Веселися, земле Саратовская
Для Саратова Ильин день, 2 августа, - праздник особый. В этот день в 1955 году в обители Небесного Отца отошел епископ Саратовский и Балашовский Вениамин (Милов). Наверное, не будет преувеличением, если я скажу, что из всего немалого сонма подвижников благочестия и новомучеников, связанных с моей родной епархией, епископ Вениамин является самым почитаемым среди верующего народа. Несмотря на то, что срок его пребывания на Саратовской кафедре был очень мал - менее полугода, добрая память, оставленная святителем в сердцах и памяти его паствы, жива и по сей день.
Ежегодно в день его блаженного упокоения на его могиле на Воскресенском кладбище Саратова собираются люди. Те, кто знал его при жизни, и те, кто лишь недавно услышали об исповеднике веры, почивающем в саратовской земле, приходят почтить его в своих молитвах. С утра до позднего вечера духовенство саратовских храмов служит панихиды о приснопоминаемом епископе Вениамине.
Многие верующие уверены в святости почившего подвижника, просят его предстательства перед Богом о себе и своих близких.
Я размещаю здесь, в ЖЖ, икону святителя и канон ему, составленный в 2003 году. Я знаю, что многие почитатели приснопамятного исповедника молятся ему как святому, однако считаю своим долгом напомнить, что сии богослужебные тексты до прославления Владыки в лике святых предназначены только для келейного употребления.
Канон святому священноисповеднику Вениамину
Творение диакона Максима
Тропарь, глас 3:
Веселися, земле Саратовская, / ликовствуй, Лавро Сергиева, / торжествуй, обитель Богоматери, / яко дивнаго заступника вашего память прииде днесь. / Взыграйте, людие, ходатая нашего дивнаго воспевающе, / исповедника крепкаго Веры Истинныя, / безбожия злобу посрамившаго / терпением и молитвы своими. / Темже, сошедшеся в памяти его, взываем тепле: / Вениамине, святителю Христов, / поминай чтущих память твою, // предстоя Престолу Вседержителя.
Канон святому, глас 1, его же краегранесие:
Святителю Христов, помолися убо о нас
Песнь 1
Ирмос: Песнь победную поим вси Богу, сотворшему дивная чудеса мышцею высокою, и спасшему Исраиля, яко прославися.
Припев: Святый священноисповедниче Вениамине, моли Бога о нас.
Сам совершен Сый, Иисусе Христе, не возгнушайся моих скверн и грехов, и благодать Твою пренебесную мне низпосли, яко да празднественными пении прославлю угодника Твоего, святителя пречуднаго Вениамина.
Веры Православныя пречуден исповедник показался еси, чудотворче, темже и нам испроси от Господа крепость и терпение, егда скорби тяжции приидут на ны, да возможем и во обстояниих возхвалити Господа, славно бо прославися.
Явился еси земли Саратовския светильник горяй и светяй, не под спудом, но на свещнице архиерейства уставленный, просвещаяй сущия во тме безбожия и согреваяй молитвами оляденевшая людския сердца, мы же ныне возхваляем тя, и благодарения приносим Богу, тя прославльшему.
Богородичен: Ты еси святейшая Небесных Сил и пречистейшая всякия твари, Владычице, не престай моляся к Сыну Своему, да помилует души наша.
Песнь 3
Ирмос: Камень, егоже небрегоша зиждущии, сей бысть во главу угла: той есть камень, на немже утверди Церковь Христос, Юже от язык искупи.
Иже древле отцем Богопросвещенным в разум догматы веры правыя Вложивый, и тебе, святителю, богословствовати по истине научи, яко да и ны научиши зрети высоты неудобозримыя, ихже песнотворцы святыя во псалмех и песнех запечатлеша.
Таинственне от Бога извещен бысть священноинок Николай, иже высоту твою духовную исповеда, Вениамине священне, и правило тебе молитвенное заповедав, на служение Богу благослови. Ему же ныне вкупе предстоите, новии Российстии страдальцы, о земле нашей Того умоляющи.
Естеством человек быв, Ангелом поистине уподобился еси, страстоносче, в гонении от безбожных Богу хваление возсылая, якоже и безплотнии, не престая.
Богородичен: Людем российским Царица и Владычице Державная, скиптр Царский от руки земнаго Царя приявшая, Марие, Мати милосердая, на чада Твоя призри от высоты Небесныя, и защити, и пагубы изми всегубительныя поющия Тя.
Седален, глас 2.
Подобен: Егда начинахуся:
Егда совершися Суд Божий над Церковью Российскою, и помыслиша людие яко уже кончина мира при дверех есть, тогда ты, о святителю, о Любве Божественней книгу написал еси, да уразумеют вси, яко промышляет и ныне Господь над чады Своими, и ничтоже любовь Его превозмощи силу имать, наипаче же яко Церковь Божия неодолима адовыми враты во веки пребудет, и, аще и наказует, но и возставляет падшия Господь.
Слава, и ныне, Богородичен:
Светлое пророческое сбытие, радуйся, о Марие Богоотроковице, Ковчег, имеяй внутрь не скрижали Моисеовы, но Написовавшаго сии скрижали иногда, радуйся, Горо несекомая, высшая вещественных гор, на руку Своею носившая Егоже трепещут море и бездны, радуйся, Стамно и Жезле, радуйся, Утробо Божественнаго воплощения.
Песнь 4
Ирмос: Духом провидя пророче Аввакуме, Словесе воплощение, проповедал еси вопия: внегда приближитися летом, познаешися, внегда приити времени, покажешися, слава силе Твоей, Господи.
Юн сый возрастом во град Саратов пришел еси, послежде, сединами убелен, в нем упокоился еси, святче пречудне, Фесвитянина заступничеством чудно покровен, и в день памяти его в Небесныя обители преселивыйся, с ним предстательствуй о рабех твоих.
Худости нашея и убожества не презри, Вениамине Богопрославленне, но не престай воздевати твои руце молебне о граде твоем и о всяком граде и стране, идеже есть христианское жительство.
Российския земли пастырь добрый показался еси, всю тую молитвы своими освятивый, иже от обители Соловецкия, и от веси Архангельския, и от степей Казахстанских возносимыми, идеже страдания от богоборцев претерпевал еси.
Богородичен: Иноков и всех верных христиан наставнице и теплая предстательнице, мучеников и исповедников укрепление, кающихся во гресех своих Споручнице присная, не остави нас, на предстательство Твое уповающих.
Песнь 5
Ирмос: От нощи утренююще, воспеваем Тя Христе Боже, обнищавшаго нас ради, и смерть плотию претерпевшаго.
Сына Божия проповедаша новии страдальцы Российстии, от Онего же укрепляеми, во узилища ввержени. В лице сих дивно ныне сияет и святый Вениамин, у Престола Вседержителева о нас присно ходатайствующий.
Терпением своим небесных чины возвеселил еси, чистотою своею ангелом уподобился еси, верным же образ словом и житием явился еси, в гонении сущия ободрял еси, и ныне молися о спасении душ наших.
Обрел еси подвиги твоими безценный бисер - Христа, Егоже в сердцы своем непрестани носил еси, святителю, и Сего верным туне преподавал еси, Таинство Тела и Крове в трепете велицем совершая, ныне же Престолу Его предстоиши в свете неизреченнем.
Богородичен: Вопием к Тебе, Пренепорочная Владычице, раби неключимии: предстательством Своим не остави град наш и страну и вся в ней благочестно жительствующия, и во обители, уготованные Сыном Твоим, вселитися сподоби.
Песнь 6
Ирмос: Пророка Иону подражая, вопию: живот мой, Блаже, свободи из тли, и спаси мя, Спасе мира, зовуща: слава Тебе.
Первосвятителем Церкве Российския неложное послушание показал еси, священная главо, не уклоняяся ни надесно, ни шуее, и нас такожде пребывати в корабли Святыя Церкве укрепи, да не будем из Нея извержены, якоже древле Иона.
Отцу и Сыну и Святому Духу покланятися истинно и твердо верных призывал еси, новый Российский исповедниче, и служити Ему единому и ничесоже знати, токмо Христа Распятаго, аще и ныне безумнии глаголют, яко несть Бог, и в делех сие безбожие понуждают показовати.
Мучениколюбцы, приидите ныне, стецытеся у раки сего страдальца предивнаго, лет седьмнадесять во узилищах от безбожных томимаго, веру правую даже до последняго издыхания своего исповедавшаго, и по преставлении своем благодать от Бога приявшаго молитися о спасении погибающих людий паствы своея.
Богородичен: Огнь Божества во утробе Своей поносила еси неопально, Пренепорочная, и Матернее дерзновение к Сему прияла еси. Помолися к Сыну Своему, да и мы не опалимся, егда огнь Таин Его Святейших внидет в ны, и оставлены будут нам греси наша.
Кондак, глас 2:
Новаго и предивнаго исповедника Церкве Российския, / сошедшеся, восхвалим днесь. / Се бо прославляет Господь любящаго Его, / и мы радостне взываем: / угодниче Христов Вениамине, / в предстательстве крепок буди, // и никтоже одолеет ны.
Икос:
Огненное искушение на землю нашу и пленение седмидесятолетнее народу нашему попустил еси, Милосерде Господи, но обаче не прогневался еси до конца, аще и по грехом нашим достойни быша сего, и утешил еси Церковь Твою явлением великаго сонма новых страдальцев Твоих, кровьми своими ризы своя убеливших и свобождение от ига безбожнаго испросивших нам, в ихже сонме возсиял нам и великий святитель Твой Вениамин, ныне во Царствии Твоем светлем тепле молящийся о нас. Не помяни окаянства нашего, Вседержителю, но приклони ухо Свое на молитвы его, и никтоже одолеет ны.
Стихира, глас 6:
Егда сан епископский / от руки Первопрестольника Церкве Российския / восприял еси, отче преподобне, / тогда глаголал еси, / яко единонадесятый час твоея жизни уже наста, / и упование имееши ко Господу, / яко да с работниками онаго часа сопричтена тя быти сподобит. / Разумея ныне, / яко скорое свое отшествие / ко Владыце Виноградника предзрел еси, взываем ти: / умоли Христа Всемилостиваго, / да и нас не отринет от Своея благости, // и тояжде мзды на Небесех сподобит.
Песнь 7
Ирмос: Сущим в пещи отроком Твоим, Спасе, не прикоснуся, ниже стужи огнь. Тогда трие, яко единеми усты пояху и благословляху, глаголюще: благословен Бог отец наших.
Любити Бога Вышняго и творити заповеди Его достойно и праведно есть - сице поучал еси чада твоя, и сице житие твое проводил еси, блаженне, образ в том и нам непотребным показуя, да с тобою в Царствии Небеснем возможем благословити Бога отец наших.
Исходящу Исраилю от Египта и возвращающуся из пленения Вавилонскаго, благословяху людие еврейстии Сущаго, древле глаголавшаго Моисею в Купине. Ныне же паки тожде в земли нашей совершается святителя Вениамина и всех прочих новомученик молитвами, яко от ига безбожнаго Россия свобождается, и мы, людие русстии, благословляем Бога отец наших.
Сущаго Имя во устех призывающих Е ко присутствию Самаго Бога верныя в молитве приводит абие, тако глаголал еси, подвижниче. Ныне и нас, смиренно на помощь призывающих тя, нескверно призывати сие Святейшее Имя сподоби, да прославим и благословим Бога отец наших.
Богородичен: Явилася еси мирови Престол Предвечнаго Царя, Егоже и Силы Ангельские ужасаются на крилу носити, но человеческое естество тем с Богом сретила еси, Приснодево Пренепорочная, и мы ныне дерзаем взывати: благословен из Тебе воплотивыйся Бог отец наших.
Песнь 8
Ирмос: Егоже ужасаются Ангели, и вся воинства, яко Творца и Господа, пойте, священницы, прославите, отроцы, благословите, людие, и превозносите во вся веки.
Ублажаем тя, Венамине предивне, яко приснаго ходатая о граде твоем и всяком граде и стране христианских, и глас твой имамы во ушесех наших: благословите сотворшаго вся Господа и превозносите Его во вся веки.
Благо Ти, Господи, яко смирил ны еси, сице со пророком возглашаша людие русстии, в нощь безбожия ввержени, и сего ради не престает и доныне милосердие Божие, на народе нашем молитвами новых страдалец явленное, и единым сердцем и едиными усты Церковь воинствующая и Торжествующая благословят Господа и превозносят Его во веки.
Оставите скверноприбытчество, приимите убо попечение о душах словесных Господних овец и не будите наемницы, но пастырие воистину - тако призывал еси собратий твоих во пресвитерстве, но и мирстии людие да не превозносятся и хранят Заповеди Божии нелицемерно, да возмогут усты чистыми благословити Господа и превозносити Его во веки.
Богородичен: О Пречистая и Пренепорочная, и честных Безплотных Сил Честнейшая Дево! Возхвалити Тя по достоянию воистину немогущии есмы, но и малейшее и хуждшее сие пение не презри, и Сына Своего помиловати души наша умоли.
Песнь 9
Ирмос: Светоносный Облак, воньже всех Владыка, яко дождь с небесе на руно сниде, и воплотися нас ради, быв человек, безначальный, величаем вси яко Матерь Бога нашего Чистую.
Настави ны веровати и глаголати точию правая, ревнующе исповеданию твоему, о святителю, и шествовати стези твоими, прославляя Бога, дивнаго во святых Своих.
Аще и потщашася богопротивницы разорити гробие твое, исповедниче, обаче Силою Божиею невидимою остановлени быша. Ко вразумлению людскому бе сие, да не посрамлена пребудет Вера Православная.
Святых лики на Небеси достигл еси, отче блаженне, с ними же и с бесплотных собори припади убо ко Престолу вся в руце Своей Содержащаго Бога, и моли за ны, непотребныя раби Его, да не помянет беззаконий наших, но да пролиет и нам с Небесе милость Свою.
Богородичен: Величавый разум погубляется днесь, и мудрование витий изнеможе, еже пети Тя, Пречистая, но чистых сердец и простаго разума не отрини, вопиющих Ти: благословенна Рождшая Бога Вышняго.
Светилен
Подобен: Светло во страдании твоем:
Светло во страдании твоем возсиял еси нам, исповедниче, светлостьми чудес своих мира просвещаеши концы, во Свете Невечернем ныне пребывая, моли спастися душам нашим.
Слава, и ныне, Богородичен:
Приидите, возхвaлим Рождшую Бога Вeчнаго, обращaющаго к Себе сердца человеков и спасaющаго нaс молитвами Пречистыя Матери Своея и святых Своих угодников.
Молитва
О пречудный исповедниче Спаса Христа, чудотворче преизящнейший, Пресвятую Троицу о нас присно умоляющий, святителю предивный Вениамине! Ты во страдальчестве путь земнаго жития своего претекл еси, страдания за Веру Православную зело тяжции претерпел еси, и сего ради дерзновение обрел еси пред Престолом Владыки всея твари ходатайствовати о нас. Темже ныне припадаем к раце честных и многоцелебных мощей твоих и яко живу ти, сущу с нами, взываем: не остави многомощным твоим предстательством ныне нас, зде собранных на месте земных подвигов твоих, даруй нам вся яже ко спасению полезная и охрани нас, яко истинный наш пастырю, да не уклоняемся одесную ниже ошуюю от стези правыя, еюже шествовати Святая Церковь наставляет и заповедует. Угаси, о великий исповедниче Христов, возстания еретическая, разрастшияся яко терн посреде сеяния житницы Господния, исходатайствуй нам у Господа твердости и мужества дар, да противостанем врагом спасения нашего, а заблудшим и отторгнувшим себе от единства церковнаго возвращение не яко рабом, но яко сыном в дом Отчий испроси. Град сей и вся грады и страны, идеже есть христиан жительство, невредимы сохрани, избавляя от глада и губительства, от труса и воднаго потопления, брани междоусобныя и кровопролития братоненавистническаго. Ей, премилосердый наш пред Богом ходатаю, заступи ны, грешныя, в неизчетныя глубины темныя впадающия, да не погибнем по беззаконием нашим до конца, но да сподобимся, аще и воистину не имамы таковаго достоинства, при кончине жизни сея временныя услышати сладчайший оный глас Владыки нашего, призывающаго верных Своих в уготованный чертог и неизреченныя райския обители, идеже купно с тобою и со всеми новомученики и исповедники Российскими возможем славити Пречестное и Сладчайшее Имя Превечныя Троицы, Отца и Сына и Святаго Духа, в безконечныя веки. Аминь.
Ежегодно в день его блаженного упокоения на его могиле на Воскресенском кладбище Саратова собираются люди. Те, кто знал его при жизни, и те, кто лишь недавно услышали об исповеднике веры, почивающем в саратовской земле, приходят почтить его в своих молитвах. С утра до позднего вечера духовенство саратовских храмов служит панихиды о приснопоминаемом епископе Вениамине.
Многие верующие уверены в святости почившего подвижника, просят его предстательства перед Богом о себе и своих близких.
Я размещаю здесь, в ЖЖ, икону святителя и канон ему, составленный в 2003 году. Я знаю, что многие почитатели приснопамятного исповедника молятся ему как святому, однако считаю своим долгом напомнить, что сии богослужебные тексты до прославления Владыки в лике святых предназначены только для келейного употребления.
Канон святому священноисповеднику Вениамину
Творение диакона Максима
Тропарь, глас 3:
Веселися, земле Саратовская, / ликовствуй, Лавро Сергиева, / торжествуй, обитель Богоматери, / яко дивнаго заступника вашего память прииде днесь. / Взыграйте, людие, ходатая нашего дивнаго воспевающе, / исповедника крепкаго Веры Истинныя, / безбожия злобу посрамившаго / терпением и молитвы своими. / Темже, сошедшеся в памяти его, взываем тепле: / Вениамине, святителю Христов, / поминай чтущих память твою, // предстоя Престолу Вседержителя.
Канон святому, глас 1, его же краегранесие:
Святителю Христов, помолися убо о нас
Песнь 1
Ирмос: Песнь победную поим вси Богу, сотворшему дивная чудеса мышцею высокою, и спасшему Исраиля, яко прославися.
Припев: Святый священноисповедниче Вениамине, моли Бога о нас.
Сам совершен Сый, Иисусе Христе, не возгнушайся моих скверн и грехов, и благодать Твою пренебесную мне низпосли, яко да празднественными пении прославлю угодника Твоего, святителя пречуднаго Вениамина.
Веры Православныя пречуден исповедник показался еси, чудотворче, темже и нам испроси от Господа крепость и терпение, егда скорби тяжции приидут на ны, да возможем и во обстояниих возхвалити Господа, славно бо прославися.
Явился еси земли Саратовския светильник горяй и светяй, не под спудом, но на свещнице архиерейства уставленный, просвещаяй сущия во тме безбожия и согреваяй молитвами оляденевшая людския сердца, мы же ныне возхваляем тя, и благодарения приносим Богу, тя прославльшему.
Богородичен: Ты еси святейшая Небесных Сил и пречистейшая всякия твари, Владычице, не престай моляся к Сыну Своему, да помилует души наша.
Песнь 3
Ирмос: Камень, егоже небрегоша зиждущии, сей бысть во главу угла: той есть камень, на немже утверди Церковь Христос, Юже от язык искупи.
Иже древле отцем Богопросвещенным в разум догматы веры правыя Вложивый, и тебе, святителю, богословствовати по истине научи, яко да и ны научиши зрети высоты неудобозримыя, ихже песнотворцы святыя во псалмех и песнех запечатлеша.
Таинственне от Бога извещен бысть священноинок Николай, иже высоту твою духовную исповеда, Вениамине священне, и правило тебе молитвенное заповедав, на служение Богу благослови. Ему же ныне вкупе предстоите, новии Российстии страдальцы, о земле нашей Того умоляющи.
Естеством человек быв, Ангелом поистине уподобился еси, страстоносче, в гонении от безбожных Богу хваление возсылая, якоже и безплотнии, не престая.
Богородичен: Людем российским Царица и Владычице Державная, скиптр Царский от руки земнаго Царя приявшая, Марие, Мати милосердая, на чада Твоя призри от высоты Небесныя, и защити, и пагубы изми всегубительныя поющия Тя.
Седален, глас 2.
Подобен: Егда начинахуся:
Егда совершися Суд Божий над Церковью Российскою, и помыслиша людие яко уже кончина мира при дверех есть, тогда ты, о святителю, о Любве Божественней книгу написал еси, да уразумеют вси, яко промышляет и ныне Господь над чады Своими, и ничтоже любовь Его превозмощи силу имать, наипаче же яко Церковь Божия неодолима адовыми враты во веки пребудет, и, аще и наказует, но и возставляет падшия Господь.
Слава, и ныне, Богородичен:
Светлое пророческое сбытие, радуйся, о Марие Богоотроковице, Ковчег, имеяй внутрь не скрижали Моисеовы, но Написовавшаго сии скрижали иногда, радуйся, Горо несекомая, высшая вещественных гор, на руку Своею носившая Егоже трепещут море и бездны, радуйся, Стамно и Жезле, радуйся, Утробо Божественнаго воплощения.
Песнь 4
Ирмос: Духом провидя пророче Аввакуме, Словесе воплощение, проповедал еси вопия: внегда приближитися летом, познаешися, внегда приити времени, покажешися, слава силе Твоей, Господи.
Юн сый возрастом во град Саратов пришел еси, послежде, сединами убелен, в нем упокоился еси, святче пречудне, Фесвитянина заступничеством чудно покровен, и в день памяти его в Небесныя обители преселивыйся, с ним предстательствуй о рабех твоих.
Худости нашея и убожества не презри, Вениамине Богопрославленне, но не престай воздевати твои руце молебне о граде твоем и о всяком граде и стране, идеже есть христианское жительство.
Российския земли пастырь добрый показался еси, всю тую молитвы своими освятивый, иже от обители Соловецкия, и от веси Архангельския, и от степей Казахстанских возносимыми, идеже страдания от богоборцев претерпевал еси.
Богородичен: Иноков и всех верных христиан наставнице и теплая предстательнице, мучеников и исповедников укрепление, кающихся во гресех своих Споручнице присная, не остави нас, на предстательство Твое уповающих.
Песнь 5
Ирмос: От нощи утренююще, воспеваем Тя Христе Боже, обнищавшаго нас ради, и смерть плотию претерпевшаго.
Сына Божия проповедаша новии страдальцы Российстии, от Онего же укрепляеми, во узилища ввержени. В лице сих дивно ныне сияет и святый Вениамин, у Престола Вседержителева о нас присно ходатайствующий.
Терпением своим небесных чины возвеселил еси, чистотою своею ангелом уподобился еси, верным же образ словом и житием явился еси, в гонении сущия ободрял еси, и ныне молися о спасении душ наших.
Обрел еси подвиги твоими безценный бисер - Христа, Егоже в сердцы своем непрестани носил еси, святителю, и Сего верным туне преподавал еси, Таинство Тела и Крове в трепете велицем совершая, ныне же Престолу Его предстоиши в свете неизреченнем.
Богородичен: Вопием к Тебе, Пренепорочная Владычице, раби неключимии: предстательством Своим не остави град наш и страну и вся в ней благочестно жительствующия, и во обители, уготованные Сыном Твоим, вселитися сподоби.
Песнь 6
Ирмос: Пророка Иону подражая, вопию: живот мой, Блаже, свободи из тли, и спаси мя, Спасе мира, зовуща: слава Тебе.
Первосвятителем Церкве Российския неложное послушание показал еси, священная главо, не уклоняяся ни надесно, ни шуее, и нас такожде пребывати в корабли Святыя Церкве укрепи, да не будем из Нея извержены, якоже древле Иона.
Отцу и Сыну и Святому Духу покланятися истинно и твердо верных призывал еси, новый Российский исповедниче, и служити Ему единому и ничесоже знати, токмо Христа Распятаго, аще и ныне безумнии глаголют, яко несть Бог, и в делех сие безбожие понуждают показовати.
Мучениколюбцы, приидите ныне, стецытеся у раки сего страдальца предивнаго, лет седьмнадесять во узилищах от безбожных томимаго, веру правую даже до последняго издыхания своего исповедавшаго, и по преставлении своем благодать от Бога приявшаго молитися о спасении погибающих людий паствы своея.
Богородичен: Огнь Божества во утробе Своей поносила еси неопально, Пренепорочная, и Матернее дерзновение к Сему прияла еси. Помолися к Сыну Своему, да и мы не опалимся, егда огнь Таин Его Святейших внидет в ны, и оставлены будут нам греси наша.
Кондак, глас 2:
Новаго и предивнаго исповедника Церкве Российския, / сошедшеся, восхвалим днесь. / Се бо прославляет Господь любящаго Его, / и мы радостне взываем: / угодниче Христов Вениамине, / в предстательстве крепок буди, // и никтоже одолеет ны.
Икос:
Огненное искушение на землю нашу и пленение седмидесятолетнее народу нашему попустил еси, Милосерде Господи, но обаче не прогневался еси до конца, аще и по грехом нашим достойни быша сего, и утешил еси Церковь Твою явлением великаго сонма новых страдальцев Твоих, кровьми своими ризы своя убеливших и свобождение от ига безбожнаго испросивших нам, в ихже сонме возсиял нам и великий святитель Твой Вениамин, ныне во Царствии Твоем светлем тепле молящийся о нас. Не помяни окаянства нашего, Вседержителю, но приклони ухо Свое на молитвы его, и никтоже одолеет ны.
Стихира, глас 6:
Егда сан епископский / от руки Первопрестольника Церкве Российския / восприял еси, отче преподобне, / тогда глаголал еси, / яко единонадесятый час твоея жизни уже наста, / и упование имееши ко Господу, / яко да с работниками онаго часа сопричтена тя быти сподобит. / Разумея ныне, / яко скорое свое отшествие / ко Владыце Виноградника предзрел еси, взываем ти: / умоли Христа Всемилостиваго, / да и нас не отринет от Своея благости, // и тояжде мзды на Небесех сподобит.
Песнь 7
Ирмос: Сущим в пещи отроком Твоим, Спасе, не прикоснуся, ниже стужи огнь. Тогда трие, яко единеми усты пояху и благословляху, глаголюще: благословен Бог отец наших.
Любити Бога Вышняго и творити заповеди Его достойно и праведно есть - сице поучал еси чада твоя, и сице житие твое проводил еси, блаженне, образ в том и нам непотребным показуя, да с тобою в Царствии Небеснем возможем благословити Бога отец наших.
Исходящу Исраилю от Египта и возвращающуся из пленения Вавилонскаго, благословяху людие еврейстии Сущаго, древле глаголавшаго Моисею в Купине. Ныне же паки тожде в земли нашей совершается святителя Вениамина и всех прочих новомученик молитвами, яко от ига безбожнаго Россия свобождается, и мы, людие русстии, благословляем Бога отец наших.
Сущаго Имя во устех призывающих Е ко присутствию Самаго Бога верныя в молитве приводит абие, тако глаголал еси, подвижниче. Ныне и нас, смиренно на помощь призывающих тя, нескверно призывати сие Святейшее Имя сподоби, да прославим и благословим Бога отец наших.
Богородичен: Явилася еси мирови Престол Предвечнаго Царя, Егоже и Силы Ангельские ужасаются на крилу носити, но человеческое естество тем с Богом сретила еси, Приснодево Пренепорочная, и мы ныне дерзаем взывати: благословен из Тебе воплотивыйся Бог отец наших.
Песнь 8
Ирмос: Егоже ужасаются Ангели, и вся воинства, яко Творца и Господа, пойте, священницы, прославите, отроцы, благословите, людие, и превозносите во вся веки.
Ублажаем тя, Венамине предивне, яко приснаго ходатая о граде твоем и всяком граде и стране христианских, и глас твой имамы во ушесех наших: благословите сотворшаго вся Господа и превозносите Его во вся веки.
Благо Ти, Господи, яко смирил ны еси, сице со пророком возглашаша людие русстии, в нощь безбожия ввержени, и сего ради не престает и доныне милосердие Божие, на народе нашем молитвами новых страдалец явленное, и единым сердцем и едиными усты Церковь воинствующая и Торжествующая благословят Господа и превозносят Его во веки.
Оставите скверноприбытчество, приимите убо попечение о душах словесных Господних овец и не будите наемницы, но пастырие воистину - тако призывал еси собратий твоих во пресвитерстве, но и мирстии людие да не превозносятся и хранят Заповеди Божии нелицемерно, да возмогут усты чистыми благословити Господа и превозносити Его во веки.
Богородичен: О Пречистая и Пренепорочная, и честных Безплотных Сил Честнейшая Дево! Возхвалити Тя по достоянию воистину немогущии есмы, но и малейшее и хуждшее сие пение не презри, и Сына Своего помиловати души наша умоли.
Песнь 9
Ирмос: Светоносный Облак, воньже всех Владыка, яко дождь с небесе на руно сниде, и воплотися нас ради, быв человек, безначальный, величаем вси яко Матерь Бога нашего Чистую.
Настави ны веровати и глаголати точию правая, ревнующе исповеданию твоему, о святителю, и шествовати стези твоими, прославляя Бога, дивнаго во святых Своих.
Аще и потщашася богопротивницы разорити гробие твое, исповедниче, обаче Силою Божиею невидимою остановлени быша. Ко вразумлению людскому бе сие, да не посрамлена пребудет Вера Православная.
Святых лики на Небеси достигл еси, отче блаженне, с ними же и с бесплотных собори припади убо ко Престолу вся в руце Своей Содержащаго Бога, и моли за ны, непотребныя раби Его, да не помянет беззаконий наших, но да пролиет и нам с Небесе милость Свою.
Богородичен: Величавый разум погубляется днесь, и мудрование витий изнеможе, еже пети Тя, Пречистая, но чистых сердец и простаго разума не отрини, вопиющих Ти: благословенна Рождшая Бога Вышняго.
Светилен
Подобен: Светло во страдании твоем:
Светло во страдании твоем возсиял еси нам, исповедниче, светлостьми чудес своих мира просвещаеши концы, во Свете Невечернем ныне пребывая, моли спастися душам нашим.
Слава, и ныне, Богородичен:
Приидите, возхвaлим Рождшую Бога Вeчнаго, обращaющаго к Себе сердца человеков и спасaющаго нaс молитвами Пречистыя Матери Своея и святых Своих угодников.
Молитва
О пречудный исповедниче Спаса Христа, чудотворче преизящнейший, Пресвятую Троицу о нас присно умоляющий, святителю предивный Вениамине! Ты во страдальчестве путь земнаго жития своего претекл еси, страдания за Веру Православную зело тяжции претерпел еси, и сего ради дерзновение обрел еси пред Престолом Владыки всея твари ходатайствовати о нас. Темже ныне припадаем к раце честных и многоцелебных мощей твоих и яко живу ти, сущу с нами, взываем: не остави многомощным твоим предстательством ныне нас, зде собранных на месте земных подвигов твоих, даруй нам вся яже ко спасению полезная и охрани нас, яко истинный наш пастырю, да не уклоняемся одесную ниже ошуюю от стези правыя, еюже шествовати Святая Церковь наставляет и заповедует. Угаси, о великий исповедниче Христов, возстания еретическая, разрастшияся яко терн посреде сеяния житницы Господния, исходатайствуй нам у Господа твердости и мужества дар, да противостанем врагом спасения нашего, а заблудшим и отторгнувшим себе от единства церковнаго возвращение не яко рабом, но яко сыном в дом Отчий испроси. Град сей и вся грады и страны, идеже есть христиан жительство, невредимы сохрани, избавляя от глада и губительства, от труса и воднаго потопления, брани междоусобныя и кровопролития братоненавистническаго. Ей, премилосердый наш пред Богом ходатаю, заступи ны, грешныя, в неизчетныя глубины темныя впадающия, да не погибнем по беззаконием нашим до конца, но да сподобимся, аще и воистину не имамы таковаго достоинства, при кончине жизни сея временныя услышати сладчайший оный глас Владыки нашего, призывающаго верных Своих в уготованный чертог и неизреченныя райския обители, идеже купно с тобою и со всеми новомученики и исповедники Российскими возможем славити Пречестное и Сладчайшее Имя Превечныя Троицы, Отца и Сына и Святаго Духа, в безконечныя веки. Аминь.