Як можа выглядаць новы гасцінічны комплекс ля сінагогі ў Гродне?
Згодна з інфармацыяй гродзенскіх СМІ, новы аб'ект з'явіцца на вуліцы Вялікая Траецкая паміж сінагогай і медцэнтрам "ЛОДЭ" і будзе максімальна падобны на будынак, знесены 50 гадоў таму. Комплекс зойме ўчастак плошчай 17 сотак. Ён знаходзіцца ў цэнтры гістарычнай забудовы і прыродаахоўнай зоне Гараднічанкі і Нёмана. Па праекце, тут узвядуць грамадскі двухпавярховы будынак з падваламі і мансардай. На другім і мансардным паверхах размесцяцца гасцінічныя нумары. На першым будзе кафэ на 10 месцаў з памяшканнямі, выставачная зала, санітарна-бытавыя памяшканні.
Два гады таму, калі з'явілася інфармацыя аб намеры гарадскіх уладаў аднавіць на гэтым месцы страчаныя гістарычныя будынкі, аўтар гэтых радкоў разам з Сяргеем Шчукіным накіравалі ў гарвыканкам свае напрацоўкі. Калі гэты праект будзе рэалізаваны як мае быць, мы зможам праз год-другі ўбачыць вось такі цудоўны аб'ект на тэрыторыі былога Школьнага двара.
Такім павінен паўстаць новы гасцінічны комплекс ля сінагогі. Аўтары: С.Шчукін, М.Супрон
Будынак будзе складацца з двух аб'ёмаў: былога дома Капялевіча і малітоўнага дома "Хаядэм".
Школьны двор у 1915 г. Сінім колерам пазначаны малітоўны дом "Хаядэм", а чырвоным - дом Капялевіча.
Школьны двор у 1930-я гг. Сінім колерам пазначаны малітоўны дом "Хаядэм", а чырвоным - дом Капялевіча.
Гістарычная даведка.
Школа “Хаядэм” або “Хаі-Адам Геходош” (“Хайей Одом Хеходош”) (будынак не захаваўся). Стаяла на Школьным двары. Міжваенны адрас - вул. Крывая (суч. 1-я Працоўная), 7. Знаходзілася на месцы перасячэння вул. Крывой з зав. Банным, паміж будынкам школы цэха мяснікоў і Вялікай харальнай сінагогай над абрывам Гараднічанкі. Першапачаткова тут стаяў драўляны будынак школы, якая была ўзведзена ў 1858 г., але падчас пажару 1899 г. згарэла. Замест яе ў пач. ХХ ст. узведзены новы мураваны двухпавярховы будынак (захаваўся праектны план за 1900 г.). У 1932 г. адміністратарам школы быў Бер Фрыдман, які жыў тут жа. Будынак знесены паміж 1945 і 1951 гг. У 2021 г. БелНДіПІгорадабудаўніцтва распрацавала дэталёвы план развіцця і рэнавацыі гістарычнага цэнтра Гродна, які, сярод іншага, прадугледжвае адбудову гэтага аб’екта.
Школа “Хаядэм”, праект 1900 г.
Дом Капялевіча (будынак не захаваўся). Стаяў на Школьным двары. Міжваенны адрас - вул. Крывая (суч. 1-я Працоўная), 9. Прымыкаў да школы “Хаядэм”. Пабудаваны ў пач. XX ст. Уяўляў сабой вялікі мураваны двухпавярховы аб’ём з двухскатным дахам. Знаходзіўся каля Вялікай харальнай сінагогі. У 1937 г. уласнікам быў Гілель Капялевіч. У будынку знаходзілася пякарня Арона Цыгутка, крама Абрама Сламянскага. У 1944 г. падчас баёў за горад будынак быў пашкоджаны, згарэў дах. Знесены паміж 1951 і 1958 гг. У 2022 г. участак, дзе стаяў дом, выкуплены. Паводле ўмовы, інвестар абавязаны ўзвесці тут аб’ём, які будзе максімальна блізкі да страчанага.
Два гады таму, калі з'явілася інфармацыя аб намеры гарадскіх уладаў аднавіць на гэтым месцы страчаныя гістарычныя будынкі, аўтар гэтых радкоў разам з Сяргеем Шчукіным накіравалі ў гарвыканкам свае напрацоўкі. Калі гэты праект будзе рэалізаваны як мае быць, мы зможам праз год-другі ўбачыць вось такі цудоўны аб'ект на тэрыторыі былога Школьнага двара.
Такім павінен паўстаць новы гасцінічны комплекс ля сінагогі. Аўтары: С.Шчукін, М.Супрон
Будынак будзе складацца з двух аб'ёмаў: былога дома Капялевіча і малітоўнага дома "Хаядэм".
Школьны двор у 1915 г. Сінім колерам пазначаны малітоўны дом "Хаядэм", а чырвоным - дом Капялевіча.
Школьны двор у 1930-я гг. Сінім колерам пазначаны малітоўны дом "Хаядэм", а чырвоным - дом Капялевіча.
Гістарычная даведка.
Школа “Хаядэм” або “Хаі-Адам Геходош” (“Хайей Одом Хеходош”) (будынак не захаваўся). Стаяла на Школьным двары. Міжваенны адрас - вул. Крывая (суч. 1-я Працоўная), 7. Знаходзілася на месцы перасячэння вул. Крывой з зав. Банным, паміж будынкам школы цэха мяснікоў і Вялікай харальнай сінагогай над абрывам Гараднічанкі. Першапачаткова тут стаяў драўляны будынак школы, якая была ўзведзена ў 1858 г., але падчас пажару 1899 г. згарэла. Замест яе ў пач. ХХ ст. узведзены новы мураваны двухпавярховы будынак (захаваўся праектны план за 1900 г.). У 1932 г. адміністратарам школы быў Бер Фрыдман, які жыў тут жа. Будынак знесены паміж 1945 і 1951 гг. У 2021 г. БелНДіПІгорадабудаўніцтва распрацавала дэталёвы план развіцця і рэнавацыі гістарычнага цэнтра Гродна, які, сярод іншага, прадугледжвае адбудову гэтага аб’екта.
Школа “Хаядэм”, праект 1900 г.
Дом Капялевіча (будынак не захаваўся). Стаяў на Школьным двары. Міжваенны адрас - вул. Крывая (суч. 1-я Працоўная), 9. Прымыкаў да школы “Хаядэм”. Пабудаваны ў пач. XX ст. Уяўляў сабой вялікі мураваны двухпавярховы аб’ём з двухскатным дахам. Знаходзіўся каля Вялікай харальнай сінагогі. У 1937 г. уласнікам быў Гілель Капялевіч. У будынку знаходзілася пякарня Арона Цыгутка, крама Абрама Сламянскага. У 1944 г. падчас баёў за горад будынак быў пашкоджаны, згарэў дах. Знесены паміж 1951 і 1958 гг. У 2022 г. участак, дзе стаяў дом, выкуплены. Паводле ўмовы, інвестар абавязаны ўзвесці тут аб’ём, які будзе максімальна блізкі да страчанага.