Недeля 11 по Пятидесятнице. УСПЕНИЕ ПРЕСВЯТОЙ БОГОРОДИЦЫ. ВСЕНОЩНОЕ БДЕНИЕ. ВЕЛИКАЯ ВЕЧЕРНЯ. Глас 2.
28 áвгуста 2022 гóда. Недéля 11 по Пятидеся́тнице. Успéнiе Пресвятóй Влады́чицы нáшей Богорóдицы и Приснодéвы Марíи. Глас 2. Послéдованiе Всенóщнаго бдéнiя для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Вся слýжба прáздника по Октóиху и Минéе. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святы́й Крéпкiй, Святый Безсмéртный, помилуй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Гóсподи, поми́луй, (12 раз.)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стихú избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýіа, аллилýіа, аллилýіа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читаем либо кафúсму 1-ю (1-ю cтатию(«Блажен муж» - 1-й антифон.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрiстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поем стiхú избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýіа, аллилýіа, аллилýіа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýіа, аллилýіа, аллилýіа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýіа, аллилýіа, аллилýіа.
Чтец (или хор): Блажéни вси надéющiися Нань.
Хор: Аллилýіа, аллилýіа, аллилýіа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýіа, аллилýіа, аллилýіа.
Чтец (или хор): Госпóдне есть спасéнiе, и на лю́дех Твои́х благословéнiе Твоé.
Хор: Аллилýіа, аллилýіа, аллилýіа.
Чтец: Слáва Ѻтцý и Сы́ну и Святóму Дýху.
Хор: Аллилýіа, аллилýіа, аллилýіа.
Хор: И ны́не и при́сно и во вéки векóв, ами́нь.
Хор: Аллилýіа, аллилýіа, аллилýіа.
Аллилýіа, аллилýіа, аллилýіа, слáва Тебé Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 2
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведú из темнúцы дýшу мою́,// исповéдатися и҆́мени Твоемý.
Стiхúры воскрéсные, глас 2: Прéжде век от Ѻтцá Рóждшемуся Бóжiю Слóву,/ Воплóщшемуся от Дéвы Марíи,/ прiиди́те, поклони́мся: крест бо претерпéв,/ погребéнiю предадéся, яко Сам восхотé:/ и воскрéсе из мéртвых,// спасé мя заблуждáющаго человéка.
Менé ждут прáведницы,// дóндеже воздáси мне.
Стiхúра: Хрiстóс Спас наш,/ éже на ны рукописáнiе пригвозди́в на Крестé заглáди,/ и смéрную держáву упразднѝ:// поклоня́емся Егó Триднéвному Воскресéнiю.
На 8. Стiх: Из глубины́ воззвáх к Тебé, Гóсподи,// Гóсподи, услы́ши глас мой.
Стiхúра: Со Архáнгелы воспои́м Хрiстóво Воскресéнiе: Той бо есть Избáвитель и Спас душ нáших, и в слáве стрáшней и крéпцей си́ле, пáки грядéт суди́ти мíру, егóже создá.
Да бýдут ýши Твоú// внéмлюще глáсу молéнiя моегó.
И҆́ны стiхúры анатóлiевы: Тебé Распéншагося и Погребéннаго,/ Áнгел проповéда Влады́ку, и глагóлаше женáм:/ прiиди́те ви́дите, идéже лежáше Госпóдь:/ воскрéсе бо, я́коже речé, я́ко Всеси́лен./ Тéмже Тебé поклоня́емся, Еди́ному Безсмéртному:// Жизнодáвче Хрiстé, поми́луй нас.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúры Успéнiя, глас 1: О, ди́вное чýдо!/ Истóчник Жи́зни/ во грóбе полагáется,/ и лéствица к Небеси́ гроб бывáет./ Весели́ся, Гефсимáнiе,/ Богорóдичен святы́й дóме./ Возопiéм, вéрнiи,/ Гаврiи́ла имýще чиноначáльника:/ Благодáтная, рáдуйся,/ с Тобóю Госпóдь,// подая́й мíрови Тобóю вéлiю ми́лость.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: О, ди́вное чýдо!/ Истóчник Жи́зни/ во грóбе полагáется,/ и лéствица к Небеси́ гроб бывáет./ Весели́ся, Гефсимáнiе,/ Богорóдичен святы́й дóме./ Возопiéм, вéрнiи,/ Гаврiи́ла имýще чиноначáльника:/ Благодáтная, рáдуйся,/ с Тобóю Госпóдь,// подая́й мíрови Тобóю вéлiю ми́лость.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Ди́вны Твоя́ тáйны, Богорóдице:/ Вы́шняго престóл/ яви́лася eси́, Влады́чице,/ и от земли́ к Небеси́ престáвилася eси́ днесь./ Слáва Твоя́ боголéпная,/ богоподóбными сiя́ющи чудесы́./ Дéвы с Мáтерiю Царéвою,/ на высотý вознеси́теся./ Благодáтная, рáдуйся,/ с Тобóю Госпóдь,// подая́й мíрови Тобóю вéлiю ми́лость.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Ди́вны Твоя́ тáйны, Богорóдице:/ Вы́шняго престóл/ яви́лася eси́, Влады́чице,/ и от земли́ к Небеси́ престáвилася eси́ днесь./ Слáва Твоя́ боголéпная,/ богоподóбными сiя́ющи чудесы́./ Дéвы с Мáтерiю Царéвою,/ на высотý вознеси́теся./ Благодáтная, рáдуйся,/ с Тобóю Госпóдь,// подая́й мíрови Тобóю вéлiю ми́лость.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Твоé слáвят успéнiе/ Влáсти и Престóли,/ Начáла и Госпóдства,/ Си́лы и Херувíми и стрáшнiи Серафíми,/ рáдуются земнорóднiи,/ о Божéственней Твоéй слáве крася́щеся,/ припáдают лю́дiе со Архáнгелы и Áнгелы и воспевáют:/ Благодáтная, рáдуйся,/ с Тобóю Госпóдь,// подая́й мíрови Тобóю вéлiю ми́лость.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Твоé слáвят успéнiе/ Влáсти и Престóли,/ Начáла и Госпóдства,/ Си́лы и Херувíми и стрáшнiи Серафíми,/ рáдуются земнорóднiи,/ о Божéственней Твоéй слáве крася́щеся,/ припáдают лю́дiе со Архáнгелы и Áнгелы и воспевáют:/ Благодáтная, рáдуйся,/ с Тобóю Госпóдь,// подая́й мíрови Тобóю вéлiю ми́лость.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Богоначáльным мановéнiем,/ отвсю́ду Богонóснiи апóстоли,/ óблаки высóце взимáеми,/ дошéдше пречи́стаго и живоначáльнаго Твоегó тéла,/ любéзно лобызáху./ Превы́шнiя же Небéсныя си́лы,/ с свои́м Влады́кою пришéдше,/ богопрiя́тное и пречи́стое тéло предсылáюще,/ ýжасом одержи́ми;/ прекрáсно же предыдя́ху/ и неви́димо вопiя́ху превы́шним чиноначáлieм:/ се Всецари́ца Богоотрокови́ца прiи́де./ Возми́те вратá и Сiю́ преми́рно подыми́те,/ Присносýщнаго Мáтерь Свéта,/ Тоя́ бо рáди всерóдное человéком спасéнiе бысть./ На Ню́же взирáти не мóжем,/ и Той достóйную честь воздáти немóщно:/ Тоя́ бо преизя́щное прехóдит всяк ум./ Тéмже, Пречи́стая Богорóдице,/ при́сно с Живонóсным Царéм и Рождествóм живýщи,/ моли́ся вы́ну сохрани́ти и спасти́/ от вся́каго прилóга проти́внаго/ нóвыя лю́ди Твоя́:/ Твоé бо предстáтельство стяжáхом,// во вéки светоявлéнно блажáще.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сына и Святáго Дýха, Бóга. Достóин еси во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
ПАРЕМИИ
Чтец: Бытiя́ чтéнiе.
(Из главы 28) Изы́де Iáков от студенцá кля́твеннаго и и҆́де в Харрáнь. И обрéте мéсто, и спа тáмо: зáйде бо сóлнце, и взят от кáменiя мéста тогó, и положи́ возглáвше себé, и спа на мéсте óном. И сон ви́де. И се лéствица, утверждéна на земли́, eя́же главá досязáше до небéс, и Áнгели Бóжiи восхождáху и низхождáху по ней. Госпóдь же утверждáшеся на ней, и речé: Аз Бог Авраáмов, отцá твоегó, и Бог Iсаáков, не бóйся: земля́, идéже ты спи́ши на ней, тебé дам ю и сéмени твоемý. И бýдет сéмя твоé, я́ко песóк земны́й, и распространи́тся на мóре, и ли́ву, и сéвер, и на востóки; и возблагословя́тся о тебé вся колéна земнáя и о сéмени твоéм. И се Аз с тобóю, сохраня́яй тя на вся́ком пути́, áможе áще пóйдеши. И возвращý тя в зéмлю сiю́, яко не и҆́мам тебé остáвити, дóндеже сотвори́ти Ми вся, ели́ка глагóлах тебé. И востá Iáков от сна своегó, и речé: яко eсть Госпóдь на мéсте сем, аз же не вéдех. И убоя́ся, и речé: я́ко стрáшно мéсто сié; несть сié, но дом Бóжiй и сiя́ вратá Небéсная. (Быт.28:10-17)
[русский синодальный перевод]Иаков же вышел из Вирсавии и пошел в Харран, и пришел на одно место, и остался там ночевать, потому что зашло солнце. И взял один из камней того места, и положил себе изголовьем, и лег на том месте. И увидел во сне: вот, лестница стоит на земле, а верх ее касается неба; и вот, Ангелы Божии восходят и нисходят по ней. И вот, Господь стоит на ней и говорит: Я Господь, Бог Авраама, отца твоего, и Бог Исаака; [не бойся]. Землю, на которой ты лежишь, Я дам тебе и потомству твоему; и будет потомство твое, как песок земной; и распространишься к морю и к востоку, и к северу и к полудню; и благословятся в тебе и в семени твоем все племена земные; и вот Я с тобою, и сохраню тебя везде, куда ты ни пойдешь; и возвращу тебя в сию землю, ибо Я не оставлю тебя, доколе не исполню того, что Я сказал тебе. Иаков пробудился от сна своего и сказал: истинно Господь присутствует на месте сем; а я не знал! И убоялся и сказал: как страшно сие место! это не иное что, как дом Божий, это врата небесные.(Быт.28:10-17)
Чтец: Прорóчества Iезекíилева чтéнiе.
(Из глав 43 и 44) Тáко глагóлет Госпóдь: бýдет от дне осмáго и прóчее, сотворя́т iерéи на олтари́ всесожжéнiя вáшего и я́же спасéнiя вáшего, и прiимý вы, глагóлет Адонаи́ Госпóдь. И обрати́ мя на путь врат святы́х внéшних, зря́щих на востóки, и сiя́ бя́ху затворéна. И речé Госпóдь ко мне: вратá сiя́ затворéна бýдут и не отвéрзутся, и никтóже прóйдет сквозé их; я́ко Госпóдь Бог Iзрáилев прóйдет и҆́ми, и бýдут затворéна. Я́ко Игýмен ся́дет в них снéсти хлеб, по пути́ Елáмских врат вни́дет и по пути́ егó изы́дет. И введé мя по пути́ врат святы́х, сýщих к сéверу, пря́мо хрáму, и ви́дех, и се испóлнь слáвы храм Госпóдень.
[русский синодальный перевод](Так говорит Господь: по окончании сих дней, в восьмой день и далее, священники будут возносить на жертвеннике ваши всесожжения и благодарственные жертвы; и Я буду милостив к вам, говорит Господь Бог. И привел он меня обратно ко внешним воротам святилища, обращенным лицом на восток, и они были затворены. И сказал мне Господь: ворота сии будут затворены, не отворятся, и никакой человек не войдет ими, ибо Господь, Бог Израилев, вошел ими, и они будут затворены. Что до князя, он, как князь, сядет в них, чтобы есть хлеб пред Господом; войдет путем притвора этих ворот, и тем же путем выйдет. Потом привел меня путем ворот северных перед лицо храма, и я видел, и вот, слава Господа наполняла дом Господень.(Иез.43:27;44:1-4)
Чтец: При́тчей чтéнiе.
(Из главы 9): Премýдрость создá Себé дом и утверди́ столпóв седмь. Заклá Своя́ жéртвенная, и раствори́ в чáши Своéй винó, и уготóва Свою́ трапéзу. Послá Своя́ рабы́, созывáющи с высóким проповéданiем на чáшу, глагóлющи: И҆́же есть безýмен, да уклони́тся ко Мне. И трéбующим умá речé: Прiиди́те, яди́те Мой хлеб, и пíйте винó, éже раствори́х вам. Остáвите безýмiе и жи́ви бýдете, и взыщи́те рáзума, да поживетé, и испрáвите рáзум в вéденiи. Наказýяй злы́я прiи́мет себé безчéстiе, обличáяй же нечести́ваго опорóчит себé: обличéнiя бо нечести́вому рáны емý. Не обличáй злых, да не возненави́дят тебé. Обличáй премýдра, и возлю́бит тя. Даждь премýдрому винý, и премýдршiй бýдет. Сказýй прáведному, и приложи́т прiимáти. Начáло премýдрости страх Госпóдень и совéт святы́х рáзум: разумéти бо закóн пóмысла есть благáго. Сим бо óбразом мнóгое поживéши врéмя, и приложáтся тебé лéта животá.
[Русский синодальный перевод]Премудрость построила себе дом, вытесала семь столбов его, заколола жертву, растворила вино свое и приготовила у себя трапезу; послала слуг своих провозгласить с возвышенностей городских: «кто неразумен, обратись сюда!» И скудоумному она сказала: «идите, ешьте хлеб мой и пейте вино, мною растворенное; оставьте неразумие, и живите, и ходите путем разума». Поучающий кощунника наживет себе бесславие, и обличающий нечестивого - пятно себе. Не обличай кощунника, чтобы он не возненавидел тебя; обличай мудрого, и он возлюбит тебя; дай наставление мудрому, и он будет еще мудрее; научи правдивого, и он приумножит знание. Начало мудрости - страх Господень, и познание Святаго - разум; потому что чрез меня умножатся дни твои, и прибавится тебе лет жизни.(Притч.9:1-11)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры Успéнiя, глас 1: Подобáше самови́дцам Слóва и слугáм/ и éже по плóти Мáтере Егó успéнiе ви́дети,/ конéчное ели́ко на Ней тáинство,/ я́ко да не тóкмо éже от земли́ Спáсово восхождéнiе ýзрят,/ но и Рóждшiя Егó преставлéнiю свидéтельствуют./ Тéмже, отвсю́ду Божéственною си́лою собрáвшеся,/ Сióна достигóша/ и на Нéбо идýщую предсылáху, вы́шшую Херувíм,/ Éйже и мы с ни́ми покланя́емся,// я́ко моля́щейся о душáх нáших.
Глас 2: Я́же Небéс вы́шшая сýщи,/ и Херувíм слáвнейшая,/ и всея́ твáри честнéйшая,/ я́же премнóгiя рáди чистоты́/ Присносýщнаго Существá прiя́телище бы́вши,/ в Сынóвне рýце днесь всесвятýю предаéт дýшу,/ и с Нéю исполня́ются вся́ческая рáдости,// и нам дáрует вéлiю ми́лость.
Iоáнново: Всенепорóчная Невéста/ и Мáти Благоволéнiя Ѻ́тча,/ Я́же Бóгу пронаречéнная,/ во Своé Емý жили́ще несли́тнаго соединéнiя/ днесь пречи́стую дýшу Творцý и Бóгу предаéт,/ Ю́же Безплóтных си́лы боголéпно подъéмлют,/ и к Животý преставля́ется,/ сýщая Мáти Животá,/ Свещá непристýпнаго Свéта,/ спасéнiе вéрных// и уповáнiе душ нáших.
Глас 3: Прiиди́те, вси концы́ земнíи,/ честнóе преставлéнiе Богомáтере восхвáлим:/ в рýце бо Сы́на дýшу непорóчную положи́./ Тéмже святы́м успéнiем Ея́ мир оживотвори́ся,/ во псалмéх, и пéнiих, и пéснех духóвных// со Безплóтными и апóстолы прáзднует свéтло.
Слáва Ѻтцý и Сы́ну и Святóму Дýху.
Глас 5: Прiиди́те, празднолю́бных собóр,/ прiиди́те, и лик состáвим,/ прiиди́те, венчáем пéсньми Цéрковь,/ упокоéнiем Ковчéга Бóжiя./ Днесь бо Нéбо простирáет нéдра,/ прiéмля Рóждшую всéми Невмести́маго,/ и земля́, Истóчник Жи́зни отдаю́щи, благословéнiе,/ украшáется благолéпiем./ Áнгели лик составля́ют со апóстолы,/ ужáсно взирáюще/ от животá в Живóт преставля́ему,/ Рóждшую Начáльника жи́зни./ Вси поклони́мся Ей, моля́щеся:/ срóдна присвоéнiя не забýди, Влады́чице,// вéрно прáзднующих всесвятóе Твоé успéнiе.
И ны́не и прúсно и во вéки векóв, амúнь.
Глас 5: Воспóйте, лю́дiе,/ Мáтери Бóга нáшего, воспóйте:/ днесь бо всесвéтлую дýшу Свою́ в пречи́стыя длáни/ И҆́же из Нея́ Воплóщшагося без сéмене предаéт,/ Егóже и мóлит непрестáнно// даровáти вселéнней мир и вéлiю ми́лость.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 2): Воскресéніе Твоé, Хрiстé Спáсе,/ всю просветѝ вселéнную,/ и призвáл есѝ Твоé создáніе,// Всеси́льне Гóсподи, слáва Тебé.
Стiх: Госпóдь воцарúся,/ в лéпоту облечéся.
Дрéвом, Спáсе, упраздни́л есѝ,/ ю́же от дрéва кля́тву,/ держáву смéрти погребéнiем Твои́м умертви́л есѝ,/ просвети́л же есѝ род наш востáнiем Твои́м./ Тéмже вопiéм Тебé:// Животодáвче Хрiстé Бóже наш, слáва Тебé.
Стiх: И҆́бо утвердú вселéнную,/ я́же не подвúжется.
На крестé я́влься, Хрiстé, пригвождáемь,/ измени́л есѝ добрóту здáнiй:/ и безчеловéчiе ýбо вóини показýюще,/ копiéм рéбра Твоя́ прободóша,/ еврéи же печáтати грóба проси́ша,/ Твоея́ влáсти не вéдуще./ Но за милосéрдiе утрóб Твои́х,/ прiéмый погребéнiе, и триднéвен воскресы́й// Гóсподи, слáва Тебé.
Стiх: Дóму Твоемý подобáет святы́ня, Гóсподи,/ в долготý днiй.
Животодáвче Хрiстé, вóлею страсть претерпéвый смéртных рáди,/ во ад же снизшéд я́ко си́лен,/ тáмо Твоегó пришéствiя ожидáющiя,/ исхи́тив я́ко от звéря крéпкаго,/ рай вмéсто áда жи́ти даровáл есѝ./ Тéмже и нам слáвящим триднéвное Твоé востáнiе,/ дáруй очищéнiе грехóв,// и вéлiю ми́лость.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Успéнiя, глас 4: Егдá изшлá еси́, Богорóдице Дéво,/ ко из Тебé Рóждшемуся неизречéнно,/ бя́ше Iáков, брат Бóжiй и пéрвый священноначáльник,/ Петр же, честнéйшiй верхóвник,/ Богослóвов начáльник,/ и весь Божéственный апóстольскiй лик,/ явлéнным богослóвiем песнослóвяще/ Божéственное и стрáшное Хрiстá Бóга смотрéнiя тáинство/ и живоначáльное и богопрiя́тное Твоé тéло погрéбше,/ рáдовахуся, Всепéтая./ Превы́ше же пресвяты́я и старéйшiя Áнгельския си́лы,/ чудеси́ дивя́щеся,/ прини́кше друг ко дрýгу, глагóлаху:/ возьми́те вáша вратá/ и воспрiими́те Рóждшую небесé и земли́ Творцá,/ славословлéньми же воспоéм честнóе и святóе тéло,/ вмести́вшее нáми Неви́димаго и Гóспода./ Тéмже и мы, пáмять Твою́ прáзднующе,/ вопiéм Ти, Препéтая:// хрiстiáнский рог вознеси́ и спаси́ дýши нáша.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святы́й Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь Успéния, глас 1: В рождествé дéвство сохрани́ла eси́,/ во успéнiи мíра не остáвила eси́, Богорóдице,/ престáвилася eси́ к животý, Мáти сýщи Животá,// и моли́твами Твои́ми избавля́еши от смéрти дýши нáша. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[в приходской практитке пропускается]/Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню