Суббота мясопустная. Вселенская родительская суббота. 26 февраля 2022 года. УТРЕНЯ
26 февраля́ 2022 гóда. Суббóта мясопýстная. Вселéнская родúтельская суббóта. Заупокóйная слýжба для домáшнего (келéйного) совершéния. Слýжба мирскúм чúном.
УТРЕНЯ
Начáло зри здесь ( вседневная вечерня)
Молитвами святых отéц нáших, Гóсподи Иисýсе Христé, Бóже наш, помилуй нас, аминь. (Если последование утрени совершается отдельно от вечерни, то после возгласа священника чтется обычное начало.)
Прииди́те, поклони́мся Царéви нáшему Бóгу.
Прииди́те, поклони́мся и припадéм Христý, Царéви нáшему Бóгу.
Прииди́те, поклони́мся и припадéм Самомý Христý, Царéви и Бóгу нáшему.
Псалом 19
Услы́шит тя Госпóдь в день печáли, защи́тит тя и҆́мя Бóга Iáковля. Пóслет ти пóмощь от Святáго и от Сióна застýпит тя. Помянéт вся́ку жéртву твою́, и всесожжéнiе твоé тýчно бýди. Даст ти Госпóдь по сéрдцу твоемý и весь совéт твой испóлнит. Возрáдуемся о спасéнiи твоéм и во и҆́мя Гóспода Бóга нáшего возвели́чимся. Испóлнит Госпóдь вся прошéнiя твоя́. Ны́не познáх, я́ко спасé Госпóдь хрiстá Своегó, услышит eгó с Небесé Святáго Своегó, в си́лах спасéнiе десни́цы Егó. Сíи на колесни́цах, и сíи на кóнех, мы же во и҆́мя Гóспода Бóга нáшего призовéм. Тíи спя́ти бы́ша и падóша, мы же востáхом и испрáвихомся. Гóсподи, спасѝ царя́ и услы́ши ны, вóньже áще день призовéм Тя.
Псалом 20
Гóсподи, си́лою Твоéю возвесели́тся царь и о спасéнiи Твоéм возрáдуется зелó. Желáнiе сéрдца eгó дал есѝ eмý, и хотéнiя устнý eгó нéси лиши́л eгó. Я́ко предвари́л есѝ eгó благословéнiем благосты́нным, положи́л еси́ на главé eгó венéц от кáмене чéстна. Животá проси́л есть у Тебé, и дал еси́ eмý долготý днíй во век вéка. Вéлiя слáва eгó спасéнiем Твои́м, слáву и велелéпiе возложи́ши на негó. Я́ко дáси eмý благословéнiе во век вéка, возвесели́ши eгó рáдостiю с лицéм Твои́м. Я́ко царь уповáет на Гóспода, и ми́лостiю Вы́шняго не подви́жится. Да обря́щется рукá Твоя́ всем врагóм Твои́м, десни́ца Твоя́ да обря́щет вся ненави́дящiя Тебé. Я́ко положи́ши их я́ко пещь óгненную во врéмя лицá Твоегó, Госпóдь гнéвом Свои́м смятéт я́, и снéсть их огнь. Плод их от земли́ погуби́ши, и сéмя их от сынóв человéческих. Я́ко уклони́ша на Тя злáя, помы́слиша совéты, и҆́хже не возмóгут состáвити. Я́ко положи́ши я́ хребéт, во избы́тцех Твои́х уготóвиши лицé их. Вознеси́ся, Гóсподи, си́лою Твоéю, воспоéм и поéм си́лы Твоя́.
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Трисвятое по Отче наш
Святы́й Бóже, Святый Крéпкiй, Святый Безсмéртный, помилуй нас. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóнiя нáша, Святы́й, посети и исцели нéмощи нáша и́мене Твоегó рáди.
Гóсподи, помилуй. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
Óтче наш, Иже еси на небесéх. Да святи́тся Имя Твоé, да приии́дет Цáрствие Твоé, да бýдет вóля Твоя, яко на небеси́ и на земли́. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи́ нас во искушéние, но избáви нас от лукáваго.
Гóсподи, Иисýсе Христé, Сыне Бóжий, помилуй нас. Аминь.
Спаси́ Гóсподи лю́ди Твоя́,/ и благослови́ достоя́ние Твоé,/ побéды на сопроти́вныя да́руя,// и Твоé сохраня́я Крестóм Твои́м жи́тельство.
Слáва Отцý и Сыну и Святóму Дýху.
Вознесы́йся на Крест вóлею,/ тезоимени́тому Твоемý нóвому жи́тельству/ щедрóты Твоя́ дáруй, Христé Бóже,/ возвесели́ нас си́лою Твоéю,/ побéды дая́ нам на сопостáты,/ посóбие имýщим Твоé oрýжие ми́ра,// непобеди́мую побéду.
И ныне и прúсно и во вéки векóв. Амúнь.
Предстáтельство стрáшное и непосты́дное,/ не прéзри Благáя моли́тв нáших, Всепéтая Богорóдице,/ утверди́ правослáвных жи́тельство:/ спаси́ лю́ди Твоя́, и подáждь им с небесé побéду,// занé родилá еси́ Бóга, еди́на благословéнная.
Гóсподи, помúлуй. (12 раз)
ШЕСТОПСАЛМИЕ
Слáва в вы́шних Бóгу, и на земли́ мир, в человéцех благоволéние. (трúжды) Гóсподи, устнé мои́ отвéрзеши, и устá моя́ возвестя́т хвалý Твою́. (двáжды)
Псалом 3
Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Аз уснýх, и спах, востáх, яко Госпóдь застýпит мя.
Псалом 37
Гóсподи, да не я́ростiю Твоéю обличи́ши менé, нижé гнéвом Твои́м накáжеши менé. Яко стрéлы Твоя́ унзóша во мне, и утверди́л есѝ на мне рýку Твою́. Несть исцелéнiя в плóти моéй от лицá гнéва Твоегó, несть ми́ра в костéх мои́х от лицá грех мои́х. Яко беззакóнiя моя́ превзыдóша главý мою́, я́ко брéмя тя́жкое отяготéша на мне. Возсмердéша и согни́ша рáны моя́ от лицá безýмiя моегó. Пострадáх и слякóхся до концá, весь день сéтуя хождáх. Яко ля́двiя моя́ напóлнишася поругáнiй, и несть исцелéнiя в плóти моéй. Озлóблен бых и смири́хся до зелá, рыкáх от воздыхáнiя сéрдца моегó. Гóсподи, пред Тобóю все желáнiе моé и воздыхáнiе моé от Тебé не утаи́ся. Сéрдце моé смятéся, остáви мя си́ла моя́, и свет óчiю моéю, и той несть со мнóю. Дрýзи моѝ и и҆́скреннiи моѝ пря́мо мне прибли́жишася и стáша, и бли́жнiи моѝ отдалéче менé стáша и нуждáхуся и҆́щущiи дýшу мою́, и и҆́щущiи злáя мне глагóлаху сýетная и льсти́вным весь день поучáхуся. Аз же я́ко глух не слы́шах и я́ко нем не отверзáяй уст свои́х. И҆ бых я́ко человéк не слы́шай и не имы́й во устéх свои́х обличéнiя. Яко на Тя, Гóсподи, уповáх, Ты услы́шиши, Гóсподи Бóже мой. Яко рех: да не когдá порáдуют ми ся вразѝ моѝ: и внегдá подвижáтися ногáм мои́м, на мя велерéчеваша. Яко аз на рáны готóв, и болéзнь моя́ предо мнóю есть вы́ну. Яко беззакóнiе моé аз возвещý и попекýся о гресé моéм. Вразѝ же моѝ живýт и укрепи́шася пáче менé, и умнóжишася ненави́дящiи мя без прáвды. Воздаю́щiи ми злáя возблагáя оболгáху мя, занé гоня́х благосты́ню. Не остáви менé, Гóсподи Бóже мой, не отступѝ от менé. Вонмѝ в пóмощь мою́, Гóсподи спасéнiя моегó.
Не остáви менé, Гóсподи Бóже мой, не отступи́ от менé. Вонми́ в пóмощь мою́, Гóсподи спасéнiя моегó.
Псалом 62
Бóже, Бóже мой, к Тебé ýтренюю, возжадá Тебé душá моя́, коль мнóжицею Тебé плоть моя́, в земли́ пýсте и непрохóдне, и безвóдне. Тáко во святéм яви́хся Тебé, ви́дети си́лу Твою́ и слáву Твою́. Я́ко лýчши ми́лость Твоя́ пáче живóт, устнé мои́ похвали́те Тя. Тáко благословлю́ Тя в животé моéм, о и́мени Твоéм воздежý рýце мои́. Я́ко от тýка и мáсти да испóлнится душá моя́, и устнáма рáдости восхвáлят Тя устá моя́. Áще поминáх Тя на постéли моéй, на ýтренних поучáхся в Тя. Я́ко был еси́ Помóщник мой, и в крóве крилý Твоéю возрáдуюся. Прильпé душá моя́ по Тебé, менé же прия́т десни́ца Твоя́. Ти́и же всýе искáша дýшу мою́, вни́дут в преиспóдняя земли́, предадя́тся в рýки орýжия, чáсти ли́совом бýдут. Царь же возвесели́тся о Бóзе, похвáлится всяк клены́йся Им, я́ко загради́шася устá глагóлющих непрáведная.
На ýтренних поучáхся в Тя. Яко был еси́ Помóщник мой, и в крóве крилý Твоéю возрáдуюся. Прильпé душá моя́ по Тебé, менé же прiя́т десни́ца Твоя́.
Слáва Отцý и Сыну и Святóму Дýху, и ныне и прúсно и во вéки векóв, амúнь.
Аллилýиа, аллилýиа, аллилýиа, слáва Тебé Бóже. (3 раза)
Гóсподи, помилуй. (3 раза)
Слáва Отцý и Сыну и Святóму Дýху, и ныне и прúсно и во вéки векóв, амúнь.
Псалом 87
Гóсподи Бóже спасéнiя моегó, во дни воззвáх, и в нощи́ пред Тобóю. Да вни́дет пред Тя моли́тва моя́: приклони́ ýхо Твоé к молéнiю моемý, я́ко испóлнися зол душá моя́, и живóт мой аду прибли́жися. Привменéн бых с низходя́щими в ров, бых я́ко человéк без пóмощи, в мéртвых свобóдь, я́ко я́звеннiи спя́щiи во грóбе, и҆́хже не помянýл еси́ ктомý, и тíи от руки́ Твоея́ отриновéни бы́ша. Положи́ша мя в рóве преиспóднем, в тéмных и сéни смéртней. На мне утверди́ся я́рость Твоя́, и вся вóлны Твоя́ навéл еси́ на мя. Удáлил еси́ знáемых мои́х от менé, положи́ша мя мéрзость себé: прéдан бых и не исхождáх. Очи мои́ изнемогóсте от нищеты́, воззвáх к Тебé, Гóсподи, весь день, воздéх к Тебé рýце мои́. Едá мéртвыми твори́ши чудесá? И҆ли́ врáчеве воскреся́т, и исповéдятся Тебé? Едá повéсть кто во грóбе ми́лость Твою́, и и҆́стину Твою́ в поги́бели? Едá познáна бýдут во тьме чудесá Твоя́, и прáвда Твоя́ в земли́ забвéнней? И҆ аз к Тебé, Гóсподи, воззвáх и ýтро моли́тва моя́ предвари́т Тя. Вскýю, Гóсподи, отрéеши дýшу мою́, отвращáеши лицé Твоé от менé? Нищ есмь аз, и в трудéх от ю́ности моея́; вознéс же ся, смири́хся, и изнемогóх. На мне преидóша гнéви Твои́, устрашéнiя Твоя́ возмути́ша мя, обыдóша мя я́ко водá, весь день одержáша мя вкýпе. Удáлил еси́ от менé дрýга и и҆́скренняго, и знáемых моих от страстéй.
Гóсподи Бóже спасéнiя моегó, во дни воззвáх, и в нощи́ пред Тобóю. Да вни́дет пред Тя моли́тва моя́: приклони́ ýхо Твоé к молéнiю моемý.
Псалом 102
Благословѝ, душé моя, Гóспода, и вся внýтренняя моя и҆́мя святóе Егó. Благословѝ, душé моя, Гóспода, и не забывáй всех воздая́нїй Егó, очищáющаго вся беззакóнїя твоя́, исцеля́ющаго вся недýги твоя́, избавля́ющаго от истлéнiя живóт твой, венчáющаго тя ми́лостїю и щедрóтами, исполня́ющаго во благи́х желáнїе твоé: обновится я́ко óрля юность твоя́. Творя́й ми́лостыни Госпóдь, и судьбý всем оби́димым. Сказá путѝ Своя́ Моисéови, сыновóм Iзрáилевым хотéнїя Своя́: Щедр и Ми́лостив Госпóдь, Долготерпели́в и Многоми́лостив. Не до концá прогнéвается, нижé во век враждýет, не по беззакóнїем нáшим сотвори́л есть нам, нижé по грехóм нáшым воздáл есть нам. Я́ко по высотé небéсней от землѝ, утверди́л есть Госпóдь ми́лость Свою́ на боя́щихся Егó. Ели́ко отстоят востóцы от зáпад, удáлил есть от нас беззакóнїя нáша. Я́коже щéдрит отéц сы́ны, ущéдри Госпóдь боя́щихся Егó. Я́ко Той познá создáнїе нáше, помянý, яко персть есмы́. Человéк, яко травá днíе eгó, яко цвет сéльный, тáко оцветéт, яко дух прóйде в нем, и не бýдет, и не познáет ктомý мéста своегó. Ми́лость же Госпóдня от вéка и до вéка на боя́щихся Егó, и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я. Госпóдь на Небесѝ уготóва Престóл Свой, и Цáрство Егó всéми обладáет. Благослови́те Гóспода вси Áнгели Егó, си́льнїи крéпостїю, творя́щїи слóво Егó, услышати глас словéс Егó. Благослови́те Гóспода вся Си́лы Егó, слýги Егó, творя́щїи вóлю Егó. Благослови́те Гóспода вся делá Егó, на вся́ком мéсте влады́чества Егó, благослови́, душé моя́, Гóспода.
На вся́ком мéсте влады́чества Егó, благослови́, душé моя́, Гóспода.
Псалом 142
Гóсподи, услы́ши моли́тву мою́, внуши́ молéнiе моé во и҆́стине Твоéй, услы́ши мя в прáвде Твоéй и не вни́ди в суд с рабóм Твои́м, я́ко не оправди́тся пред Тобóю всяк живы́й. Яко погнá враг дýшу мою́, смири́л есть в зéмлю живóт мой, посади́л мя есть в тéмных, я́ко мéртвыя вéка. И҆ уны́ во мне дух мой, во мне смятéся сéрдце моé. Помянýх дни дрéвнiя, поучи́хся во всех дéлех Твои́х, в творéнiих рукý Твоéю поучáхся. Воздéх к Тебé рýце мои́, душá моя́, я́ко земля́ безвóдная Тебé. Скóро услы́ши мя, Гóсподи, исчезé дух мой, не отврати́ лицá Твоегó от менé, и уподóблюся низходя́щым в ров. Слы́шану сотвори́ мне заýтра ми́лость Твою́, я́ко на Тя уповáх. Скажи́ мне, Гóсподи, путь вóньже пойдý, я́ко к Тебé взях дýшу мою́. И҆зми́ мя от враг мои́х, Гóсподи, к Тебé прибегóх. Научи́ мя твори́ти вóлю Твою́, я́ко Ты еси́ Бог мой. Дух Твой Благíй настáвит мя на зéмлю прáву. И҆́мене Твоегó рáди, Гóсподи, живи́ши мя, прáвдою Твоéю изведéши от печáли дýшу мою́. И҆ ми́лостiю Твоéю потреби́ши враги́ моя́ и погуби́ши вся стужáющыя души́ моéй, я́ко аз раб Твой есмь.
Услы́ши мя, Гóсподи, в прáвде Твоéй и не вни́ди в суд с рабóм Твои́м. Услы́ши мя, Гóсподи, в прáвде Твоéй и не вни́ди в суд с рабóм Твои́м.
Дух Твой Благíй настáвит мя на зéмлю прáву.
Слáва Отцý и Сыну и Святóму Дýху, и ны́не и прúсно и во вéки векóв, амúнь.
Аллилýiа, аллилýiа, аллилýiа, слáва Тебé Бóже. (3 раза)
Гóсподи, поми́луй. (12 раз)
АЛЛИЛУИА, глас 8
Чтец: Аллилýiа, аллилýiа, аллилýiа, глас осьмый. Блажéни, я́же избрáл и прия́л еси́ Гóсподи.
Хор: Аллилýiа, аллилýiа, аллилýiа.
Чтец: И пáмять их в род и род.
Хор: Аллилýiа, аллилýiа, аллилýiа.
Чтец: Дýши их во благи́х водворя́тся.
Хор: Аллилýiа, аллилýiа, аллилýiа.
Тропáрь, глас 8: Глубинóю мýдрости человеколю́бно вся стрóяй,/ и полéзное всем подавáяй,/ еди́не Содéтелю, упокóй Гóсподи, дýши раб Твои́х:/ на Тя бо уповáние возложи́ша,// Творцá и Зижди́теля и Бóга нáшего.
Слáва Отцý и Сы́ну и Святóму Дýху, и ны́не и присно и во вéки векóв, аминь.
Богорóдичен, глас 8: Тебé и стéну, и пристáнище и́мамы,/ и моли́твенницу благоприя́тну к Бóгу,// Его́же родилá еси́ Богорóдице безневéстная, вéрных спасéние.
Хор: Гóсподи, поми́луй. (Трúжды)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
КАФИЗМА ШЕСТНАДЦАТАЯ
И чтем кафисму 16-ю ( или один псалом, или до 1-й Славы)
[Псалом 109]Речé Госпóдь Гóсподеви моемý: седи́ одеснýю Менé, дóндеже положý враги́ Твоя́ поднóжие ног Твои́х. Жезл си́лы пóслет ти Госпóдь от Сióна, и госпóдствуй посредé врагóв Твои́х. С Тобóю начáло в день си́лы Твоея́, во свéтлостех святы́х Твои́х, из чрéва прéжде денни́цы роди́х Тя. Кля́тся Госпóдь и не раскáется: Ты iерéй во век, по чи́ну Мелхиседéкову. Госпóдь одеснýю Тебé сокруши́л есть в день гнéва Своегó цари́. Сýдит во язы́цех, испóлнит падéнiя, сокруши́т главы́ на земли́ мнóгих. От потóка на пути́ пиéт, сегó рáди вознесéт главý.
[Псалом 110]Исповéмся Тебé, Гóсподи, всем сéрдцем мои́м в совéте прáвых и сóнме. Вéлия делá Госпóдня, изы́скана во всех вóлях Егó. Исповéдание и великолéпие дéло Егó и прáвда Егó пребывáет в век вéка. Пáмять сотвори́л есть чудéс Свои́х, Ми́лостив и Щедр Госпóдь. Пи́щу дадé боя́щимся Егó, помянéт в век завéт Свой. Крéпость дел Свои́х возвести́ лю́дем Свои́м, дáти им достоя́ние язы́к. Делá рук Егó и́стина и суд, вéрны вся зáповеди Егó, утвержéны в век вéка, сотворéны во и́стине и правотé. Избавлéние послá лю́дем Свои́м: заповéда в век завéт Свой. Свя́то и стрáшно и́мя Егó. Начáло премýдрости страх Госпóдень, рáзум же благ всем творя́щим и́. Хвалá Егó пребывáет в век вéка.
[Псалом 111]Блажéн муж, боя́йся Гóспода, в зáповедех Егó восхóщет зелó. Си́льно на земли́ бýдет сéмя eгó, род прáвых благослови́тся: слáва и богáтство в домý eгó, и прáвда eгó пребывáет в век вéка. Возсия́ во тме свет прáвым, ми́лостив и щедр, и прáведен. Благ муж, щéдря и дая́: устрóит словесá своя́ на судé, я́ко в век не подви́жится. В пáмять вéчную бýдет прáведник. От слýха зла не убои́тся, готóво сéрдце eгó уповáти на Гóспода. Утверди́ся сéрдце eгó, не убои́тся, дóндеже воззри́т на враги́ своя́. Расточи́, дадé убóгим, прáвда eгó пребывáет во век вéка, рог eгó вознесéтся в слáве. Грéшник ýзрит и прогнéвается, зубы́ свои́ми поскрежéщет и растáет, желáние грéшника поги́бнет.
Чтец: Слáва Отцý и Сы́ну и Святóму Дýху.
Хор: И ны́не и прúсно и во вéки векóв, амúнь.
Аллилýiа, аллилýiа, аллилýiа, слáва Тебé Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
[Псалом 112]Хвали́те, óтроцы, Гóспода, хвали́те и́мя Госпóдне. Бýди и́мя Госпóдне благословéнно отны́не и до вéка. От востóк сóлнца до зáпад хвáльно и́мя Госпóдне. Высóк над всéми язы́ки Госпóдь: над небесы́ слáва Егó. Кто я́ко Госпóдь Бог наш? На высóких живы́й и на смирéнныя призирáяй на небеси́ и на земли́, воздвизáяй от земли́ ни́ща и от гнóища возвышáяй убóга, посади́ти eгó с кня́зи, с кня́зи людéй свои́х, вселя́я неплóдовь в дом мáтерь о чáдех веселя́щуся.
[Псалом 113]Во исхóде Изрáилеве от Еги́пта, дóму Иáковля из людéй вáрвар, бысть Иудéа святы́ня Егó, Изрáиль óбласть Eгó. Мóре ви́де и побéже, Иордáн возврати́ся вспять, гóры взыгрáшася, я́ко овни́, и хóлми, я́ко áгнцы óвчии. Что ти есть, мóре, я́ко побéгло еси́? И тебé, Иордáне, я́ко возврати́лся еси́ вспять? Гóры, я́ко взыгрáстеся, я́ко овни́, и хóлми, я́ко áгнцы óвчии? От лицá Госпóдня подви́жеся земля́, от лицá Бóга Иáковля, обрáщшаго кáмень во езéра воднáя и несекóмый во истóчники водны́я. Не нам, Гóсподи, не нам, но и́мени Твоемý даждь слáву, о ми́лости Твоéй и и́стине Твоéй. Да не когдá рекýт язы́цы: где есть Бог их? Бог же наш на небеси́ и на земли́, вся ели́ка восхотé, сотвори́. И́доли язы́к сребрó и злáто, делá рук человéческих. Устá и́мут, и не возглагóлют, óчи и́мут и не ýзрят, ýши и́мут, и не услы́шат, нóздри и́мут, и не обоня́ют, рýце и́мут, и не ося́жут, нóзе и́мут, и не пóйдут, не возглася́т гортáнем свои́м. Подóбни им да бýдут творя́щiи я́, и вси надéющиися на ня. Дом Изрáилев уповá на Гóспода: Помóщник и Защи́титель им есть. Дом Аарóнь уповá на Гóспода: Помóщник и Защи́титель им есть. Боя́щиися Гóспода уповáша на Гóспода: Помóщник и Защи́титель им есть. Госпóдь помянýв ны благослови́л есть нас, благослови́л есть дом Изрáилев, благослови́л есть дом Аарóнь, благослови́л есть боя́щияся Гóспода, мáлыя с вели́кими. Да приложи́т Госпóдь на вы, на вы и на сы́ны вáша. Благословéни вы Гóсподеви, сотвóршему нéбо и зéмлю. Нéбо небесé Гóсподеви, зéмлю же дадé сыновóм человéческим. Не мéртвии восхвáлят Тя, Гóсподи, нижé вси низходя́щии во ад, но мы, живи́и, благослови́м Гóспода отны́не и до вéка.
[Псалом 114]Возлюби́х, я́ко услы́шит Госпóдь глас молéния моегó, я́ко приклони́ ýхо Своé мне, и во дни моя́ призовý. Объя́ша мя болéзни смéртныя, беды́ áдовы обретóша мя, скорбь и болéзнь обретóх, и и́мя Госпóдне призвáх: о, Гóсподи, избáви дýшу мою́. Ми́лостив Госпóдь и Прáведен, и Бог наш ми́лует. Храня́й младéнцы Госпóдь: смири́хся, и спасé мя. Обрати́ся, душé моя́, в покóй твой, я́ко Госпóдь благодéйствова тя. Я́ко изъя́т дýшу мою́ от смéрти, óчи мои́ от слез и нóзе мои́ от поползновéния. Благоугождý пред Гóсподем во странé живы́х.
Чтец: Слáва Отцý и Сы́ну и Святóму Дýху.
Хор: И ны́не и прúсно и во вéки векóв, амúнь.
Аллилýiа, аллилýiа, аллилýiа, слáва Тебé Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
[Псалом 115]Вéровах, тéмже возглагóлах, аз же смири́хся зелó. Аз же рех во изступлéнии моéм: всяк человéк ложь. Что воздáм Гóсподеви о всех, я́же воздадé ми? Чáшу спасéния приимý и и́мя Госпóдне призовý, моли́твы моя́ Гóсподеви воздáм пред всéми людьми́ Егó. Честнá пред Гóсподем смерть преподóбных Егó. О, Гóсподи, аз раб Твой, аз раб Твой и сын рабы́ни Твоея́; растерзáл еси́ ýзы моя́. Тебé пожрý жéртву хвалы́, и во и́мя Госпóдне призову́. Моли́твы моя́ Гóсподеви воздáм пред всéми людьми́ Егó, во двóрех дóму Госпóдня, посредé тебé, Иерусали́ме.
[Псалом 116]Хвали́те Гóспода вси язы́цы, похвали́те Егó вси лю́дие, я́ко утверди́ся ми́лость Егó на нас, и и́стина Госпóдня пребывáет во век.
[Псалом 117]Исповéдайтеся Гóсподеви, я́ко Благ, я́ко в век ми́лость Егó. Да речéт ýбо дом Изрáилев: я́ко Благ, я́ко в век ми́лость Егó. Да речéт ýбо дом Аарóнь: я́ко Благ, я́ко в век ми́лость Егó. Да рекýт ýбо вси боя́щиися Гóспода: я́ко Благ, я́ко в век ми́лость Егó. От скóрби призвáх Гóспода, и услы́ша мя в прострáнство. Госпóдь мне Помóщник, и не убою́ся, что сотвори́т мне человéк. Госпóдь мне Помóщник, и аз воззрю́ на враги́ моя́. Блáго есть надéятися на Гóспода, нéжели надéятися на человéка. Блáго есть уповáти на Гóспода, нéжели уповáти на кня́зи. Вси язы́цы обыдóша мя, и и́менем Госпóдним противля́хся им, обышéдше обыдóша мя, и и́менем Госпóдним противля́хся им, обыдóша мя, я́ко пчéлы сот, и разгорéшася, я́ко огнь в тéрнии, и и́менем Госпóдним противля́хся им. Отриновéн преврати́хся пáсти, и Госпóдь прия́т мя. Крéпость моя́ и пéние моé Госпóдь, и бысть ми во спасéние. Глас рáдости и спасéния в селéниих прáведных: десни́ца Госпóдня сотвори́ си́лу. Десни́ца Госпóдня вознесé мя, десни́ца Госпóдня сотвори́ си́лу. Не умрý, но жив бýду, и повéм делá Госпóдня. Наказýя наказá мя Госпóдь, смéрти же не предадé мя. Отвéрзите мне вратá прáвды, вшед в ня исповéмся Гóсподеви. Сия́ вратá Госпóдня, прáведнии вни́дут в ня. Исповéмся Тебé, я́ко услы́шал мя еси́, и был еси́ мне во спасéние. Кáмень, eго́же небрегóша зи́ждущии, сей бысть во главý ýгла: от Гóспода бысть сей, и есть ди́вен во очесéх нáших. Сей день, eгóже сотвори́ Госпóдь, возрáдуемся и возвесели́мся в онь. О, Гóсподи, спаси́ же, о Гóсподи, поспеши́ же. Благословéн гряды́й во и́мя Госпóдне, благослови́хом вы из дóму Госпóдня. Бог Госпо́дь, и яви́ся нам: состáвите прáздник во учащáющих до рог олтарéвых. Бог мой еси́ Ты, и исповéмся Тебé, Бог мой еси́ Ты, и вознесý Тя. Исповéмся Тебé, я́ко услы́шал мя еси́, и был еси́ мне во спасéние. Исповéдайтеся Гóсподеви, я́ко Благ, я́ко в век ми́лость Егó.
Чтец: Слáва Отцý и Сыну и Святóму Дýху, и ныне и присно и во вéки векóв, аминь.
Аллилýiа, аллилýiа, аллилýiа, слáва Тебé Бóже. (3 раза)
Гóсподи, поми́луй. (12 раз)
СЕДАЛЬНЫ
Хор (по кафíсме седальны Октóиха, глас 2): Апóстоли, му́ченцы и прорóцы,/ святи́телие, преподóбнии и пра́веднии,/ дóбре пóдвиг соверши́вшии, и ве́ру соблю́дшии,/ дерзнове́ние иму́ще ко Спа́су, о на́с Тогó я́ко бла́га моли́те,// спасти́ся, мóлимся, душа́м на́шим.
И́же просвети́вый святы́я Твоя́ па́че зла́та,/ и просла́вивый преподóбныя Твоя́ я́ко бла́г,/ от ни́хже умоле́н быва́я, Христе́ Бóже,/ жи́знь на́шу умири́, я́ко человеколю́бец,// и моли́тву испра́ви я́ко кади́ло, Еди́не во святы́х почива́яй.
Стих: Дúвен Бoг во свя́ты́х своúх, Бoг Iзрáилев.
Страстоте́рпцы Госпóдни, блаже́нна земля́ напи́вшаяся крове́й ва́ших,/ и свя́ти хра́мы прие́мшии телеса́ ва́ша:/ на суди́щи бо врага́ обличи́сте,/ и Христа́ со дерзнове́нием пропове́дасте.// Тогó я́ко Бла́га моли́те спасти́, мóлимся, ду́ши на́ша.
Стих: Блажéни, я́же избрáл и прiя́л есú, Гóсподи.
Помяни́ Гóсподи, я́ко бла́г, ду́ши ра́б Твои́х,/ и ели́ка в житии́ согреши́ша, прости́,/ никтóже бо безгре́шен, тóкмо Ты́// моги́й и преста́вленным да́ти покóй.
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Богорóдичен: Богорóдице Де́во Мари́е, рóждшая Хрiста́ Изба́вителя и Спа́са,/ моли́ся Тогó благосты́ни,/ со апóстолы и му́ченки, и прорóки,/ с преподóбными же и священному́ченики,// очище́нiе грехóв дарова́ти на́м, и ве́лiю ми́лость.
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
КАФИЗМА СЕМНАДЦАТАЯ
Псалом 118 (Первая статiя)
Блажéни непорóчнiи в путь, ходя́щiи в закóне Госпóдни.
Припев: Благословéн еси, Гóсподи, научú мя оправдáнiем Твоúм. (На каждый стiх)
Блажéни испытáющiи свидéнiя Егó, всем сéрдцем взы́щут Егó, не дéлающiи бо беззакóнiя, в путéх Егó ходи́ша. Ты заповéдал еси́ зáповеди Твоя́ сохрани́ти зелó. Дабы́ испрáвилися путиé мои́, сохрани́ти оправдáнiя Твоя́. Тогдá не постыжýся, внегдá призрéти ми на вся зáповеди Твоя́. Исповéмся Тебé в прáвости сéрдца, внегдá научи́ти ми ся судьбáм прáвды Твоея́. Оправдáния Твоя́ сохраню́, не остáви менé до зелá. В чесóм испрáвит юнéйший путь свой; внегдá сохрани́ти словесá Твоя́. Всем сéрдцем мои́м взыскáх Тебé, не отри́ни менé от зáповедей Твои́х. В сéрдце моéм скрых словесá Твоя́, я́ко да не согрешý Тебé. Благословéн еси́, Гóсподи: научи́ мя оправдáнiем Твои́м. Устнáма мои́ма возвести́х вся судьбы́ уст Твои́х. На пути́ свидéнiй Твои́х наслади́хся, я́ко о вся́ком богáтстве. В зáповедех Твои́х поглумлю́ся, и уразумéю пути́ Твоя́. Во оправдáнiих Твои́х поучýся, не забýду словéс Твои́х. Воздáждь рабý Твоемý: живи́ мя, и сохраню́ словесá Твоя́. Откры́й óчи мои́, и уразумéю чудесá от закóна Твоегó. Пришлéц аз есмь на земли́: не скрый от менé зáповеди Твоя́. Возлюби́ душá моя́ возжелáти судьбы́ Твоя́ на вся́кое врéмя. Запрети́л еси́ гóрдым: прóкляти уклоня́ющiися от зáповедей Твои́х. Отьими́ от менé понóс и уничижéнiе, я́ко свидéнiй Твои́х взыскáх. И́бо седóша кня́зи, и на мя клеветáху, раб же Твой глумля́шеся во оправдáнiих Твои́х: И́бо свидéнiя Твоя́ поучéнiе моé есть, и совéти мои́ оправдáнiя Твоя́. Прильпé земли́ душá моя́: живи́ мя по словеси́ Твоемý. Пути́ моя́ возвести́х, и услы́шал мя еси́: научи́ мя оправдáнiем Твои́м: Путь оправдáнiй Твои́х вразуми́ ми, и поглумлю́ся в чудесéх Твои́х. Воздремá душá моя́ от уны́нiя: утверди́ мя в словесéх Твои́х. Путь непрáвды отстáви от менé, и закóном Твои́м поми́луй мя. Путь и́стины извóлих, и судьбы́ Твоя́ не забы́х. Прилепи́хся свидéнием Твои́м, Гóсподи, не посрами́ менé. Путь зáповедей Твои́х текóх, егдá расшири́л еси́ сéрдце моé. Законоположи́ мне, Гóсподи, путь оправдáний Твои́х, и взыщý и́ вы́ну: Вразуми́ мя, и испытáю закóн Твой, и сохраню́ и́ всем сéрдцем мои́м. Настáви мя на стезю́ зáповедей Твои́х, я́ко тýю восхотéх. Приклони́ сéрдце моé во свидéния Твоя́, а не в лихои́мство. Отврати́ óчи мои́, éже не ви́дети суеты́, в пути́ Твоéм живи́ мя. Постáви рабý Твоемý слóво Твоé в страх Твой. Отьими́ поношéние моé, éже непщевáх: я́ко судьбы́ Твоя́ блáги. Се возжелáх зáповеди Твоя́, в прáвде Твоéй живи́ мя. И да прии́дет на мя ми́лость Твоя́, Гóсподи, спасéние Твоé по словеси́ Твоемý. И отвещáю поношáющим ми слóво: я́ко уповáх на словесá Твоя́. И не отьими́ от уст мои́х словесé и́стинна до зелá, я́ко на судьбы́ Твоя́ уповáх. И сохраню́ закóн Твой вы́ну, в век и в век вéка. И хождáх в широтé, я́ко зáповеди Твоя́ взыскáх. И глагóлах о свидéниих Твои́х пред цари́, и не стыдя́хся: И поучáхся в зáповедех Твои́х, я́же возлюби́х зелó: И воздвигóх рýце мои́ к зáповедем Твои́м, я́же возлюби́х, и глумля́хся во оправдáниих Твои́х. Помяни́ словесá Твоя́ рабý Твоемý, и́хже уповáние дал ми еси́. То мя утéши во смирéнии моéм, я́ко слóво Твоé живи́ мя. Гóрдии законопреступовáху до зелá: от закóна же Твоегó не уклони́хся. Помянýх судьбы́ Твоя́ от вéка, Гóсподи, и утéшихся. Печáль прия́т мя от грéшник, оставля́ющих закóн Твой. Пéта бя́ху мне оправдáния Твоя́, на мéсте пришéльствия моегó. Помянýх в нощи́ И́мя Твоé, Гóсподи, и сохрани́х закóн Твой. Сей бысть мне, я́ко оправдáний Твои́х взыскáх. Часть моя́ еси́, Гóсподи, рех сохрани́ти закóн Твой. Помоли́хся лицý Твоемý всем сéрдцем мои́м: поми́луй мя по словеси́ Твоемý. Помы́слих пути́ Твоя́, и возврати́х нóзе мои́ во свидéния Твоя́. Уготóвихся и не смути́хся сохрани́ти зáповеди Твоя́. У́жя грéшник обязáшася мне, и закóна Твоегó не забы́х. Полýнощи востáх исповéдатися Тебé о судьбáх прáвды Твоея́. Причáстник аз есмь всем боя́щимся Тебé, и храня́щим зáповеди Твоя́. Ми́лости Твоея́, Гóсподи, испóлнь земля́: оправдáнием Твои́м научи́ мя. Блáгость сотвори́л еси́ с рабóм Твои́м, Гóсподи, по словеси́ Твоемý. Блáгости, и наказáнию и рáзуму научи́ мя, я́ко зáповедем Твои́м вéровах. Прéжде дáже не смири́ти ми ся, аз прегреши́х: сегó рáди слóво Твоé сохрани́х. Благ еси́ Ты, Гóсподи, и блáгостию Твоéю научи́ мя оправдáнием Твои́м. Умнóжися на мя непрáвда гóрдых, аз же всем сéрдцем мои́м испытáю зáповеди Твоя́. Усыри́ся я́ко млекó сéрдце их, аз же закóну Твоемý поучи́хся. Блáго мне, я́ко смири́л мя еси́, я́ко да научýся оправдáнием Твои́м. Благ мне закóн уст Твои́х, пáче ты́сящ злáта и сребрá. Рýце Твои́ сотвори́сте мя, и создáсте мя: вразуми́ мя, и научýся зáповедем Твои́м. Боя́щиися Тебé ýзрят мя и возвеселя́тся, я́ко на словесá Твоя́ уповáх. Разумéх Гóсподи, я́ко прáвда судьбы́ Твоя́, и вои́стинну смири́л мя еси́. Бýди же ми́лость Твоя́, да утéшит мя по словеси́ Твоемý рабý Твоемý. Да прии́дут мне щедрóты Твоя́, и жив бýду, я́ко закóн Твой поучéние моé есть. Да постыдя́тся гóрдии, я́ко непрáведно беззакóнноваша на мя, аз же поглумлю́ся в зáповедех Твои́х. Да обратя́т мя боя́щиися Тебé, и вéдящии свидéния Твоя́. Бýди сéрдце моé непорóчно во оправдáниих Твои́х, я́ко да не постыжýся. Исчезáет во спасéние Твоé душá моя́, на словесá Твоя́ уповáх. Исчезóша óчи мои́ в слóво Твоé, глагóлюще: когдá утéшиши мя; Занé бых я́ко мех на слáне: оправдáний Твои́х не забы́х. Коли́ко есть дней рабá Твоегó; когдá сотвори́ши ми от гоня́щих мя суд; Повéдаша мне законопрестýпницы глумлéния, но не я́ко закóн Твой, Гóсподи. Вся зáповеди Твоя́ и́стина: непрáведно погнáша мя, помози́ ми. Вмáле не скончáша менé на земли́: аз же не остáвих зáповедей Твои́х. По ми́лости Твоéй живи́ мя, и сохраню́ свидéния уст Твои́х. Во век, Гóсподи, слóво Твоé пребывáет на Небеси́. В род и род и́стина Твоя́. Основáл еси́ землю, и пребывáет. Учинéнием Твои́м пребывáет день, я́ко вся́ческая рабóтна Тебé. Я́ко áще бы не закóн Твой поучéние моé был, тогдá ýбо поги́бл бых во смирéнии моéм. Я́ко áще бы не закóн Твой поучéние моé был, тогдá ýбо поги́бл бых во смирéнии моéм. Я́ко áще бы не закóн Твой поучéние моé был, тогдá ýбо поги́бл бых во смирéнии моéм. Во век не забýду оправдáний Твои́х, я́ко в них оживи́л мя еси́. Во век не забýду оправдáний Твои́х, я́ко в них оживи́л мя еси́. Во век не забýду оправдáний Твои́х, я́ко в них оживи́л мя еси́.
Гóсподи, помилуй. (12 раз)
Гóсподи, помилуй. (40 раз)
(продолжение зри здесь)