Раздаем нашых цудоўных сонечных купальскіх кацянятаў! : vjadzmarka

vjadzmarka

Раздаем нашых цудоўных сонечных купальскіх кацянятаў!

Aug 13, 2012 00:14

UPD Кацяфак вельмі хутка разабралі і праз тыдзень яны будуць у новых гаспадароў! Дзяўчынкі ў Мінску, хлопчык у вёсцы. Вельмі спадзяюся, што ім там будзе добра... Шкада аддаваць та ))

Нарадзіліся 6.07.12. Мамка Каська, татка дакладна невядомы, але напэўна мясцовы бэжавы кот.
Кацянятаў будзем аддаваць, калі ім будзе каля 2х месяцаў - у пачатку верасьня, але будзем рады пакінуць іх за кім-небудзь ужо зараз. Апісаньні кацянятаў пад фотамі. Характары пакуль не зразумелыя, але думаю ня будуць такія злосныя недатыкі, як мамка - старэйшая сястрычка Лапа не такая, а вельмі нават ласкавая і цярплівая котка.

Кацянятаў можам даставіць у Мінск, Мінскі, Валожынскі, Смаргонскі ці Ашмянскі раён. Можам прывесьці некалькі на выбар.

Заўвага па полу: па-мойму дарма людзі часта аддаюць перавагу катам, а ня коткам - па нашыш назіраньнях каты часта бываюць вельмі крыклівамі не залежна ад некранутасьці іх палавой функцыі, а за коткамі такога ніколі не назіралі.

Калі ў вас ужо ёсьць кот, гэта ня значыць, што вам не патрэбны яшчэ! =) па ўласным досьведзе: два каты - гэта больш, чым у два разы круцей, чым адзін кот =) столькі замілаваньня ад іх сумеснага сну, абдымашак і аблізушак, і ім нашмат весялей гуляцца разам, менш будуць даставаць гаспадароў, калі ім сумна. А даглядаць аднаго ката, ці двух - розьніцы практычна няма.

P.S. Хлопчыка зарэзервавалі, але можна стаць у чаргу, раптам у тых не атрымаецца. І падумаць аб тым, што дзяўчынкі яшчэ лепш =)

Зьлева направа: Мя-мя (ж), Му-мур/Амур (м), Мі-мі (ж).
Імёны часовыя працоўныя. Пухнатасьць у іх сярэдняя, не магу пакуль сказаць, якімі яны будуць... Але пэўна не такія пухнатыя як мамка Каська, магчыма такія, як старэйшая сястрычка Лапа - поўсьць кароткая, але вельмі-вельмі мяккая - аксамітавая.