2021 г.

[vikt]

Год праляцеў.

1. Сям'я.
Падзея года: 14 чэрвеня нарадзілася дачка Маша.
З Пашам працягваю размаўляць толькі па-англійску, вынікі цешаць.
2. Бізнес.
Увесь год працавалі дыстанцыйна. Офіс пакінулі для тых, хто добраахвотна туды ходзіць, ды для навічкоў, якім першыя месяцы трэба працаваць у офісе.
Пад канец года заўважна выраслі колькасцю людзей.
Развіваем Data Science.
3. Выкладанне.
Вёў заняткі і анлайн, і афлайн.
У лістападзе і снежні правёў новы трэнінг: "Принятие решений и системное мышление".
Гэта першая прэм'ера майго прадукту за чатыры гады: з 2017 г., калі ўпершыню правёў "Прагматичный этикет".
І яшчэ гэты прадукт - першы, які я рыхтаваў адразу для анлайну, а не адаптаваў з афлайн-версіі.
4. Геаграфія.
Егіпет (люты), Тбілісі (адзін дзень у верасні), Кіеў (два тыдні ў верасні і кастрычніку).
Крыху паездзіў і па Беларусі: Узда, Брэст, Лагойск, Плешчаніцы, Бягомль.
5. Іншае.
Ажно два вялікія велапрабегі з братам: у ліпені ("зелёное велокольцо Минска") і ў жніўні (Раўбічы).
Даў у жніўні вялікае інтэрв'ю Анлайнеру.