Йицлургйоаца ха!
Хетаргахьа вайна массарашта а ювцаш хеза йовзаш я, Заьзик-юртара Кот-наькъан Диана яха йи1иг.
Мехкахой аз кердадоаккха шоана Диана могаш йоаца ялх ворх1 шу да. Цунна да, «Синдром Мафучи" "Синдром Арнольда Киари» яха унзара ши лазар. Из лазар долаш дерригача а дунен т1а итт саг мара вац, царех кхоъ Россе ва, цу кхаьннех ца1 вай мехкахо Диана я.
Цун нанас Хатчата яхачох хьаяча дийнахьа денз дег1аца из кхераме лазар долаш я Диана.
Цу лазаро шийна ма тов кхы дола бераш санна ловзаш дунен сакъердам буаш хьалкхе карараялийтац из малайк мо хоза йола йи1иг.
Дианай лазар к1оаргадаха доладенна ши-кхо шу да. Из лазар вай мехка метел ерригача Россе а дарба деш дац. Из бахьан долаш вай мехкарча дукхача наха шоай торонга хьежжа новкъостал даьд, Дианайна кхыча паччахьалкхе д1а а йига дарба дергдолаш. Бакъда, х1анз г1улакх хул-кх аьнна мел Хийттача хана, лазар юха хьасов а дувлаш гаьнадаьннад йи1ига дарба.
Массаза а хетт йи1ига ший наьнага: «Мама, дарба хург ма дий сона»? яхаш. Цу хаттара Хатчата Дианайна лу жоп да: «Дарба хургда хьона са йи1иг» аьле. Иштта ца аьлча йи1ийгага кхы ала х1ама дисадац наьна. Миччахьа а йигарах дарба лаха хала долаш лазар да цунна дар.Сийдолча Аллах1а моаршал лолда цунна. Дала карара йоаккхийла из цу лазара.
Хьамсара мехкахой оаша а ду1аде цу Диана яхача йи1ига. Тахан вай кардар Даьлагар цун моаршо ехаш ду1адар да. Ца магарах лораваь хьалхаваьккха саг вац вайх. Нагахьа санна вай цамогаш хуле вайна а ду1а де нах овттабергба Дала, тахан из ду1а эшарна вайд ой!
Укх шера марта бетта 24 дийнахьа вай мехкара Диана а ийца, нана Хатчат, Москве 1ойоаг1ача хана, Китай ший йи1ига дарба дайта д1аг1орг ма йий аьнна хеташ енаяр, бакъда йи1иг цига д1айига йиш йолаш яц. Лораш яхачох во хьал да цунга д1акхоачаргъяц из!
Карарча хана Диана Москве я Дарба деш. Россе хьабаьхка хинна немций лораш а хьежаб цунга. Цу немций лораша хьаена керда яьнна молхаш я Кховзткъеи итт б1аь тума ахча дехаш. Цу молхашца цхьан шера ах шера дарба дича дикаг1а хила мег йоах цар Диана. Дала моаршал лода цунна!
Х1анзарчоа дарба д1адоладеш уж молхаш цунна ийю Чулпан Хаматовай «Подари жизнь» яхача къахетаман фондо. Уж молхаш Цу РДКБ яхача дарбанче мара хулаш а яц. Т1ат1е11а цу молхашца дарба дой цхьаннахьа а д1а-хьа йига ца езаш дарба хургда йоах лораш йи1ига. Т1аккха вай фу де деза? - Ду1а!
Дош аьнна а ший йи1ига оарцаг1а мел ваьннача сага баркал оалаш я Хатчат. Хеталу в1алла а царна баркал аьнна яргъйий хьох из аьле. Къаьстта дикка ц1и хеза волча блогера Бекмурзиев Мусайна Ч1оаг1а баркал оал Хатчата: «Мувса хиннавецаре со йий мича ховргдар сага!» йоах цо. Сий долча Аллах1а боккха маьл яьзболба цун новкъостал мел даьча сага.
Мехкахой Лораш яхачох Дианай лазар ч1оаг1а кхераме да. Цар йоах: "Нагахьа санна из эттае йолайой кегар хилар кхерам ба", т1аккха де х1ама хургдац цунна. Из бахьан долаш цу Германера хьаенача молхашца дарба ду цунна. Цхьакха а да теркал де дезаш, цхьа моллаг1ча тайпара кхычахьа д1а-хьа йига йиш йолаш яц из.
Хатчата йоах: «Сай в1ашт1ехьа доале геззига ер хьдикаг1а хилча цу Китай д1аяха хьожаргъя со». Фуд шоана х1анз эшар аьлча йоах Хатчата д1ахо: - Бусулба наха моаршо ехаш ду1а дар мар кхы х1ама эшац тхона. Фудергдар аз Бусулба нах бецаре! Алхьамдулиллах1! Хоастам ба цу Далла бусулба со кхелла Ма ч1оаг1а хьажаб-кх сога нах, Цар уна лайла со!!!!»
Со цец воаккхаш цхьа х1ама да. Ма ч1оаг1а дог да-кх из цу Хатчата дар. В1алла а еха йоацаш, эсала яьнна х1ама доацаш цу ший йи1игага хьожаш я из. Дала низ лолба цунна!
Т1аккха Хьамсара вежарий йижарий, са фу ала безам бар аьлча. Къахетам д1абала йиш йолаш бац вайна юкъера. Къаьстта тахан цу йи1ига вай ду1а эшача дийнахьа х1аьта а. Са дехар да, ер йоазув 1о мел дешаш волча сагага цунна Аллах1агара моаршо ехаш ду1а де аьнна. Дала доадергдац вай! Нагахьа санна Аллах1а ларца из йи1иг вай ду1аш бахьан долаш ерзе, кхоана къемата дийнахьа Далла дохьала айттача къахетам гучабаргба вайна. Дукха мах болаш х1ама да из къахетам яхар. Даьла Элчас, 1алайх1и салату ва ссалам аьннад: «Наха т1ехьа къахетам беш волчунна Дала къахетам бергба!» Сий долча Аллах1а Къахетам болба вайх массарех а!
Жи дукха дахаш, к1орда а ца деш ду1а де цу вай йишилга….
Ва ссаламу 1алайкум варахьматуллах1и ва баракатух1у!!!
Хьарпхой Илез.
http://www.facebook.com/ilez.matiev