"Узьлёт" прымае "Атлант"
У заключным, 14-м туры чэмпіянату Беларусі па валейболе ў дывізіёне Б аршанскі "Ўзьлёт" прымае "Атлант" з Паставаў. На чужой пляцоўцы нашы хлопцы саступілі. Матч адбудзецца ў суботу, 15-га лютага а 13:00. Усьлед за гэтым, а 16-й гадзіне правядзе свой паядынак "Кацюша", яна сустрэнецца з "Перлінай Палесься-ІІ" (Мазыр). Дарэчы, аршанскія дзяўчаты будуць гуляць два дні запар, паколькі ўжо 16-га лютага адправяцца ў сталіцу на матч з РДУАРам, ён таксама пачнецца а 16:00, месца правядзеньня - зала гульнявых відаў спорту на вуліцы Філімонава, 55, к.1. На гэтым тыдні адзначаем 125-годдзе валейболу! Запрашайце на матчы знаёмых, сяброў і крэўных, далучыце іх да цудоўнай гульні!
