Իմ խմբագրականը neonews.am կայքում- 19.02.2011
...ՀԱԿ երեկվա հանրահավաքը մարդաշատ էր` գոնե նախորդների համեմատ: Պատճառները մի քանիսն են:
Սա առաջին հանրահավաքն էր` Թունիսի, Եգիպտոսի դեպքերից հետո: Մարդը մտածում է, որ եթե դիկտատոր Մուբարաքն այլեւս իշխանության ղեկին չէ, հեշտ, անհամեմատ հեշտ է լուծել ավելի նվազ հնարավորություններ ունեցող իշխանության հարցերը:
Ավելի առարկայական պատճառ է սոցիալական բեւեռացման խորացումը: Ավելի շատ մարդիկ են զրկվում մի կտոր հաց վաստակելու հնարավորությունից, եւ վիճակի փոփոխությունը նրանց համար դառնում է նպատակ:
Եվ վերջապես, ինչքան էլ պարադոքսալ հնչի, կոալիցիոն նոր հուշագրի ստորագրումը օգնեց, որ երեկ մարդկանց թիվը մեծ լինի Մատենադարանի տարածքում: Մարդիկ կորցրեցին հույսը իշխանության էվոլուցիոն փոփոխության հանդեպ ու իրենց պատկերացումները գտան ընդդիմության ավելի արմատական կարգախոսների մեջ:
Եգիպտական թեման ամնենասիրվածն էր ՀԱԿ երեկվա հանրահավաքում, բայց չբերվեցին կոնկրետ արգումնետներ, որոնք կհիմնավորեին, որ Հայաստանում հնարավոր են արտահերթ ընտրություններ: Քաղաքականության մեջ` իրականության եւ ցանկության կոնտրաստը մեծ է...