Dəniz çəkmək istəyirəm,
alınmır.
Gəmi çəkmək istəyirəm,
alınmır.
Torda balıq çəkirəm,
alınır.

Səma çəkmək istəyirəm,
alınmır.
Uçaq çəkmək istəyirəm,
alınmır.
Qəfəsdə  quş çəkirəm,
alınır.

Yol çəkmək istəyirəm,
alınmır.
Qatar çəkmək istəyirəm,
alınmır.
Yolda qəza çəkirəm,
alınır.

Havadan,
qurudan,
sudan
yaşamağa yol çəkirəm,
alınmır.
Bu ömrə vida deyib
son nəfəs çəkirəm ( Read more... )

Ol qədər qırıb bir-birimizdən ki, yorulduq,
Qırıldıqca yorulduq və yorulduqca qırıldıq…

Xeyirlə Şər müharibəsində Şərin qüvvəsi odur ki,
Xeyir üçün qəbul olmayan çox şey Şər üçün qəbuldur.

Hər aldığım nəfəs, hər atdığım addım,hər yaşadığım gün mənə bunu sübut edir.

              Gözətçiylə dustağın
                    burda qisməti eyni:
              Sənin qolun bağlanıb,
                     onun idrakı, beyni
              ...Rəssam, çək bu lövhəni,
              Maraqlı mənzərədir:
              Qul gözətçi önündə
                     Azad bir dustaq gedir!