***
Ты что, хочешь чтоб было как в Украине?
(Фраза што нацёрла вушы грамадсткім актывістам)
Гэй, распаліце святло.
Руку жанчыне
дай, узабрацца вышэй
на барыкаду.
Так, я хачу, каб было
як ва Ўкраіне -
ды без нязваных гасцей
кшталту снарадаў...
Дайце параду, як быць!
Мір без свабоды -
гэта лайно, гэта фэйк.
Як бы адрэзаць
мір ад вайны, палатно
масы народа -
ад актывістаў, што крок
робяць і вераць?
Неяк бы адгарадзіць
сферу змагання,
каб не прыйшла барацьба
без запрашэння,
не перашкодзіла жыць
рэзкім спатканнем -
тым, каму толькі сяўба
ці адстраненне.
Так! Я і праўда хачу
як ва Ўкраіне -
мінус вайна, што трасе
хаты нахабна,
мінус што многа яшчэ.
Але ж не кіне
сэрца рабіць пакрысе
жэст салідарны.