Тропари и кондаки греческие, из разных источников. Ноябрь 1 (14) - 10 (23) ноября.
НОЕМВРИЙ
3 (16).
Тропарь святому новомученику Георгию Неаполиту (перенесения мощей) (+1797).
Глас 4. Скоро предвари:
Я́ко со́лнце одушевле́нное явле́йся страда́нием твои́м,/ зако́ном естества́ заше́л еси́,/ но от земли́ возсиява́еши мощьми́ твои́ми,/ весь просвеще́н заре́ю Ду́ха,/ Вселе́нней испуща́я исцеле́ний лучи́,/ Гео́ргие, великострада́льче,// ве́рных заступле́ние.
4 (17).
Тропарь святому добропобедному мученику Порфирию, иже от лицедеев.
Глас 5. Собезначальное Слово:
Я́ко прия́л еси́ сия́ние боже́ственныя благода́ти,/ от крове́й све́тлую порфи́ру обагри́л еси́,/ пострада́в му́жески, му́чениче Порфи́рие./ Те́мже сла́вы Христо́вы о́бщник показа́вся,/ моли́ страстоте́рпче// о и́же ве́рою чту́щих блаже́нное страда́ние твое́.
Ин тропарь мученика Порфирия (творение прот. Георгия Металлиноса).
Глас 3. Божественныя веры:
В лицеде́йстве свет прия́вый,/ Ду́ха испо́лнен всем яви́лся еси́:/ сего́ ра́ди Христа́ испове́дал еси́, всему́дре,/ и с небесе́ благода́ть прия́в,/ приходя́щым к тебе́ подае́ши, Порфи́рие:/ му́чениче сла́вне,/ Христа́ Бо́га моли́// дарова́ти нам ве́лию ми́лость.
Ин тропарь мученику Порфирию (творение Харлампия М. Бусиа).
Глас 4. Скоро предвари:
Креще́нию свяще́нному посмева́яся,/ и́стинно Христа́ на помо́сте испове́дал еси́,/ и стра́сти Того́ подража́я,/ то́ками крове́й украси́л еси́, лицеде́е, ри́зу души́ твоея́:/ те́мже прия́л еси́ благода́ть/ моли́тися о всех нас,// му́чениче Порфи́рие.
Кондак мученику Порфирию, глас 4. Явился еси днесь:
Пожела́в креще́нию Христо́ву посмея́тися,/ врагу́ посмея́лся еси́/ испове́данием и́стинным благоче́стия, Порфи́рие,/ и му́ченическую стезю́// сконча́л еси́.
Ин кондак мученику Порфирию (творение Харлампия М. Бусиа).
Глас 2. Кровей твоих струями:
В одея́ние страда́льческое обле́кся,/ на три́знище Христа́ испове́дал еси́,/ и ны́не, лицеде́е блаже́нне, Порфи́рие,/ о нас приле́жно моли́,// любо́вию чту́щих па́мять твою́.
Тропарь святому [благоверному] царю Иоанну Дуке Ватацу Милостивому
(1193 - 4 ноября 1254, празднуется в Дидимотихе [1]).
Глас 1. Пустынный житель:
Сла́внаго царя́ и ве́рных ве́лию похвалу́,/ и Нимфе́я [2] сла́ву,/ Иоа́нна почти́м пе́ньми и пе́сньми духо́вными, пра́здник того́ соверша́юще,/ и согла́сно взыва́юще:/ Сла́ва просла́вльшему тя,/ сла́ва тебе́ венча́вшему,// сла́ва де́йствующему тобо́ю всем исцеле́ния.
6 (19).
Тропарь святителю Димитрию, епископу Китиры (Киферы) Кипрской.
Глас 3. Самогласен.
Кити́ры сла́ва/ и Кипра украше́ние,/ архиере́ев пра́вило яви́лся еси́ и утвержде́ние,/ Дими́трие о́тче наш./ Моли́твами твои́ми нас укрепи́,/ мир гра́ду твоему́ да́руй,// и душа́м на́шым ве́лию ми́лость.
Ин тропарь святителю Нектарию, епископу Пентапольскому.
(Творение о. Серафима Стергиулиса, [Митрополита Китирскаго])
Глас 1. Пустынный житель:
Сили́ври [3] семя,/ Пента́поля председа́теля,/ Александри́и предста́теля и Еги́пта украше́ние,/ Некта́рия воспои́м, ве́рнии,/ я́ко дру́га и при́снаго Христо́ва:/ источа́ет бо исцеле́ния всегда́ любо́вию взыва́ющым:/ Сла́ва да́вшему тебе́ кре́пость,/ сла́ва уди́вльшему тя,// сла́ва в после́дняя времена́ све́тло тя освяти́вшему.
Ин тропарь святому Нектарию.
Глас 3. Божественныя веры:
Ра́дуйся, ве́рных ли́че,/ име́я правосла́вия пра́вило,/ и Еги́ны град адама́нта,/ и Це́рковь све́точа всесве́тлаго,/ незло́бием и смиренному́дрием просия́вшаго./ О́тче святы́й, иера́рше Некта́рие,/ моли́ Христа́ Бо́га// дарова́ти нам ве́лию ми́лость.
Ин тропарь святителю Нектарию.
Глас 4. Скоро предвари:
Преподо́бно пожи́л еси́, я́ко му́дрый иера́рх,/ Го́спода просла́вив доброде́тельным житие́м,/ Некта́рие преподо́бне./ Те́мже си́лою Уте́шителевою просла́влен бы́в,/ бе́сы отгоня́еши,/ неду́гующыя исцеля́еши,// ве́рою приходя́щыя к боже́ственным моще́м твои́м.
Тропарь апостолом от семидесяти Олимпу, Родиону, Сосипатру, Тертию, Ерасту и Куарту (Кварту).
Глас 5. Собезначальное Слово:
Му́дрости сло́во стяжа́вше,/ благоче́стия свети́льницы и служи́тели му́дрии/ показа́стеся нам, Христа́ пропове́давше,/ Куа́рте, Ера́сте сла́вный, Те́ртие и Оли́мпе,/ Сосипа́тре и Родио́не,/ апо́столи богоглаго́ливии,// световоди́тели сердца́м на́шым.
Тропари и кондак прп. Арсению Каппадокийскому добавлены в раздел "Октябрь" (запись от 15. 04. 2021).
[1] Дидимотих - др. Дидимотихон - малый город в Греции, на левом бер. р. Эритропотамос, начало которому было положено постройкой крепости с двойными (δυδυμοις) стенами, от которых и получил название город.
[2] Нимфей - древний город на зап. Берегу Босфора, бывший второй столицей Никейской империи. В Нимфее был похоронен св. имп. Иоанн.
[3] Силиври (др. Селибрия, Селимбри́я) - город и р-н пров. Стамбул на бер. Мраморного моря. Возник как Дорийская колония еще ранее Византии.
3 (16).
Тропарь святому новомученику Георгию Неаполиту (перенесения мощей) (+1797).
Глас 4. Скоро предвари:
Я́ко со́лнце одушевле́нное явле́йся страда́нием твои́м,/ зако́ном естества́ заше́л еси́,/ но от земли́ возсиява́еши мощьми́ твои́ми,/ весь просвеще́н заре́ю Ду́ха,/ Вселе́нней испуща́я исцеле́ний лучи́,/ Гео́ргие, великострада́льче,// ве́рных заступле́ние.
4 (17).
Тропарь святому добропобедному мученику Порфирию, иже от лицедеев.
Глас 5. Собезначальное Слово:
Я́ко прия́л еси́ сия́ние боже́ственныя благода́ти,/ от крове́й све́тлую порфи́ру обагри́л еси́,/ пострада́в му́жески, му́чениче Порфи́рие./ Те́мже сла́вы Христо́вы о́бщник показа́вся,/ моли́ страстоте́рпче// о и́же ве́рою чту́щих блаже́нное страда́ние твое́.
Ин тропарь мученика Порфирия (творение прот. Георгия Металлиноса).
Глас 3. Божественныя веры:
В лицеде́йстве свет прия́вый,/ Ду́ха испо́лнен всем яви́лся еси́:/ сего́ ра́ди Христа́ испове́дал еси́, всему́дре,/ и с небесе́ благода́ть прия́в,/ приходя́щым к тебе́ подае́ши, Порфи́рие:/ му́чениче сла́вне,/ Христа́ Бо́га моли́// дарова́ти нам ве́лию ми́лость.
Ин тропарь мученику Порфирию (творение Харлампия М. Бусиа).
Глас 4. Скоро предвари:
Креще́нию свяще́нному посмева́яся,/ и́стинно Христа́ на помо́сте испове́дал еси́,/ и стра́сти Того́ подража́я,/ то́ками крове́й украси́л еси́, лицеде́е, ри́зу души́ твоея́:/ те́мже прия́л еси́ благода́ть/ моли́тися о всех нас,// му́чениче Порфи́рие.
Кондак мученику Порфирию, глас 4. Явился еси днесь:
Пожела́в креще́нию Христо́ву посмея́тися,/ врагу́ посмея́лся еси́/ испове́данием и́стинным благоче́стия, Порфи́рие,/ и му́ченическую стезю́// сконча́л еси́.
Ин кондак мученику Порфирию (творение Харлампия М. Бусиа).
Глас 2. Кровей твоих струями:
В одея́ние страда́льческое обле́кся,/ на три́знище Христа́ испове́дал еси́,/ и ны́не, лицеде́е блаже́нне, Порфи́рие,/ о нас приле́жно моли́,// любо́вию чту́щих па́мять твою́.
Тропарь святому [благоверному] царю Иоанну Дуке Ватацу Милостивому
(1193 - 4 ноября 1254, празднуется в Дидимотихе [1]).
Глас 1. Пустынный житель:
Сла́внаго царя́ и ве́рных ве́лию похвалу́,/ и Нимфе́я [2] сла́ву,/ Иоа́нна почти́м пе́ньми и пе́сньми духо́вными, пра́здник того́ соверша́юще,/ и согла́сно взыва́юще:/ Сла́ва просла́вльшему тя,/ сла́ва тебе́ венча́вшему,// сла́ва де́йствующему тобо́ю всем исцеле́ния.
6 (19).
Тропарь святителю Димитрию, епископу Китиры (Киферы) Кипрской.
Глас 3. Самогласен.
Кити́ры сла́ва/ и Кипра украше́ние,/ архиере́ев пра́вило яви́лся еси́ и утвержде́ние,/ Дими́трие о́тче наш./ Моли́твами твои́ми нас укрепи́,/ мир гра́ду твоему́ да́руй,// и душа́м на́шым ве́лию ми́лость.
Ин тропарь святителю Нектарию, епископу Пентапольскому.
(Творение о. Серафима Стергиулиса, [Митрополита Китирскаго])
Глас 1. Пустынный житель:
Сили́ври [3] семя,/ Пента́поля председа́теля,/ Александри́и предста́теля и Еги́пта украше́ние,/ Некта́рия воспои́м, ве́рнии,/ я́ко дру́га и при́снаго Христо́ва:/ источа́ет бо исцеле́ния всегда́ любо́вию взыва́ющым:/ Сла́ва да́вшему тебе́ кре́пость,/ сла́ва уди́вльшему тя,// сла́ва в после́дняя времена́ све́тло тя освяти́вшему.
Ин тропарь святому Нектарию.
Глас 3. Божественныя веры:
Ра́дуйся, ве́рных ли́че,/ име́я правосла́вия пра́вило,/ и Еги́ны град адама́нта,/ и Це́рковь све́точа всесве́тлаго,/ незло́бием и смиренному́дрием просия́вшаго./ О́тче святы́й, иера́рше Некта́рие,/ моли́ Христа́ Бо́га// дарова́ти нам ве́лию ми́лость.
Ин тропарь святителю Нектарию.
Глас 4. Скоро предвари:
Преподо́бно пожи́л еси́, я́ко му́дрый иера́рх,/ Го́спода просла́вив доброде́тельным житие́м,/ Некта́рие преподо́бне./ Те́мже си́лою Уте́шителевою просла́влен бы́в,/ бе́сы отгоня́еши,/ неду́гующыя исцеля́еши,// ве́рою приходя́щыя к боже́ственным моще́м твои́м.
Тропарь апостолом от семидесяти Олимпу, Родиону, Сосипатру, Тертию, Ерасту и Куарту (Кварту).
Глас 5. Собезначальное Слово:
Му́дрости сло́во стяжа́вше,/ благоче́стия свети́льницы и служи́тели му́дрии/ показа́стеся нам, Христа́ пропове́давше,/ Куа́рте, Ера́сте сла́вный, Те́ртие и Оли́мпе,/ Сосипа́тре и Родио́не,/ апо́столи богоглаго́ливии,// световоди́тели сердца́м на́шым.
Тропари и кондак прп. Арсению Каппадокийскому добавлены в раздел "Октябрь" (запись от 15. 04. 2021).
[1] Дидимотих - др. Дидимотихон - малый город в Греции, на левом бер. р. Эритропотамос, начало которому было положено постройкой крепости с двойными (δυδυμοις) стенами, от которых и получил название город.
[2] Нимфей - древний город на зап. Берегу Босфора, бывший второй столицей Никейской империи. В Нимфее был похоронен св. имп. Иоанн.
[3] Силиври (др. Селибрия, Селимбри́я) - город и р-н пров. Стамбул на бер. Мраморного моря. Возник как Дорийская колония еще ранее Византии.