На перадапошнюю і адначасова адну з самых далекіх выпраў гэтага сезону адправілася няшмат фэнаў нашага клубу, але тыя хто усё ж здолеў выправіцца на шлях у горад Кобрын, былі і ёсць сапраўднай "асновай" і касцяком аршанскага фан-руху. А чакалі іх наперадзе больш чым цэлыя суткі на шляху да футболу! Выправа прабівалася на цягніках, у якіх фэны "Оршы" правялі амаль 26 гадзін. Цягнік Орша адправіўся з нашага гораду ўвечары суботы, і ранкам нядзелі аршанскіх заўзятараў сустракаў горад Жабінка (ці як яго можна ласкава называць - Квакенбург)), і сустракаў краявідамі, вартымі фільмаў жахаў, то бок туман, амаль поўная адсутнасць людзей і так далей. У Жабінцы сустрэча з прадстаўнікамі мясцовага руху, якія таксама падтрымалі ФКО у гэтым матчы. На жаль, на дадзены момант у Жабінцы свайго футбольнага клубу няма, "Арыён" расфармавалі некалькі гадоў таму, таму мясцовыя пераважна падтрымліваюць суседзяў з "Гарадзеі" ды "Бярозы". Напярэдадні нас чакала многа шпацыру па Жабінцы, агляд гораду і так далей.
Але ж надышоў час, і цягнік на Кобрын за нейкія 25 хвілін дамчаў фанаў "Оршы" ды жабінкоўцаў да пункту прызначэння. А ўжо на кобрынскім вакзале ўся весялуха была спынена кобрынскімі міліцыянтамі. Таму гораду, ня кажучы пра нейкія ягоныя славутасці, аршанцы так і не ўбачылі. Але самым прыкрым стала тое, што ў выніку паводзін міліцыі (адмовы на наведванне гульні тым, у каго не было пры сабе пашпартоў ці іншых дакумэнтаў), сектар "Оршы" на матчы налічваў толькі 7 чалавек, а ўсяго падтрымаць нашу каманду ў Кобрын прыехалі амаль 30 чалавек.
Але і гэткай колькасцю нашаму клубу была забяспечана добрая падтрымка, і нашыя хлопцы, згуляўшы ўнічыю з лікам 1:1, забяспечылі "Оршы" удзел у Першай лізе у наступным сезоне. Хаця, калі б аршанскія гульцы выкарысталі нават палову момантаў, лік мог бы быць значна вышэйшым і на нашу карысць. Таксама Кобрын уразіў аршанскіх фэнаў вельмі малой колькасцю людзей на трыбунах. На матчы не прысутнічала нават 100 чалавек. І гэта нягледзячы на выходныя і добрае надвор'е. Што тут гаварыць, у Воршы нават на гульні, якія праходзяць у сераду ў працоўны час, народу на тэрасах значна больш!
Таксама трэба адзначыць, што калі на апошніх 10 хвілінах гульні на сектары застаўся толькі фанат ФКО (так склаліся абставіны), каманда падыйшла ды у поўным складзе падзякавала яму за падтрымку. Пасля ж гульні аршанцаў зноў чакаў цягнік, піва ды 14 гадзін на шляху да роднага гораду. Орша сустрэла ультрасаў ФКО ранкам панядзелка дробным дажджом ды непаўторным адчуваннем дому))