Цэнзура ў галаве
Наконадні дзён народзінаў знакамітых беларускіх пазітвязьняў, кандыдата ў прэзыдэнты Мікалая Статкевіча й лідэра "Маладога Фронту" Зьмітра Дашкевіча, МТІС распавядаў пра аўторскія паштоўкі беларускай мастачкі Леры Красоўскай, якія прапанаваў падпісаць усім жадаючым з гэнае нагоды сайт "СвабодаХ2". Нэўтральны выгляд нададзены гэным паштоўкам з тае прычыны, што тутэйшая турэмная цэнзура не прапускае да вязьняў вестак, калі выявы ў іх нават нагадваюць нейкія нацыянальныя сымболі: бела-чырвоныя фарбы, каня ці рыцара ці ўтрымліваюць згадкі пра БНР ці нацыянальныя сьвяты. Пад забаронай "перабзьдзеўшыхся" турэмных цэнзараў апынулася нават дзяржаўная гісторыка-культурніцкая каштоўнасьць і, па сумяшчальніцтву, дзяржаўны герб адной з шасьці вобласьцяў краіны, Пагоня, якая літаральна ўчора (ў гісторычным вымярэньні) была дзяржаўным гербам незалежнай Беларусі. Цягам месяца "паштоўкі Красоўскай" былі дасланыя нашым іменіньнікам з Польшчы, Беларусі, Нямеччыны, Швайцарыі, Аўстрыі, Нарвэгіі й нават Тунісу, агульным ліком - больш за 1.000. Апроч таго, свае пажаданьні палітвязьням даслалі міністар замежных справаў Радослаў Сыкорскі й чальцы Бундэстагу д-р Бэрбел Кофлер й Ута Цапф.
Толькі што стала вядома ад Марыны Адамовіч (Marina Adamovich), жонкі Міколы Статкевіча, што да дня народзінаў увязьнены палітык атрымаў толькі адзіную паштоўку з гэнай сэрыі. Пані Марына, аднак дзякуе ўсім, хто не забываецца на беларускіх палітвязьняў і заклікае так сама павіншаваць зь днём народзінаў і Міколу Дзядка, які адзначае ў турме сваё 25-годзьдзе 23-га жніўня. Адрэса тая-ж: Магілеў, вул. Крупскай, 99а, СТ-4.
Marina Adamovich, праваабаронца й жонка палітвязьня, у сьценаў турмы сустракае чарговага вызваленага. 12 ночы, 03.01.2012. Фота Arciom Liava.