ԻՄ ՀԱՅՐԵՆԻ ՍՏԵՓԱՆԱՎԱՆ
Իմ հայրենի Ստեփանավա՛ն՝
Նախնիներիս սուրբ բնօրրան,
Ընկեր ես հին լեռ Թոդարի,
Հողմասլաց Ձորագետի:
Իմ քաղցրատես Ստեփանավա՛ն,
Պսակ ու փառք հայոց բնության,
Ներողամիտ ես, իմաստուն
Այս աշխարհի հորձանուտում:
Իմ անխռով Ստեփանավա՛ն,
Թո՛ղ հարթ լինի միշտ քո ճամփան,
Զավակներով քո պարծենաս
Եվ կորստյան ցավեր չզգաս:
Խաղաղ երկինք՝ Լոռի-բերդիդ,
Փայլն արևի՝ Արջասարիդ,
Տերը հավերժ՝ քեզ պահապան,
Իմ հայրենի Ստեփանավա՛ն:
08.01.2024 թ.