МЫ - ПАКАЛЕНЬНЕ “Ы!”, альбо ПОСТТУТЭЙШЫЯ
* * *
- Якую асацыяцыю ў вас выклікае слова “балота?”
- Бацькаўшчына.
Мой адказ на лекцыі па культуралогіі.
Мы - пакаленьне “Ы!”
Мы - мікс усіх легендаў,
у нас агульны гендэр-
мы пакаленьне “Ы!”.
Кумір адзін пазаўтра -
тутэйшы Бульбазаўра.
Мы сімулякр-дзярЖЖава,
ў якой на гербе ЖЖаба.
Адзіны наш сымболь-
постіранічны боль.
Мы сьпім па тры гадзіны,
ў кішэнях носім міны.
Мы - людзі зь белай гліны
й з чырвнонага віна.
Ня наша ў тым віна.
Гісторыі рэмэйк.
Давайце ўрэшце make!
Мы - выбарчыя тэзы,
тэзэі і пратэзы.
Алюзіі на тэксты.
Джудовыя пратэсты.
Мы пакаленне Ы!
Мы - homo posttutejshy.
Мы - эўрапейскасьць гейшы.
Кожны чацьверты - першы,
бо нас ратуюць вершы.
Мы пакаленне Ы!
Князі і ваўкалакі -
даецца Крыўя ў знакі.
Паэты-неба/ракі.
Арфеі-Вылівахі.
Мы ўнукі Белабога
ды Езуса трывога.
Глядзім у бездань неба
і робіцца ганебна.
Мы нашыя імёны
запосьцім у пісьмёны.
Наш час ушчэнт стамлёны,
дзіцячы і шалёны.
Вясною абвастрэньні
у нашым пакаленьні.
Мы пакаленьне “Ы!”:
мы ўнукі даваенных,
мы дзеці скрозь савецкіх.
Ды ўсе мы прагнем зьменаў -
ня рымскіх, не нямецкіх -
а проста ўдупель вольных,
пэрфэктных і няўмольных.
Мы дома - у тры ломкі.
Мы - лабухі-нязломкі.
Мы пакаленьне “Ы!”:
мы - новыя эліты
забітай паспаліты.
Стваральнікі і міты,
мы матамі пакрыты.
Мы пакаленьне “Ы!”:
мы - дрыгавіцкі драйф,
мы ўсе - ліцьвінскі лайф,
мы ўсе - крывіцкі кайф.
Мы пакаленьне “Ы!”
P.S. Тутака можна дадаць цікавостку "посттутэйшыя".
P.P.S. Дыскусія пра сэнс тэрміну (панятку) "посттутэйшыя".