Заамвонные молитвы на Рождество и Пасху
Тексты особых заамвонных молитв на Рождество и на Пасху Уставщик подготовил сам для сугубо личного употребления. За основу при подготовке текстов была взята публикация А. С. Слуцкого с использованием, однако, ряда иных публикаций (в частности, этой книги и приложений к этой статье). Научных целей не преследовалось.
Моли́тва заамво́нная на Рождество́ Христо́воВлады́ко Христе́ Бо́же наш, возсия́вый пре́жде век из безнача́льнаго Отца́ без стра́сти, в после́дняя же времена́ неизрече́нно из Де́вы Святы́я вопло́щшийся и ро́ждшийся, обнища́в нас ра́ди, да Твое́ю нището́ю обогати́мся и мы, обви́вся в пелены́ я́ко Младе́нец, в я́слех положе́н бысть, Бо́жески Сам содержа́яй вся. Приими́, Влады́ко, на́ша умиле́нныя моли́твы и хвалы́, я́ко же пе́ние па́стырей, волхво́в да́ры и поклоне́ние, подо́бники бы́ти сподо́би небе́снаго во́инства, воспе́вшаго Тя, на земли́ ро́ждшагося. Досто́йны нас яви́ небе́снаго дарова́ния, пра́зднующих Твое́ Рождество́, во́инству на́шему побе́ду да́руй. Я́ко благ и человеколю́бец еси́ и просла́влен со безнача́льным Твои́м Отце́м и с Пресвяты́м, Благи́м и Животворя́щим Ду́хом, ны́не и при́сно и во ве́ки веко́в. Ами́нь.
Моли́тва заамво́нная на Святу́ю Па́схуСве́тлый и спаси́тельный день возсия́ нам, бра́тие, Го́спода на́шего Иису́са Христа́ Воскресе́ние. Сего́ ра́ди разли́чными мужи́ украси́ся Це́рковь Госпо́дня, се бо, по́стное вре́мя преше́дше, Воскресе́ния ра́дости достиго́хом. Ра́дуется у́бо вся тварь Воскресе́нием Христа́ Бо́га на́шего, не́бо просвеща́ется, и земля́ украша́ется, мо́ре утиша́ется, мучи́тели умолка́ют, благове́рнии преспева́ют, оглаше́ннии просвеща́ются, врази́ в мир прихо́дят, греси́ разреша́ются, це́ркви веселя́тся и Христо́с прославля́ется. Но и ма́тернима рука́ма носи́мыя Царе́ви Ве́чному све́тло да́ры прино́сят, не ма́сличный цвет, но новокре́щеных звезд сия́ние. Нас же гре́шных и смире́нных иере́ев подо́бное славословле́ние с похвало́ю приими́. Помяни́, я́ко Благ и Человеколю́бец, и́же во вла́сти суть, умиря́ющих Тобо́ю вруче́нное христиа́нское жи́тельство, ве́ру утверди́, язы́ки укроти́, весь мир умири́, предстоя́щия лю́ди единомы́сленною любо́вию соблюди́. Ты бо еси́ и́стинный Бог, Живо́т ве́чный, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Моли́тва заамво́нная на Рождество́ Христо́воВлады́ко Христе́ Бо́же наш, возсия́вый пре́жде век из безнача́льнаго Отца́ без стра́сти, в после́дняя же времена́ неизрече́нно из Де́вы Святы́я вопло́щшийся и ро́ждшийся, обнища́в нас ра́ди, да Твое́ю нището́ю обогати́мся и мы, обви́вся в пелены́ я́ко Младе́нец, в я́слех положе́н бысть, Бо́жески Сам содержа́яй вся. Приими́, Влады́ко, на́ша умиле́нныя моли́твы и хвалы́, я́ко же пе́ние па́стырей, волхво́в да́ры и поклоне́ние, подо́бники бы́ти сподо́би небе́снаго во́инства, воспе́вшаго Тя, на земли́ ро́ждшагося. Досто́йны нас яви́ небе́снаго дарова́ния, пра́зднующих Твое́ Рождество́, во́инству на́шему побе́ду да́руй. Я́ко благ и человеколю́бец еси́ и просла́влен со безнача́льным Твои́м Отце́м и с Пресвяты́м, Благи́м и Животворя́щим Ду́хом, ны́не и при́сно и во ве́ки веко́в. Ами́нь.
Моли́тва заамво́нная на Святу́ю Па́схуСве́тлый и спаси́тельный день возсия́ нам, бра́тие, Го́спода на́шего Иису́са Христа́ Воскресе́ние. Сего́ ра́ди разли́чными мужи́ украси́ся Це́рковь Госпо́дня, се бо, по́стное вре́мя преше́дше, Воскресе́ния ра́дости достиго́хом. Ра́дуется у́бо вся тварь Воскресе́нием Христа́ Бо́га на́шего, не́бо просвеща́ется, и земля́ украша́ется, мо́ре утиша́ется, мучи́тели умолка́ют, благове́рнии преспева́ют, оглаше́ннии просвеща́ются, врази́ в мир прихо́дят, греси́ разреша́ются, це́ркви веселя́тся и Христо́с прославля́ется. Но и ма́тернима рука́ма носи́мыя Царе́ви Ве́чному све́тло да́ры прино́сят, не ма́сличный цвет, но новокре́щеных звезд сия́ние. Нас же гре́шных и смире́нных иере́ев подо́бное славословле́ние с похвало́ю приими́. Помяни́, я́ко Благ и Человеколю́бец, и́же во вла́сти суть, умиря́ющих Тобо́ю вруче́нное христиа́нское жи́тельство, ве́ру утверди́, язы́ки укроти́, весь мир умири́, предстоя́щия лю́ди единомы́сленною любо́вию соблюди́. Ты бо еси́ и́стинный Бог, Живо́т ве́чный, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.