ГИЛӘВО - Видео
tolishpress.org
Тәбрик кардеjдәмон Ышты Тәвәллуди, Шаир! мыборәк быбу Ышты Тәвәллуд! Чәшоны рушин быбу ышты, Толыш, ымруж 58 сор тәмом беjдә Ышты шаирә зоә Әли Насири моәо быә ружику!
Сасор быжи Шаир! Руж ә руж быбу, бымәсәмон Ышты сәдо Ланкони Озоди Мәjдонәдә - Толыши озод быә ружи!
Гиләво (маһне)
Ај гиләәәвоооо,
Боој,боој,боооој.
Ај гиләәәвоооо,
Боој,боој,боооо.
Нәгарәт:
Гиләво, ај гиләво бој-бој-бој-бој,
Толыши һај гиләво бој-бој-бој-бој.
Быжән ужнән бәмәно бој-бој-бој-бој,
Нәнә лај-лај гиләво бој-бој-бој-бој.
Хәбәмон ни вәтәни марзи чә тон вәтәнику,
Пукә ым јарә сутәј товнедә јарәм ҹонику.
Быгын авон дәрәмон чы Толыши осмонику,
Быжән авон шулисә ты Толыши вејзә, ләво.
Быжән авон шулисә ты Толыши вејзә, ләво.
Бијә Шандермани, Ризваншәһәри барзә сәдо,
Није чы Осторо, чы Нәмини, чы Һәштпәри то.
Быкә Масулә, Масали, Фумәни ты хәбәдо,
Гиләво, вазилә во, ај Толыши хошгиләво.
Гиләво, вазилә во, ај Толыши хошгиләво.
Нәгарәт
Гынедә Хәзри пијо әв пози вардә ужәнән,
Толыши орзу доон зизон екардә ужәнән.
Вәтәни осмони авон сијо кардә ужәнән,
Ты нывош Хәзри бәка бо Толыши вај, Гиләво.
Ты нывош Хәзри бәка бо Толыши вај, Гиләво.
Ботоно ни охо зындәм бомы бә марзә теғон,
Тыни чәш кардә чы јурди, вәтәни һавзә тоғон.
Сипјәрујку тосә Кура Толыши вәшдә боғон,
Ты нывош шор бәка боғон сијо ваваз, телә во.
Ты нывош шор бәка боғон сијо ваваз, телә во.
Нәгарәт
Сәдо кардәм тыни, мандәм бәсә бандон, гиләво,
Тыниш ым јурди гемыж ғандә вылон дарди дәво.
Быжән ужнән бәмәно чы Толыши и бе һәво,
Тосә и бе вәтәни бој мәдә ты фасилә во.
Тосә и бе вәтәни бој мәдә ты фасилә во.
Нәгарәт
ВИДЕО : Әли Насир - Гиләво