Aaj kal ki schools

[rex_the_newpoet]

Kya karoon mai,kahaan mai jaaun,
Apne bachchon ko mai kahaan padhaaun.

Jahaan bhi jaaun ek hi jawaab bus har jagah mujhe milta hai,
Bina koi donation ke bhaiya admission toh yahaan nahi hota hai.
Jo tum advance doge to mai naam tumhara likh loonga,
Khaali jab koi hogi jagah to call tumhe mai kar dunga.

jab bachchon ka school ke draw mei naam jo ek din aa gaya,
Toh school se call aaya ke ab interview ka waqt aa gaya.
Interview ke naam par sawaal kuch usne pooch liye,
Keh diya ke list ka wait kariye,ab bus yahaan se aap jaaiye.

list ka wait karte karte do list to aa gai,
admission pakka karne ke chakkar mei school toh paisa khaa gai.
kya karta achchi school mei apne bache ka admission jo karwaana tha,
thoda paisa gaya to kya ,par bache ka future banaana tha.

Ab to schoolon mei bus har waqt loot maar hi dikhti hai,
Bade bade schoolon mei ab toh shiksha bus sirf bikti hai.

Band kar do ab toh in bachchon ke bhavishya se tum khelna,
Oonch neech shiksha ke maamle mei ab hoga tumhe bhoolna.

Har bachche ko padhaana likhaana har school ka kartavya hai,
Bina donation ke achi schoolon mei padhna har bachche ka ye haq hai.

Kya karoon mai kisse sunaau,
Sab bachchon ko haq kaise dilaaun.