Нацыянальны мэмарыял "Курапаты": Нашчадком сталінскіх катоў не баліць?
Цікава, што-б сказалі лукашэнкава "міністэрства культуры" і чыргінцова камісія, калі-б нехта зламаў стэлу перамогі, разьбіў і расфарбаваў фашысцкімі знакамі пастамэнт, прыбудаваў да яго будку, нарыў ям, на клюмбах рабіліся масавыя пікнікі з папойкамі й танцамі, на вечным агні смажыліся шашлыкі, таксысты прывозілі-б сюды шлюндраў для сэксу, на плятформу паставілі шапік з півам, а ў пераходах навалілі кучы гаўна? Маўляў, чаму не, помнік чыста сымбалічны, пад ім ніхто не ляжыць, нычые парэшткі апаганіць у такі спосаб нельга?
Але ў Куропатох ў агульных ямах ляжаць СОТНІ ТЫСЯЧАЎ нашых суайчыньнікоў, без усялякае віны забітых сталінскімі карнікамі! Дык чаму гэныя шматлікія камісіі, міністры, міліцыянты, пракуроры, судзьдзі, чыноўнікі - уся гэная дармаецкая шобла дазваляе рабіць падобнае ў НАЦЫЯНАЛЬНЫМ МЭМАРЫЯЛЕ???