Мезе, цёрат, моратано моро?!
Александр Арапов
Мезе, цёрат, моратано моро?!
«Мезе, цёрат, моратано моро?!
Валтнэнь уш мусынек кодаяк!
Эрзянь моро серьгедтяно, цёрат:
Столесь сюпав, оймесь - седеяк!»
Ансяк ваныть, чатьмонить цёратне,
Прок кинь-бути учить - сеть а сыть.
Сормсизь коняст. Истя тарныть прятне,
Теке алкукс морамо арсить.
«Нать, истямо эрзянть уцясказо
Ды чанстензэ, нать, истямо шкась:
Ёмась эрзянь моронть содыцязо, -
Нурдо ули - алаша арась».
«Те а истя! - стясь иредезь цёра, -
Эрзятне содасызь эсь морост!!!
Чатьмонеде! Мон мораса моронть,
Эрзянь моронть «Ой, мороз, мороз…»