ПРЕОБРАЖЕНИЕ ГОСПОДНЕ. ВСЕНОЩНОЕ БДЕНИЕ. УТРЕНЯ. КАНОН. Служба мирским чином. ЯБЛОЧНЫЙ СПАС.
19 áвгуста 2022 гóда. Преображéнiе Госпóда Спáса нáшего Iисýса Хрїстá. Слýжба прáздника для домáшнего (келéйнаго) совершéнiя. Воскрéсная прáздничная слýжба для домáшнего (келéйнаго) совершéнiя. (Яблочный Спас)
Начало зри здесь ( великая вечéрня) и здесь ( ýтреня)
СТЕПЕННА, ГЛАС 4
1 АНТИФОН
Хор: От ю́ности моея́/ мнóзи бóрют мя стрáсти,/ но Сам мя заступú// и спасú, Спáсе мой. (Двáжды)
Ненави́дящiи Сióна,/ посрами́теся от Гóспода,/ я́ко травá бо огнéм// бýдете изсóхше. (Двáжды)
Слáва Ѻтцý и Сы́ну и Святóму Дýху.
Святы́м Дýхом/ вся́ка душá живи́тся,/ и чистотóю возвышáется,// светлéется Трóйческим еди́нством, священнотáйне.
И҆ ны́не и прúсно и во вéки векóв. Амúнь.
Святы́м Дýхом/ вся́ка душá живи́тся,/ и чистотóю возвышáется,// светлéется Трóйческим еди́нством, священнотáйне.
ПРОКИМЕН
Чтец: Прокíмен, глас четвéртый: Фавóр и Ермóн/ о И҆́мени Твоéм возрáдуетася. (Пс.88:13Б)
Хор: Фавóр и Ермóн/ о И҆́мени Твоéм возрáдуетася.
Чтец: Твоя́ суть небеса́, и Твоя́ есть земля́. (Пс.88:12А)
Хор: Фавóр и Ермóн/ о И҆́мени Твоéм возрáдуетася.
Чтец: Фавóр и Ермóн.
Хор: О И҆́мени Твоéм возрáдуетася.
Чтец: Гóсподу помóлимся.
Хор: Гóсподи, помúлуй.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Вся́кое дыхáнiе да хвáлит Гóспода. (Пс.150:6)
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егó, хвали́те Егó во утвержéнiи си́лы Егó. (Пс.150:1)
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
ЕВАНГЕЛИЕ
Чтец: От Луки́ Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Лк.зач.45): Во врéмя ѻ́но, поéм Iисýс Петрá, и Iоáнна, и Iáкова, взы́де на горý помоли́тися. И бысть, егдá моля́шеся, видéнiе лицá Егó и҆́но, и одея́нiе Егó белó блистáяся. И се мýжа два с Ним глагóлюща, я́же бéста Моисéй и Iлiя́, я́вльшася во слáве: глагóласта же исхóд Егó, и҆́же хотя́ше скончáти во Iерусали́ме. Петр же, и сýщiи с ним, бя́ху отягчéни сном: убýждшеся же ви́деша слáву Егó, и óба мýжа стоя́ща с Ним. И бысть, егдá разлучи́стася от Негó, речé Петр ко Iисýсу: Настáвниче, добрó есть нам зде бы́ти, и сотвори́м сéни три, еди́ну Тебé, и еди́ну Моисéови, и еди́ну Iлiи́: не вéдый, éже глагóлаше. Се же емý глагóлющу, бысть óблак, и осени́ их: убоя́шася же, вшéдшим им во óблак. И глас бысть из óблака, глагóля: Сей есть Сын Мой Возлю́бленный, Тогó послýшайте. И егдá бысть глас, обрéтеся Iисýс еди́н, и тíи умолчáша, и никомýже возвести́ша в ты́я дни ничесóже от тех, я́же ви́деша.
[Русский синодальный перевод]После сих слов, дней через восемь, взяв Петра, Иоанна и Иакова, взошел Он на гору помолиться. И когда молился, вид лица Его изменился, и одежда Его сделалась белою, блистающею. И вот, два мужа беседовали с Ним, которые были Моисей и Илия; явившись во славе, они говорили об исходе Его, который Ему надлежало совершить в Иерусалиме. Петр же и бывшие с ним отягчены были сном; но, пробудившись, увидели славу Его и двух мужей, стоявших с Ним. И когда они отходили от Него, сказал Петр Иисусу: Наставник! хорошо нам здесь быть; сделаем три кущи: одну Тебе, одну Моисею и одну Илии, - не зная, что́ говорил. Когда же он говорил это, явилось облако и осенило их; и устрашились, когда вошли в облако. И был из облака глас, глаголющий: Сей есть Сын Мой Возлюбленный, Его слушайте. Когда был глас сей, остался Иисус один. И они умолчали, и никому не говорили в те дни о том, что видели.(Лк.9:28-36)
Хор: Слáва Тебé, Гóсподи, слáва Тебé.
Воскресéнiе Хрiстóво ви́девше, поклони́мся Святóму Гóсподу Iисýсу, еди́ному безгрéшному, Крестý Твоемý покланя́емся, Хрiстé, и святóе Воскресéнiе Твоé поéм и слáвим: Ты бо еси́ Бог наш, рáзве Тебé инóго не знáем, и҆́мя Твоé именýем. Прiиди́те вси вéрнiи, поклони́мся Святóму Хрiстóву Воскресéнiю: се бо прiи́де Крестóм рáдость всемý мíру. Всегдá благословя́ще Гóспода, поéм Воскресéнiе Егó: распя́тiе бо претерпéв, смéртiю смерть разруши́.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдá суди́ти Ти. Се бо в беззакóнiих зачáт есмь, и во гресéх роди́ мя мáти моя. Се бо и҆́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлiе, возрáдуются кóсти смирéнныя. Отврати́ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твоим, и нечести́вiи к Тебé обратятся. Избáви мя от кровéй, Бóже, Бóже спасéнiя моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
Слáва Ѻтцý и Сы́ну и Святóму Дýху.
глас 6: Вся́ческая днесь рáдости испóлнишася:// Хрiстóс преобрази́ся пред ученики́.
И҆ ны́не и прúсно и во вéки векóв. Амúнь.
Вся́ческая днесь рáдости испóлнишася:// Хрiстóс преобрази́ся пред ученики́.
Таже, глас 6: Поми́луй мя, Бóже,/ по вели́цей ми́лости Твоéй, / и по мнóжеству щедрóт Твои́х,/ очи́сти беззакóнiе моé. (Пс.50:3)
Стiхúра Преображéнiя, глас 5: Божествá Твоегó, Спáсе, мáлу зарю́ обнажи́в/ совозшéдшим с Тобóю на гóру,/ преми́рныя Твоея́ слáвы сотвори́л еси́ рачи́тели./ Тéмже ужáсно зовя́ху:/ добрó есть нам зде бы́ти./ С ни́миже и мы Тебé, преобрáжшагося Спáса Хрiстá,// поéм во вéки.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
ПЕРВЫЙ КАНОН ПРАЗДНИКА, ГЛАС 4
(совмещенный со вторым каноном праздника, глас 8)
ПЕСНЬ 1
Iрмóс: Ли́цы iзрáильтестiи,/ невлáжными стопáми/ понт Чермны́й и влáжную глубинý прогнáвше,/ всáдники тристáты враги́ ви́дяще в ней погружéны,/ с весéлiем поя́ху:// пои́м Бóгу нáшему, я́ко прослáвися.(Двáжды)
Припéв: Слáва Тебé, Бóже наш, слáва Тебé.
Тропáрь: Глагóлы живóтныя другóм Хрiстóс/ и о Божéственнем наказýя Цáрствiи, речé:/ во Мне Отцá познáйте,/ Свéтом я́ко облистáя непристýпным, в рáдости пою́ще:// пои́м Бóгу нáшему, я́ко прослáвися. (Двáжды)
Припéв: Слáва Тебé, Бóже наш, слáва Тебé.
Тропáрь: Си́лою язы́к облечéтеся дрýзи ученицы́,/ чýдни же бýдете в богáтстве их, я́ко слáвы напóлнитеся,/ я́ко явлю́ся светлéе сóлнца, облистáя в рáдости пою́щих:// пои́м Бóгу нáшему, я́ко прослáвися. (Двáжды)
Припéв: Слáва Тебé, Бóже наш, слáва Тебé.
Тропáрь: Днесь Хрiстóс, на горé Фавóрстей просiя́в я́сно Божéственною зарéю,/ я́коже обещáся, ученикóм обнажи́ зрак,/ светонóсныя же напóлнившеся Божéственныя зари́, в рáдости поя́ху:// пои́м Бóгу нáшему, я́ко прослáвися. (Двáжды)
Второй канон праздника, глас 8
Iрмóс: Вóду прошéд, я́ко сýшу,/ и еги́петскаго зла избежáв,/ iзрáильтянин вопiя́ше:// Избáвителю и Бóгу нáшему пои́м.(Двáжды)
Припéв: Слáва Тебé, Бóже наш, слáва Тебé.
Тропáрь: Моисéй, на мóри прорóчески ви́дев/ óблаком и столпóм дрéвле óгненным слáву Госпóдню, вопiя́ше:// Избáвителю и Бóгу нáшему пои́м. (Двáжды)
Припéв: Слáва Тебé, Бóже наш, слáва Тебé.
Тропáрь: Я́ко кáменем, тéлом покры́вся,/ обожéнiем, Неви́димаго зря, Моисéй Богови́дец взывáше:// Избáвителю и Бóгу нáшему пои́м. (Двáжды)
Слáва Ѻтцý и Сы́ну и Святóму Дýху.
Тропáрь: Ты на горé закóнней и на Фавóрстей/ ви́ден был еси́ Моисéем во мрáце дрéвле,// во Свéте же ны́не непристýпнем Божествá.
И҆ ны́не и прúсно и во вéки векóв. Амúнь.
Тропáрь: Ты на горé закóнней и на Фавóрстей/ ви́ден был еси́ Моисéем во мрáце дрéвле,// во Свéте же ны́не непристýпнем Божествá.
Катавáсiя (глас 8): Крест начертáв, Моисéй/ впря́мо жезлóм Чермнóе пресечé,/ Iзрáилю пешеходя́щу;/ тóже обрáтно фараóновым колесни́цам, удáрив, совокупи́,/ вопреки́ написáв непобеди́мое орýжiе.// Тем Хрiстý пои́м, Бóгу нáшему, я́ко прослáвися.
ПЕСНЬ 3
Iрмóс: Лук си́льных изнемóже,/ и немощствýющiи препоя́сашася си́лою,// сегó рáди утверди́ся в Гóсподе сéрдце моé. (Двáжды)
Припéв: Слáва Тебé, Бóже наш, слáва Тебé.
Тропáрь: Во всегó Адáма облéкся, Хрiстé,/ очернéвшее, измени́в, просвети́л еси́ дрéвле естествó// и изменéнiем зрáка Твоегó богосодéлал еси́. (Двáжды)
Припéв: Слáва Тебé, Бóже наш, слáва Тебé.
Тропáрь: Столпóм огнезрáчным и óблаком дрéвле/ И́же в пусты́ни Iзрáиля веды́й,// днесь на горé Фавóрстей неизречéнно во свéте Хрiстóс просiя́. (Двáжды)
Глас 8
Iрмóс: Небéснаго крýга Верхотвóрче, Гóсподи,/ и Цéркве Зижди́телю,/ Ты менé утверди́ в любви́ Твоéй,/ желáнiй крáю,/ вéрных утверждéнiе,// Еди́не Человеколю́бче. (Двáжды)
Припéв: Слáва Тебé, Бóже наш, слáва Тебé.
Тропáрь: Осеня́ющая слáва в сéни пéрвее и Моисéеви бесéдующи, Твоемý угóднику,/ óбраз бысть облистáвшаго неизречéнно// на Фавóре, Влады́ко, Твоегó преображéнiя. (Двáжды)
Припéв: Слáва Тебé, Бóже наш, слáва Тебé.
Тропáрь: Совзыдóша Ти, Слóве Единорóдный,/ вы́шнiи апóстольстiи верси́ на гóру Фавóрскую,// и сопредстáша Ти Моисéй же и Iлiя́, я́ко Бóжiя слуги́, Еди́не Человеколю́бче. (Двáжды)
Слáва Ѻтцý и Сы́ну и Святóму Дýху.
Тропáрь: Бог Слóво Сый, весь зéмлен бысть,/ всемý Божествý смеси́в человéчество во ипоста́си Своéй,// ю́же во двою́ существý Моисéй и Iлiя́ же ви́деша на горé Фавóре.
И҆ ны́не и прúсно и во вéки векóв. Амúнь.
Тропáрь: Бог Слóво Сый, весь зéмлен бысть,/ всемý Божествý смеси́в человéчество во ипоста́си Своéй,// ю́же во двою́ существý Моисéй и Iлiя́ же ви́деша на горé Фавóре.
Катавáсiя (глас 8): Жезл во óбраз тáйны прiéмлется,/ прозябéнiем бо предразсуждáет свящéнника;/ неплодя́щей же прéжде Цéркви/ ны́не процветé Дрéво Крестá// в держáву и утверждéнiе.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Седáлен Преображéнiя, глас 4: На горé Фавóрстей преобрази́лся еси́, Iисýсе,/ посредé Iлiи́ и Моисéя прему́дрых, со Iáковом, и Петрóм, и Iоáнном./ Петр же, сопребывáя, сiя́ Тебé глагóлаше:/ добрó зде есть сотвори́ти три сéни:/ еди́ну Моисéю, и еди́ну Iлiи́, и еди́ну Тебé, Влады́це Хрiстý.// И҆́же тогдá Свет Твой сим возсiя́вый, просвети́ дýши нáша.
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
На горé Фавóрстей преобрази́лся еси́, Iисýсе,/ посредé Iлiи́ и Моисéя прему́дрых, со Iáковом, и Петрóм, и Iоáнном./ Петр же, сопребывáя, сiя́ Тебé глагóлаше:/ добрó зде есть сотвори́ти три сéни:/ еди́ну Моисéю, и еди́ну Iлiи́, и еди́ну Тебé, Влады́це Хрiстý.// И҆́же тогдá Свет Твой сим возсiя́вый, просвети́ дýши нáша.
ПЕСНЬ 4
Iрмóс: Услы́шах слáвное смотрéнiе Твоé, Хрiстé Бóже,/ я́ко роди́лся еси́ от Дéвы,/ да от лéсти избáвиши зовýщiя:// слáва си́ле Твоéй, Гóсподи. (Двáжды)
Припéв: Слáва Тебé, Бóже наш, слáва Тебé.
Тропáрь: Закóн в Сiнáи писáнiем воображáя, Хрiстé Бóже,/ во óблаце, и огни́, и мрáце, и в ви́хре яви́лся еси́ носи́м:// слáва си́ле Твоéй, Гóсподи. (Двáжды)
Припéв: Слáва Тебé, Бóже наш, слáва Тебé.
Тропáрь: Да увéриши слáвное строéнiе Твоé, Хрiстé Бóже,/ я́ко Сый прéжде век и Тóйже на óблаце восхождéнiе положи́вый,// на Фавóре неизречéнно просiя́л еси́. (Двáжды)
Припéв: Слáва Тебé, Бóже наш, слáва Тебé.
Тропáрь: Соглагóлюще, предстоя́ху раболéпно Тебé, Влады́це Хрiстý,/ к ни́мже пáрою огня́ и мрáка и тóнким хлáдом бесéдовал еси́:// слáва си́ле Твоéй, Гóсподи.
Припéв: Слáва Тебé, Бóже наш, слáва Тебé.
Тропáрь: Возвещáху слáвное Крестá рáди Твоегó, на Фавóр пришéдше,/ и́же во огни́ Тя и купинé дрéвле предви́девый Моисéй// и взя́тый на колесни́це óгненней Iлiя́, Хрiстé.
Глас 8
Iрмóс: Из плóти Твоея́ лучи́ Божествá/ исхождáху прорóком и апóстолом./ Тем начáльницы, пóюще, взывáху:// слáва си́ле Твоéй, Гóсподи. (Двáжды)
Припéв: Слáва Тебé, Бóже наш, слáва Тебé.
Тропáрь: И́же купинý сохрани́вый невреждéнну, прикоснýвшуюся огню́,/ Моисéю богосiя́нную плоть показáл еси́, Влады́ко, пою́щему:// слáва си́ле Твоéй, Гóсподи. (Двáжды)
Припéв: Слáва Тебé, Бóже наш, слáва Тебé.
Тропáрь: Скры́ся зарéю Божествá чýвственное сóлнце,/ я́ко на горé Фавóре ви́дев Тя преобразу́ющася, Iисýсе мой:// слáва си́ле Твоéй, Гóсподи. (Двáжды)
Слáва Ѻтцý и Сы́ну и Святóму Дýху.
Тропáрь: Огнь, не опаля́я вéщи телéсныя, ви́ден бысть невещéствен,/ я́коже Моисéю и апóстолом яви́лся еси́, Iлiи́ же, Влады́ко,// еди́н от двою́, во дву совершéнну естествý.
И҆ ны́не и прúсно и во вéки векóв. Амúнь.
Тропáрь: Огнь, не опаля́я вéщи телéсныя, ви́ден бысть невещéствен,/ я́коже Моисéю и апóстолом яви́лся еси́, Iлiи́ же, Влады́ко,// еди́н от двою́, во дву совершéнну естествý.
Катавáсiя (глас 8): Услы́шах, Гóсподи,/ смотрéнiя Твоегó тáинство,/ разумéх делá Твоя́// и прослáвих Твоé Божествó.
ПЕСНЬ 5
Iрмóс: От све́та пресеки́й перворо́дный свет,/ я́ко во све́те дела́ пою́т Тя, Христе́, Соде́теля,// во све́те Твое́м пути́ на́ша напра́ви. (Двáжды)
Припéв: Слáва Тебé, Бóже наш, слáва Тебé.
Тропáрь: Пред лице́м Твои́м го́ры уклони́шася,/ свет бо и пред нога́ми, неботе́чныя лучи́, Христе́, со́лнца прии́де,// зрак зе́млен я́ко прия́ти благоволи́л еси́. (Двáжды)
Припéв: Слáва Тебé, Бóже наш, слáва Тебé.
Тропáрь: Се Спас, -/ вопия́ху Моисе́й и Илия́ ученико́м,/ на горе́ святе́й Фаво́рстей оглаша́емым, -// Христо́с, Его́же дре́вле провозвести́хом Су́щаго Бо́га. (Двáжды)
Припéв: Слáва Тебé, Бóже наш, слáва Тебé.
Тропáрь: Неизме́нное естество́, челове́ческому приме́шся,/ оби́льно невеще́ственнаго Божества́ Свет// изобнажи́в апо́столом, неизрече́нно возсия́.
Припéв: Слáва Тебé, Бóже наш, слáва Тебé.
Тропáрь: Тя, присносу́щное сия́ние, во Оте́честей сла́ве/ ученицы́ я́ко ви́девше возсия́вша, Христе́, Тебе́ вопия́ху:// во све́те Твое́м пути́ на́ша напра́ви.
Глас 8
Iрмóс: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х// пути́ моя́ напра́ви, молю́ся. (Двáжды)
Припéв: Слáва Тебé, Бóже наш, слáва Тебé.
Тропáрь: Вети́йствующий язы́к Твоего́ вели́чества не мо́жет веща́ти:/ я́ко бо, Держа́й живо́т и сме́ртию Влады́й,/ предста́вил еси́ на Фаво́рстей горе́ Моисе́я и Илию́,// свиде́тельствующия Твое́ Божество́. (Двáжды)
Припéв: Слáва Тебé, Бóже наш, слáва Тебé.
Тропáрь: И́же рука́ми неви́димыми созда́в по о́бразу Твоему́, Христе́, челове́ка,/ началообра́зную Твою́ в созда́нии добро́ту показа́л еси́,/ не я́ко во о́бразе, но я́ко Сам Сый по существу́,// Бог был еси́ и Челове́к.(Двáжды)
Слáва Ѻтцý и Сы́ну и Святóму Дýху.
Тропáрь: Сраствори́вся неслия́нно, угль горя́щ показа́л еси́ нам Божества́,/ попаля́ющ у́бо грехи́, ду́ши же просвеща́ющ, на Фаво́рстей горе́,// Моисе́я со Илие́ю, ученико́в же старе́йшия удиви́л еси́.
И҆ ны́не и прúсно и во вéки векóв. Амúнь.
Тропáрь: Сраствори́вся неслия́нно, угль горя́щ показа́л еси́ нам Божества́,/ попаля́ющ у́бо грехи́, ду́ши же просвеща́ющ, на Фаво́рстей горе́,// Моисе́я со Илие́ю, ученико́в же старе́йшия удиви́л еси́.
Катавáсiя (глас 8): О треблажéнное Дрéво,/ на нéмже распя́ся Хрiстóс, Царь и Госпóдь!/ И҆́мже падé дрéвом прельсти́вый,/ тобóю прельсти́вся,/ Бóгу пригвозди́вшуся плóтiю,// подаю́щему мир душáм нáшим.
ПЕСНЬ 6
Iрмóс: Внегда́ скорбе́ти ми,/ возопи́х ко Го́споду,// и услы́ша мя Бог спасе́ния моего́. (Двáжды)
Припéв: Слáва Тебé, Бóже наш, слáва Тебé.
Тропáрь: Сия́ния па́че со́лнца Свет ясне́йший, Спас, просия́в на Фаво́ре,// нас просвети́л есть. (Двáжды)
Припéв: Слáва Тебé, Бóже наш, слáва Тебé.
Тропáрь: Возше́д на го́ру Фаво́рскую, преобрази́лся еси́, Христе́,// и, лесть всю омрачи́в, нас просвети́л еси́. (Двáжды)
Припéв: Слáва Тебé, Бóже наш, слáва Тебé.
Тропáрь: Тя Бо́га позна́вше сла́внии апо́столи,// на Фаво́ре же, Христе́, уди́вльшеся, коле́на преклони́ша.
Глас 8
Iрмóс: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,// Бо́же спасе́ния моего́. (Двáжды)
Припéв: Слáва Тебé, Бóже наш, слáва Тебé.
Тропáрь: Я́ко ве́лие и стра́шное узре́ся виде́ние днесь:/ с небесе́ у́бо чу́вственное, от земли́ же несравне́нное// облиста́ Со́лнце пра́вды мы́сленное на горе́ Фаво́рстей. (Двáжды)
Припéв: Слáва Тебé, Бóже наш, слáва Тебé.
Тропáрь: Пре́йде у́бо сень зако́нная, изнемо́гшая,/ прии́де же я́ве Христо́с и́стина, - Моисе́й возопи́,// на Фаво́ре ви́дев Твое́ Божество́.(Двáжды)
Слáва Ѻтцý и Сы́ну и Святóму Дýху.
Тропáрь: Столп о́гненный - Христа́ преобразу́ющуся,/ о́блак же - я́ве благода́ть Ду́ха, осени́вшую на Фаво́ре,// предсказа́ша явле́ннейше.
И҆ ны́не и прúсно и во вéки векóв. Амúнь.
Тропáрь: Столп о́гненный - Христа́ преобразу́ющуся,/ о́блак же - я́ве благода́ть Ду́ха, осени́вшую на Фаво́ре,// предсказа́ша явле́ннейше.
Катавáсiя (глас 8): Вóднаго звéря во утрóбе/ длáни Ióна крестови́дно распростéр,/ спаси́тельную Страсть проображáше я́ве./ Тем, триднéвен изшéд,/ премíрное Воскресéнiе прописáше/ Плóтiю пригвождéннаго Хрiстá Бóга// и триднéвным Воскресéнiем мiр просвéщшаго.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк Преображéнiя, глас 7: На горé преобрази́лся еси́,/ и я́коже вмещáху ученицы́ Твои́,/ слáву Твою́, Хрїстé Божé, ви́деша,/ да егдá Тя ýзрят распинáема,/ страдáнiе ýбо уразумéют вóльное,/ мíрови же проповéдят,// я́ко Ты еси́ вои́стинну Ѻ́тчее сiя́нiе.
И҆́кос: Воста́ните, лени́вии, и́же всегда́ ни́зу пони́кшии в зе́млю души́ моея́ по́мыслы,/ возми́теся и возвы́ситеся на высоту́ Боже́ственнаго восхожде́ния./ Притеце́м к Петру́ и к Зеведе́евым/ и вку́пе со о́неми Фаво́рскую го́ру дости́гнем,/ да ви́дим с ни́ми сла́ву Бо́га на́шего, глас же услы́шим,// его́же свы́ше слы́шаша и пропове́даша О́тчее сия́ние.
ПЕСНЬ 7
Iрмóс: Авраа́мстии иногда́ в Вавило́не о́троцы/ пе́щный пла́мень попра́ша,/ пе́сньми взыва́юще:// оте́ц на́ших Бо́же, благослове́н еси́.(Двáжды)
Припéв: Слáва Тебé, Бóже наш, слáва Тебé.
Тропáрь: Облиста́вшеся Све́том непристу́пныя сла́вы на Фаво́рстей горе́,/ апо́столи Христу́ вопия́ху:// оте́ц на́ших Бо́же, благослове́н еси́. (Двáжды)
Припéв: Слáва Тебé, Бóже наш, слáва Тебé.
Тропáрь: Сия́нием Боже́ственнаго шу́ма, и росода́тельным о́блаком, Христе́,/ и заре́ю Твое́ю наслажда́еми, апо́столи поя́ху:// оте́ц на́ших Бо́же, благослове́н еси́. (Двáжды)
Припéв: Слáва Тебé, Бóже наш, слáва Тебé.
Тропáрь: В непристу́пном Све́те, я́ко ви́де Тя Петр,/ на Фаво́рстей горе́ облиста́вша, Христе́, возопи́:// оте́ц на́ших Бо́же, благослове́н еси́.
Припéв: Слáва Тебé, Бóже наш, слáва Тебé.
Тропáрь: С Нача́льником жи́зни Христо́м су́ще, де́ти Зеведе́евы,/ я́ко испусти́ зра́ка Свет, возгреме́ша:// оте́ц на́ших Бо́же, благослове́н еси́.
Глас 8
Iрмóс: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:// благослове́н еси́, Го́споди Бо́же, во ве́ки. (Двáжды)
Припéв: Слáва Тебé, Бóже наш, слáва Тебé.
Тропáрь: Ны́не ви́дена бы́ша апо́столом неви́димая Божества́ во пло́ти,/ на горе́ Фаво́рстей облиста́вша, вопию́щим:// благослове́н еси́, Го́споди Бо́же, во ве́ки. (Двáжды)
Припéв: Слáва Тебé, Бóже наш, слáва Тебé.
Тропáрь: Ужасо́шася стра́хом, уди́вльшеся благоле́пию Боже́ственнаго Ца́рства,/ на горе́ Фаво́рстей апо́столи, вопию́ще:// благослове́н еси́, Го́споди Бо́же, во ве́ки. (Двáжды)
Слáва Ѻтцý и Сы́ну и Святóму Дýху.
Тропáрь: Ны́не неуслы́шанная услы́шана бы́ша:/ без отца́ бо Сын от Де́вы Оте́ческим гла́сом сла́вно свиде́тельствуется,// я́ко Бог и Челове́к То́йже во ве́ки.
И҆ ны́не и прúсно и во вéки векóв. Амúнь.
Тропáрь: Положе́нием не был еси́ Вы́шняго, существо́м же Сын возлю́блен,/ пре́жде Сый, нам прибли́жился еси́ непрело́жно:// благослове́н еси́, Го́споди Бо́же, во ве́ки.
Катавáсiя (глас 8): Безýмное велéнiе мучи́теля злочести́ваго лю́ди поколебá,/ ды́шущее прещéнiе и злохулéнiе богомéрзкое,/ обáче три óтроки не устраши́ я́рость звéрская,/ ни огнь снедáяй,/ но противоды́шущу росонóсному Дýху,/ со огнéм сýще, поя́ху:// препéтый отцéв и нас Бóже, благословéн еси́.
ПЕСНЬ 8
Iрмóс: В Вавило́не о́троцы,/ Боже́ственною распала́еми ре́вностию,/ мучи́теля и пла́мене преще́ния му́жески попра́ша/ и, посреде́ огня́ вве́ржени, ороша́еми, поя́ху:// благослови́те, вся дела́ Госпо́дня, Го́спода. (Двáжды)
Припéв: Слáва Тебé, Бóже наш, слáва Тебé.
Тропáрь: Манове́нием вся нося́й, нога́ми пречи́стыми на го́ру взы́де Фаво́рскую Христо́с,/ на не́йже па́че со́лнечныя лучи́ облиста́ лице́м,/ и́же зако́ну старе́йшия и благода́ти показа́ пою́щия:// благослови́те, вся дела́ Госпо́дня, Го́спода. (Двáжды)
Припéв: Слáва Тебé, Бóже наш, слáва Тебé.
Тропáрь: Непристу́пною сла́вою на горе́ я́влься неизрече́нно Фаво́рстей,/ неодержи́мый и незаходи́мый Свет, О́тчее сия́ние,/ тварь уясни́в, челове́ки обожи́, пою́щия:// благослови́те, вся дела́ Госпо́дня, Го́спода.
Припéв: Слáва Тебé, Бóже наш, слáва Тебé.
Тропáрь: Священноле́пно стоя́ще Моисе́й же и Илия́ на горе́ Фаво́ре,/ Боже́ственныя начерта́ние я́сно ипоста́си ви́девше,/ Христа́, во Оте́честей облиста́вша сла́ве, воспева́ху:// благослови́те, вся дела́ Госпо́дня, Го́спода.
Припéв: Слáва Тебé, Бóже наш, слáва Тебé.
Тропáрь: И́же во зра́це Боже́ственнаго ра́ди явле́ния лице́ просла́вися иногда́ Моисе́ово,/ Христо́с же, я́ко ри́зою, Све́том и сла́вою одева́ется,/ Све́та бо самоде́телен Сый, озаря́ет пою́щия:// благослови́те, вся дела́ Госпо́дня, Го́спода.
Припéв: Слáва Тебé, Бóже наш, слáва Тебé.
Тропáрь: От светоро́дна о́блака Христа́ ученицы́ объя́та зря́ще на Фаво́ре/ и ни́цы на зе́млю па́дше, ум просве́щше,/ со Отце́м Сего́ поя́ху и Ду́хом:// благослови́те, вся дела́ Госпо́дня, Го́спода.
Глас 8
Iрмóс: Седмери́цею пещь халде́йский мучи́тель/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,// лю́дие, превозноси́те во вся ве́ки. (Двáжды)
Припéв: Слáва Тебé, Бóже наш, слáва Тебé.
Тропáрь: Услы́шавше, Влады́ко, от Отца́ свиде́тельствуема,/ и я́ко челове́ческа тверде́йша зра́ка зре́ти лица́ Твоего́ блиста́ния не терпя́ще,/ Твои́ ученицы́ на зе́млю ниц па́даху, со стра́хом пою́ще:// свяще́нницы, благослови́те, лю́дие, превозноси́те во вся ве́ки. (Двáжды)
Припéв: Слáва Тебé, Бóже наш, слáва Тебé.
Тропáрь: Ца́рствующим еси́ Царь прекра́сен и и́же всю́ду владя́щим Госпо́дь си́лен,/ Блаже́н и во све́те живы́й непристу́пнем,/ Ему́же ученицы́ уди́вльшеся, Моисе́й же и Илия́ вопия́ху:/ о́троцы, благослови́те, свяще́нницы, воспо́йте,// лю́дие, превозноси́те во вся ве́ки.(Двáжды)
Благословúм Ѻтцá, и Сы́на, и Святáго Дýха, Гóспода.
Тропáрь: Яко Не́бом владу́щему, и земле́ю госпо́дствующему,/ и над преиспо́дними о́бласть иму́щему, Христе́, предста́ша Ти:/ от земли́ у́бо - апо́столи, я́ко с Небесе́ же Фесви́тянин Илия́,/ Моисе́й же - от ме́ртвых, пою́ще согла́сно:// лю́дие, превозноси́те во вся ве́ки.
И҆ ны́не и прúсно и во вéки векóв. Амúнь.
Тропáрь: Уны́ние ражда́ющия печа́ли на земли́ оста́виша апо́столов избра́ннии, Человеколю́бче,/ я́ко Тебе́ после́доваша, ко и́же от земли́ преложе́нию Боже́ственнаго жития́./ Те́мже и, по достоя́нию Твоего́ Богоявле́ния улучи́вше, поя́ху:// лю́дие, превозноси́те Его́ во ве́ки.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя (глас 8): Благослови́те, óтроцы,/ Трóицы равночи́сленнiи,/ Содéтеля Отцá Бóга,/ пóйте снизшéдшее Слóво/ и огнь в рóсу претвóршее/ и превозноси́те всем жизнь подавáющаго// Дýха Всесвятáго во вéки.
Возглас: Величáй, душé моя́,/ на Фавóре преобразúвшагося Гóспода.
ПЕСНЬ 9
Iрмóс: Рождество́ Твоé нетлéнно яви́ся:/ Бог из боку́ Твоéю про́йде,/ я́ко Плотоно́сец яви́ся на земли́/ и с человéки поживé.// Тя, Богоро́дице, тем вси велича́ем.
Припéв: Величáй, душé моя́,/ на Фавóре преобразúвшагося Гóспода.
Iрмóс: Рождество́ Твоé нетлéнно яви́ся:/ Бог из боку́ Твоéю про́йде,/ я́ко Плотоно́сец яви́ся на земли́/ и с человéки поживé.// Тя, Богоро́дице, тем вси велича́ем.
Припéв: Величáй, душé моя́,/ на Фавóре преобразúвшагося Гóспода.
Тропáрь: Ужа́сни но́вым светоли́тием внеза́пу ученицы́ освéщшеся, друг дру́га зря́ху,/ уди́вльшеся же и к земли́ прекло́ньшеся,// Тебé, Влады́це всех, поклони́шася. (Двáжды)
Припéв: Величáй, душé моя́,/ на Фавóре преобразúвшагося Гóспода.
Тропáрь: Шум из о́блака посыла́шеся богогла́сен, известву́я чу́до:/ Отéц бо Свéтов, - Сей есть Сын Мой возлю́бленный, - апо́столом вопiя́ше,// Того́ послу́шайте. (Двáжды)
Припéв: Величáй, душé моя́,/ на Фавóре преобразúвшагося Гóспода.
Тропáрь: Но́вая ви́девше и пресла́вная, глас Отéческiй внуши́вше,/ на Фаво́ре Словесé слуги́, изображéнiе Первообра́знаго,// Сей есть, - вопiя́ху, - Спас наш.
Припéв: Величáй, душé моя́,/ на Фавóре преобразúвшагося Гóспода.
Тропáрь: О́бразе непремéнный Су́щаго, недви́жиме, печа́ть неизмéнна,/ Сы́не, Сло́ве, му́дросте и мы́шце, десни́це Вы́шняго, Си́ло,// Тя воспева́ем со Отцéм же и Ду́хом.
Глас 8
Припéв: Величáй, душé моя́,/ на Фавóре преобразúвшагося Гóспода.
Iрмóс: Устраши́ся всяк слух/ неизречéнна Бо́жiя снизхождéнiя,/ я́ко Вы́шнiй во́лею сни́де да́же и до пло́ти,/ от деви́ческаго чрéва быв Человéк.// Тéмже Пречи́стую Богоро́дицу, вéрнiи, велича́ем. (Двáжды)
Припéв: Величáй, душé моя́,/ на Фавóре преобразúвшагося Гóспода.
Тропáрь: Да Твоé пока́жеши я́ве неизречéнное второ́е сни́тiе,/ я́ко да Вы́шнiй Бог яви́шися,/ стоя́ посредé бого́в, апо́стол на Фаво́ре,/ Моисéя же и Iлiю́, неизречéнно осiя́л еси́.// Тéмже вси Тя, Хрiстé, велича́ем. (Двáжды)
Припéв: Величáй, душé моя́,/ на Фавóре преобразúвшагося Гóспода.
Тропáрь: Прiиди́те, Мне покори́теся, лю́дiе, возшéдше на го́ру святу́ю пренебéсную,/ невещéственно ста́нем во гра́де Жива́го Бо́га/ и у́зрим мы́сленно Божество́ невещéственное,// Отца́ и Ду́ха, в Сы́не Единоро́днем облиста́ющее.(Двáжды)
Припéв: Величáй, душé моя́,/ на Фавóре преобразúвшагося Гóспода.
Тропáрь: Привлéкл еси́ любо́вiю мя, Спа́се,/ и премени́л еси́ Божéственным Твои́м жела́нiем,/ но попали́ огнéм невещéственным грехи́ моя́/ и насы́титися Твоея́ пи́щи сподо́би,// да, обоé игра́я, велича́ю, Бла́же, вели́чiя Твоя́.
Катавáсiя (глас 8): Тáин еси́, Богорóдице, рай,/ невоздéланно возрасти́вшiй Хрiстá,/ И҆́мже крéстное живонóсное на земли́ насади́ся Дрéво./ Тем, ны́не возноси́му,// покланя́ющеся Емý, Тя величáем.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Светúлен прáздника, самоглáсен: Свéте неизмéнный, Слóве, Свéта Отцá нерождéнна, в явлéннем свéте Твоéм,/ днесь на Фавóре Свет ви́дехом Отцá, Свет и Дýха,// Свéтом наставля́ющаго всю тварь.
Слáва Ѻтцý и Сы́ну и Святóму Дýху.
Свéте неизмéнный, Слóве, Свéта Отцá нерождéнна, в явлéннем свéте Твоéм,/ днесь на Фавóре Свет ви́дехом Отцá, Свет и Дýха,// Свéтом наставля́ющаго всю тварь.
И҆ ны́не и прúсно и во вéки векóв. Амúнь.
Свéте неизмéнный, Слóве, Свéта Отцá нерождéнна, в явлéннем свéте Твоéм,/ днесь на Фавóре Свет ви́дехом Отцá, Свет и Дýха,// Свéтом наставля́ющаго всю тварь.
ХВАЛИТНЫ
Продолжение здесь