Образъ Влады́чень подпису́ет Іо́сифъ...
Образъ Влады́чень подпису́я Іо́сифъ, въ ро́въ вве́рженъ быва́етъ, продае́тся отъ сро́дникъ, вся́ терпи́тъ приснопа́мятный, во о́бразъ пои́стиннѣ Христо́въ. (Песнь 1-я трипесца на повечеріи).
Втору́ю Еву еги́птяныню обрѣ́тъ змíй глаго́лы, тща́шеся ласка́ньми запя́ти Іо́сифа, но то́й оста́вивъ ри́зу, бѣжа́ грѣха́, и на́гъ не стыдя́шеся, я́коже первозда́нный пре́жде преслуша́нія. Того́ моли́твами, Христе́, поми́луй на́съ. (Стихира на утренѣ).
Во святы́й и Вели́кій понедѣ́льникъ па́мять твори́мъ блаже́ннаго Іо́сифа Прекра́снаго и изсо́хшія смоко́вницы, зане́же нача́ло отсю́ду пріе́млютъ святы́я Стра́сти Го́спода на́шего Іису́са Христа́, Іо́сифъ же во о́бразъ Сего́ пе́рвѣе пріе́млется.
Се́й у́бо сы́нъ послѣ́дній бя́ше патріа́рха Іа́кова, отъ Рахи́ли ему́ рожде́нный. Отъ свои́хъ же бра́тій позави́дѣнъ бы́въ нѣ́кихъ ра́ди во снѣ́ видѣ́ній. Пре́жде у́бо во ископа́ніе ро́ва скрыва́ется, и оте́цъ его́ отъ дѣте́й пре́лестію, окровавле́нною ри́зою, украда́ется, я́ко отъ звѣ́ря изъя́денъ бы́сть. Та́же на три́десятихъ сре́бреницѣхъ про́данъ быва́етъ исмаили́томъ, и́же па́ки продаю́тъ его́ Пентефрíю, нача́льнику скопце́й царя́ Еги́петскаго - фарао́на. Неи́стовствовавшей же госпожѣ́ его́ на цѣлому́дріе ю́ноши, поне́же беззако́нія содѣ́яти не восхотѣ́, ри́зу оста́вль, отбѣже́, она́ же господи́ну его́ оболга́етъ его́. И у́зы, и темни́ца го́рькая сего́ пріе́млетъ. Та́же разрѣше́ніемъ сно́въ изво́дится, и царю́ явля́ется, и господи́нъ всея́ земли́ Еги́петскія поставля́ется. Па́ки же пшеницода́тельствомъ бра́тіямъ явле́нъ быва́етъ и, вся́ческое своего́ живота́ до́брѣ препроводи́въ, во Еги́птѣ умира́етъ.
Образъ же се́й Христо́въ, зане́ и Христо́съ отъ единоплеме́нныхъ іуде́й зави́ствуемь быва́етъ, и отъ ученика́ на три́десяти сре́бреницѣхъ продае́тся, и во мра́чный и те́мный ро́въ - гро́бъ, заключа́ется, и отту́ду самовла́стно восторгну́вся, ца́рствуетъ надъ Еги́птомъ, я́вѣ на вся́кій грѣ́хъ, и до конца́ сего́ побѣжда́етъ, мíромъ же всѣ́мъ облада́етъ, и человѣколю́бно искупу́етъ на́съ та́инственнымъ пшеницода́тельствомъ, я́ко Са́мъ Себе́ за на́съ да́вый, и я́ко пита́етъ на́съ Небе́снымъ Хлѣ́бомъ - Свое́ю Живоно́сною Пло́тію. По сему́ у́бо словеси́ прекра́сный Іо́сифъ ны́нѣ пріе́млется.
Прекра́снаго Іо́сифа моли́твами, Христе́ Бо́же, поми́луй на́съ. (Изъ синаксаря)
Втору́ю Еву еги́птяныню обрѣ́тъ змíй глаго́лы, тща́шеся ласка́ньми запя́ти Іо́сифа, но то́й оста́вивъ ри́зу, бѣжа́ грѣха́, и на́гъ не стыдя́шеся, я́коже первозда́нный пре́жде преслуша́нія. Того́ моли́твами, Христе́, поми́луй на́съ. (Стихира на утренѣ).
Во святы́й и Вели́кій понедѣ́льникъ па́мять твори́мъ блаже́ннаго Іо́сифа Прекра́снаго и изсо́хшія смоко́вницы, зане́же нача́ло отсю́ду пріе́млютъ святы́я Стра́сти Го́спода на́шего Іису́са Христа́, Іо́сифъ же во о́бразъ Сего́ пе́рвѣе пріе́млется.
Се́й у́бо сы́нъ послѣ́дній бя́ше патріа́рха Іа́кова, отъ Рахи́ли ему́ рожде́нный. Отъ свои́хъ же бра́тій позави́дѣнъ бы́въ нѣ́кихъ ра́ди во снѣ́ видѣ́ній. Пре́жде у́бо во ископа́ніе ро́ва скрыва́ется, и оте́цъ его́ отъ дѣте́й пре́лестію, окровавле́нною ри́зою, украда́ется, я́ко отъ звѣ́ря изъя́денъ бы́сть. Та́же на три́десятихъ сре́бреницѣхъ про́данъ быва́етъ исмаили́томъ, и́же па́ки продаю́тъ его́ Пентефрíю, нача́льнику скопце́й царя́ Еги́петскаго - фарао́на. Неи́стовствовавшей же госпожѣ́ его́ на цѣлому́дріе ю́ноши, поне́же беззако́нія содѣ́яти не восхотѣ́, ри́зу оста́вль, отбѣже́, она́ же господи́ну его́ оболга́етъ его́. И у́зы, и темни́ца го́рькая сего́ пріе́млетъ. Та́же разрѣше́ніемъ сно́въ изво́дится, и царю́ явля́ется, и господи́нъ всея́ земли́ Еги́петскія поставля́ется. Па́ки же пшеницода́тельствомъ бра́тіямъ явле́нъ быва́етъ и, вся́ческое своего́ живота́ до́брѣ препроводи́въ, во Еги́птѣ умира́етъ.
Образъ же се́й Христо́въ, зане́ и Христо́съ отъ единоплеме́нныхъ іуде́й зави́ствуемь быва́етъ, и отъ ученика́ на три́десяти сре́бреницѣхъ продае́тся, и во мра́чный и те́мный ро́въ - гро́бъ, заключа́ется, и отту́ду самовла́стно восторгну́вся, ца́рствуетъ надъ Еги́птомъ, я́вѣ на вся́кій грѣ́хъ, и до конца́ сего́ побѣжда́етъ, мíромъ же всѣ́мъ облада́етъ, и человѣколю́бно искупу́етъ на́съ та́инственнымъ пшеницода́тельствомъ, я́ко Са́мъ Себе́ за на́съ да́вый, и я́ко пита́етъ на́съ Небе́снымъ Хлѣ́бомъ - Свое́ю Живоно́сною Пло́тію. По сему́ у́бо словеси́ прекра́сный Іо́сифъ ны́нѣ пріе́млется.
Прекра́снаго Іо́сифа моли́твами, Христе́ Бо́же, поми́луй на́съ. (Изъ синаксаря)