На заўтра абяцаюць моцны сьнегапад і вецер. І гэта класна, калі за вокнамі аўдыторыі белымі хлапякамі ападае неба. Праблема толькі ў тым, што колішнія каміны езуітаў замуравалі, крэсла-качалкі няма, а паліць у сьценах універа забараняецца. А так было б класна! Набіў бы люльку духмяным галандскім тытунём, задуменна б глядзеў, як скачуць языкі полымя ( Read more... )

( Read more... )

Са сваёй ляжанкі кот перабраўся спаць у ногі гаспадароў - верная прыкмета на пахаладаньне

Лічу абсалютна заканамерным і справядлівым, што ў часе абароны курсавых моцна схаладае, будуць дажджы з навальніцамі і пярунамі. Бо тое ж будзе адбывацца і ў аўдыторыях. Выкладчыкі будуць выдаваць грымоты і маланкі, а некаторыя студэнты - сікаць дажджом.

Яно, мусіць, і патрэбна, каб у травеньскі дзень мерзлі рукі і вушы, а неба нагадвала, што восень і зіма - гэткія ж рэаліі, як і лета. Холад мабілізуе на пошук дадатковых калорый і ідэй. Гарачая капуста адназначна перамагае заўчасны халаднік, а цёплы швэдар паблажліва сьцябаецца над летнімі кашулькамі і майкамі, выцягнутымі з шафы ( Read more... )

Халадэча. За вакном ўсяго толькі +20. З другога боку, усё пазнаецца ў параўнаньні. Кажуць, у Саксоніі ўвесь чэрвень тэмпература паветра была недзе +12-18. А яшчэ залівала іх дажджамі няшчадна...
Гарачыня. За вакном аж +20...

Сёлетняя вясна нагадвае ахвяру айчыннай праграмы імпартазамяшчэньня, што пабралася аднаполым шлюбам з праграмай энэргазьберажэньня. Дубак, вятрыльнік, дождж і ніякага імпарту з раёну Міжземнамор'я.

Надвор'е такое, што не застаецца нічога больш, як пайсьці і купіць марскіх гадаў. І ня трэба тут пра пост!
Ёду не хапае!

Нарэшце і да нас сьняжок дайшоў. Тэрмінова зьбіраюся на шпацыр. Бо калі яшчэ такое дзіва ў сакавіку давядзецца ўбачыць. Калі знайду дарогу дадому, то адпішуся пра ўражаньні, магчыма, з фоткамі.

Чакаю цыклон "Хавер", каб атрымаць натхненьне і дапісаць параграф пра вобразы агрэсараў і акупантаў у беларускім фальклёры.