Yudh

[rex_the_newpoet]

Chaaron ore hai ghana andhera
Jaane kab yahaan hoga savera
Har taraf bus desh jhagadte
Dost dost aapas mei ladte
Dharm ke naam par hui ladaai
Shaheed ho gaye laakhon sipaahi
Har taraf koi gaanv hai jalta
Saara desh phir maatam karta
Phool bhi darr se ab nahi khilte
Har taraf kaante hi milte
Nadiyaan bhi ab ho gai sookhi
Aadhi duniya ho gai bhooki
Har jagah hai sirf barbaadi
Ab kahaan dikhe wo azaadi
Phir bhi na ye yudh rukega
Logon ka bus dil hi dukhega
Aakhir mei bus kuch nahi hona
Yahi to hai kismet ka rona.
Jaane kab ye koi sunega
Jaane kab koi desh jhukega
Khatam karo ab ye khoon ki holi
Phenko sab bandookon ki goli
Phir wo dosti  ka haath badhaao
Duniya ko khushhaal banaao

==============RAKHEE=============