(no subject)
بدايه جديده.. ولاي أوت جديد
بعد مناقشات مع البنات وبعد تفكير طويل.. اتخذت القرار النهائي
من اليوم ورايح ان شالله ترجماتي راح تكون هنا بالجورنال, لكن اللي بيشوفها بس الأشخاص اللي مضيفيني بالجورنال, هالقرار ماراح يعجب الكل لكن اتمنى تتفهمون قراري, فكرت إني اقفل الترجمه بباسورد وانزلها بالمنتدى واللي يرد أرسله بالخاص الباسوورد, لكن هذا يبيله شغله وعوار راس وبيخلي الخاص مليان على قد ماهو مليان أصلاً من الرسايل اللي تاصلني يومياً, الحل الوحيد اللي يريحني ويريحكم هو إني أحطها هنا, واللي يبي يشوفها كل اللي عليه يضيفني واللي ماعنده جورنال يسويله تراه ماياخذ ولا خمس دقايق
بعمري ماضاق صدري لأن أشوف عدد التحميل كبير لكن اللي يردون مايتعدون العشره.. أتوقع إنهم زوار من النوع اللي يحملون ويطلعون, بعضكم كان يتعلث ويقول إن الإقلاع يطولون بالتفعيل فتعاونت أنا وبوبي وعملنا منتدى كوكورو لكن نفس الشي عدد المشتركين والمشاهدات كبير لكن نادراً مانشوف الردود
فهل بيضركم لو تردون لو بكلمة شكر؟ أتوقع لا
حتى أنا ماأبيكم تشكروني, كل اللي أبيه ناس تسولف معي وتقولي رأيها عن الفديو الفلاني ووشو اللي أعجبها فيه
واللي يضحكني, يجيني بالخاص يوزرات ماعمري شفت ردودها ويقولون إنهم متابعيني على أيام ديفيدي نيوز وبعد المدح ودهن السير يقولولون ارفعي لي الفديو الفلاني
, يعني لو مالقيت رابط الفديو خربان هل انك بتراسلني؟ أتوقع لا!
ياعالم تعلموا شوي التعاون وخلوا عنكم الأنانيه والحسد, ترى كل اللي أسويه أنا مو مجبوره عليه وأقدر أستغله وأصير أترجم وأبيع مثل مايسوون بعض الناس لكن أنا ماأبي أستغلكم! وش ذنبكم إنكم ماتعرفون للترجمه أو ماعندكم خلفيه عن اللغه الإنجليزيه؟
كنت ماشيه على مثل [عامل الناس كما تحب أن يعاملوك] لكني شطبت عليه اليوم لأن فيه ناس ماتستاهل وهاللي أسويه مايستاهل كل هالبلبله, مدري متى يستوعبون إنه تسليه وبس
وعلشان أغير المود شوي
سويتها على السريع أمس