Заупокойное последование X - XI в.
Источник: Elena Velcovska. Funeral rites. according to the Byzantine Liturgical sources.
Последование на усопшаго.
Подобает ведати, яко предлежащим мощем посреде церкве, аще мирянин есть, начинает иерей: «Благословенно царство…» и глаголет шестопсалмие, аще же монах, не глаголет шестопсалмия, но 90 псалом Живый [в помощи], и по окончании псалма диакон ектению́.
Миром Господу помолимся. О свышнем мире. О памяти, успении, ослабе, упокоении и оставлении грехов раба Божия (имярек) Господу помолимся. О еже проститися ему и нам всякому прегрешению, вольному же и невольному, Господу [77v]. О еже вчинитися ему в недрех Авраама, Исаака и Иакова, Господу помолимся. О еже сопричислену быти ему в лике избра́нных во Царствии Небеснем. О еже обрести ему благодать и милость в день судный, Господу помолимся. О еже низпослатися святым ангелом мира, путеводящым его, Господу помолимся. О еже предстати ему непорочну и неосужденну пред страшным Престолом Христовым и обрести милость и оставление грехов, Господу. Яко да Господь Бог, приявый дух его, учинит его в месте светле, идеже праведнии упокоя́ются, Господу помолимся. О еже избавитися нам от всякия.
Иерей молитву. Боже духов и всякия плоти, смерть упразднивый и живот миру даровавый, упокой душу раба (имярек) в месте светле, во стране покойне, отоню́ду отбеже́ болезнь, печаль и воздыхание. Вяское согрешение, содеянное словом, или делом, или помышлением, 78 r яко Благий и Человеколюбец Бог, прости, яко несть человек, иже жив будет и не согрешит. Ты бо еси Един кроме́ всякаго греха, и правда твоя - правда во веки, и слово Твое - истина.
Диакон. Заступи. Милости Божия, и человеколюбия Его, и оставления грехов испросивше, сами себе и друг друга, и весь живот наш Христу Богу предадим.
Возглас. Яко Ты еси живот и покой усопшим, и Тебе славу возсылаем.
И глаголет Аллилуйа, глас 6. Сень преходящая житие есть человеческое, цвет привременный, и пома́ле увядает, сего ради раба Твоего, Христе, с праведными упокой.
В храме стояще славы Твоея, на небеси́ стояти мним. Богородице, дверь небесная, отверзи нам двери милости Твоея.(IHEG 1:472)
И абие глаголет непорочны, псалом 118, Блаженни непорочнии, до Жива́ будет. И глаголет седален, глас 5, Упокой, Спасе наш. (IHEG 1:98)
И абие канон, и на 3-й [песни] канона глаголет пятистишие из диаконико́на [1], зри, яко предписано, и иерей молитву.
Господи, Господи, скорбящих [2] 78v отрадо и печальных утешение, и всех в малодушии сущих заступление сый, печалию по усопшему содержимыя Твоим благоутробием утеши, всякую болезнь [3] печали в сердце их уврачуй и раба (имярек) во уповании воскресения усопшаго в недрех Авраамовых упокой.
Диакон. Заступи, спаси, помилуй. Милости Божия и человеколюбия Его, и оставления грехов. Возглас. Ты бо еси покой раба Твоего, и Тебе славу.
И поет кондак, и на 6 [песни] диакон пятистишие из диаконикона.
Молитва. Владыко, Господи Боже наш, создавый человека по образу Твоему и подобию и вложивый в него дыхание жизни [4], согрешившаго же смертию возведый и иже от земли и в землю возвращаяй, душу же к Себе призываяй, Сам упокой душу раба Твоего (имярек) в месте светле, в месте покойне, отонюду отбеже болезнь, печаль и воздыхание, идеже присещает свет лица Твоего, Господи, в недрех Авраама 79 r и Исаака, и Иакова, со всеми святыми, от века Тебе благоугодившими, и аще что согреши, аще делом или словом, или помышлением, Сам яко Благий и Человеколюбец Бог ослаби, остави, прости, презирая его и наша беззакония, нас же скончания живота безболезненна и непостыдна сподоби, яко хощеши и яко волиши, - Един кроме студа и прегрешений.
Диакон. Заступи, спаси. Милости Божия и человеколюбия. Возглас. Ты бо еси покой раба Твоего, и Тебе славу.
И глаголет кондак, и на 9-й [песни] диакон [из] диаконикона - пятистишие, [еже] предписано.
Иерей молитву. Владыко Боже духов и всякия плоти, давый одеяние [5] славы вместо духа уныния [6] и неизреченною твоею мудростию соединивый душу и тело, и паки разрешаяй, персть убо в персть, дух же - к Себе, якоже дал еси, привлекаяй; Сам, Владыко Христе, приими душу раба Твоего (имярек) и сподоби его со святыми Твоими упокоитися в месте светле, во стране покойне, во стране прохладне, 79v тамо, отонюду отбеже болезнь, печаль и воздыхание, яко несть рабом твоим смерть <яко> воистинну, но души преставление; и аще что согреши словом, или делом, или помышлением [7], презри, яко Благий и Человеколюбец Бог, печальным Заступник и Отрада буди; просвети мрак уныния их умным Твоим светом, нас же, сошедшихся в честь мощей, укрепи, и милостив буди ко грехом нашим.
Диакон. Заступи, спаси. Милости Божия и [человеколюбия [8]]. Возглас. Яко Ты еси оставление прегрешений наших, и Тебе славу.
И глаголет светилен, глас 6. Ныне упокоихся и обретох оставление многое, яко родихся в тлении и преставихся к животу (IHEG 2:543). Глаголет то же дважды и трижды. Богородичен. Ныне избрах Богоматерь святую [9], яко родися из Нея Христос, всех Избавитель (IHEG 2:546).
И глаголет стихиры на Хвалитех.
И бывает ликостояние, два лика, и начинает десный лик; антифон 1, припев Аллилуйа трижды, глас 2, псалом 22. Господь пасет мя и ничтоже мя лишит. И по еже исполнити весь псалом, глаголет Слава, 80 r и глаголет тропарь, глас 2. От земли создавый мя, в землю паки поити преступлением мя осудил еси; Поставил еси день испытания, <воньже тайная коегождо деяния> явна предстоят пред Тобою. Тогда пощади мя, Безгрешный Боже, и прегрешений ми прощение давый, Царствия Твоего не отлучи мене (IHEG 1:388). И ныне. Яко цвет увядает и (IHEG 5:152).
Диакон: Паки и паки миром Господу. О памяти, успении, ослабе и блаженном упокоении. Яко да Господь Бог наш учинит дух его в месте светле, идеже праведнии упокояются. О еже избавитися нам.
И приклонься, иерей молитву глаголет:
Владыко Господи Боже, иже мудростию Своею устроивый человека и образом Своим почтый его, и вложивый в него дыхание жизни [10], и введый его в мир сей жительствовати на уповании жизни вечныя, согрешша же его возведый и разрешивый, и еже от земли в землю разрешая, душу же к себе призываяй, Сам Владыко Человеколюбче, приими дух раба Твоего (имярек), и приходящаго ко святому Престолу Твоему всякия чести и ослабы сподоби, соблюдая в воскресение, и аще что, яко человек плотию живый, словом, или делом, или помышлением согреши, Сам, яко Благий и Человеколюбец Бог, ослаби, остави, прости, презирая его и наша прегрешения.
Заступи, спаси, помилуй. Милости Божия и человеколюбия. Возглас . Ты бо еси Бог Един Щедрый, и Тебе подобает.
И по молитве седален, глас 2. Помяни, Господи, яко (IHEG 2:436). И на Славе вместо Богородична, глаголет: Днесь разлучаюся (IHEG 3:497).
Апостол к Римляном. Братие, якоже единем человеком грех, конец: живых же Богови о Христе Иисусе Господе нашем (Рим. 5:12-6:11).
Антифон 2, псалом 23 поющым, припев Аллилуйа, трижды глас 3. Господня земля и исполнение ея (Пс. 23:1), и скончавают псалом; глаголет глас 3. Упокой, Господи, душу раба Твоего. Слава. Образом Креста Твоего, Христе Боже, Смерть умертвися (IHEG 4:3.9).
Диакон. Паки и паки миром. О памяти, упокоении, ослабе и блаженном упокоении брата нашего (имярек) Господу помолимся. Яко да Господь Бог наш 81r учинит дух его в месте светле, идеже праведнии упокояются, Господу помолимся. О еже учинити его в недрех Авраама, и Исаака, и Иакова, идеже праведнии. О еже избавитися нам.
Иерей молитву. Боже духов и всякия плоти, видимых и невидимых Творче, иже по неизреченному Твоему изволению соединивый душу {и} тело, и паки, по воле Твоя благости разрешаяй творение, еже сотворил еси, и персть убо в персть разрешаяй, дух же к Себе призываяй, и учиняяй [во] обителех до воскресения и откровения [11] Единороднаго Твоего Сына; Сам Владыко, восприими дущу раба Твоего, и возводяй ю от мирския тьмы, и от власти противостоящих сил избавляяй, учини во стране светле, во стране живых, отонюду отбеже болезнь, печаль и воздыхание, простив ему согрешения, прощение подав человеческим прегрешением, 81v, во благодати же Твоей сохранив, помяни и сошедшихся почтити подобострастное, и вмени им труд и тщание в дело правды, и печалующих и тужащих помяни, Господи, и утеши сердце их, и отраду подав, помилуй их и нас, и спаси во славном Твоем Царствии.
Диакон. Заступи, спаси. Милости Божия и человеколюбия. Возглас Яко подобает Тебе всякая слава, честь, и держава, и великолепие.
И глаголет седален, глас 8. Глубиною мудрости человеколюбно (IHEG 3:6 var.). И глаголет Слава. Прейде сень (IHEG 3:281).
Апостол к Коринфяном. Братие, сказую вам благовестие, конец: И [12] такожде о Христе вси оживут (1 Кор. 15:1-22).
Антифон 3, припев: Аллилуйа трижды, псалом 88 [13], глас 8. Коль возлюбленна селения Твоя, Господи [сил]. И глаголет Слава. Болезнь Адаму бысть [14] (IHEG 1:78). И ныне. Воистинну суета всяческая (IHEG 3:122).
Диакон. Паки и паки миром. О памяти, упокоении, ослабе и блаженном упокоении брата нашего (имярек) Господу помолимся. Яко да Господь Бог наш учинит дух 82r его в месте светле, идеже праведнии упокояются. О еже избавитися нам.
Иерей молитву. Боже духов и всякия плоти, Господи господствующих, Боже утешения, иже смерть упразднивый, диавола поправый и живот даровавый роду человеческому, Боже отец наших, Боже святых, покой скорбящих, упокой душу раба Твоего в месте светле, в месте покойне, отонюду отбеже болезнь, печаль и воздыхание, и подаждь ему в недра Υ Авраама и всех святых внити [15] и печальным даруй отраду, скорбящих Спаситель, малодушествующих Утешение, сохрани же нас в веце сем и в будущем.
Диакон. Заступи. Милости. Возглас. Щедротами и человеколюбием Единороднаго Твоего Сына.
И глаголет седален, глас 6. Пришествием Твоим страшным [16].
Апостол Коринфяном. Братие, что сотворят крестящиися мертвых ради, конец: 82v ниже тление нетления наследствует (1 Кор. 15:29-50).
Междопесние, глас 6. Блажен путь, воньже идеши днесь, яко уготовася тебе место упокоения. Стих. Обратися, душе моя, в покой твой, яко Господь благодействова [тя] [17]. Апостол к Солуняном. Братие, не хощу вас, конец: В словесех сих (1 Фес 4:13-18). Аллилуйа, глас 8, стих: Блажен, егоже избрал и приял еси (Пс. 64:5). Евангелие от Иоанна. Рече Господь ко пришедшим, конец: Но воли пославшаго Мя Отца (Ин 5: 25-30).
И глаголет ектению. И поют: Зряще мя безгласна (IHEG 3:168). И бывает целование мощей, поемой стихире, глас 2: Приидите, последнее целование (IHEG 1:296).
И иерей освящает елей, и дует трижды, и знаменует трижды, и глаголет молитву: «Владыко Господи Боже отец наших», зри выше, во святом Крещении, тамо писана.
И полагаемым мощем в память поют тропарь сей, глас 2: Отверзите мне врата (IHEG 1:123). Стих: Сие есть упокоение мое. И глаголет той же тропарь, Богородичен: Все [упование мое] (IHEG 4:83).
И изливает на него святой елей крестовидно трижды, при пении Аллилуйа, глас 8.
И по сих диакон. Господу помолимся. 83 r Иерей молитву в гроб [18].
Господи Господи, скорбящих. Зри, яко предписано выше, лист 3 на обороте.
И кладутся (надгробныя плиты) [19], и берет иерей лопату [20] и знаменует ею гроб крестовидно, и скончавается все последование мощей.
[1][1] διακονικα (διακονικον) - диаконский служебник.
[2] В совр. цсл. тексте заупок. последования - «оскорбляемых».
[3] Болезнь в цсл прежде всего - боль, в первую очередь. душевная.
[4] Быт. 2:7.
[5] «Одеяние славы» - более точный и понятный перевод, и это сл-соч. употребляется в б-сл текстах, хотя в цсл переводе Исайи (см. сн. 7) - «украшение»
[6] Скрытая цитата на Ис 61:3.
[7] Ενθυμησει. В совр. греч. службе другое равнозначное слово - διανοια.
[8] При сокращении фразы от слова оставлен один артикль. В таких случаях я вставляю подразумевающееся слово в кв. скобках.
[9] 1-е лицо указывает на то, что это цитата или аллюзия. Возможно, на Пар 7:16: «Ныне избрах и освятих дом сей…».
[10] Быт 2:7.
[11] αποκαλυψεως. Вар.: явления.
[12] В совр т-те послание «и» стоит после «такожде»
[13] И в нашей псалтири, и в совр. тексте С-гинты это псалом 83.
[14] Суббота мясопустная. Стихира на Хвалитех. Слава.
[15] Я не смогла найти другого объяснения для употребления здесь слова καταγηναι от καταγνυω - ломать, разбивать, кроме того, что здесь подразумевается καταγεσθαι - быть введенным, войти (напр. из моря в гавань).
[16] Возможен вар-т (поск. нет контекста): «пришествию Твоему страшному».
[17] Пс. 114:6.
[18] Sic. Непонятно, кладет молитву, или же читает над гробом. Или же, если гроб в это время был склепом, то, возможно, и «»молитву во гробе» (т. е читающуюся внутри гроба). Поскольку предлог εις может употребляться и в значении «в» (где? а не куда?)
[19] Sic. Πλακαι (πλαξ) - плоские камни, плиты (надгробн.).
[20] Слово σκαλιδριον отсутствует в греческо-английских словарях (Lampe. Liddle. Scott, Sophocles). Я думаю, имеется в виду σκαλιδιον, без буквы ρ, которое означает небольшую лопату.
Последование на усопшаго.
Подобает ведати, яко предлежащим мощем посреде церкве, аще мирянин есть, начинает иерей: «Благословенно царство…» и глаголет шестопсалмие, аще же монах, не глаголет шестопсалмия, но 90 псалом Живый [в помощи], и по окончании псалма диакон ектению́.
Миром Господу помолимся. О свышнем мире. О памяти, успении, ослабе, упокоении и оставлении грехов раба Божия (имярек) Господу помолимся. О еже проститися ему и нам всякому прегрешению, вольному же и невольному, Господу [77v]. О еже вчинитися ему в недрех Авраама, Исаака и Иакова, Господу помолимся. О еже сопричислену быти ему в лике избра́нных во Царствии Небеснем. О еже обрести ему благодать и милость в день судный, Господу помолимся. О еже низпослатися святым ангелом мира, путеводящым его, Господу помолимся. О еже предстати ему непорочну и неосужденну пред страшным Престолом Христовым и обрести милость и оставление грехов, Господу. Яко да Господь Бог, приявый дух его, учинит его в месте светле, идеже праведнии упокоя́ются, Господу помолимся. О еже избавитися нам от всякия.
Иерей молитву. Боже духов и всякия плоти, смерть упразднивый и живот миру даровавый, упокой душу раба (имярек) в месте светле, во стране покойне, отоню́ду отбеже́ болезнь, печаль и воздыхание. Вяское согрешение, содеянное словом, или делом, или помышлением, 78 r яко Благий и Человеколюбец Бог, прости, яко несть человек, иже жив будет и не согрешит. Ты бо еси Един кроме́ всякаго греха, и правда твоя - правда во веки, и слово Твое - истина.
Диакон. Заступи. Милости Божия, и человеколюбия Его, и оставления грехов испросивше, сами себе и друг друга, и весь живот наш Христу Богу предадим.
Возглас. Яко Ты еси живот и покой усопшим, и Тебе славу возсылаем.
И глаголет Аллилуйа, глас 6. Сень преходящая житие есть человеческое, цвет привременный, и пома́ле увядает, сего ради раба Твоего, Христе, с праведными упокой.
В храме стояще славы Твоея, на небеси́ стояти мним. Богородице, дверь небесная, отверзи нам двери милости Твоея.(IHEG 1:472)
И абие глаголет непорочны, псалом 118, Блаженни непорочнии, до Жива́ будет. И глаголет седален, глас 5, Упокой, Спасе наш. (IHEG 1:98)
И абие канон, и на 3-й [песни] канона глаголет пятистишие из диаконико́на [1], зри, яко предписано, и иерей молитву.
Господи, Господи, скорбящих [2] 78v отрадо и печальных утешение, и всех в малодушии сущих заступление сый, печалию по усопшему содержимыя Твоим благоутробием утеши, всякую болезнь [3] печали в сердце их уврачуй и раба (имярек) во уповании воскресения усопшаго в недрех Авраамовых упокой.
Диакон. Заступи, спаси, помилуй. Милости Божия и человеколюбия Его, и оставления грехов. Возглас. Ты бо еси покой раба Твоего, и Тебе славу.
И поет кондак, и на 6 [песни] диакон пятистишие из диаконикона.
Молитва. Владыко, Господи Боже наш, создавый человека по образу Твоему и подобию и вложивый в него дыхание жизни [4], согрешившаго же смертию возведый и иже от земли и в землю возвращаяй, душу же к Себе призываяй, Сам упокой душу раба Твоего (имярек) в месте светле, в месте покойне, отонюду отбеже болезнь, печаль и воздыхание, идеже присещает свет лица Твоего, Господи, в недрех Авраама 79 r и Исаака, и Иакова, со всеми святыми, от века Тебе благоугодившими, и аще что согреши, аще делом или словом, или помышлением, Сам яко Благий и Человеколюбец Бог ослаби, остави, прости, презирая его и наша беззакония, нас же скончания живота безболезненна и непостыдна сподоби, яко хощеши и яко волиши, - Един кроме студа и прегрешений.
Диакон. Заступи, спаси. Милости Божия и человеколюбия. Возглас. Ты бо еси покой раба Твоего, и Тебе славу.
И глаголет кондак, и на 9-й [песни] диакон [из] диаконикона - пятистишие, [еже] предписано.
Иерей молитву. Владыко Боже духов и всякия плоти, давый одеяние [5] славы вместо духа уныния [6] и неизреченною твоею мудростию соединивый душу и тело, и паки разрешаяй, персть убо в персть, дух же - к Себе, якоже дал еси, привлекаяй; Сам, Владыко Христе, приими душу раба Твоего (имярек) и сподоби его со святыми Твоими упокоитися в месте светле, во стране покойне, во стране прохладне, 79v тамо, отонюду отбеже болезнь, печаль и воздыхание, яко несть рабом твоим смерть <яко> воистинну, но души преставление; и аще что согреши словом, или делом, или помышлением [7], презри, яко Благий и Человеколюбец Бог, печальным Заступник и Отрада буди; просвети мрак уныния их умным Твоим светом, нас же, сошедшихся в честь мощей, укрепи, и милостив буди ко грехом нашим.
Диакон. Заступи, спаси. Милости Божия и [человеколюбия [8]]. Возглас. Яко Ты еси оставление прегрешений наших, и Тебе славу.
И глаголет светилен, глас 6. Ныне упокоихся и обретох оставление многое, яко родихся в тлении и преставихся к животу (IHEG 2:543). Глаголет то же дважды и трижды. Богородичен. Ныне избрах Богоматерь святую [9], яко родися из Нея Христос, всех Избавитель (IHEG 2:546).
И глаголет стихиры на Хвалитех.
И бывает ликостояние, два лика, и начинает десный лик; антифон 1, припев Аллилуйа трижды, глас 2, псалом 22. Господь пасет мя и ничтоже мя лишит. И по еже исполнити весь псалом, глаголет Слава, 80 r и глаголет тропарь, глас 2. От земли создавый мя, в землю паки поити преступлением мя осудил еси; Поставил еси день испытания, <воньже тайная коегождо деяния> явна предстоят пред Тобою. Тогда пощади мя, Безгрешный Боже, и прегрешений ми прощение давый, Царствия Твоего не отлучи мене (IHEG 1:388). И ныне. Яко цвет увядает и (IHEG 5:152).
Диакон: Паки и паки миром Господу. О памяти, успении, ослабе и блаженном упокоении. Яко да Господь Бог наш учинит дух его в месте светле, идеже праведнии упокояются. О еже избавитися нам.
И приклонься, иерей молитву глаголет:
Владыко Господи Боже, иже мудростию Своею устроивый человека и образом Своим почтый его, и вложивый в него дыхание жизни [10], и введый его в мир сей жительствовати на уповании жизни вечныя, согрешша же его возведый и разрешивый, и еже от земли в землю разрешая, душу же к себе призываяй, Сам Владыко Человеколюбче, приими дух раба Твоего (имярек), и приходящаго ко святому Престолу Твоему всякия чести и ослабы сподоби, соблюдая в воскресение, и аще что, яко человек плотию живый, словом, или делом, или помышлением согреши, Сам, яко Благий и Человеколюбец Бог, ослаби, остави, прости, презирая его и наша прегрешения.
Заступи, спаси, помилуй. Милости Божия и человеколюбия. Возглас . Ты бо еси Бог Един Щедрый, и Тебе подобает.
И по молитве седален, глас 2. Помяни, Господи, яко (IHEG 2:436). И на Славе вместо Богородична, глаголет: Днесь разлучаюся (IHEG 3:497).
Апостол к Римляном. Братие, якоже единем человеком грех, конец: живых же Богови о Христе Иисусе Господе нашем (Рим. 5:12-6:11).
Антифон 2, псалом 23 поющым, припев Аллилуйа, трижды глас 3. Господня земля и исполнение ея (Пс. 23:1), и скончавают псалом; глаголет глас 3. Упокой, Господи, душу раба Твоего. Слава. Образом Креста Твоего, Христе Боже, Смерть умертвися (IHEG 4:3.9).
Диакон. Паки и паки миром. О памяти, упокоении, ослабе и блаженном упокоении брата нашего (имярек) Господу помолимся. Яко да Господь Бог наш 81r учинит дух его в месте светле, идеже праведнии упокояются, Господу помолимся. О еже учинити его в недрех Авраама, и Исаака, и Иакова, идеже праведнии. О еже избавитися нам.
Иерей молитву. Боже духов и всякия плоти, видимых и невидимых Творче, иже по неизреченному Твоему изволению соединивый душу {и} тело, и паки, по воле Твоя благости разрешаяй творение, еже сотворил еси, и персть убо в персть разрешаяй, дух же к Себе призываяй, и учиняяй [во] обителех до воскресения и откровения [11] Единороднаго Твоего Сына; Сам Владыко, восприими дущу раба Твоего, и возводяй ю от мирския тьмы, и от власти противостоящих сил избавляяй, учини во стране светле, во стране живых, отонюду отбеже болезнь, печаль и воздыхание, простив ему согрешения, прощение подав человеческим прегрешением, 81v, во благодати же Твоей сохранив, помяни и сошедшихся почтити подобострастное, и вмени им труд и тщание в дело правды, и печалующих и тужащих помяни, Господи, и утеши сердце их, и отраду подав, помилуй их и нас, и спаси во славном Твоем Царствии.
Диакон. Заступи, спаси. Милости Божия и человеколюбия. Возглас Яко подобает Тебе всякая слава, честь, и держава, и великолепие.
И глаголет седален, глас 8. Глубиною мудрости человеколюбно (IHEG 3:6 var.). И глаголет Слава. Прейде сень (IHEG 3:281).
Апостол к Коринфяном. Братие, сказую вам благовестие, конец: И [12] такожде о Христе вси оживут (1 Кор. 15:1-22).
Антифон 3, припев: Аллилуйа трижды, псалом 88 [13], глас 8. Коль возлюбленна селения Твоя, Господи [сил]. И глаголет Слава. Болезнь Адаму бысть [14] (IHEG 1:78). И ныне. Воистинну суета всяческая (IHEG 3:122).
Диакон. Паки и паки миром. О памяти, упокоении, ослабе и блаженном упокоении брата нашего (имярек) Господу помолимся. Яко да Господь Бог наш учинит дух 82r его в месте светле, идеже праведнии упокояются. О еже избавитися нам.
Иерей молитву. Боже духов и всякия плоти, Господи господствующих, Боже утешения, иже смерть упразднивый, диавола поправый и живот даровавый роду человеческому, Боже отец наших, Боже святых, покой скорбящих, упокой душу раба Твоего в месте светле, в месте покойне, отонюду отбеже болезнь, печаль и воздыхание, и подаждь ему в недра Υ Авраама и всех святых внити [15] и печальным даруй отраду, скорбящих Спаситель, малодушествующих Утешение, сохрани же нас в веце сем и в будущем.
Диакон. Заступи. Милости. Возглас. Щедротами и человеколюбием Единороднаго Твоего Сына.
И глаголет седален, глас 6. Пришествием Твоим страшным [16].
Апостол Коринфяном. Братие, что сотворят крестящиися мертвых ради, конец: 82v ниже тление нетления наследствует (1 Кор. 15:29-50).
Междопесние, глас 6. Блажен путь, воньже идеши днесь, яко уготовася тебе место упокоения. Стих. Обратися, душе моя, в покой твой, яко Господь благодействова [тя] [17]. Апостол к Солуняном. Братие, не хощу вас, конец: В словесех сих (1 Фес 4:13-18). Аллилуйа, глас 8, стих: Блажен, егоже избрал и приял еси (Пс. 64:5). Евангелие от Иоанна. Рече Господь ко пришедшим, конец: Но воли пославшаго Мя Отца (Ин 5: 25-30).
И глаголет ектению. И поют: Зряще мя безгласна (IHEG 3:168). И бывает целование мощей, поемой стихире, глас 2: Приидите, последнее целование (IHEG 1:296).
И иерей освящает елей, и дует трижды, и знаменует трижды, и глаголет молитву: «Владыко Господи Боже отец наших», зри выше, во святом Крещении, тамо писана.
И полагаемым мощем в память поют тропарь сей, глас 2: Отверзите мне врата (IHEG 1:123). Стих: Сие есть упокоение мое. И глаголет той же тропарь, Богородичен: Все [упование мое] (IHEG 4:83).
И изливает на него святой елей крестовидно трижды, при пении Аллилуйа, глас 8.
И по сих диакон. Господу помолимся. 83 r Иерей молитву в гроб [18].
Господи Господи, скорбящих. Зри, яко предписано выше, лист 3 на обороте.
И кладутся (надгробныя плиты) [19], и берет иерей лопату [20] и знаменует ею гроб крестовидно, и скончавается все последование мощей.
[1][1] διακονικα (διακονικον) - диаконский служебник.
[2] В совр. цсл. тексте заупок. последования - «оскорбляемых».
[3] Болезнь в цсл прежде всего - боль, в первую очередь. душевная.
[4] Быт. 2:7.
[5] «Одеяние славы» - более точный и понятный перевод, и это сл-соч. употребляется в б-сл текстах, хотя в цсл переводе Исайи (см. сн. 7) - «украшение»
[6] Скрытая цитата на Ис 61:3.
[7] Ενθυμησει. В совр. греч. службе другое равнозначное слово - διανοια.
[8] При сокращении фразы от слова оставлен один артикль. В таких случаях я вставляю подразумевающееся слово в кв. скобках.
[9] 1-е лицо указывает на то, что это цитата или аллюзия. Возможно, на Пар 7:16: «Ныне избрах и освятих дом сей…».
[10] Быт 2:7.
[11] αποκαλυψεως. Вар.: явления.
[12] В совр т-те послание «и» стоит после «такожде»
[13] И в нашей псалтири, и в совр. тексте С-гинты это псалом 83.
[14] Суббота мясопустная. Стихира на Хвалитех. Слава.
[15] Я не смогла найти другого объяснения для употребления здесь слова καταγηναι от καταγνυω - ломать, разбивать, кроме того, что здесь подразумевается καταγεσθαι - быть введенным, войти (напр. из моря в гавань).
[16] Возможен вар-т (поск. нет контекста): «пришествию Твоему страшному».
[17] Пс. 114:6.
[18] Sic. Непонятно, кладет молитву, или же читает над гробом. Или же, если гроб в это время был склепом, то, возможно, и «»молитву во гробе» (т. е читающуюся внутри гроба). Поскольку предлог εις может употребляться и в значении «в» (где? а не куда?)
[19] Sic. Πλακαι (πλαξ) - плоские камни, плиты (надгробн.).
[20] Слово σκαλιδριον отсутствует в греческо-английских словарях (Lampe. Liddle. Scott, Sophocles). Я думаю, имеется в виду σκαλιδιον, без буквы ρ, которое означает небольшую лопату.