па-над белым пухам сакуры :)

[veragodna]

З падачы Галі maggalia 透明 - Томэй, вось вам мае "вольныя хоку" па матывах беларускай класікі.

Чарвяк у бруднай лужыне
З пагардай паглядае на арла -
УСЕ мы разам ляцім да зор!

***
Што гэта за мілае дзіця
На руках у жонкі самурая?
Трэба дома бываць часцей, о воін...

Comments

[asnoru]

Калі б і Купала складаў хоку
То хiба не лепш за Верагодну
Бо ён самурай лагічна жа чо

[veragodna]

:)
Насамрэч хоку - цвёрдая форма верша, патрабуе канкрэтнай колькасці складоў у радку (5-7-5). Так што тут Верагодна халтурыць :).

[maggalia]

А вось знаёмыя хайдзіны кажуць, што ў хоку, напісаных на славянскіх мовах, адхіленні ад 5-7-5 яшчэ як дазваляюцца! Дык давай адхіляцца са спакойнай душой!

[veragodna]

Гэта яны робяць сабе палёгку :)). Я студэнтам не дазваляю адхіляцца. У хоку рытм такі спецыфічна-непаўторны. Больш за тое, не дазваляю перанос слоў, метафарычнасць і г.д. Карацей, разбіраем памылкі славянскіх паэтаў у напісанні хоку, спрабуем спасцігнуць усякія аварэ-югэн і толькі пасля пішам.

[maggalia]

Пра метафарычнасць-рытм-словы таксама ведаю...
Але мне зараз нельга ўключаць перфекцыянізм, бо я хвалююся ))) Таму пагуляюся проста і з адхіленнямі ))

[veragodna]

А я не хвалююся, але не знайшла ніводнага трапнага класічнага радка, каб у пяць складоў упісаўся. Ну, і вырашыла, што калі спашлюся на першакрыніцу, то і правілы яе (дакладней, іх адсутнасць) запазычу :).

[asnoru]

Дзякуй, пра гэта я не падумаў.:) Памятаю я гуляўся цвёрдымі формамі, але эўрапейскімі. Гэта быццам бы маё першае хоку, так што, думаю, некаторая халтурнасць даравальная.

[veragodna]

Я сваю халтуру мела на ўвазе :). Я ж літаратуразнаўца.

[asnoru]

Усё-такі я халтуру. Трэба так.:)
Калі б і Купала складаў хоку
То сапраўды не лепш за Верагодну
Бо ён самурай лагічна жа чо

А калі сур'ёзна, то пані прымусіла мяне задумацца, што для напісання хоку таксама трэба якое-ніякае майстэрства. Я заўсёды лічыў, што гэта семечкі, хоць і тое праўда, што я нават ніколі і не думаў вывучыць правілы напісання хоку. Карацей кажучы, гэта цікава. Дзякуй. :)

[veragodna]

:)

Насамрэч хоку - надзвычай складаны жанр. Там безліч патрабаванняў да формы, а яшчэ больш - да "духу" верша, і многія з іх для нас, людзей не-ўсходняй культуры, проста недасяжныя.