Старт (Ворша) - Ашмяны-БДУФК. Анонс
СІТУАЦЫЯ НАПЯРЭДАДНІ
Меней за ўсё думаецца пра футбол. Верым, што ўсё больш і больш футбалістаў выступяць за справядлівыя выбары ў краіне і супраць пануючага сёньня маразму. У табліцы аршанцы апярэджваюць ашмянцаў на 1 пункт, маючы пры гэтым матч у запасе. 9 і 10 пазіцыі адпаведна.
ІМГНЕНЬНЕ ГІСТОРЫІ
З ашмянцамі ў сіня-белых зусім кароткая гісторыя супрацьстаяньня. За 69 сезонаў існаваньня "Старта" мы сустрэліся ўсяго тройчы. Гэта было ў 2016 годзе і сёлета. Раней абодва матчы прынесьлі разгромны лік на нашу карысьць, а галоўным героем абедзьвюх "серый" стаў наш нападнік Аляксей Хадневіч, які адправіў у браму ашмянцаў 4 мячы. Марш сёлета скончыўся безгалявым мірам.
ЯК БЫЛО?
Падрахунак супрацьстаяньня "Старт" (Ворша) - "Ашмяны-БДУФК":
3 сустрэчы, +2 =1 -0, 11-1
2016 Ашмяны - Старт - 1:4
2016 Старт - Ашмяны - 7:0
2020 Ашмяны - Старт - 0:0
ШТО? ДЗЕ? КАЛІ?
Сустрэча адбудзецца ў Воршы на Гарадзкім стадыёне 13-га верасьня. Пачатак а 18:00.