К уходящему Воскресному дню
Пою́ще, мо́лимъ тя́ прилѣ́жно: о Це́ркви моли́ся, Кресто́мъ побѣ́ды дарова́ти Импера́тору, правосла́внѣй же вѣ́рѣ крѣ́пость на е́реси враго́въ, на́мъ же спасе́ніе, ми́ръ же мíру, въ твое́й па́мяти, Аѳана́сіе.
(Песнь 9-я отъ канона Святителю Афанасію). Возноше́ніе на Христо́въ взе́млющееся ра́зумъ и Сего́ Богома́терь, Кири́лле, вся́кое крѣ́пцѣ низложи́лъ еси́ Несто́рія безбо́жное, сыно́въ дво́ицу, та́кожде и слія́ніе безгла́вныхъ есте́ствъ.
Свы́ше на́съ, пѣвцы́, приснопа́мятне, назира́еши, о́тче, ми́лостивно, Импера́тору побѣ́ды крестоно́сному подая́ и возвыша́я моли́твами твои́ми ро́гъ правосла́вныхъ, уясня́я же твою́ па́мять велича́ющія.
(Песнь 9-я отъ канона Святителю Кириллу).