Ռազմատենչ հռետորության մասին

[talinci]

Մեր նախագահը ռազմատենչ հայտարարություններ արեց: Հաճելի էր: Քեզ անտեր չես զգում նման դեպքերում:

Բայց դե մյուս կողմից էլ մտածում ես, թե ում են պետք նման հայտարարությունները, երբ միևնույն ժամանակ սահմանամարձ Չլդրան գյուղում տոլերանտության քարոզ է գնում:

Comments

[noni_no]

սկզբից ես էլ էի ուրախացել, բայց էսօր լրիվ տեքստը կարդացի՝ փոխզիջումների երգն էլի երգել է, էն էլ զինվորների առաջ

Հա՞

[talinci]

Գժանոց: Ես մի քանի հատված լսեցի, բայց ոճը շատ ռազմատենչ էր, ասի դժվար նման ոճով հայրենադավ մտքեր ասի

Re: Հա՞

[noni_no]

Մենք հրապարակավ ասում ենք` այո´, պատրաստ ենք գնալու փոխզիջումների, մենք պատրաստ ենք գնալու խնդրի լուծմանը, եթե կորոշվի Լեռնային Ղարաբաղի Հանրապետության վերջնական կարգավիճակը, այսինքն` Լեռնային Ղարաբաղի բնակչության անվտանգության խնդիրը:

http://www.president.am/events/statements/arm/?id=74

Re: Հա՞

[talinci]

Հա գիտեմ էդ դիվանագիտական ֆինտուֆլուշկեքը, որոնք "ջարդ ու փշուր են անում Ադրբեջանին"

[sos_movsisyan]

Բոլոր դեպքերում այդ համարձակ ու ինքնավստահ ելույթը պետք է բարձր գնահատել: Բավական է Ալիևի հոխորտանքները թողնել անպատասխան կամ էլ պատասխանել պաշտպանական դիրքերից,ժամանակն է, հասկացնել նրան, որ կստանան հուժկու հակահարված:

[talinci]

Եթե այդ ելույթն առանձին դիտարկենք՝ այո, բայց եթե դիտարկենք գաղափարախոսական ընդհանուր քաղաքականության առումով, ապա այն ոչինչ չարժե: Քանի որ Հայաստանում բոլորը նայում են նախագահի բերանին ու նոր են որոշում իրենց թշնամիներին ու բարեկամներին, իրենց լավն ու վատը, հուսով եմ այս ելույթը ընդհանուր մի նոր քաղաքականության սկիզբ կլինի

[albicocco]

հուսանք

[sos_movsisyan]

Նրա բերանին նայում են իրեն մերձավորները, չէի ասի, թե բոլոր քաղաքագետներն ու մանավանդ մտավորականները նրա բերանին են նայում: Բայց այս անգամ նրա վճռական կոշտ խոսքը տեղին էր:

[albicocco]

Մշեցի ջան, ես քեզ լավ հասկանում եմ, բայց շատ հոռետես էլ պետք չի լինել, Չլդրանի "տոլերանտության քարոզի" օրը Ստեփանակերտում երկու նոր ֆիլմի պրեմիերա էր, որոնք հեչ էլ "տոլերանտության" ոգով չէին... http://albicocco.livejournal.com/33982.html

[talinci]

Դա շատ լավ է, բայց դե Չլդրանն էլ կար չէ՞: Զարմանում եմ արցախցիքի վրա, ոչ միջազգային կազմակերպություն չի ճանաչում նրանց, բա օգտվեք առիթից ու նման գործ անող միջազգայիններին, աղանդներին քշեք գոնե Հայաստանի էդ մասից

[albicocco]

վռնդելու առումով լրիվ համաձայն եմ, այո, Չլդրանի դիտումն էլ չպետք է լիներ, բայց եթե մեկն ասում ես, հատկապես եթե վատն ես ասում, կողքի լավն էլ ասա, հատկապես որ էնպիսի տպավորություն չլինի, որ արցախցիներն իրենց մասին չեն մտածում, իրենց փոխարեն "մենք էստեղ խոսում ենք ու խոսում", հատկապես, որ նման բաներ խոսելու առիթներ լինում են...

[talinci]

>բայց եթե մեկն ասում ես, հատկապես եթե վատն ես ասում, կողքի լավն էլ ասա
Հենա նախագահի ելույթն ասի էլի, ասելն էլ ոնց է լինում :) իսկ ֆիլմերի մասին քո գրառումը չէի նկատել, ոչ միշտ է հաջողվում կարդալ ընկերներին:

Պատերա՞զմ, թե՞ փոխզիջում

[aaghayan]

Սերժ Սարգսյանի այս ելույթի հիմնական հասցեատերերից մեկն էլ, գուցե հիմնականը, Մինսկի խումբն է, որոնք ձեռքները լվացել են, չեն սաստում Ադրբեջանի ռազմատենչությունը ու դրանով նպաստում են պատերազմի վերսկսմանը, ինչը Սերժին վախեցնում է: Դրա համար էլ կրկնում է, որ ինքը, ի տարբերություն քըխ Ալիևի, պուպուշ է, պատրաստ է զիջել, բայց գոնե կարգավիճակի դիմաց

Re: Պատերա՞զմ, թե՞ փոխզիջում

[talinci]

>Նման ելույթը պետք է որ Մինսկի խմբի ժպիտը հարուցի:<
Ես էլ միշտ մտածում եմ, տեսնես մեր "խորամանկ դիվանագիտության" վրա ծիծաղում են դրսում, թե ընդհանրապես լսող էլ չկա:
>արդյո՞ք նման գերագույն գլխավորով հնարավոր կլինի հաղթել<
Հա, դժվար է մի օր գերագույն գլխավոր հրամանատարից լսել, որ հայրենիքը թշնամուն է հանձնվելու, իսկ մյուս օրը գնալ այդ հայրենիքի համար, նորից նույն գերագույն գլխավոր հրամանատարի հրամանով, կռվել, մեռնել: