Пра навальніцу і дуду
Сёння добра лупіць навальніца, маланкі па ўсяму небу, моцны вецер. Люблю такое надвор'е. І вельмі часта хочацца пад залевай з маланкамі залезці на дах дома і раўці дудой. Менавіта так, каб яна раўла разам з грымотамі на ўсю ваколіцу. Але...вельмі шкадую інструмент, бо адчуваю, што залевай дуда будзе яўна незадаволена) Таму я ў сваім пакоі, ля кампа з кубкам кавы побач з расчыненым акном, за якім маланкі размалёўваюць цёмны сусвет...