Մոռացուած բառապաշար

[vaykuneci]

Տարիներ շարունակ խորհում եմ հայերէնի «մոռացուած բառապաշարի» իւրօրինակ փոքր բառարան ստեղծելու մասին, որը կը պարունակէր հարիւրաւոր (եթէ ոչ հազարաւոր) այնպիսի բառեր, որոնք ներկայիս աշխարհաբարների բառադարանից դուրս են մնացել:

Comments

[ahousekeeper]

Շատ հրատապ թեմա է, որ վաղուց եմ ուզում բարձրացնել ու հա «ձեռքս չի հասնում»։

Շնորհակալություն!

[noni_no]

հետաքրքիր է, բացատրական բառարանում ներառվու՞մ են էս բառերը, դեռ առաջին երկու հատորն ունեմ, էստեղ տված բառերը մյուս երկուսում կլինեն:

[vaykuneci]

Նարինէ ջան, Մալխասեանի «Բացատրականում» իմ իմացութեամբ պէտք է ի մի բերուած լինի այդ պահին գիտնականին հասանելի եղած հայերէնի ողջ յայտնի բառապաշարը: Յամենայն դէպս, հարկ է պեղել գրաբարի առկայ բոլոր կոթողային բառարանները: «Մանրից» այս գործով կը զբաղուենք: Ճ

[noni_no]

շատ լավ գործ:)

[sos_movsisyan]

Հարգելի[info]vaykuneci, նոր բառարանի ի՞նչ անհրաժեշտություն կա, երբ այդ բառերը կան Հայկազյան բառագրքում:

[vaykuneci]

Հարգելի պարոն Մովսիսյան: Նոր բառարանի իմ մատնանշած կարիքը գերազանցապես գործնական բնույթի է` ի մի բերել ամենատարբեր պատճառներով հայերենի կենդանի գործածությունից դուրս մնացած հսկայական բառաշերտը, որը հետագայում կարելի է ընտրովի վերստին կիրառելի դարձնել` մեր հոմանիշային համակարգը ճոխացնելու և մեր լեզվին եզրութաշինական (տերմինաբանական) ընդլայնված հնարավորություններն ընծայելու համար: Բացի դրանից այդ «մոռացված» բառապաշարը լայնորեն սփռված է տասնյակ բառարանների մեջ, բայց այն երբևէ ի մի բերված և առանձնացված չի եղել: Ուստի այդօրինակ առանձին բառարանի առկայությունը մեծապես աջակցելու է գրաբարն ուսանելու մեջ ներթափանցող և, առհասարակ, հայերենի բառագանձն առավել ամբողջապես ճանաչել կամեցող անձանց:

[sos_movsisyan]

Գուցե դուք ճիշտ եք ասում, բայց հիմա հազիվ թե որևէ մեկն այդ ծանր բեռի տակ մտնի: Բառարան կազմելը շատ աշխատատար ու երկարատև պրոցես է, մանավանդ հիմա հոնորար վճարող չկա: