![](http://tolishpress.org/files.php?file=gadalka_359246519.jpg)
ҒЫЗЫЛИ ӘВӘЗИ ҒӘНФЕТ
tolishpress Масалонәдә һәбс кардә быә фолгирәти кардә жен. Бә рәјони Полиси идорә дахил быә әризә мывофиғ, әмәлијот-истинтоғ тәдбирон дәвонијә быән. Нәтиҹәдә рәјони ди Мәлобә 31 сининә сәбәсо Әдилә Нәзәровә алдкорәти факти горәнә һәбс кардә быә. Тәһғиғоти мыәјјән кардәше ки, бә фоли дијә кардә ым жен, де ҹәмати етибоку суи-истифодә карде воситә чәвон ғыјмәтинә ҹонәвон бә чанг дәвонејдә. Че Мәдо сәбәсо, 49 сининә Назилә Һәсәновә бәчәј фели ғыбон шә. Жыго ки, Ә. Нәзәровә омә бәчәвон кә ки, ғәјмәнә бәчәј фоли дијә бәка. Кәсојби чанә ғызыл-ҹәвоһиротыш быә, фолгири дәкандәше тули дыләдә әвон һәммәј, бәјән вотәше ки, 40 ружи бәдигә бекардә бәзне әвони. Фолгир ше бәпештә Н. Һәсәновә пијәше јәғын быкә ки, чәј чијон тули дыләдән ја не? Педоәше тул, чәј дыләо һичи бешәни ғәрәјз гыләј ғәнфети ијән и рығә ғәнди. Кәсојби сәј жыго ғал кардә фолгири пегәтәше чәј һесте-быәјон, бешә арәо.
Де ын факти әлоғодор Полиси идорәдә бә Ҹинојәт Мәҹәллә 178.1 маддә мывофиғ ҹинојәти ко окардә быә, тәһғығот шејдә.
Ымијән ғејд быкәмон ки, Ә. Нәзәровә де һәмонә маддә сыфтә - 2008-нә сори и кәрә мәһкум быә.
Һәбс кардә быә шәхси еһаштәше ыштән полиси идорәдә
tolishpress Биләсыво прокурорәтику хәбәдојдән ки, че Биләсыво полиси идорә мывәғғәти һәбси тәҹридхонәдә огәтә быә Рәсулов Јамәддини еһаштәше ыштән. Һалијәдә интиһори вырәдә тәһғиғот шејдә.
Әјән хәбә дјодән ки, Ј. Рәсулов һәбс кардә быәјбән наркотикә маддон ғејри-ғануни огәте ијән һәвате горәнә.