Служба мученикам Потамиене, Марцелле, Василиду и с ними пострадавшим
Сегодня совершалась память александрийских мучеников девы Потамиены, её матери Марцеллы, воина Василида, катехуменов Плутарха, Серена, Ираклида и Ираиды, неофита Ирона и другого Серена († ок. 202 - 205), о страдальческом подвиге которых повествует епископ Кесарийский Евсевий в «Церковной стории» (книга VI, главы 3 - 5). Хоть и с опозданием, выкладываю в «Уставные заметки» шестриричную службу им, составленную в 2020 году клириком Одесской епархии Украинской Православной Церкви протоиереем Илией Тетерько. Последование публикуется по авторской машинописи, текст цензурными инстанциями не рассматривался.
СЛУЖБА
святым мученикам Александрийским:
деве Потамиене, её матери Марцелле, воину Василиду,
а также Плутарху, Серену, Ираклиду катехумену,
Ирону неофиту, Серену и Ираиде (Раисе)
НА ВЕЧЕРНИ
На Господи, воззвах: стихиры, глас 1:Богомудрая Потамиена и Марцелла всечестная, / двоица мучениц Божественная, / возсиявше, яко звезды многосветлыя, верных просвещают / подвигов сияньми и чудес светлостьми. / Сих днесь всесвященную память совершающе, / Спаса Христа славословим, // дивнаго во святых Своих.
Зарею просвещаема трисолнечнаго Божества, / Потамиено преблаженная, / страдальческим украсилася еси венцем, / с тобою пострадавшею материю твоею Марцеллою / ликуеши во светлостех Небесных, // с неюже моли спастися нам.
Смолою нещадно обливаема, / во страданиих своих Христа словословила еси, / Потамиено дево всечестная, / и ходатайствуеши о послужившем тебе Василиде, / сего наставляя на подвиг веры / и венец уготовляя ему, // с нимже он вшел еси в Чертог Небесный.
Семя евангельское, прилежно всеянное, возделав / в чистей твоей души, Василиде премудре, / сие умножил еси болезньми страданий твоих / и, мудре положен в Небесных житницах, / нетленно обрел еси наслаждение, / егоже ныне насыщаяся, блаженне, / твоими ко Христу ходатайствы // спасай верно поющия тя.
Приидите, возрадуемся Господеви! / Приидите воспоем, вернии, / восхваляюще страдалец Христовых: / Плутарха и Серена досточудных, / Ираклида и Ирона Богомудрых, / Серена и Раису всеславных / лесть идольскую пагубе предавших, / и Христа посреде судища ясно проповедавших. / Темже, о всеблаженнии страдальцы, // не престайте молящеся о душах наших.
Слава, глас тойже:Кровными каплями / безбожия огнь погасив, святии мученицы, / Христову Церковь напоили есте богатно / и верных сердца уяснили есте, / благочестно почитающих // священную вашу и честную память.
И ныне, Богородичен, глас тойже:Радуйся, Богородице Дево, / радуйся, похвало всея вселенныя, // радуйся, Пречистая Мати Божия, Благословенная.
Или Крестобогородичен, глас тойже:Заколение Твое неправедное, Христе, / Дева зрящи, плачущи, вопияше Ти: / Чадо Сладчайшее, како без правды страждеши? / И како на Древе висиши, / Иже всю землю повесивый на водах? / Не остави Мене едину, Благодетелю Многомилостиве, // Матерь и Рабу Твою, молюся.
На стиховне стихиры святым мученикам, глас 2:Благодушно Потамиена славная / страдания сконча и подвиги, / с материю своею Марцеллою, / и побеждая безумныя терпением, / и удивляя неверных болезней нестерпимых наведеньми, / темже по кончине ублажается. / Тех молитвами, Господи, // всем подаждь велию милость.
Стих: Святым, иже суть на земли Его, / удиви Господь вся хотения Своя в них.
Преславная Потамиена, / Марцелла всехвальная, / и Василид премудрый да почтутся песньми, / с нимиже и прочее мученик сословие, / иже кровию своею Вышнее Царство приобретше, // славы вечныя исполняеми.
Стих: Многи скорби праведным, / и от всех их избавит я Господь.
Плутарха, Серена, Ираклида и Ирона, / инаго Серена и Ираиду мучеников славных ублажим, / Лозы Христа суще плодовитыя розги, / искапающа нам сладость спасительную, / веселящу жаждущая сердца верою истинною // Божественное сих совершающих торжество.
Слава, глас тойже:О творящих вашу память верно, / и многия подвиги честных мучений ваших поющих / не престайте молити Христа, святии мученицы, / сохранити от бед и скорбей / и низпослати нам велия и богатыя милости.
И ныне, Богородичен, глас тойже:Непроходимая врата, / тайно запечатствованная, / Благословенная Богородице Дево, / приими моления наша и принеси Твоему Сыну и Богу, // да спасет Тобою души наша.
Или Крестобогородичен, глас тойже:Болезни претерпевши многия / в распятии Сына и Бога Твоего, Пречистая, / стеняше, слезящи и восклицающи: / увы Мне, Чадо Сладкое, / без правды како страждеши, / хотя избавити яже от Адама земнородныя? / Темже, Пречистая Дево, Тебе молим верою: // милостива нам Того соделай.
Тропарь, глас 4:Победы венец во страдании прияла еси, / Потамиено дево всечестная, / и ко Христу привела еси Василида Богомудраго, / воинству Небесному того сочетав, // с нимже молися о душах наших.
НА УТРЕНИ
Канон святым мученикам, глас 6.
Песнь 1Ирмос: Яко по суху, пешешествовав Израиль / по бездне стопами, / гонителя фараона / видя потопляема, / Богу / победную песнь // поим, вопияше.
Звезда, сияющая Божественным светом, / мучения сиянием познана была еси, Потамиено всехвальная, / светло вся озаряя, верою чистою тя чтущия.
Возжелавши Христовы красоты и Сего любовию снедаема, / страданием сочталася еси Ему, / Потамиено Богомудрая и всеславная.
Красен видением и душею сый, Василиде, / ввоинился еси Царю Небесному / и Сего до конца враги смирил еси, достоблаженне.
Богородичен: Боголепное селение, Чистая, Ты была еси, / Небес пространнейшее и чистейшее, Богородице Дево Марие, / и ныне о Тебе радуется девственный лик.
Песнь 3Ирмос: Несть свят, / якоже Ты, / Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.
Законно за Христа пострадавше, славнии Потамиено и Марцелло, / обогатистеся венцем нетленным истинно / и Царство Небесное и Божественное наслаждение приясте.
Главу под меч преклоняющи, мучениче Василиде мудре, / хвалу, тя укрепльшему Богу, благодарно воспевал еси.
Да ублажится днесь Плутарх, Серен и Ираклид, / Ирон, Серен и Раиса честная, / Спасовы честнии исповедницы, и светила мира, / и христиан прославление.
Богородичен: Якоже неистощимое сокровище дарований Тя имуще, Владычице, / независтныя дары от Тебе чудес вси приемлем.
Седален, глас 4:Небо церковное, яко звезды величайшия просвещаете присно, / и верныя озаряете дивными подвигами своими, / мученицы Божественнии, воины Христовы.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4Ирмос: Христос моя сила, / Бог и Господь, / честная Церковь / Боголепно поет, взывающи, // от смысла чиста о Господе празднующи.
Претерпевше мучения, и раны телесныя, / сокрушение же удов, и опаления, / небесная селения наследовасте, наслаждшеся древа животнаго, / Потамиено и Марцелло досточуднии.
Мучениц блаженных подвигу удивишася небесныя силы, / како врага победиша в женстем естестве, / укрепляеми силою от Девы возсиявшаго.
Ум твой, мановением еже к Богу, / презре вся жития красная, блаженне, / и весь красен явися, над страстьми царствовав Василиде.
Богородичен: Свет рождшая, тьму разруши многих моих прегрешений Твоею зарею, Пренепорочная Владычице, / Яже Солнце правды верным возсиявшая.
Песнь 5Ирмос: Божиим светом Твоим, Блаже, / утреннюющих Ти души / любовию озари, молюся, / Тя ведети, Слове Божий, / истиннаго Бога, // от мрака греховнаго взывающа.
Яко агницы непорочныя, и яко жертвы приятныя, / Христу истинному пастырю принесостеся, приношения совершена, / и приятна всесожжения.
Воинство земное и великую славу, нивочтоже вменил еси, славне: / воин нареклся еси Христов, и ликом мученическим причтен был еси, / веселяся, мучениче Василиде блаженне.
Оригеновыми словесы насталенный, / Плутарх дивный и славный житием / диадимою мученическою венчается и жизнь нетленную от Христа приемлет.
Богородичен: Божественным сиянием Твоим, Благая, / просвети омраченную душу мою и к спасения стези направи, / Едина Спаса Христа рождшая.
Песнь 6Ирмос: Житейское море, / воздвизаемое зря / напастей бурею, / к тихому пристанищу Твоему притек, вопию Ти: // возведи от тли живот мой, Многомилостиве.
В видение лучшее вознес ум, Ираклиде блаженне, / научился еси евангелию Христову, / за негоже и пострадал еси.
Крещальныя ризы светлыя на порфиру мученическую пременил еси, Ироне славне, / за Христа претерпел еси усечение мечное.
Угасил еси пещь безбожия, Серене преславне, / страдальческих кровей твоих одождении, / во огни пребыл еси верен Христу.
Жертва твоя, Раисо славная, на жертвенник Небесный вознесеся / и благоприятна Владыце всех ныне бысть.
Богородичен: Архангельский глас вопием Ти: Радуйся, Благодатная, Господь с Тобою; / радуйся, Благословенная, Заступница наша и скорая в бедах Помощница.
Кондак, глас 6:Огнем распалаеми Божественнаго желания, / огня чувственнаго прикосновением отнюд не опалистеся, блаженнии: / прелесть же пожгосте, и влекоми немилостивно, / страстотерпицы приснопамятнии Потамиено и Марцелло, // приясте конец, и славу получисте.
Песнь 7Ирмос: Росодательну убо пещь содела Ангел / преподобным отроком, / халдеи же опаляющее веление Божие мучителя увеща вопити: // благословен еси, Боже отец наших.
Яко добру, и яко красну, яко честну, и яко девства зарями сияющую, / тебе Жених Господь себе приводит, Потамиено преславная.
Да не уныем, се отверзеся чертог, но паче станем мужески: / Христос бо венцы простирает, и телес своих не пощадим, / вопияху Потамиена и Марцелла на судищи.
Славу негиблющую и венец нетленный исходатаи тебе, Василиде, Потамиено честная, / призывающи к служению Небесному Царю.
Богородичен: Во тьме неразумения мя пребывающаго, / просвети Светом Неприступным Сына Твоего, Пречистая, / и настави верно взывати Ему благочестно: / благословен еси, Боже отец наших.
Песнь 8Ирмос: Из пламене преподобным росу источил еси, / и праведнаго жертву с водою попалил еси: / вся бо твориши, Христе, токмо еже хотети. // Тя превозносим во вся веки.
Законами укрепляемь Вседержителевыми, советы беззаконных отразил еси, / и законно пострадав, нетления венец Плутархе мучениче, приял еси.
Бысть воистинну терпелив, и страдалец истинен познаваемь, / егда муками искушашеся и болезньми, и во главу усекаемь / вся удивляя безбожныя, Серене чудне.
Крещение огнем приемлет Раиса всечестная / поспешающую бо имеющи благодать Спасову, / и яко светильник златолепотнейший посреде страдальцев возсияла еси.
Яко агницы, и яко нескверныя юницы, / яко Божия голубицы, яко самовольныя жертвы, / принесостеся Создателю, Потамиено и Марцелло мученицы славныя, / согласно Христу поюще: Тя превозносим во вся веки.
Богородичен: Яже Владыку всех плотию рождшая, насилия страстей избави мя, Отроковице, / и Творцу всяческих присвой любовию, поющаго во вся веки.
Песнь 9Ирмос: Бога / человеком не возможно видети, / на Него же не смеют чини Ангельстии взирати; / Тобою же, Всечистая, явися человеком / Слово воплощенно, / Его же величающе, // с Небесными вои Тя ублажаем.
Целомудрием житие украсив и тело чистотою, / чиста жертва Христу принеслася еси, Потамиено всечестная, / с материю твоею Марцеллою моли спастися нам.
Днесь веселие в твоей Божественней памяти Церковь познавает, Василиде Богомудре, / в нюже вся поющия тя спасай молитвами твоими.
Днесь, вернии, Плутарха и Серена вкупе, и Ираклида, / Ирона, Серена другаго и Раису всечестную / с прочими страдальцы верно восхвалим и ублажим, / воспевающе тех подвиги.
Богородичен: Мысленно Твоим стопам прикасаяся, Всенепорочная, молю Тя: / пение мое приими и от бед избави мя, молитвами Твоими, Дево Марие, / да любовию Тя величаю.
Светилен:Предстощи ныне Трисиянному Великому Свету / и пребывающи в неизреченней светлости со всеми святыми, / Потамиено дево всечестная со всеми мучениками Александрии, помяни всех нас, / память твою светоносно совершающих.
Слава, и ныне, Богородичен:Зарю пресветлую, являющую нам Солнце незаходимое, вемы, Тя, Пресвятая Дево Богородице. / Сего ради молим Тя: яко Мати Света сущи, / просвети нас светом Сына Твоего, Христа Бога нашего.
На стиховне стихиры Осмогласника.
Слава, святым, глас 1:Ранам предавшеся и мукам, / непреклонни премудростию пребысте, святии мученицы, / яко свещы разжегшеся теплотою духовною, / просветисте сердца верных благодатию. / Темже всяческий род и возраст / празднует святую вашу память, // песньми славяще Господа.
И ныне, Богородичен, глас тойже:Молитвы Твоих рабов приими, Богородице, / и избави нас от всякия беды, // яко рождшая Христа Спаса, Избавителя душ наших.
СЛУЖБА
святым мученикам Александрийским:
деве Потамиене, её матери Марцелле, воину Василиду,
а также Плутарху, Серену, Ираклиду катехумену,
Ирону неофиту, Серену и Ираиде (Раисе)
НА ВЕЧЕРНИ
На Господи, воззвах: стихиры, глас 1:Богомудрая Потамиена и Марцелла всечестная, / двоица мучениц Божественная, / возсиявше, яко звезды многосветлыя, верных просвещают / подвигов сияньми и чудес светлостьми. / Сих днесь всесвященную память совершающе, / Спаса Христа славословим, // дивнаго во святых Своих.
Зарею просвещаема трисолнечнаго Божества, / Потамиено преблаженная, / страдальческим украсилася еси венцем, / с тобою пострадавшею материю твоею Марцеллою / ликуеши во светлостех Небесных, // с неюже моли спастися нам.
Смолою нещадно обливаема, / во страданиих своих Христа словословила еси, / Потамиено дево всечестная, / и ходатайствуеши о послужившем тебе Василиде, / сего наставляя на подвиг веры / и венец уготовляя ему, // с нимже он вшел еси в Чертог Небесный.
Семя евангельское, прилежно всеянное, возделав / в чистей твоей души, Василиде премудре, / сие умножил еси болезньми страданий твоих / и, мудре положен в Небесных житницах, / нетленно обрел еси наслаждение, / егоже ныне насыщаяся, блаженне, / твоими ко Христу ходатайствы // спасай верно поющия тя.
Приидите, возрадуемся Господеви! / Приидите воспоем, вернии, / восхваляюще страдалец Христовых: / Плутарха и Серена досточудных, / Ираклида и Ирона Богомудрых, / Серена и Раису всеславных / лесть идольскую пагубе предавших, / и Христа посреде судища ясно проповедавших. / Темже, о всеблаженнии страдальцы, // не престайте молящеся о душах наших.
Слава, глас тойже:Кровными каплями / безбожия огнь погасив, святии мученицы, / Христову Церковь напоили есте богатно / и верных сердца уяснили есте, / благочестно почитающих // священную вашу и честную память.
И ныне, Богородичен, глас тойже:Радуйся, Богородице Дево, / радуйся, похвало всея вселенныя, // радуйся, Пречистая Мати Божия, Благословенная.
Или Крестобогородичен, глас тойже:Заколение Твое неправедное, Христе, / Дева зрящи, плачущи, вопияше Ти: / Чадо Сладчайшее, како без правды страждеши? / И како на Древе висиши, / Иже всю землю повесивый на водах? / Не остави Мене едину, Благодетелю Многомилостиве, // Матерь и Рабу Твою, молюся.
На стиховне стихиры святым мученикам, глас 2:Благодушно Потамиена славная / страдания сконча и подвиги, / с материю своею Марцеллою, / и побеждая безумныя терпением, / и удивляя неверных болезней нестерпимых наведеньми, / темже по кончине ублажается. / Тех молитвами, Господи, // всем подаждь велию милость.
Стих: Святым, иже суть на земли Его, / удиви Господь вся хотения Своя в них.
Преславная Потамиена, / Марцелла всехвальная, / и Василид премудрый да почтутся песньми, / с нимиже и прочее мученик сословие, / иже кровию своею Вышнее Царство приобретше, // славы вечныя исполняеми.
Стих: Многи скорби праведным, / и от всех их избавит я Господь.
Плутарха, Серена, Ираклида и Ирона, / инаго Серена и Ираиду мучеников славных ублажим, / Лозы Христа суще плодовитыя розги, / искапающа нам сладость спасительную, / веселящу жаждущая сердца верою истинною // Божественное сих совершающих торжество.
Слава, глас тойже:О творящих вашу память верно, / и многия подвиги честных мучений ваших поющих / не престайте молити Христа, святии мученицы, / сохранити от бед и скорбей / и низпослати нам велия и богатыя милости.
И ныне, Богородичен, глас тойже:Непроходимая врата, / тайно запечатствованная, / Благословенная Богородице Дево, / приими моления наша и принеси Твоему Сыну и Богу, // да спасет Тобою души наша.
Или Крестобогородичен, глас тойже:Болезни претерпевши многия / в распятии Сына и Бога Твоего, Пречистая, / стеняше, слезящи и восклицающи: / увы Мне, Чадо Сладкое, / без правды како страждеши, / хотя избавити яже от Адама земнородныя? / Темже, Пречистая Дево, Тебе молим верою: // милостива нам Того соделай.
Тропарь, глас 4:Победы венец во страдании прияла еси, / Потамиено дево всечестная, / и ко Христу привела еси Василида Богомудраго, / воинству Небесному того сочетав, // с нимже молися о душах наших.
НА УТРЕНИ
Канон святым мученикам, глас 6.
Песнь 1Ирмос: Яко по суху, пешешествовав Израиль / по бездне стопами, / гонителя фараона / видя потопляема, / Богу / победную песнь // поим, вопияше.
Звезда, сияющая Божественным светом, / мучения сиянием познана была еси, Потамиено всехвальная, / светло вся озаряя, верою чистою тя чтущия.
Возжелавши Христовы красоты и Сего любовию снедаема, / страданием сочталася еси Ему, / Потамиено Богомудрая и всеславная.
Красен видением и душею сый, Василиде, / ввоинился еси Царю Небесному / и Сего до конца враги смирил еси, достоблаженне.
Богородичен: Боголепное селение, Чистая, Ты была еси, / Небес пространнейшее и чистейшее, Богородице Дево Марие, / и ныне о Тебе радуется девственный лик.
Песнь 3Ирмос: Несть свят, / якоже Ты, / Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.
Законно за Христа пострадавше, славнии Потамиено и Марцелло, / обогатистеся венцем нетленным истинно / и Царство Небесное и Божественное наслаждение приясте.
Главу под меч преклоняющи, мучениче Василиде мудре, / хвалу, тя укрепльшему Богу, благодарно воспевал еси.
Да ублажится днесь Плутарх, Серен и Ираклид, / Ирон, Серен и Раиса честная, / Спасовы честнии исповедницы, и светила мира, / и христиан прославление.
Богородичен: Якоже неистощимое сокровище дарований Тя имуще, Владычице, / независтныя дары от Тебе чудес вси приемлем.
Седален, глас 4:Небо церковное, яко звезды величайшия просвещаете присно, / и верныя озаряете дивными подвигами своими, / мученицы Божественнии, воины Христовы.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4Ирмос: Христос моя сила, / Бог и Господь, / честная Церковь / Боголепно поет, взывающи, // от смысла чиста о Господе празднующи.
Претерпевше мучения, и раны телесныя, / сокрушение же удов, и опаления, / небесная селения наследовасте, наслаждшеся древа животнаго, / Потамиено и Марцелло досточуднии.
Мучениц блаженных подвигу удивишася небесныя силы, / како врага победиша в женстем естестве, / укрепляеми силою от Девы возсиявшаго.
Ум твой, мановением еже к Богу, / презре вся жития красная, блаженне, / и весь красен явися, над страстьми царствовав Василиде.
Богородичен: Свет рождшая, тьму разруши многих моих прегрешений Твоею зарею, Пренепорочная Владычице, / Яже Солнце правды верным возсиявшая.
Песнь 5Ирмос: Божиим светом Твоим, Блаже, / утреннюющих Ти души / любовию озари, молюся, / Тя ведети, Слове Божий, / истиннаго Бога, // от мрака греховнаго взывающа.
Яко агницы непорочныя, и яко жертвы приятныя, / Христу истинному пастырю принесостеся, приношения совершена, / и приятна всесожжения.
Воинство земное и великую славу, нивочтоже вменил еси, славне: / воин нареклся еси Христов, и ликом мученическим причтен был еси, / веселяся, мучениче Василиде блаженне.
Оригеновыми словесы насталенный, / Плутарх дивный и славный житием / диадимою мученическою венчается и жизнь нетленную от Христа приемлет.
Богородичен: Божественным сиянием Твоим, Благая, / просвети омраченную душу мою и к спасения стези направи, / Едина Спаса Христа рождшая.
Песнь 6Ирмос: Житейское море, / воздвизаемое зря / напастей бурею, / к тихому пристанищу Твоему притек, вопию Ти: // возведи от тли живот мой, Многомилостиве.
В видение лучшее вознес ум, Ираклиде блаженне, / научился еси евангелию Христову, / за негоже и пострадал еси.
Крещальныя ризы светлыя на порфиру мученическую пременил еси, Ироне славне, / за Христа претерпел еси усечение мечное.
Угасил еси пещь безбожия, Серене преславне, / страдальческих кровей твоих одождении, / во огни пребыл еси верен Христу.
Жертва твоя, Раисо славная, на жертвенник Небесный вознесеся / и благоприятна Владыце всех ныне бысть.
Богородичен: Архангельский глас вопием Ти: Радуйся, Благодатная, Господь с Тобою; / радуйся, Благословенная, Заступница наша и скорая в бедах Помощница.
Кондак, глас 6:Огнем распалаеми Божественнаго желания, / огня чувственнаго прикосновением отнюд не опалистеся, блаженнии: / прелесть же пожгосте, и влекоми немилостивно, / страстотерпицы приснопамятнии Потамиено и Марцелло, // приясте конец, и славу получисте.
Песнь 7Ирмос: Росодательну убо пещь содела Ангел / преподобным отроком, / халдеи же опаляющее веление Божие мучителя увеща вопити: // благословен еси, Боже отец наших.
Яко добру, и яко красну, яко честну, и яко девства зарями сияющую, / тебе Жених Господь себе приводит, Потамиено преславная.
Да не уныем, се отверзеся чертог, но паче станем мужески: / Христос бо венцы простирает, и телес своих не пощадим, / вопияху Потамиена и Марцелла на судищи.
Славу негиблющую и венец нетленный исходатаи тебе, Василиде, Потамиено честная, / призывающи к служению Небесному Царю.
Богородичен: Во тьме неразумения мя пребывающаго, / просвети Светом Неприступным Сына Твоего, Пречистая, / и настави верно взывати Ему благочестно: / благословен еси, Боже отец наших.
Песнь 8Ирмос: Из пламене преподобным росу источил еси, / и праведнаго жертву с водою попалил еси: / вся бо твориши, Христе, токмо еже хотети. // Тя превозносим во вся веки.
Законами укрепляемь Вседержителевыми, советы беззаконных отразил еси, / и законно пострадав, нетления венец Плутархе мучениче, приял еси.
Бысть воистинну терпелив, и страдалец истинен познаваемь, / егда муками искушашеся и болезньми, и во главу усекаемь / вся удивляя безбожныя, Серене чудне.
Крещение огнем приемлет Раиса всечестная / поспешающую бо имеющи благодать Спасову, / и яко светильник златолепотнейший посреде страдальцев возсияла еси.
Яко агницы, и яко нескверныя юницы, / яко Божия голубицы, яко самовольныя жертвы, / принесостеся Создателю, Потамиено и Марцелло мученицы славныя, / согласно Христу поюще: Тя превозносим во вся веки.
Богородичен: Яже Владыку всех плотию рождшая, насилия страстей избави мя, Отроковице, / и Творцу всяческих присвой любовию, поющаго во вся веки.
Песнь 9Ирмос: Бога / человеком не возможно видети, / на Него же не смеют чини Ангельстии взирати; / Тобою же, Всечистая, явися человеком / Слово воплощенно, / Его же величающе, // с Небесными вои Тя ублажаем.
Целомудрием житие украсив и тело чистотою, / чиста жертва Христу принеслася еси, Потамиено всечестная, / с материю твоею Марцеллою моли спастися нам.
Днесь веселие в твоей Божественней памяти Церковь познавает, Василиде Богомудре, / в нюже вся поющия тя спасай молитвами твоими.
Днесь, вернии, Плутарха и Серена вкупе, и Ираклида, / Ирона, Серена другаго и Раису всечестную / с прочими страдальцы верно восхвалим и ублажим, / воспевающе тех подвиги.
Богородичен: Мысленно Твоим стопам прикасаяся, Всенепорочная, молю Тя: / пение мое приими и от бед избави мя, молитвами Твоими, Дево Марие, / да любовию Тя величаю.
Светилен:Предстощи ныне Трисиянному Великому Свету / и пребывающи в неизреченней светлости со всеми святыми, / Потамиено дево всечестная со всеми мучениками Александрии, помяни всех нас, / память твою светоносно совершающих.
Слава, и ныне, Богородичен:Зарю пресветлую, являющую нам Солнце незаходимое, вемы, Тя, Пресвятая Дево Богородице. / Сего ради молим Тя: яко Мати Света сущи, / просвети нас светом Сына Твоего, Христа Бога нашего.
На стиховне стихиры Осмогласника.
Слава, святым, глас 1:Ранам предавшеся и мукам, / непреклонни премудростию пребысте, святии мученицы, / яко свещы разжегшеся теплотою духовною, / просветисте сердца верных благодатию. / Темже всяческий род и возраст / празднует святую вашу память, // песньми славяще Господа.
И ныне, Богородичен, глас тойже:Молитвы Твоих рабов приими, Богородице, / и избави нас от всякия беды, // яко рождшая Христа Спаса, Избавителя душ наших.