Сретение Господа Бога и Спаса нашего Иисуса Христа. ВСЕНОЩНОЕ БДЕНИЕ. УТРЕНЯ.
15 февраля 2022 года. Срéтение Гóспода Бóга и Спáса нáшего Иисýса Христá. Слýжба для домáшнего (келéйного) совершéния. Слýжба мирскúм чúном. Всенóщное бдéние на прáздник Срéтения состоúт из Велúкой вечéрни, ýтрени с чтéнием Евáнгелия, тáже канóна и пéрвого чáса.
УТРЕНЯ
Начáло зри здесь ( великая вечерня)
ШЕСТОПСАЛМИЕ
Слáва в вы́шних Бóгу, и на земли́ мир, в человéцех благоволéние. (трúжды) Гóсподи, устнé мои́ отвéрзеши, и устá моя́ возвестя́т хвалý Твою́. (двáжды)
Псалом 3
Гóсподи, что ся умнóжиша стужáющии ми? Мнóзи востаю́т на мя, мнóзи глагóлют души́ моéй: несть спасéния eмý в Бóзе eгó. Ты же, Гóсподи, Застýпник мой еси, слáва моя́ и вознося́й главý мою́. Глáсом моим ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскресни́, Гóсподи, спаси́ мя, Бóже мой, я́ко Ты порази́л еси́ вся враждýющыя ми всýе: зýбы грéшников сокруши́л еси́. Госпóдне есть спасéние, и на лю́дех Твои́х благословéние Твоé.
Аз уснýх, и спах, востáх, яко Госпóдь застýпит мя.
Псалом 37
Гóсподи, да не яростию Твоéю обличи́ши менé, нижé гнéвом Твои́м накáжеши менé. Яко стрéлы Твоя унзóша во мне, и утвердил еси на мне рýку Твою́. Несть исцелéния в плóти моéй от лицá гнéва Твоегó, несть мира в костéх моих от лицá грех моих. Яко беззакóния моя превзыдóша главý мою́, яко брéмя тяжкое отяготéша на мне. Возсмердéша и согниша рáны моя от лицá безýмия моегó. Пострадáх и слякóхся до концá, весь день сéтуя хождáх. Яко лядвия моя напóлнишася поругáний, и несть исцелéния в плóти моéй. Озлóблен бых и смирихся до зелá, рыкáх от воздыхáния сéрдца моегó. Гóсподи, пред Тобóю все желáние моé и воздыхáние моé от Тебé не утаися. Сéрдце моé смятéся, остáви мя сила моя, и свет óчию моéю, и той несть со мнóю. Дрýзи мои и искреннии мои прямо мне приближишася и стáша, и ближнии мои отдалéче менé стáша и нуждáхуся ищущии дýшу мою́, и ищущии злáя мне глагóлаху сýетная и льстивным весь день поучáхуся. Аз же яко глух не слы́шах и яко нем не отверзáяй уст своих. И бых яко человéк не слы́шай и не имы́й во устéх своих обличéния. Яко на Тя, Гóсподи, уповáх, Ты услы́шиши, Гóсподи Бóже мой. Яко рех: да не когдá порáдуют ми ся врази мои: и внегдá подвижáтися ногáм моим, на мя велерéчеваша. Яко аз на рáны готóв, и болéзнь моя предо мнóю есть вы́ну. Яко беззакóние моé аз возвещý и попекýся о гресé моéм. Врази же мои живýт и укрепишася пáче менé, и умнóжишася ненавидящии мя без прáвды. Воздаю́щии ми злáя возблагáя оболгáху мя, занé гонях благосты́ню. Не остáви менé, Гóсподи Бóже мой, не отступи́ от менé. Вонми́ в пóмощь мою́, Гóсподи спасéния моегó.
Не остáви менé, Гóсподи Бóже мой, не отступи́ от менé. Вонми́ в пóмощь мою́, Гóсподи спасéния моегó.
Псалом 62
Бóже, Бóже мой, к Тебé ýтренюю, возжадá Тебé душá моя́, коль мнóжицею Тебé плоть моя́, в земли́ пýсте и непрохóдне, и безвóдне. Тáко во святéм явихся Тебé, видети силу Твою и слáву Твою. Яко лýчши милость Твоя пáче живóт, устнé мои похвалите Тя. Тáко благословлю́ Тя в животé моéм, о имени Твоéм воздежý рýце мои. Яко от тýка и мáсти да испóлнится душá моя́, и устнáма рáдости восхвáлят Тя устá моя́. Áще поминáх Тя на постéли моéй, на ýтренних поучáхся в Тя. Яко был еси Помóщник мой, и в крóве крилý Твоéю возрáдуюся. Прильпé душá моя́ по Тебé, менé же прия́т десница Твоя́. Ти́и же всýе искáша дýшу мою́, вни́дут в преиспóдняя земли, предадя́тся в рýки орýжия, чáсти ли́совом бýдут. Царь же возвеселится о Бóзе, похвáлится всяк кленыйся Им, я́ко загради́шася устá глагóлющих непрáведная.
На ýтренних поучáхся в Тя. Яко был еси́ Помóщник мой, и в крóве крилý Твоéю возрáдуюся. Прильпé душá моя́ по Тебé, менé же прия́т десни́ца Твоя́.
Слáва Отцý и Сыну и Святóму Дýху, и ныне и прúсно и во вéки векóв, амúнь.
Аллилýиа, аллилýиа, аллилýиа, слáва Тебé Бóже. (3 раза)
Гóсподи, помилуй. (3 раза)
Слáва Отцý и Сыну и Святóму Дýху, и ныне и прúсно и во вéки векóв, амúнь.
Псалом 87
Гóсподи Бóже спасéния моегó, во дни воззвáх, и в нощи́ пред Тобóю. Да вни́дет пред Тя моли́тва моя́: приклони́ ýхо Твоé к молéнию моемý, я́ко испóлнися зол душá моя, и живóт мой аду прибли́жися. Привменéн бых с низходя́щими в ров, бых яко человéк без пóмощи, в мéртвых свобóдь, яко язвеннии спящии во грóбе, ихже не помянýл еси ктомý, и тии от руки Твоея отриновéни быша. Положиша мя в рóве преиспóднем, в тéмных и сéни смéртней. На мне утвердися ярость Твоя, и вся вóлны Твоя навéл еси на мя. Удáлил еси знáемых моих от менé, положиша мя мéрзость себé: прéдан бых и не исхождáх. Очи мои изнемогóсте от нищеты, воззвáх к Тебé, Гóсподи, весь день, воздéх к Тебé рýце мои. Едá мéртвыми твориши чудесá? Или врáчеве воскресят, и исповéдятся Тебé? Едá повéсть кто во грóбе милость Твою, и истину Твою в погибели? Едá познáна бýдут во тьме чудесá Твоя, и прáвда Твоя в земли забвéнней? И аз к Тебé, Гóсподи, воззвáх и ýтро молитва моя предварит Тя. Вскýю, Гóсподи, отрéеши дýшу мою, отвращáеши лицé Твоé от менé? Нищ есмь аз, и в трудéх от юности моея; вознéс же ся, смирихся, и изнемогóх. На мне преидóша гнéви Твои, устрашéния Твоя возмутиша мя, обыдóша мя яко водá, весь день одержáша мя вкýпе. Удáлил еси от менé дрýга и и́скренняго, и знáемых моих от страстéй.
Гóсподи Бóже спасéния моегó, во дни воззвáх, и в нощи́ пред Тобóю. Да вни́дет пред Тя моли́тва моя́: приклони́ ýхо Твоé к молéнию моемý.
Псалом 102
Благослови, душé моя, Гóспода, и вся внýтренняя моя имя святóе Егó. Благослови, душé моя, Гóспода, и не забывáй всех воздаяний Егó, очищáющаго вся беззакóния твоя, исцеляющаго вся недýги твоя, избавляющаго от истлéния живóт твой, венчáющаго тя милостию и щедрóтами, исполняющаго во благих желáние твоé: обнови́тся яко óрля юность твоя. Творя́й милостыни Госпóдь, и судьбý всем обидимым. Сказá пути Своя Моисéови, сыновóм Изрáилевым хотéния Своя: Щедр и Ми́лостив Госпóдь, Долготерпелив и Многомилостив. Не до концá прогнéвается, нижé во век враждýет, не по беззакóнием нáшим сотворил есть нам, нижé по грехóм нáшым воздáл есть нам. Яко по высотé небéсней от земли́, утверди́л есть Госпóдь ми́лость Свою на боя́щихся Егó. Ели́ко отстоя́т востóцы от зáпад, удáлил есть от нас беззакóния нáша. Якоже щéдрит отéц сы́ны, ущéдри Госпóдь боя́щихся Егó. Яко Той познá создáние нáше, помянý, я́ко персть есмы́. Человéк, яко травá дни́е eгó, яко цвет сéльный, тáко оцветéт, яко дух прóйде в нем, и не бýдет, и не познáет ктомý мéста своегó. Ми́лость же Госпóдня от вéка и до вéка на боя́щихся Егó, и прáвда Его на сынéх сынóв, храня́щих завéт Егó, и пóмнящих зáповеди Егó творити я. Госпóдь на Небеси́ уготóва Престóл Свой, и Цáрство Егó всéми обладáет. Благословите Гóспода вси Ангели Егó, сильнии крéпостию, творя́щии слóво Егó, услышати глас словéс Егó. Благословите Гóспода вся Силы Егó, слýги Егó, творя́щии вóлю Егó. Благословите Гóспода вся делá Егó, на вся́ком мéсте владычества Егó, благослови́, душé моя́, Гóспода.
На всяком мéсте влады́чества Егó, благослови́, душé моя, Гóспода.
Псалом 142
Гóсподи, услы́ши моли́тву мою, внуши́ молéние моé во и́стине Твоéй, услы́ши мя в прáвде Твоéй и не вни́ди в суд с рабóм Твои́м, я́ко не оправди́тся пред Тобóю всяк живы́й. Яко погнá враг дýшу мою, смирил есть в зéмлю живóт мой, посади́л мя есть в тéмных, я́ко мéртвыя вéка. И уны́ во мне дух мой, во мне смятéся сéрдце моé. Помянýх дни дрéвния, поучи́хся во всех дéлех Твои́х, в творéниих рукý Твоéю поучáхся. Воздéх к Тебé рýце мои́, душá моя́, я́ко земля́ безвóдная Тебé. Скóро услы́ши мя, Гóсподи, исчезé дух мой, не отврати́ лицá Твоегó от менé, и уподóблюся низходящым в ров. Слы́шану сотвори мне заýтра милость Твою, яко на Тя уповáх. Скажи́ мне, Гóсподи, путь вóньже пойдý, я́ко к Тебé взях дýшу мою. Изми́ мя от враг моих, Гóсподи, к Тебé прибегóх. Научи́ мя творити вóлю Твою, я́ко Ты еси Бог мой. Дух Твой Благи́й настáвит мя на зéмлю прáву. Имене Твоегó рáди, Гóсподи, живи́ши мя, прáвдою Твоéю изведéши от печáли дýшу мою. И милостию Твоéю потребиши враги моя́ и погубиши вся стужáющыя души моéй, я́ко аз раб Твой есмь.
Услы́ши мя, Гóсподи, в прáвде Твоéй и не вни́ди в суд с рабóм Твои́м. Услы́ши мя, Гóсподи, в прáвде Твоéй и не вни́ди в суд с рабóм Твои́м.
Дух Твой Благи́й настáвит мя на зéмлю прáву.
Слáва Отцý и Сыну и Святóму Дýху, и ны́не и прúсно и во вéки векóв, амúнь.
Аллилýиа, аллилýиа, аллилýиа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сыну и Святóму Дýху, и ны́не и прúсно и во вéки векóв, амúнь.
БОГ ГОСПОДЬ, глас 1
Чтец: Бог Госпóдь, и яви́ся нам, благословéн Гряды́й во Имя Госпóдне.
Чтец: Исповéдайтеся Гóсподеви, я́ко благ, я́ко в век ми́лость Егó.
Хор: Бог Госпóдь, и явúся нам, благословéн Гряды́й во Имя Госпóдне.
Чтец: Обышéдше обыдóша мя и и́менем Госпóдним противля́хся им.
Хор: Бог Госпóдь, и явúся нам, благословéн Гряды́й во Имя Госпóдне.
Чтец: Не умрý, но жив бýду и повéм делá Госпóдня.
Хор: Бог Госпóдь, и явúся нам, благословéн Гряды́й во Имя Госпóдне.
Чтец: Кáмень, Егóже небрегóша зи́ждущии, Сей бысть во главý ýгла, от Гóспода бысть Сей, и есть ди́вен во очесéх нáших.
Хор: Бог Госпóдь, и явúся нам, благословéн Гряды́й во Имя Госпóдне.
Тропáрь Cрéтения, глас 1: Рáдуйся, Благодáтная Богорóдице Дéво,/ из Тебé бо возсия́ Сóлнце Прáвды - Христóс, Бог наш,/ просвещáяй сýщия во тьме./ Весели́ся и ты, стáрче прáведный,/ приéмый во объя́тия Свободи́теля душ нáших,// дáрующаго нам воскресéние. (2раза)
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Рáдуйся, Благодáтная Богорóдице Дéво,/ из Тебé бо возсия́ Сóлнце Прáвды - Христóс, Бог наш,/ просвещáяй сýщия во тьме./ Весели́ся и ты, стáрче прáведный,/ приéмый во объя́тия Свободи́теля душ нáших,// дáрующаго нам воскресéние.
Хор: Гóсподи, поми́луй. (Трúжды)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
Кафизма седьмая
[Псалом 46]Вси язы́цы восплещи́те рукáми, воскли́кните Бóгу глáсом рáдования. Я́ко Госпóдь Вы́шний стрáшен, Царь вéлий по всей земли́. Покори́ лю́ди нам и язы́ки под нóги нáша: избрáнам достоя́ние Своé, добрóту Иáковлю, ю́же возлюби́. Взы́де Бог в воскликновéнии, Госпóдь во глáсе трýбне. Пóйте Бóгу нáшему, пóйте, пóйте Царéви нáшему, пóйте. Я́ко Царь всея́ земли́ Бог, пóйте разýмно. Воцари́ся Бог над язы́ки, Бог седи́т на Престóле святéм Своéм. Кня́зи лю́дстии собрáшася с Бóгом Авраáмлим. Я́ко Бóжии держáвнии земли́ зелó вознесóшася.
[Псалом 47]Вéлий Госпóдь и хвáлен зелó во грáде Бóга нáшего, в горé святéй Егó. Благокорéнным рáдованием всея́ земли́: гóры Сиóнския, рéбра сéверова, град Царя́ Вели́каго. Бог в тя́жестех eгó знáемь есть, егдá заступáет и́. Я́ко се цáрие зéмстии собрáшася, снидóшася вкýпе. Ти́и ви́девше тáко, удиви́шася, смятóшася, подвигóшася. Трéпет прия́т я́: тáмо болéзни я́ко раждáющия. Дýхом бýрным сокруши́ши корабли́ Фарси́йския. Я́коже слы́шахом, тáко и ви́дехом во грáде Гóспода сил, во грáде Бóга нáшего, Бог основá и́ в век. Прия́хом, Бóже, ми́лость Твою́ посредé людéй Твои́х. По и́мени Твоемý, Бóже, тáко и хвалá Твоя́ на концáх земли́, прáвды испóлнь десни́ца Твоя́. Да возвесели́тся горá Сиóнская и да возрáдуются дщéри Иудéйския судéб рáди Твои́х, Гóсподи. Обыди́те Сиóн и обыми́те eгó, повéдите в столпéх eгó. Положи́те сердцá вáша в си́лу Егó и раздели́те дóмы Егó, я́ко да повéсте в рóде инóм. Я́ко Той есть Бог наш во век и в век вéка, Той упасéт нас во вéки.
[Псалом 48]Услы́шите сия́ вси язы́цы, внуши́те вси живýщии по вселéнней: земнорóднии же и сы́нове человéчестии, вкýпе богáт и убóг. Устá моя́ возглагóлют премýдрость, и поучéние сéрдца моегó рáзум. Приклоню́ в при́тчу ýхо моé, отвéрзу во псалти́ри ганáние моé. Вскýю бою́ся, в день лют? Беззакóние пяты́ моея́ обы́дет мя. Надéющиися на си́лу свою́ и о мнóжестве богáтства своегó хвáлящиися, брат не избáвит, избáвит ли человéк? Не даст Бóгу измéны за ся, и цéну избавлéния души́ своея́, и утруди́ся в век. И жив бýдет до концá, не ýзрит пáгубы. Егдá уви́дит премýдрыя умирáющия, вкýпе безýмен и несмы́слен поги́бнут и остáвят чужди́м богáтство своé. И грóби их жили́ща их во век, селéния их в род и род, нарекóша именá своя́ на земля́х. И человéк в чéсти сый не разумé, приложи́ся скотóм несмы́сленным и уподóбися им. Сей путь их соблáзн им, и по сих во устéх своих благоволя́т. Я́ко óвцы во áде положéни суть, смерть упасéт я́, и обладáют и́ми прáвии заýтра, и пóмощь их обетшáет во áде, от слáвы своея́ изриновéни бы́ша. Обáче Бог избáвит дýшу мою́ из руки́ áдовы, егдá приéмлет мя. Не убóйся, егдá разбогатéет человéк или́ егдá умнóжится слáва дóму eгó: я́ко внегдá умрéти eмý, не вóзмет вся, нижé сни́дет с ним слáва eгó. Я́ко душá eгó в животé eгó благослови́тся: исповéстся Тебé, егдá благосотвори́ши eмý. Вни́дет дáже до рóда отéц свои́х, дáже до вéка не ýзрит свéта. И человéк в чéсти сый не разумé, приложи́ся скотóм несмы́сленным и уподóбися им.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
[Псалом 49]Бог богóв Госпóдь глагóла и призвá зéмлю от востóк сóлнца до зáпад. От Сиóна благолéпие красоты́ Егó. Бог я́ве прии́дет, Бог наш, и не премолчи́т: огнь пред Ним возгори́тся, и óкрест Егó бýря зéльна. Призовéт Нéбо свы́ше и зéмлю разсуди́ти лю́ди Своя́. Собери́те Емý преподóбныя Егó, завещáющия завéт Егó о жéртвах. И возвестя́т небесá прáвду Егó, я́ко Бог судия́ есть. Услы́шите, лю́дие мои́, и возглагóлю вам, Изрáилю, и засвидéтельствую тебé: Бог, Бог твой есмь Аз. Не о жéртвах твои́х обличý тя, всесожжéния же Твоя́ предо Мнóю суть вы́ну. Не приимý от дóму Твоегó тельцóв, нижé от стад твои́х козлóв. Я́ко мои́ суть вси звéрие дубрáвнии, скóти в горáх и волóве. Познáх вся пти́цы небéсныя, и красотá сéльная со Мнóю есть. Áще взáлчу, не рекý тебé: Моя́ бо есть вселéнная и исполнéние ея́. Едá ям мясá ю́нча или́ кровь козлóв пию́? Пожри́ Бóгови жéртву хвалы́ и воздáждь Вы́шнему моли́твы Твоя́. И призови́ Мя в день скóрби твоея́, и измý тя, и прослáвиши Мя. Грéшнику же речé Бог: вскýю ты повéдаеши оправдáния Моя́ и восприéмлеши завéт Мой усты́ твои́ми? Ты же возненави́дел еси́ наказáние и отвéргл еси́ словесá Моя́ вспять. Áще ви́дел еси́ тáтя, текл еси́ с ним, и с прелюбодéем учáстие твоé полагáл еси́. Устá Твоя́ умнóжиша злóбу, и язы́к твой сплетáше льщéния. Седя́, на брáта твоегó клеветáл еси́ и на сы́на мáтере твоея́ полагáл еси́ соблáзн. Сия́ сотвори́л еси́ и умолчáх, вознепщевáл еси́ беззакóние, я́ко бýду тебé подóбен. Обличý тя и предстáвлю пред лицéм твои́м грехи́ Твоя́. Разумéйте ýбо сия́, забывáющии Бóга, да не когдá похи́тит, и не бýдет избавля́яй. Жéртва хвалы́ прослáвит Мя, и тáмо путь, и́мже явлю́ eмý спасéние Моé.
[Псалом 50]Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóние моé. Наипáче омы́й мя от беззакóния моегó, и от грехá моегó очи́сти мя. Яко беззакóние моé аз знáю и грех мой прéдо мнóю есть выну. Тебе Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдá суди́ти Ти. Се бо в беззакóниих зачáт есмь, и во гресéх роди́ мя мáти моя. Се бо и́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлие, возрáдуются кóсти смирéнныя. Отврати́ лицé Твоé от грех мои́х, и вся беззакóния моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéния Твоегó, и Дýхом Влады́чним утверди́ мя. Научý беззакóнныя путéм Твоим, и нечести́вии к Тебé обратятся. Избáви мя от кровéй, Бóже, Бóже спасéния моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою. Яко áще бы восхотéл еси жéртвы, дал бых ýбо, всесожжéния не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнием Твои́м Сиóна, и да сози́ждутся стéны Иерусали́мския. Тогдá благоволи́ши жéртву прáвды, возношéние и всесожегáемая; тогдá возложáт на олтáрь Твой тельцы́.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и при́сно и во вéки векóв. Аминь.
[Псалом 51]Что хвáлишися во злóбе, си́льне? Беззакóние весь день. Непрáвду умы́сли язы́к твой, я́ко бри́тву изощрéну сотвори́л еси́ лесть. Возлюби́л еси́ злóбу пáче благосты́ни, непрáвду нéже глагóлати прáвду. Возлюби́л еси́ вся глагóлы потóпныя, язы́к льстив. Сегó рáди Бог разруши́т тя до концá, востóргнет тя, и пресели́т тя от селéния твоегó и кóрень твой от земли́ живы́х. У́зрят прáведнии и убоя́тся, и о нем возсмею́тся и рекýт: се человéк, и́же не положи́ Бóга Помóщника себé, но уповá на мнóжество богáтства своегó, и возмóже суéтою своéю. Аз же я́ко мáслина плодови́та в домý Бóжии, уповáх на ми́лость Бóжию во век и в век вéка. Исповéмся Тебé во век, я́ко сотвори́л еси́, и терплю́ и́мя Твоé, я́ко блáго пред преподóбными Твои́ми.
[Псалом 52]Речé безýмен в сéрдце своéм: несть Бог, растлéша и омерзи́шася в беззакóниих, несть творя́й благóе. Бог с Небесé прини́че на сы́ны человéческия, ви́дети, áще есть разумевáяй или́ взыскáяй Бóга? Вси уклони́шася, вкýпе непотрéбни бы́ша, несть творя́й благóе, несть до еди́наго. Ни ли уразумéют вси дéлающии беззакóние, снедáющии лю́ди моя́ в снедь хлéба, Гóспода не призвáша. Тáмо устраши́шася стрáха, идéже не бе страх, я́ко Бог разсы́па кóсти человекоугóдников: постыдéшася, я́ко Бог уничижи́ их. Кто даст от Сиóна спасéние Изрáилево? Внегдá возврати́т Бог пленéние людéй Свои́х, возрáдуется Иáков и возвесели́тся Изрáиль.
[Псалом 53]Бóже, во и́мя Твоé спаси́ мя, и в си́ле Твоéй суди́ ми. Бóже, услы́ши моли́тву мою́, внуши́ глагóлы уст мои́х. Я́ко чýждии востáша на мя и крéпцыи взыскáша дýшу мою́, и не предложи́ша Бóга пред собóю. Се бо Бог помогáет ми, и Госпóдь Застýпник души́ моéй. Отврати́т злáя врагóм мои́м, и́стиною Твоéю потреби́ их. Вóлею пожрý Тебé, исповéмся и́мени Твоемý, Гóсподи, я́ко блáго, я́ко от вся́кия печáли избáвил мя еси́, и на враги́ моя́ воззрé óко моé.
[Псалом 54]Внуши́, Бóже, моли́тву мою́ и не прéзри молéния моегó. Вонми́ ми и услы́ши мя: возскорбéх печáлию моéю и смятóхся. От глáса врáжия и от стужéния грéшнича, я́ко уклони́ша на мя беззакóние и во гнéве враждовáху ми. Сéрдце моé смятéся во мне и боя́знь смéрти нападé на мя. Страх и трéпет прии́де на мя и покры́ мя тьма. И рех: кто даст ми крилé, я́ко голуби́не? И полещý, и почи́ю? Се удали́хся бéгая и водвори́хся в пусты́ни. Чáях Бóга, спасáющаго мя от малодýшия и от бýри. Потопи́, Гóсподи, и раздели́ язы́ки их: я́ко ви́дех беззакóние и пререкáние во грáде. Днем и нóщию обы́дет и́ по стенáм eгó. Беззакóние и труд посредé eгó и непрáвда. И не оскудé от стогн eгó ли́хва и лесть. Я́ко áще бы враг поноси́л ми, претерпéл бых ýбо, и áще бы ненави́дяй мя на мя́ велерéчевал, укры́л бых ся от негó. Ты же, человéче равнодýшне, влады́ко мой и знáемый мой, и́же кýпно наслаждáлся еси́ со мнóю брáшен, в домý Бóжии ходи́хом единомышлéнием. Да прии́дет же смерть на ня, и да сни́дут во ад жи́ви, я́ко лукáвство в жили́щах их, посредé их. Аз к Бóгу воззвáх, и Госпóдь услы́ша мя. Вéчер и заýтра, и полýдне повéм, и возвещý, и услы́шит глас мой. Избáвит ми́ром дýшу мою́ от приближáющихся мне, я́ко во мнóзе бя́ху со мнóю. Услы́шит Бог и смири́т я́, Сый прéжде век. Несть бо им изменéния, я́ко не убоя́шася Бóга. Прострé рýку свою́ на воздая́ние, оскверни́ша завéт Егó. Раздели́шася от гнéва лицá Егó, и прибли́жишася сердцá их, умя́кнуша словесá их пáче елéа, и та суть стрéлы. Возвéрзи на Гóспода печáль твою́, и Той тя препитáет, не даст в век молвы́ прáведнику. Ты же, Бóже, низведéши их во студенéц истлéния, мýжие кровéй и льсти не преполовя́т дней свои́х. Аз же, Гóсподи, уповáю на Тя.
Чтец: Слáва Отцý и Сыну и Святóму Дýху и ныне и присно и во вéки векóв. Аминь.
Аллилýиа, аллилýиа, аллилýиа, слáва Тебé Бóже. (Трижды)
Господи, помилуй.(12раз)
СЕДАЛЕН ПРАЗДНИКА, ГЛАС 1
Лик Áнгельский да удиви́тся чудеси́,/ земни́и же глáсы, возопиéм пéние,/ зря́ще неизречéнное Бóжие снизхождéние,/ Егóже бо трепéщут Небéсныя си́лы,// ны́не стáрчи объéмлют рýце Еди́наго Человеколю́бца.
Слáва Отцý и Сыну и Святóму Дýху и ны́не и прúсно и во вéки векóв. Амúнь.
Лик Áнгельский да удиви́тся чудеси́,/ земни́и же глáсы, возопиéм пéние,/ зря́ще неизречéнное Бóжие снизхождéние,/ Егóже бо трепéщут Небéсныя си́лы,// ны́не стáрчи объéмлют рýце Еди́наго Человеколю́бца.
Гóсподи, помилуй. (3 раза)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
Кафизма восьмая
[Псалом 55]Поми́луй мя, Бóже, я́ко попрá мя человéк, весь день боря́ стужи́ ми. Попрáша мя врази́ мои́ весь день, я́ко мнóзи борю́щии мя с высоты́. В день не убою́ся, аз же уповáю на Тя. О Бóзе похвалю́ словесá моя́, на Бóга уповáх, не убою́ся, что сотвори́т мне плоть? Весь день словéс мои́х гнушáхуся, на мя вся помышлéния их на зло. Вселя́тся и скры́ют, ти́и пя́ту мою́ сохраня́т, я́коже потерпéша дýшу мою́. Ни о чесóмже отри́неши я́, гнéвом лю́ди низведéши. Бóже, живóт мой возвести́х Тебé, положи́л еси́ слéзы моя́ пред Тобóю, я́ко и во обетовáнии Твоéм. Да возвратя́тся врази́ мои́ вспять, вóньже áще день призовý Тя, се познáх, я́ко Бог мой еси́ Ты. О Бóзе похвалю́ глагóл, о Гóсподе похвалю́ слóво. На Бóга уповáх, не убою́ся, что сотвори́т мне человéк? Во мне, Бóже, моли́твы, я́же воздáм хвалы́ Твоея́, я́ко избáвил еси́ дýшу мою́ от смéрти, óчи мои́ от слез, и нóзе мои́ от поползновéния, благоугождý пред Гóсподем во свéте живы́х.
[Псалом 56]Поми́луй мя, Бóже, поми́луй мя, я́ко на Тя уповá душá моя́, и на сень крилý Твоéю надéюся, дóндеже прéйдет беззакóние. Воззовý к Бóгу Вы́шнему, Бóгу, благодéявшему мне. Послá с Небесé и спасé мя, дадé в поношéние попирáющия мя, послá Бог ми́лость Свою́ и и́стину Свою́, и избáви дýшу мою́ от среды́ ски́мнов. Поспáх смущéн, сы́нове человéчестии, зýбы их орýжия и стрéлы, и язы́к их меч остр. Вознеси́ся на Небесá, Бóже, и по всей земли́ слáва Твоя́. Сеть уготóваша ногáм мои́м и слякóша дýшу мою́, ископáша пред лицéм мои́м я́му и впадóша в ню. Готóво сéрдце моé, Бóже, готóво сéрдце моé, воспою́ и пою́ во слáве моéй. Востáни слáва моя́, востáни псалти́рю и гýсли, востáну рáно. Исповéмся Тебé в лю́дех, Гóсподи, воспою́ Тебé во язы́цех, я́ко возвели́чися до Небéс ми́лость Твоя́, и дáже до óблак и́стина Твоя́. Вознеси́ся на Небесá, Бóже, и по всей земли́ слáва Твоя́.
[Псалом 57]Áще вои́стинну ýбо прáвду глагóлете, прáвая суди́те, сы́нове человéчестии. И́бо в сéрдце беззакóние дéлаете, на земли́ непрáвду рýки вáша сплетáют. Очужди́шася грéшницы от ложéсн, заблуди́ша от чрéва, глагóлаша лжу. Я́рость их по подóбию змиинý, я́ко áспида глýха и затыкáющаго ýши свои́, и́же не услы́шит глáса обавáющих, обавáемь обавáется от премýдра. Бог сокруши́т зýбы их во устéх их, членóвныя львов сокруши́л есть Госпóдь. Уничижáтся я́ко водá мимотекýщая, напряжéт лук свой, дóндеже изнемóгут. Я́ко воск растáяв отъи́мутся, падé огнь на них и не ви́деша сóлнца. Прéжде éже разумéти тéрния вáшего рáмна, я́ко жи́вы, я́ко во гнéве пожрéт я́. Возвесели́тся прáведник, егдá уви́дит отмщéние, рýце свои́ умы́ет в крóви грéшника. И речéт человéк: áще ýбо есть плод прáведнику, ýбо есть Бог судя́ им на земли́.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
[Псалом 58]Изми́ мя от враг мои́х, Бóже, и от востаю́щих на мя избáви мя. Избáви мя от дéлающих беззакóние и от муж кровéй спаси́ мя. Я́ко се улови́ша дýшу мою́, нападóша на мя крéпцыи, нижé беззакóние моé, нижé грех мой, Гóсподи. Без беззакóния текóх и испрáвих, востáни в срéтение моé и виждь. И ты, Гóсподи Бóже сил, Бóже Изрáилев, вонми́ посети́ти вся язы́ки, да не ущéдриши вся дéлающия беззакóние. Возвратя́тся на вéчер и взáлчут, я́ко пес, и обы́дут град. Се ти́и отвещáют усты́ свои́ми, и меч во устнáх их, я́ко кто слы́ша? И Ты, Гóсподи, посмеéшися им, уничижи́ши вся язы́ки. Держáву мою́ к Тебé сохраню́, я́ко Ты, Бóже, Застýпник мой еси́. Бог мой, ми́лость Егó предвари́т мя, Бог мой, яви́т мне на вразéх мои́х. Не уби́й их, да не когдá забýдут закóн Твой, расточи́ я́ си́лою Твое́ю и низведи́ я́, Защи́тниче мой, Гóсподи. Грех уст их, слóво устéн их, и я́ти да бýдут в горды́ни своéй, и от кля́твы и лжи возвестя́тся в кончи́не. Во гнéве кончи́ны, и не бýдут, и увéдят, я́ко Бог влады́чествует Иáковом и концы́ земли́. Возвратя́тся на вéчер, и взáлчут, я́ко пес, и обы́дут град. Ти́и разы́дутся я́сти. А́ще ли же не насы́тятся, и порóпщут. Аз же воспою́ си́лу Твою́ и возрáдуюся заýтра о ми́лости Твоéй, я́ко был еси́ Застýпник мой и Прибéжище моé в день скóрби моея́. Помóщник мой еси́, Тебé пою́: я́ко Бог Застýпник мой еси́, Бóже мой, ми́лость моя́.
[Псалом 59]Бóже, отри́нул ны еси́ и низложи́л еси́ нас, разгнéвался еси́, и ущéдрил еси́ нас. Стрясл еси́ зéмлю и смути́л еси́ ю́, исцели́ сокрушéние ея́, я́ко подви́жеся. Показáл еси́ лю́дем Твои́м жестóкая, напои́л еси́ нас винóм умилéния. Дал еси́ боя́щимся Тебé знáмение, éже убежáти от лицá лýка. Я́ко да избáвятся возлю́бленнии Твои́, спаси́ десни́цею Твоéю и услы́ши мя. Бог возглагóла во святéм Своéм: возрáдуюся и разделю́ Сики́му, и юдóль жили́щ размéрю. Мой есть Галаáд, и Мой есть Манасси́й, и Ефрéм - крéпость главы́ Моея́, Иýда - царь Мой. Моáв - конóб уповáния Моегó, на Идумéю прострý сапóг Мой, Мне иноплемéнницы покори́шася. Кто введéт мя во град ограждéния? или́ кто настáвит мя до Идумéи? Не Ты ли, Бóже, отри́нувый нас? И не изы́деши, Бóже, в си́лах нáших? Даждь нам пóмощь от скóрби, и сýетно спасéние человéческо. О Бóзе сотвори́м си́лу, и Той уничижи́т стужáющия нам.
[Псалом 60]Услы́ши, Бóже, молéние моé, вонми́ моли́тве моéй. От конéц земли́ к Тебé воззвáх, внегдá уны́ сéрдце мое́, на кáмень вознéсл мя еси́, настáвил мя еси́. Я́ко был еси́ уповáние моé, столп крéпости от лицá врáжия. Вселю́ся в селéнии Твоéм во вéки, покры́юся в крóве крил Твои́х. Я́ко Ты, Бóже, услы́шал еси́ моли́твы моя́, дал еси́ достоя́ние боя́щимся и́мене Твоегó. Дни на дни царéвы приложи́ши, лéта eгó до дне рóда и рóда. Пребýдет в век пред Бóгом, ми́лость и и́стину Егó кто взы́щет? Тáко воспою́ и́мени Твоемý во вéки, воздáти ми моли́твы моя́ день от дне.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
[Псалом 61]Не Бóгу ли повинéтся душá моя́? От Тогó бо спасéние моé. И́бо Той Бог мой и Спас мой, Застýпник мой, не подви́жуся наипáче. Докóле належитé на человéка? Убивáете вси вы, я́ко стенé преклонéне, и оплóту возриновéну. Обáче цéну мою́ совещáша отри́нути, текóша в жáжди, усты́ свои́ми благословля́ху и сéрдцем свои́м кленя́ху. Обáче Бóгови повини́ся, душé моя́, я́ко от Тогó терпéние моé. И́бо Той Бог мой и Спас мой, Застýпник мой, не преселю́ся. О Бóзе спасéние моé и слáва моя́, Бог пóмощи моея́, и уповáние моé на Бóга. Уповáйте на Негó весь сонм людéй, излия́йте пред Ним сердцá вáша, я́ко Бог помóщник наш. Обáче сýетни сы́нове человéчестии, лжи́ви сы́нове человéчестии в мéрилех éже непрáвдовати, ти́и от суеты́ вкýпе. Не уповáйте на непрáвду и на восхищéние не желáйте. Богáтство áще течéт, не прилагáйте сéрдца. Еди́ною глагóла Бог, двóя сия́ слы́шах, занé держáва Бóжия, и Твоя́, Гóсподи, ми́лость, я́ко Ты воздáси комýждо по делóм eгó.
[Псалом 62]Бóже, Бóже мой, к Тебé ýтренюю, возжадá Тебé душá моя́, коль мнóжицею Тебé плоть моя́, в земли́ пýсте и непрохóдне, и безвóдне. Тáко во святéм яви́хся Тебé, ви́дети си́лу Твою́ и слáву Твою́. Я́ко лýчши ми́лость Твоя́ пáче живóт, устнé мои́ похвали́те Тя. Тáко благословлю́ Тя в животé моéм, о и́мени Твоéм воздежý рýце мои́. Я́ко от тýка и мáсти да испóлнится душá моя́, и устнáма рáдости восхвáлят Тя устá моя́. Áще поминáх Тя на постéли моéй, на ýтренних поучáхся в Тя. Я́ко был еси́ Помóщник мой, и в крóве крилý Твоéю возрáдуюся. Прильпé душá моя́ по Тебé, менé же прия́т десни́ца Твоя́. Ти́и же всýе искáша дýшу мою́, вни́дут в преиспóдняя земли́, предадя́тся в рýки орýжия, чáсти ли́совом бýдут. Царь же возвесели́тся о Бóзе, похвáлится всяк клены́йся Им, я́ко загради́шася устá глагóлющих непрáведная.
[Псалом 63]Услы́ши, Бóже, глас мой, внегдá моли́ти ми ся к Тебé, от стрáха врáжия изми́ дýшу мою́. Покры́й мя от сóнма лукáвнующих, от мнóжества дéлающих непрáвду. И́же изостри́ша, я́ко мечь, язы́ки своя́, напрягóша лук свой, вещь гóрьку, состреля́ти в тáйных непорóчна, внезáпу состреля́ют eгó и не убоя́тся. Утверди́ша себé слóво лукáвое, повéдаша скры́ти сеть, рéша: кто ýзрит их? Испытáша беззакóние, исчезóша испытáющии испытáния, пристýпит человéк, и сéрдце глубокó, и вознесéтся Бог. Стрéлы младéнец бы́ша я́звы их, и изнемогóша на ня язы́цы их. Смути́шася вси ви́дящии их, и убоя́ся всяк человéк, и возвести́ша делá Бóжия, и творéния Егó разумéша. Возвесели́тся прáведник о Гóсподе и уповáет на Негó, и похвáлятся вси прáвии сéрдцем.
Чтец: Слáва Отцу и Сыну и Святóму Духу, и ныне и присно и во вéки векóв, аминь.
Аллилуиа, аллилýиа, аллилуиа, слáва Тебé Бóже. (3 раза)
Гóсподи, помилуй. (12 раз)
Хор (по кафисме седáлен прáздника, глас 1): Сый со Отцéм на Престóле святéм,/ пришéд на зéмлю, от Дéвы роди́ся/ и Младéнец бысть, лéты Сый неопи́сан,/ Егóже при́им Симеóн на рýки, ра́дуяся глагóлаше:// ны́не отпущáеши, Щéдре, возвесели́в рабá Твоегó.
Слáва Отцу и Сыну и Святóму Духу, и ныне и присно и во вéки векóв, аминь.
Сый со Отцéм на Престóле святéм,/ пришéд на зéмлю, от Дéвы роди́ся/ и Младéнец бысть, лéты Сый неопи́сан,/ Егóже при́им Симеóн на рýки, ра́дуяся глагóлаше:// ны́не отпущáеши, Щéдре, возвесели́в рабá Твоегó.
ПОЛИЕЛЕЙ
Хор: Хвалите Имя Госпóдне, хвалите, раби Гóспода.
Аллилýиа, аллилýиа, аллилýиа.
Благословéн Госпóдь от Сиóна, живый во Иерусалиме.
Аллилýиа, аллилýиа, аллилýиа.
Исповéдайтеся Гóсподеви, яко Благ, яко в век милость Егó.
Аллилýиа, аллилýиа, аллилýиа.
Исповéдайтеся Бóгу Небéсному, яко в век милость Егó.
Аллилýиа, аллилýиа, аллилýиа.
(продолжение зри здесь)