Суббота мясопустная. Вселенская родительская суббота. ОБЕДНИЦА (изобразительные)
26 февраля́ 2022 гóда. Суббóта мясопýстная. Вселéнская родúтельская суббóта. Заупокóйная слýжба для домáшнего (келéйного) совершéния. Слýжба мирскúм чúном.
Прéжде глагóли часы. Аще имаши произволение то чти утреню с каноном и первым часом, аще же ни, токмо часы (третий и шестый)
ЧИН ОБЕДНИЦЫ
Глагóли сúце: Благослови, душé моя, Гóспода,/ благословéн еси Гóсподи.
Псалом 102
Благослови́, душé моя, Гóспода,/ и вся внýтренняя моя имя святóе Егó./ Благослови́, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недýги твоя,/ избавляющаго от истлéния живóт твой,/ венчáющаго тя ми́лостию и щедрóтами,/ исполняющаго во благих желáние твоé:/ обновится яко óрля юность твоя./ Творя́й милостыни Госпóдь,/ и судьбý всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждýет,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помянý, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не бýдет, и не познáет ктомý мéста своегó./ Милость же Госпóдня от вéка и до вéка на боя́щихся Егó,/ и прáвда Егó на сынéх сынóв, хранящих завéт Егó, и пóмнящих зáповеди Егó твори́ти я./ Госпóдь на Небеси́ уготóва Престóл Свой,/ и Цáрство Егó всéми обладáет./ Благословите Гóспода вси Áнгели Егó,/ сильнии крéпостию, творящии слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щии вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Отцý и Сы́ну и Святóму Дýху, и ны́не и при́сно и во вéки векóв. Аминь.
Благослови́, душé моя, Гóспода,/ и вся внýтренняя моя и́мя святóе Егó./ Благословéн еси, Гóсподи.
Слáва Отцý и Сыну и Святóму Дýху.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческия,/ в ни́хже несть спасéния./ Изы́дет дух eгó/ и возврати́тся в зéмлю свою́./ В той день поги́бнут вся помышлéния eгó./ Блажéн, eмýже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ храня́щаго и́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прии́мет/ и путь грéшных погуби́т./ Воцари́тся Госпóдь во век,/ Бог твой, Сиóне, в род и род.
И ныне и прúсно и во вéки векóв. Амúнь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплоти́тися от Святы́я Богорóдицы и Приснодéвы Мари́и,/ непрелóжно вочеловéчивыйся,/ распны́йся же, Христé Бóже, смéртию смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спаси́ нас.
И поем Блаженны с тропарями из Октоиха
Хор: Во Цáрствии Твоéм помянú нас, Гóсподи,/ егдá приúдеши, во Цáрствии Твоéм.
На 12. Хор: Блажéни нúщии дýхом,/ яко тех есть Цáрство Небéсное.
Хор: Блажéни плáчущии,/ яко тúи утéшатся.
На 10. Хор: Блажéни крóтции,/ яко тúи наслéдят зéмлю.
Хор: Блажéни áлчущии и жáждущии прáвды,/ яко тúи насытятся.
На 8. Хор: Блажéни мúлостивии,/ яко тúи помúловани бýдут.
Чтец (стихúры Триóди, глас 8): Утверждéй рукóю Твоéю, Слóве Бóжий небесá,/ просвещéнием Твоегó и́стиннаго познáния,// утверди́ и нас на Тя надéющихся сердцá.
Хор: Блажéни чúстии сéрдцем,/ яко тúи Бóга ýзрят.
Чтец: Прешéдшия жития́ течéние,/ в слáве благочéстной прáведным одéятися венцéм сподóби Бóже,// и вéчных благ наслади́тися.
Хор: Блажéни миротвóрцы,/ яко тúи сынове Бóжии нарекýтся.
На 6. Чтец: Напрáсно восхищéнныя, попаля́емыя от мóлнии,/ и измéрзшия мрáзом, и вся́кою рáною,// упокóй Бóже, егдá огнéм вся искýсиши.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Присномýтное жития́ мóре преплы́вшия, Христé,/ в нетлéнное Твоегó жития́ сподóби пристáнище притещи́,// правослáвным житиéм окормлéныя.
Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
На 4.Чтец: Смéрти разреши́в болéзни, пострадáв Начáльниче жи́зни Бóже наш,// усóпшия от вéка рабы́ Твоя́ упокóй.
Хор: Рáдуйтеся и веселúтеся,/ я́ко мзда вáша мнóга на Небесéх.
Чтец: Неизглагóланными Твои́ми судьбáми,/ я́же уби́ша чарóвная напоéния, отрáвы, кóстная удавлéния,// со святы́ми Гóсподи упокóй.
Хор: Слáва Отцý и Сыну и Святóму Дýху.
Чтец: Богоначáлие Трисвятóе, единопрестóльное,/ Óтче, Сы́не со Святы́м Дýхом,// Ты еси́ Бог мой, вседержи́тельством Твои́м содержáй все.
Хор: И ныне и прúсно и во вéки векóв. Амúнь.
Чтец (Богорóдичен): От кóрене твоегó возсия́ цвет жи́зни,/ Иессéе прáотче взыгрáй// спасáяй мир, от Чи́стыя Отрокови́цы Христóс Бог.
Тропари и кондаки
Тропáрь, глас 8: Глубинóю мýдрости человеколю́бно вся стрóяй,/ и полéзное всем подавáяй,/ еди́не Содéтелю, упокóй Гóсподи, дýши раб Твои́х:/ на Тя бо уповáние возложи́ша,// Творцá и Зижди́теля и Бóга нáшего.
Слáва Отцý и Сыну и Святóму Дýху.
Кондáк, глас 8: Со святы́ми упокóй/ Христé, дýши раб Твои́х,/ идéже несть болéзнь, ни печáль,/ ни воздыхáние,// но жизнь безконéчная.
И ныне и прúсно и во вéки векóв. Амúнь.
Богорóдичен, глас 8: Тебé и стéну, и пристáнище и́мамы,/ и моли́твенницу благоприя́тну к Бóгу,// Его́же родилá еси́ Богорóдице безневéстная, вéрных спасéние.
Трисвятое
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас. (Трúжды)
Хор: Слáва Отцý и Сыну и Святóму Дýху, и ныне и присно и во вéки векóв, аминь.
Хор: Святы́й Безсмéртный, помилуй нас.
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас.
Прокимен заупокойный, глас 6
Чтец: Проки́мен, глас шесты́й. Дýши их во благи́х водворя́тся.
Хор: Дýши их/ во благúх водворя́тся.
Чтец: К Тебé, Гóсподи, воздвигóх дýшу мою, Бóже мой, да не премолчи́ши от менé.
Хор: Дýши их/ во благúх водворя́тся.
Чтец: Дýши их.
Хор: Во благúх водворя́тся.
АПОСТОЛ
Чтец: К Кори́нфяном послáния святáго апóстола Пáвла чтéние.
(1Кор.зач.146): Брáтие, вся ми леть суть, но не вся на пóльзу; вся ми лезть суть, но не вся назидáют. Никтóже своегó си да и́щет, но éже бли́жняго кóйждо. Все, éже на тóржищи продаéмое, яди́те, ничтóже сумня́щеся за сóвесть. Госпóдня бо земля́ и исполнéние ея́. Áще ли кто от невéрных призывáет вы, и хóщете ити́, все предлагáемое вам яди́те, ничтóже сумня́щеся, за сóвесть. Áще ли же кто вам речéт: сиé идоложéртвенно есть, не яди́те за óного повéдавшаго и сóвесть. Госпóдня бо земля́ и исполнéние ея́.
[Русский синодальный перевод]Все мне позволительно, но не все полезно; все мне позволительно, но не все назидает. Никто не ищи своего, но каждый пользы другого. Все, что продается на торгу, ешьте без всякого исследования, для спокойствия совести; ибо Господня земля, и что́ наполняет ее. Если кто из неверных позовет вас, и вы захотите пойти, то все, предлагаемое вам, ешьте без всякого исследования, для спокойствия совести. Но если кто скажет вам: это идоложертвенное, - то не ешьте ради того, кто объявил вам, и ради совести. Ибо Господня земля, и чтó наполняет ее.(10:23-28)
(1Сол.зач.270): Брáтие, не хощý вас невéдети о умéрших, да не скорбитé, я́коже и прóчии не имýщии уповáния. Áще бо вéруем, я́ко Иисýс ýмре и воскрéсе тáко и Бог умéршия во Иисýсе приведéт с Ним. Сиé бо вам глагóлем слóвом Госпóдним, я́ко мы живýщии, остáвшии в пришéствие Госпóдне, не и́мамы предвари́ти умéрших. Я́ко Сам Госпóдь в повелéнии, во глáсе Архáнгелове и в трубé Бóжии сни́дет с небесé, и мéртвии о Христé воскрéснут пéрвее. Потóм же мы, живýщии остáвшии, кýпно с ни́ми восхищéни бýдем на óблацех в срéтение Госпóдне на воздýсе и тáко всегдá с Гóсподем бýдем.
[Русский синодальный перевод]Не хочу же оставить вас, братия, в неведении об умерших, дабы вы не скорбели, как прочие, не имеющие надежды. Ибо, если мы веруем, что Иисус умер и воскрес, то и умерших в Иисусе Бог приведет с Ним. Ибо сие говорим вам словом Господним, что мы живущие, оставшиеся до пришествия Господня, не предупредим умерших, потому что Сам Господь при возвещении, при гласе Архангела и трубе Божией, сойдет с неба, и мертвые во Христе воскреснут прежде; потом мы, оставшиеся в живых, вместе с ними восхищены будем на облаках в сретение Господу на воздухе, и так всегда с Господом будем.(4:13-17)
Аллилуиарий заупокойный, глас 6
Чтец: Аллилýиа, аллилýиа, аллилýиа, глас шесты́й.
Хор: Аллилýиа, аллилýиа, аллилýиа.
Чтец: Блажéни, я́же избрáл и прия́л еси́, Гóсподи.
Хор: Аллилýиа, аллилýиа, аллилýиа.
Чтец: И пáмять их в род и род.
Хор: Аллилýиа, аллилýиа, аллилýиа.
ЕВАНГЕЛИЕ
От Луки́ Святáго Евáнгелия чтéние.
Хор: Слáва Тебé, Гóсподи, слáва Тебé.
(Лк.зач.105): Речé Госпóдь: блюди́те, да не прельщéни бýдете, мнóзи бо прии́дут во и́мя Моé, глагóлюще, я́ко Аз есмь, и врéмя прибли́жися. Не изы́дите ýбо во след их. Егдá же услы́шите брáни и нестроéния, не убóйтеся, подобáет бо сим бы́ти прéжде, но не у áбие кончи́на. И бýдут знáмения в сóлнце и лунé и звездáх, и на земли́ тугá язы́ком от нечáяния шýма морскáго и возмущéния, издыхáющим человéком от стрáха и чáяния грядýщих на вселéнную, си́лы бо небéсныя подви́гнутся, и тогдá ýзрят Сы́на Человéческа грядýща на óблацех с си́лою и слáвою мнóгою. Не́бо и земля́ ми́мо и́дет, а словесá Моя́ не и́мут прейти́. Внемли́те же себé, да не когдá отягчáют сéрдца вáша объядéнием и пия́нством и печáльми житéйскими, и нáйдет на вы внезáпу день той, я́ко сеть бо прии́дет на вся живýщия на лицы́ всея́ земли́. Бди́те ýбо на вся́ко врéмя моля́щеся, да сподóбитеся убежáти всех сих хотя́щих бы́ти, и стáти пред Сы́ном Человéческим.
[Русский синодальный перевод]Он сказал: берегитесь, чтобы вас не ввели в заблуждение, ибо многие придут под именем Моим, говоря, что это Я; и это время близко: не ходите вслед их. Когда же услышите о войнах и смятениях, не ужасайтесь, ибо этому надлежит быть прежде; но не тотчас конец. И будут знамения в солнце и луне и звездах, а на земле уныние народов и недоумение; и море восшумит и возмутится; люди будут издыхать от страха и ожидания бедствий, грядущих на вселенную, ибо силы небесные поколеблются, и тогда увидят Сына Человеческого, грядущего на облаке с силою и славою великою. Небо и земля прейдут, но слова Мои не прейдут. Смотрите же за собою, чтобы сердца ваши не отягчались объядением и пьянством и заботами житейскими, и чтобы день тот не постиг вас внезапно, ибо он, как сеть, найдет на всех живущих по всему лицу земному; итак, бодрствуйте на всякое время и молитесь, да сподобитесь избежать всех сих будущих бедствий и предстать пред Сына Человеческого.(21:8-9, 25-27, 33-36)
(Ин.зач.16): Речé Госпóдь ко пришéдшим к Немý иудéем: ами́нь, ами́нь глагóлю вам, я́ко слýшаяй словесé Моегó и вéруяй Послáвшему Мя и́мать живóт вéчный, и на суд не прии́дет, но прéйдет от смéрти в живóт. Ами́нь, ами́нь глагóлю вам, я́ко грядéт час, и ны́не есть, егдá мéртвии услы́шат глас Сы́на Бóжия и услы́шавше оживýт. Я́коже бо Отéц и́мать живóт в Себé, тáко даст и Сы́нови живóт имéти в Себé и óбласть дадé Емý и суд твори́ти, я́ко Сын Человéчь есть. Не диви́теся семý, я́ко грядéт час, вóньже вси сýщии во гробéх услы́шат глас Сы́на Бóжия, и изы́дут сотвóршии благáя в воскрешéние животá, а сотвóршии злáя в воскрешéние судá. Не могý Аз о Себé твори́ти ничесóже. Я́коже слы́шу, суждý, и суд Мой прáведен есть, я́ко не ищý вóли Моея́, но вóли послáвшаго Мя Отцá.
[Русский синодальный перевод]Истинно, истинно говорю вам: слушающий слово Мое и верующий в Пославшего Меня имеет жизнь вечную, и на суд не приходит, но перешел от смерти в жизнь. Истинно, истинно говорю вам: наступает время, и настало уже, когда мертвые услышат глас Сына Божия и, услышав, оживут. Ибо, как Отец имеет жизнь в Самом Себе, так и Сыну дал иметь жизнь в Самом Себе. И дал Ему власть производить и суд, потому что Он есть Сын Человеческий. Не дивитесь сему; ибо наступает время, в которое все, находящиеся в гробах, услышат глас Сына Божия; и изыдут творившие добро в воскресение жизни, а делавшие зло - в воскресение осуждения. Я ничего не могу творить Сам от Себя. Как слышу, так и сужу, и суд Мой праведен; ибо не ищу Моей воли, но воли пославшего Меня Отца. (Ин.5:24-30)
Хор: Слáва Тебé, Гóсподи, слáва Тебé.
Помяни нас, Гóсподи, егдá прии́деши во Цáрствии Твоéм.
Помяни нас, Владыко, егдá прии́деши во Цáрствии Твоéм.
Помяни нас, Святый, егдá прии́деши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Отцý и Сыну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ныне и прúсно и во вéки векóв. Амúнь.
Символ веры
Вéрую во Еди́наго Бóга Отцá, Вседержителя, Творцá нéбу и земли, ви́димым же всем и неви́димым. И во Еди́наго Гóспода Иисýса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосýщна Отцý, Имже вся быша. Нас рáди человéк и нáшего рáди спасéния сшéдшаго с небéс и воплоти́вшагося от Дýха Свята и Мари́и Дéвы и вочеловéчшася. Распятаго же за ны при Понти́йстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одеснýю Отцá. И пáки грядýщаго со слáвою суди́ти живым и мéртвым, Егóже Цáрствию не бýдет концá. И в Дýха Святáго, Гóспода, Животворя́щаго, Иже от Отцá исходя́щаго, Иже со Отцéм и Сыном спокланяема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéние во оставлéние грехóв. Чáю воскресéния мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи́, яже во умé и помышлéнии, вся нам прости́, яко Благ и Человеколю́бец.
Óтче наш, Иже еси на небесéх. Да святи́тся Имя Твоé, да приии́дет Цáрствие Твоé, да бýдет вóля Твоя, яко на небеси́ и на земли́. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи́ нас во искушéние, но избáви нас от лукáваго.
Гóсподи, Иисýсе Христé, Сы́не Бóжий, поми́луй нас. Аминь.
КОНДАК
Кондáк, глас 8: Со святы́ми упокóй/ Христé, дýши раб Твои́х,/ идéже несть болéзнь, ни печáль,/ ни воздыхáние,// но жизнь безконéчная.
Гóсподи, помилуй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми́ сквéрну, просвети мою мысль, да выну слáвлю, пою, покланя́юся и глагóлю: Един Свят, Един Госпóдь, Иисýс Христóс, во слáву Бóга Отцá, аминь.
Бýди имя Госпóдне благословéно от ны́не и до вéка. (3 раза)
Слáва Отцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх моих./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм имя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щий воззвá, и Госпóдь услы́ша и,/ и от всех скорбéй егó спасé и./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, иже уповáет нань./ Бóйтеся Гóспода, вси святи́и Егó,/ яко несть лишéния боя́щымся Его./ Богáтии обнищáша и взалкáша,/ взыскáющии же Гóспода не лишáтся вся́каго блáга./ Прииди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержи́ язык твой от зла,/ и устнé твои́, éже не глагóлати льсти./ Уклони́ся от зла и сотвори́ блáго,/ взыщи́ ми́ра, и пожени́ и./ Очи Госпóдни на прáведныя,/ и ýши Егó в моли́тву их./ Лицé же Госпóдне на творя́щия злáя,/ еже потреби́ти от земли́ пáмять их./ Воззвáша прáведнии, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящии прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющии на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, сýщую Богорóдицу Тя величáем.
Слáва Отцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благослови́.
ОТПУСТ
Гóсподи, Иисýсе Христé, Сы́не Бóжий, молитвами Пречи́стыя Твоея́ Мáтере, святы́х слáвных и всехвáльных Апóстол, святы́х и прáведных богоотéц Иоаки́ма и Áнны, и всех святы́х, поми́луй и спаси́ нас, яко Благ и Человеколю́бец. Аминь.