Рукописный канон на 1-е и 2-е обретение честнóй главы Иоанна Предтечи
С любезного разрешения переводчицы размещаю в «Уставных заметках» перевод неизданного канона свят. Германа, Патриарха Константинопольского (†740, память 12 мая), на первое и второе обретение честнóй главы Иоанна Предтечи. Перевод с древнегреческого А. Ю. Никифоровой, редакция церковнославянского текста Н. Е. Афанасьевой. Перевод выполнен по изданию: AHG VII, 375 - 383. При выполнении перевода учтена февральская Минея XII в. (ГИМ. Син. Греч. 181. Л. 119 об. - 122). 3-й тропарь 4-й песни, отсутствующий в издании AHG, переведен по этой греческой рукописи Синодального собрания.
Канон, глас 8. Творение Германа.
Песнь 1.
Ирмос: Истрясшему в мори:Прежде непроходная сердца содела проходима Богу; ныне же к нам из подземных взывает обителей: «Отверзе Христос Царствие, людие, покайтеся».
Из неприступных пределов земли возвыси глас, Иоанне, главы обретенныя, к Богу вопия велегласно, и помози молитвами в мiре мир сохранити во веки.
Иродово беззаконие прежде обличивый Креститель, днесь, яко таинственная труба, к нам взывает: «Отверзе Христос Царствие, людие, покайтеся».
Богородичен: Заченшая прежде век безначальное Слово Отца и плотию рождшая паче ума Слово, Всепетая, моли прилежно избавити нас от бед.
Песнь 2.
Ирмос: Вонми, небо:Взыде от сокровищ земли боговещанная труба - глава Предтечева, лучами сияющи чудотворений.
Господи, честную прославив Крестителеву главу, возвыси рог верою поющих Царствие Твое.
Взрастиша, яко земля плодоносная, главу твою недра, дождем прежде удобренная, пророче, твоих кровей.
Богородичен: Чистая, Богородице Дево, Единая Всепетая, Сына Твоего умоли спасти поющих Тя.
Песнь 3.
Ирмос: Утверждей словом небеса:Мышца Христова высокая, чудесно днесь священную яви главу Предтечеву, зовущую паки к покаянию.
Яко светило твоя, Крестителю, глава, яко от неземных днесь основ, мирови воссия от земли, [и] вражии помрачи главы.
Умерый и паки Животворяй, яви нам Предтечеву главу, из гроба воставшую и глаголющую, славою и честию венчал есть ю.
Богородичен: Превышши показалася еси небес, на земли рождшая свет незаходимый, паче солнца воссиявший, Дево Чистая, от Тобою Рожденнаго.
Песнь 4.
Ирмос: Тайно пророк:Яко посреде металлов злато, честная Предтечева глава исцелений богатство источает всем обильно.
Целений струи подающая, глава Предтечева, яко цевница, взывает: «Покайтеся, се бо Царствие Христово приближается».
Кровей точащая токи глава Крестителева чудес источник ныне точит под престолом и исполняет Церковь благоуханием Христову.
Богородичен: Естества законы преестественно, Дево Пречистая, упразднившая, пресущественное Слово родила еси Христа, ибо Той благоволи.
Песнь 5.
Ирмос: От нощи неведения:Блистательныя лучи боговещанная глава Твоя, Предтече, источает миру, мрак страстей отгоняющи.
Яко светило солнечное из недр земных воссиявшая, Предтече, глава Твоя священная чудес сияния нам посылает.
Крестителю Иоанне, ты дерзновение имаши, пред славою неприступною Христа Бога. Не престай моляся о нашем спасении.
Богородичен: Херувим Честнейшая, Дево Всепетая, моли Сына Своего спасти души поющих Тя.
Песнь 6.
Ирмос: Ризу мне подаждь:Веселися, Иордане реко, пустыне, ликуй: в изобилии [=независтно] Предтеча, сокровище одушевленное, нам Божественная яви чудеса.
Воспойте, предели земнии и горы, паки из недр бо Предтеча взывает главою: «Покайтеся».
Троичен: Прославим Отца, и Сына, и Святаго Духа; Троице нераздельной, во Едином Существе поклонимся.
Богородичен: Во плоти Единая Словом Слово заченшая, избавити молим Тя от сети вражия души наша.
Песнь 7.
Ирмос: В начале землю основавый:Мvроположница златая да станет Предтечева глава, мvра чудес, яко земли иссушенной, таинственно Церкви точащая обильно.
Кивот Божественнаго мvра, Крестителя явил еси главу, благословен еси во веки, Господи, Боже отец наших.
Яко во огни пещном, в земли расплавленная глава Крестителя Твоего, паче злата [в горниле] испытанная (ср. Пр. 17:3), ныне явися, Спасе, во обретении своем.
Яко пламень, отроков [в пещи] оросивый, тако и земля Предтечеву хранит главу, прежде умерщвленную, ныне же ожившую и об убийстве Иродовом глаголющую.
Богородичен: Во чрево Девичье Вселивыйся и в нем Адама Возсоздавый, благословен еси во веки Господи, Боже отец наших.
Песнь 8.
Ирмос: Всяческих Создателя:Показавшаго нам Предтечи честную главу, священницы, благословите и превозносите.
Ныне секира сечения при корени полагается страстей (ср. Мф. 3:10) - Предтечева глава, болезни отсекающая.
Глава Крестителева, верховная во всех пророцех, первая возвестила есть вещанием покаяние.
Богородичен: Бога в последняя времена нас ради, от Девы Рожденнаго, священницы, благословите и превозносите.
Песнь 9.
Ирмос: Проявленное на горе:Явившаго [нам] Предтечеву главу и благоуханием Наполнившаго востоки и запады в обретении ея песньми немолчно величаем.
Ты еси совершение всех пророчеств, ты еси провозвестник Христова пришествия, ты еси ходатай Ветхаго и Новаго, достоблаженне Христов Крестителю.
Приидите, узрим Предтечеву главу, на блюде кровию истекавшую прежде, ныне же под престолом чудотворящую преславно и страшно.
Цевница познания, древле звучавшая в пустыне, и глас вопиющаго Иоанн [нам] явися днесь, от земли нас созывая паки к подвигом покаяния.
Богородичен: Ты, Богородице, наше оружие и наша стена, Ты еси заступница к Тебе прибегающих; Тебе и ныне просим молитися [за ны] и от врагов избавити.
Канон, глас 8. Творение Германа.
Песнь 1.
Ирмос: Истрясшему в мори:Прежде непроходная сердца содела проходима Богу; ныне же к нам из подземных взывает обителей: «Отверзе Христос Царствие, людие, покайтеся».
Из неприступных пределов земли возвыси глас, Иоанне, главы обретенныя, к Богу вопия велегласно, и помози молитвами в мiре мир сохранити во веки.
Иродово беззаконие прежде обличивый Креститель, днесь, яко таинственная труба, к нам взывает: «Отверзе Христос Царствие, людие, покайтеся».
Богородичен: Заченшая прежде век безначальное Слово Отца и плотию рождшая паче ума Слово, Всепетая, моли прилежно избавити нас от бед.
Песнь 2.
Ирмос: Вонми, небо:Взыде от сокровищ земли боговещанная труба - глава Предтечева, лучами сияющи чудотворений.
Господи, честную прославив Крестителеву главу, возвыси рог верою поющих Царствие Твое.
Взрастиша, яко земля плодоносная, главу твою недра, дождем прежде удобренная, пророче, твоих кровей.
Богородичен: Чистая, Богородице Дево, Единая Всепетая, Сына Твоего умоли спасти поющих Тя.
Песнь 3.
Ирмос: Утверждей словом небеса:Мышца Христова высокая, чудесно днесь священную яви главу Предтечеву, зовущую паки к покаянию.
Яко светило твоя, Крестителю, глава, яко от неземных днесь основ, мирови воссия от земли, [и] вражии помрачи главы.
Умерый и паки Животворяй, яви нам Предтечеву главу, из гроба воставшую и глаголющую, славою и честию венчал есть ю.
Богородичен: Превышши показалася еси небес, на земли рождшая свет незаходимый, паче солнца воссиявший, Дево Чистая, от Тобою Рожденнаго.
Песнь 4.
Ирмос: Тайно пророк:Яко посреде металлов злато, честная Предтечева глава исцелений богатство источает всем обильно.
Целений струи подающая, глава Предтечева, яко цевница, взывает: «Покайтеся, се бо Царствие Христово приближается».
Кровей точащая токи глава Крестителева чудес источник ныне точит под престолом и исполняет Церковь благоуханием Христову.
Богородичен: Естества законы преестественно, Дево Пречистая, упразднившая, пресущественное Слово родила еси Христа, ибо Той благоволи.
Песнь 5.
Ирмос: От нощи неведения:Блистательныя лучи боговещанная глава Твоя, Предтече, источает миру, мрак страстей отгоняющи.
Яко светило солнечное из недр земных воссиявшая, Предтече, глава Твоя священная чудес сияния нам посылает.
Крестителю Иоанне, ты дерзновение имаши, пред славою неприступною Христа Бога. Не престай моляся о нашем спасении.
Богородичен: Херувим Честнейшая, Дево Всепетая, моли Сына Своего спасти души поющих Тя.
Песнь 6.
Ирмос: Ризу мне подаждь:Веселися, Иордане реко, пустыне, ликуй: в изобилии [=независтно] Предтеча, сокровище одушевленное, нам Божественная яви чудеса.
Воспойте, предели земнии и горы, паки из недр бо Предтеча взывает главою: «Покайтеся».
Троичен: Прославим Отца, и Сына, и Святаго Духа; Троице нераздельной, во Едином Существе поклонимся.
Богородичен: Во плоти Единая Словом Слово заченшая, избавити молим Тя от сети вражия души наша.
Песнь 7.
Ирмос: В начале землю основавый:Мvроположница златая да станет Предтечева глава, мvра чудес, яко земли иссушенной, таинственно Церкви точащая обильно.
Кивот Божественнаго мvра, Крестителя явил еси главу, благословен еси во веки, Господи, Боже отец наших.
Яко во огни пещном, в земли расплавленная глава Крестителя Твоего, паче злата [в горниле] испытанная (ср. Пр. 17:3), ныне явися, Спасе, во обретении своем.
Яко пламень, отроков [в пещи] оросивый, тако и земля Предтечеву хранит главу, прежде умерщвленную, ныне же ожившую и об убийстве Иродовом глаголющую.
Богородичен: Во чрево Девичье Вселивыйся и в нем Адама Возсоздавый, благословен еси во веки Господи, Боже отец наших.
Песнь 8.
Ирмос: Всяческих Создателя:Показавшаго нам Предтечи честную главу, священницы, благословите и превозносите.
Ныне секира сечения при корени полагается страстей (ср. Мф. 3:10) - Предтечева глава, болезни отсекающая.
Глава Крестителева, верховная во всех пророцех, первая возвестила есть вещанием покаяние.
Богородичен: Бога в последняя времена нас ради, от Девы Рожденнаго, священницы, благословите и превозносите.
Песнь 9.
Ирмос: Проявленное на горе:Явившаго [нам] Предтечеву главу и благоуханием Наполнившаго востоки и запады в обретении ея песньми немолчно величаем.
Ты еси совершение всех пророчеств, ты еси провозвестник Христова пришествия, ты еси ходатай Ветхаго и Новаго, достоблаженне Христов Крестителю.
Приидите, узрим Предтечеву главу, на блюде кровию истекавшую прежде, ныне же под престолом чудотворящую преславно и страшно.
Цевница познания, древле звучавшая в пустыне, и глас вопиющаго Иоанн [нам] явися днесь, от земли нас созывая паки к подвигом покаяния.
Богородичен: Ты, Богородице, наше оружие и наша стена, Ты еси заступница к Тебе прибегающих; Тебе и ныне просим молитися [за ны] и от врагов избавити.