջ ենք։
Տակը ի՞նչ մնաց։ IT, բանկային ոլորտ ու տուրիզմ։ Ինչքան էլ կարճատես լինեն մեր իշխանություններն այդքանը հասկանում են, ու որոշ քա՛լեր անում են։
Մյուս կողմից տուրիզմին չափոց դուրս զոռ տալն էլ լավ չի՝ ՁԻԱՎ, բարոյականության դիֆֆուզիա և այլն։