Канон из службы отцам колливадам
Пам. (греч.) в субботу светлой седмицы.
Источник: ΠΑΝΗΓΥΡΙΚΗ ΚΑΙ ΑΣΜΑΤΙΚΗ ΑΚΟΛΟΥΘΙΑ ΤΩΝ ΟΣΙΩΝ ΚΑΙ ΘΕΟΦΟΡΩΝ ΚΟΛΛΙΒΑΔΩΝ ΠΑΤΕΡΩΝ. ΕΚΔΟΣΙΣ «ΟΡΘΟΔΟΞΟΣ ΚΥΨΕΛΗ». ΘΕΣΣΑΛΟΝΙΚΗ. 2007.
Служба святым богоносным отцем колливадом.
Творение монахини Исидо́ры[1].
Тропарь, глас 1.
Отце́в коллива́дов лик почти́м,/ Ду́ха Свята́го таи́нники, строи́тели благода́ти,/ Христо́ву Благове́стию нас наста́виша во времена́ тя́жкая,/ и зве́зды я́ко пресве́тлыя, душе́вныя пре́лести мрак разгоня́ют./ Ра́дуйся, богоно́сцев собра́ние,/ ра́дуйтеся, наро́да духо́вное утвержде́ние*,/ ра́дуйтеся, и́стины огнесия́ние и ве́ры яви́телие.
На утрени
Канон воскресный
И святых, глас тойже. Егоже краегранесие: Радуйтеся, колливади честнии. Песнь Исидоры.
Песнь 1. Воскресения день:
Благодатноимено́вный лик коллива́дов честны́х/ пе́сньми богоизря́дными восхва́лим, ве́рнии,/ сии бо вои́стинну словесы́ му́дрыми/ и де́лы благосты́ни Бо́гу благоугоди́ша.
Житие́ ангелообра́зное,/ на земли́ во пло́ти име́сте, коллива́ди,/ посты́ бо и моли́твами,/ бде́нии до́лгими,/ слез тече́ньми,/ доброде́телей упражне́ньми/ ду́шу воскрили́сте.
Сло́ва крепкогла́сныя трубы́/ в после́дняя времена́ яви́стеся,/ Того́ смотре́ние, отцы́, я́сно испове́дасте на земли́,/ и вся возста́висте на изря́дное покая́ние.
Богородичен:
Вити́йства богоглаго́ливых проро́к/ на Тебе́, Отрокови́це Богороди́тельнице, сбытие́ прия́ша,/ зачала́ бо еси́ пло́тию, тле́ния кроме́,/ Сы́на, единосу́щнаго Отцу́ и Ду́ху.
Ирмос 3. Приидите, пиво пием новое:
Ра́довашеся подви́жником преподо́бным дре́вле/ гора́ Афо́н святоиме́нная,/ еще́ и ны́не оте́чески/ коллива́дов ли́ку ска́чет ра́дуяся/ и весели́тся боже́ственне.
Кни́зи нове́йшыя живота́, коллива́ди,/ зако́н богоначерта́нный/ на скрижа́лех серде́ц ва́ших написа́сте,/ мир же весь тому́ научи́сте.
Паде́ се́мя Бо́жие/ в зе́млю благу́ю се́рдца ва́шего,/ о, коллива́ди честни́и,/ и мно́гий плод принесе́/ нестаре́емый.
Богородичен:
Го́спода всех и Бо́га/ во чре́ве Твое́м име́ла еси́, Богоблагода́тная,/ и на руку́ Твое́ю, я́ко младе́нца,/ носи́ла еси́, Чи́стая,/ и млеко́м пита́ла еси́.
Седален. Глас 8. Воскресл еси из мертвых:
Отце́в свяще́нных коллива́дов па́мять/ восхва́лим, ве́рнии, согла́сно вопию́ще:/ ра́дуйтеся, би́сери Це́ркве многоце́ннии,/ ра́дуйтеся, благослове́ния небе́снаго исто́чницы нему́тнии,/ богоявле́ния зерца́ла све́тлая,/ и прему́дрости дру́зие.
Слава, глас тойже. Премудрость и Слово:
Апо́стольским уче́нием после́дующе,/ и кано́ны держа́ще свяще́нныя,/ ве́ру сохрани́сте, коллива́ди, непоро́чную,/ и преда́ния боже́ственная до́бре присовокупи́сте,/ Ева́нгелия досто́йнии учи́тели яви́вшеся./ Те́мже Ца́рствия венцы́ прие́мше,/ све́том наслажда́етеся,/ и сла́дости несконча́емыя с ли́ки а́нгельскими./ И престо́лу Бо́жию предстоя́ще,/ о ми́ре Того́ мо́лите,/ дарова́ти ему́ благода́ть и мир свы́шний.
И ныне. Подобен. Воскресен:
Соше́дый во ад теле́сно,/ сме́ртныя у́зы сокруши́л еси́,/ и вся совозста́вил еси́/ во е́же сла́вити Тя, Го́споди,/ и воспева́ти си́лу бла́гости Твоея́,/ и ра́достно пе́ти Ти песнь благода́рственную./ Те́мже раби́ твои́, све́та причаща́ющеся,/ из Гро́ба источа́ема,/ весе́лия исполня́емся,/ и согла́сно вопие́м ти:/ сла́ва сла́ве Твое́й, Спа́се,/ я́ко испра́вил еси́ Е́вино поползнове́ние,/ и обле́кл еси́ вся во оде́жды обоже́ния.
Песнь 4. На божественней стражи:
Ча́до Бо́жие, имени́тое и возлю́бленное,/ да восхва́лится в пе́ниих и пе́снех,/ Ма́карий[2] сла́вный, Кори́нфа а́нгел,/ коллива́дов ве́лий первонача́льник,/ онебеси́вший зе́млю уче́ньми боже́ственными.
Просвети́вый ду́шу све́том богонача́лия,/ тьму дря́хлую отгна́л еси́, свяще́нне Никоди́ме[3],/ На́ксоса[4] се́мя досто́йное,/ Афо́на честно́е увенча́ние,/ глас Уте́шителев,/ трость изощре́нная.
Приими́, Сио́не, ле́торасль мою́,/ о́стров Па́рос вопия́ше,/ ве́лия Афана́сия но́ваго[5],/ писа́ний защи́тника, прему́дростию воспита́нна,/ све́тлаго вселе́нныя свети́льника,/ шко́лы Хи́осския нача́льника,/ наро́да учи́теля.
Богородичен:
Высо́кими умы́, прииди́те, честносло́вим, ве́рнии,/ земли́ и небесе́ Госпожу́,/ Ю́же а́нгелов чи́ни благогове́йно почита́ют./ Колесни́ца бо есть, сла́вою превы́шшая,/ я́ко Бо́га вотеле́снившая.
Песнь 5. Утренюем утренюю глубоку:
Ца́рственный вене́ц прия́л еси́ от Го́спода досто́ен,/ о Хи́осский Ники́форе[6],/ и в Рай всели́лся еси́,/ иде́же сла́дость несконча́емую обре́л еси́/ мзду по́тов твои́х.
О́ко серде́чное неусы́пно, Ни́фонте[7], соблю́д,/ кинови́и води́тель ди́вный был еси,/ в бо́дрости трезве́ния,/ свя́тости яви́вся свети́льник.
Ве́ры учи́тель ве́лий,/ о боже́ственный Кири́лле[8], яви́лся еси́,/ я́ко и́стины селе́ние,/ и оби́тели воздви́гл еси́,/ о́строва Па́роса[9] похвало́,/ уста́ Христо́ва я́ко мироуха́нная.
Богородичен:
Сни́де, я́ко дождь на руно́, Всевы́шний во чре́во Твое́, бездо́ждие ороси́ паде́ния пра́отча, показа́в Тя Его роди́тельницу.
Песнь 6. Сниде в преисподняя:
Обозре́в пренебе́сныя оби́тели,/ призира́еши и́же на земли́ прише́льствия су́щыя,/ о Авксе́нтие[10], А́ндроса[11] и Картели́[12] острово́в сокро́вище, / возрасти́вый[13] смы́сленно,/ тала́нтов твои́х бога́тство.
Возвели́чивый афони́тов ли́ки,/ Парфе́ний[14], Скурте́ев[15] сла́во,/ венце́м исправле́ний мно́гих,/ ны́не предстои́т, служи́тель белонося́й,/ небе́сным черто́гом.
Испо́лнися ра́дости пренебе́сныя наро́д росси́йский,/ яви́вый Паи́сия[16], дру́га доброде́тельнаго жития́,/ изъясни́вшаго Писа́ний богодухнове́нных словеса́.
Возопи́вый в наро́де рабо́тнем/ Косма́, Этоли́и[17] се́мя[18],/ сло́во живоно́сное Христо́во,/ ду́шы е́ллинов воскреси́л есть,/ во тьме лежа́щыя.
Богородичен:
А́нгелов небе́сныя ли́ки/ превозшла́ еси́ сла́вою безприкла́дно,/ Де́во Пресвята́я Чи́стая,/ я́ко носи́вши Царя́ всех,/ рука́ма твои́ма ма́тернима.
Кондак. Глас 4. Явился еси днесь:
По до́лгу вси/ коллива́дов лик воспои́м,/ в после́дняя времена́ нас ясно наста́вльшыя/ и́стины// ве́лию та́инству
Икос:
Непродае́мую Госпо́дню и некупу́емую благода́ть/ стяжа́сте, коллива́ди му́дрии,/ во нра́вех преподо́бных на земли́ до́бре ку́плю соверши́вше,/ и до кончи́ны жития́ ва́шего/ во и́стей со́вести и чистоте́ серде́чней/ ту́ю непоро́чно соблю́дше./ Сего́ ра́ди и подае́те оби́льною благосты́нею/ дарова́ния похваля́ющым/ изря́дныя жития́ ва́шего побе́дныя по́чести/ и пою́щым невозбра́нно си́це:
Ра́дуйтеся, зерца́ла прему́дрости,
Ра́дуйтеся, ра́ла и́стины,
Ра́дуйтеся, сло́ва Бо́жия неуста́ннии се́ятелие,
Ра́дуйтеся, моты́ки небе́снаго богосло́вия.
Ра́дуйтеся, мре́жею Христо́вою в пре́лести су́щыя спа́сшии,
Ра́дуйтеся, ду́шы а́лчущих пра́вдою напита́вшии.
Ра́дуйтеся, крест Госпо́день нра́вом усе́рдным взе́мшии,
Ра́дуйтеся, и́го тьмы, я́ко прах оттря́сшии.
Ра́дуйтеся, Ева́нгелия зако́ны пропове́давшии,
Ра́дуйтеся, стра́хом серде́чным зако́ны оте́ческия возлюби́вшии.
Ра́дуйтеся, безмо́лвия красне́йшии рачители,
Ра́дуйтеся, рая́ светоно́снии жи́тели.
Ра́дуйтеся, Сло́ва трубы́!
(Синаксарий)
Песнь 7. Отроцы от пещи избавивый:
Да взыгра́ет о́стров Па́рос,/ богатя́ся Арсе́нием[19] назира́телем,/ благосла́вным зело́,/ той благослови́вшим/ безчи́сленных чуде́с благода́тию,/ и дожди́ благода́тно низводя́щим,/ я́коже Илия́ пе́рвее.
Хода́тая ко Го́споду предлага́ем,/ незря́чаго Анфи́ма[20],/ проро́ка те́плаго,/ Кефалини́и[21] сы́на,/ оби́тели неизче́тныя созда́вшаго,/ и о́бразом Врата́рницы боже́ственым/ Астипа́лею о́стров[22] украси́вшаго.
По́ты и воздержа́ния по́двиги/ Бо́гу благоугоди́л есть,/ Сильве́стр[23] сла́вный,/ Кесари́и о́трасль,/ и И́дры[24] высота́ ве́лия,/ слове́сныя и разу́мныя удиви́вый/ соверше́нством прему́дрости.
Са́вва, Ка́лимноса сла́ва[25], да почти́тся мно́ю,/ служи́тель верне́ший, раб благи́й,/ вше́дый в ра́дость Го́спода ве́рно,/ ему́же порабо́та,/ во святы́я бо ме́ста всели́ся/ и в Па́тмос богопослу́шный.
Богородичен:
Се Тя челове́ков, я́коже рекла́ еси́,/ при́сно ублажа́ем вси ро́ди,/ я́ко Бог призре́ на смире́ние Твое́, Всенепоро́чная,/ сотвори́в Тебе́ мы́шцею си́лы/ вели́чия ди́вная.
Песнь 8. Сей нареченный и святый день:
Яви́ся наста́вник непреле́стный[26] во Афи́нех,/ от На́ксоса[27] Никола́й[28] Плана́с просты́й,/ вели́чием Бо́жиим поуча́яся в горта́ни свое́м день и нощь.
Прииди́те, бра́тий святу́ю дво́ицу,/ Парфе́ния вку́пе со Евме́нием свяще́нным[29],/ оби́тели Кудума́са[30] строи́тели пе́сньми возвели́чим,/ Кри́та свети́льники и Бо́гу предста́тели.
Со́лнце све́тлое от Ни́сироса[31] взы́де,/ Григо́рий[32], свяще́нному безмо́лвию друг,/ ке́ллию Пречи́стыя Богоро́дицы во Граве́[33] воздви́гнувый,/ в не́йже приходя́щих ду́шы испове́дова.
Се сын мой, - глаго́лет Сили́вена[34], - в преподо́бных роди́ся,/ сей Иерофе́й[35], оте́ц отце́в,/ на Афо́не навы́к неизрече́нным,/ и житие́м непоро́чным Бо́гу священнопослужи́в.
Богородичен:
Приосене́нную Чи́стую и несеко́мую го́ру/ проро́цы богоглаго́ливии в Писа́ниих Тя нарица́ют./ Де́вство бо в рождестве́ це́ло соблюла́ еси́,/ Бо́гу восхоте́вшу от Теб́е вотеле́снитися.
Песнь 9. Светися, светися:
Стих: Велича́й, душе́ моя́,/ хвале́нием боже́ственным/ всечестны́й лик коллива́дов отце́в.
Исцеле́ния всем излива́ет по всей земли́,/ я́ко Нил церко́вный, Некта́рий сла́вный[36]./ Эги́на ны́не возвесели́ся све́тло,/ ра́дуйтеся вку́пе Силиври́я Фраки́йская и Пента́поль Еги́петский.
Стих: Велича́й, душе́ моя́, коллива́ды боже́ственныя,/ преде́лы[37] ве́ры непоро́чно соблю́дшыя.
Вмести́лище благоуха́нное пречестны́х дарова́ний/ Парфе́ний яви́ся Хи́оса начальник[38],/ мно́гия ду́шы к Бо́гу наста́вивый,/ неду́ги лю́тыя дале́че отгна́вый,/ и хотя́щая бы́ти прови́девый.
Стих: Велича́й, душе́ моя́, коллива́ды боже́ственныя,/ трубы́, возгласи́вшыя вели́чия живота́.
Я́ко весна́ преды́де вре́менем по́здним и мра́чным/ от Хи́оса благово́ннаго[39] вели́кий Пахо́мий[40],/ оби́тель дев Христо́вых воздви́гнувый,/ ку́пно и храм ве́лий поста́вивый Трисо́лнечнаго Божества́.
Велича́й, душе́ моя́,/ коллива́ды боже́ственныя,/ ра́ло, сад красне́йший возде́лавшее.
Глаго́лов веща́ние воспле́щим, ве́рнии,/ коллива́дов отце́в честно́му собра́нию,/ Бо́га Сло́ва гла́сом ве́лиим,/ со зна́емыми вся, ели́ка безыме́нна,/ тех моли́твами испроша́еми бы́вше.
Слава:
Стих: Велича́й, душе́ моя́,/ коллива́ды боже́ственныя,/ хода́таи благоприя́тныя ко Святе́й Тро́ице.
Весели́тся Афо́н, отцелю́бно воспева́я/ коллива́дов боже́ственных пра́здник благознамени́тый,/ рука́ми Елла́да ве́село пле́щет,/ о́строви мно́зи Еге́йстии ра́дуются,/ и Еде́м велича́ется.
И ныне: Богородичен:
Стих: Велича́й, душе́ моя́, Честне́йшую и Сла́внейшую го́рних во́инств.
Всели́выйся во утро́бу Твою́, Де́вы Чи́стыя, Влады́ка всех,/ храм сла́вы Тя показа́, Мариа́м,/ и Ма́терь Свою́./ Чу́до но́вое, умы́ безпло́тных и земноро́дных ужаси́вшая.
Катавасия. Ангел вопияше: Светися, светися:
Эксапостилларий.
Глас 3. Небо звездами:
Небе́сную сла́ву изъясни́сте су́щым на земли́ му́дрыми словесы́, коллива́ди,/ смотре́ния стра́шнаго я́же па́че ума́ вели́чия/ письмены́ списа́сте боже́ственными.
Ин. Глас 2. Плотию уснув:
Зако́ны Христо́вы на скрижа́ли серде́ц начерта́вше,/ всеблаже́ннии коллива́ди,/ путь пра́вый показа́сте,/ и́мже ходя́ще, глаго́лем:/ Ра́дуйтеся, самови́дцы го́рния све́тлости.
Ин. Глас 2. Жены услышите:
Тече́ние по́стническое до́бре соверши́сте,/ труды́ и боле́зньми многоразли́чными,/ плотски́я стра́сти умертви́вше,/ слеза́ми боже́ственными се́явше,/ блага́я пожа́сте,/ нетле́нное ра́дование,/ живо́т во све́те неконча́емем,/ о коллива́ди отцы́.
Ин. Плотию уснув:
И́го Христо́во ле́гкое на ра́мена взе́мше,/ коллива́ди блаже́ннии,/ Тому́ восле́д ра́достию после́довавше,/ сла́ву безсме́ртия обрето́сте/ и бога́тство небе́сное.
[1] Мон. Исидора Агиерофеитисса - игумения обители св. Иерофея в Мегарах (Греция).
[2] Свт. Макарий Нотара(с) (1731 - 1805), митрополит Коринфский. Пам 17 (30) апреля. Службу св. Макарию, составленная преп. Никифором Хиосским, была издана в 1863-м году иеромонахом Иосифом Хиосским вместе с житием, написанным св. Афанасием Париосом.
[3][3] Прп. Никодим Святогорец (1749 - 1809). Пам 14 (27) июля.
[4] Наксос - Νάξος -Греческий о-в. в Эгейском море, принадлежащий к архипелагу Киклад.
[5] Прп. Афанасий Паросский (1722 - 1813). Пам. греч. 24 июня (7 июля).
[6] Иеромон. Никифор (1750-1821). Духовный сын и ученик свт. Макария Коринфского. Пам. греч. 1 маяю
[7] Иеромон. Нифон(т) Хиосский, Новый Киновиарх (1736 - 1809), основатель монастыря Благовещения на Скиатосе, вождь колливадского рассеяния. Пам. 28 дек.
[8] Игум. Кирилл Паросский (Пападопулос). Кирилл Новый. 1748 - 1833), игумен Георгиевского монастыря на Паросе. Пам. греч. 11 июля.
[9] Парос - Πάρος - греч. о-в. в Эгейском море, в архипелаге Киклад.
[10] Преподобный Авксентий Андросский († после 1757), о нём см.: https://www.saint.gr/3708/saint.aspx
[11] Андрос - греч.о-в. в Эгейском море.
[12] Небольшой городок недалеко от Никомидии (турецкий Измит), рядом с ним находится гора Катирилион, на которой подвизался преп. Авксентий.
[13] Αὐξέντιος - возрастивший.
[14] о. Парфений Скуртос, или Скуртей.
[15] Келлия скуртеев в Карее.
[16] Прп. Паисий Величковский (1722 - 1794). Пам. 15 (28) ноября.
[17] Я уже смирилась с использованием «э оборотного» в гражданской графике, в словах, где все равно будет произноситься «э».
[18] Р-ап. Косма Этолийский (1714 - 1779). Пам. 24 авг (6 сентября).
[19] Прп. Арсений Паросский (1800 - 1877). Пам. греч. 31 янв. и 5 авг. - обр. мощей.
[20] Прп. Анфим Куруклис (1727 - 1782). Пам. греч. 4 (17) сент.
[21] Кефало́ния, Кефалини́я - Κεφαλληνία - греч. о-в. в Ионическом море.
[22] О. Астипа́лея (тж. Стампали́я) - Ἀστυπάλεια- греческий остров в Эгейском море, самый западный из о-вов Додеканес.
[23] Очевидно, старец Сильвестр, духовный наставник прп. Никодима Святогорца, о котором почти ничего не известно. лишь из рукописи Афанасия Париоса, что он был «муж искуснейший [в добродетелях] и добродетельный» и «источал мед исихии и созерцания» (по рукоп. некоего Евфимия).
[24] Идра - Ὕδρα -греч. о-в. в заливе Сароников, у вост. побережья полуо-ва Пелопонесс.
[25] Прп. Савва Калимносский (Савва Новый) (1862 - 1947), считается покровителем греч. о. Ка́лимнос (Kάλυμνος) - о-ва на ю-в. Эгейского моря. Пам. 25 марта (7 апреля).
[26] Видимо, игра слов. Непрелестный - Ἄ-πλανος.
[27] Греческий о-в. в Эгейском море, где родился св. Николай Планас.
[28] Прав. Николай Планас (1851 - 1932) - священник Элладской Церкви, служивший в Афинах. Пам. греч. 2 (15) мар.
[29] Прпп. Евмений и Парфений Паросские, Гортинские, Кудумские (1829 - 1920, 1846 - 1905). Пам. греч. 10 (23) июля.
[30] Кудума́с (Κουδουμᾶς) - общежительный мужской монастырь на Крите.
[31] Ни́сирос (Νίσυρος) - небольшой греческий остров в Эгейском море.
[32] Прп. Григорий Нисиросский (+22 апр. ст. ст. 1812).
[33] Имеется ли в виду та Грава, которая была впоследствии переименована в Игуменицу (неольшой прибрежный городок на ю.-з. Греции)?
[34] Сили́вена (Σιλίβενα) - селение на Пелопоннесе, уничтоженное гигантским оползнем в 1913 г., на месте которого в наст. время находится оз. Цивлоу.
[35] Старец Иерофей Георги́у (1762 - 1814). Житие его было опубликоввано в 1994 году в издательстве «Тинос» опубликовано (Βίος καὶ πολιτεία Ἱεροθέου τοῦ μακαρίου Γέροντος, ἔκδ. Τῆνος, Ἀθήνα, 1994). Основой публикации стали две рукописи монастыря пророка Ильи на о. Идра.
[36] Свт. Нектарий Эгинский (Кефалас) (1846 - 1920). Пам. 9 (22) ноября, 9 (22) июня, 21 августа (3 сент.) - перенесение мощей.
[37] Ὄρος - межевой столб, предел, определение, орос (соборный).
[38] ἔξαρχος - экхзарх, глава, начальник, зачинатель, запевала, начальник хора. Поскольку непонятно, кто был этот Парфений, то взято наиболее общее значение слова. Был ли это прп. Пахомий Хиосский?
[39] Благовонный - μυρόβλυτος. Одно из названий Хиоса, которое он получил, благодаря аромату мандаринов и мастичных деревьев.
[40] . Прп. Пахомий Хиосский (+14 окт. ст. ст. 1905).