ВЕРБНОЕ ВОСКРЕСЕНИЕ. Вход Господень в Иерусалим. Неделя ваий, цветоносная. УТРЕНЯ. КАНОН
28 апрéля 2024 гóда. Недéля вáiй, цветонóсная. Вéрбное воскресéнiе. Вход Госпóдень в Iерусалúм. Воскрéсная прáздничная слýжба для домáшнего (келéйнаго) совершéнiя. Слýжба совершáется по Трióди. Слýжба мiрскúм чúном. Послéдованiе ýтрени (канóн)
Начало зри здесь ( велúкая вечéрня) и здесь ( ýтреня)
(И далее хор продолжает чередовать стiхи 135 псалма и Аллилуиа)
[Псалом 135 Аллилуиа]Исповéдайтеся Бóгу богóв, я́ко в век ми́лость Егò./ Исповéдайтеся Гóсподеви господéй, я́ко в век ми́лость Егò./ Сотвóршему чудесà вéлiя еди́ному, я́ко в век ми́лость Егò./ Сотвóршему небесà рáзумом, я́ко в век ми́лость Егò./ Утверди́вшему зéмлю на водáх, я́ко в век ми́лость Егò./ Сотвóршему свети́ла вéлiя еди́ному, я́ко в век ми́лость Егò./ Сóлнце во óбласть дне, я́ко в век ми́лость Егò./ Лунý и звéзды во óбласть нóщи, я́ко в век ми́лость Егò./ Порази́вшему Еги́пта с пéрвенцы eгò, я́ко в век ми́лость Егò,/ и извéдшему Iзрáиля от среды̀ их, я́ко в век ми́лость Егò./ Рукóю крéпкою и мы́шцею высóкою, я́ко в век ми́лость Егò./ Раздéльшему Чермнóе мóре в разделéнiя, я́ко в век ми́лость Егò./ И провéдшему Iзрáиля посредè eгò, я́ко в век ми́лость Егò./ И истря́сшему фараóна и си́лу eгò в мóре Чермнóе, я́ко в век ми́лость Егò./ Провéдшему лю́ди Своя́ в пусты́ни, я́ко в век ми́лость Егò./ Порази́вшему царѝ вéлiя, я́ко в век ми́лость Егò,/ и уби́вшему царѝ крéпкiя, я́ко в век ми́лость Егò:/ Сиóна, царя́ Аморрéйска, я́ко в век ми́лость Егò,/ и Óга, царя́ Васáнска, я́ко в век ми́лость Егò./ И дáвшему зéмлю их достоя́нiе, я́ко в век ми́лость Егò./ Достоя́нiе Iзрáилю, рабý Своемý, я́ко в век ми́лость Егò./ Я́ко во смирéнiи нáшем помянý ны Госпóдь, я́ко в век ми́лость Егò./ И избáвил ны есть от врагóв нáших, я́ко в век ми́лость Егò./ Дая́й пи́щу вся́кой плóти, я́ко в век ми́лость Егò.
Исповéдайтеся Бóгу Небéсному, я́ко в век ми́лость Егò.
Аллилýїа (трúжды)
ВЕЛИЧАНИЕ ПРАЗДНИКА
Величáем Тя,/ Живодáвче Хрїстè,/ осáнна в вы́шних,/ и мы Тебè вопiéм:// благословéн Гряды́й во úмя Госпóдне.
ПСАЛОМ ИЗБРАННЫЙ В НЕДЕЛЮ ВАИЙ
Гóсподи, Госпóдь наш, я́ко чýдно и́мя Твоè по всей землѝ./ Я́ко взя́тся великолéпiе Твоè превы́ше небéс./ Из уст младéнец и ссýщих соверши́л есѝ хвалý./ Врагóв Твои́х рáди, разруши́ши врагà и мéстника./ Запрети́л есѝ язы́ком, и поги́бе нечести́вый./ Кáмень, егóже небрегóша зи́ждущiи, сей бысть во главý ýгла./ От Гóспода бысть сей, и есть ди́вен во очесéх нáших./ Госпóдь в Сióне вели́к, и высóк есть над всéми людьмѝ./ Тáмо сокрушѝ крéпости лукóв./ Слы́ша и возвесели́ся Сióн, и возрáдовашася дщéри Iудéйскiя./ Возвести́ти в Сióне и́мя Госпóдне, и хвалý Егò во Iерусали́ме./ Я́ко Бог спасéт Сióна, и сози́ждутся грáди Iудéйстiи./ Тебè подобáет песнь, Бóже, в Сióне, и Тебè воздáстся моли́тва во Iерусали́ме./ Благословéн гряды́й во и́мя Госпóдне, Бог Госпóдь, и яви́ся нам./ Состáвите прáздник во учащáющих до рог олтарéвых./ Во двóрех дóму Госпóдня, посредè тебè, Iерусали́ме./ Воцари́тся Госпóдь во век, Бог твой, Сióне, в род и род.// Хвалà Егò пребывáет в век вéка.
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (Трúжды)
Хор: Величáем Тя,/ Живодáвче Хрїстè,/ осáнна в вы́шних,/ и мы Тебè вопiéм:// благословéн Гряды́й во úмя Госпóдне.
Гóсподи, поми́луй. (12 раз)
Седáлен прáздника по полiелéе, глас 8: На престóле херувíмсте,/ и на жребя́ти возсéд нас рáди,/ и к стрáсти вóльней дости́г, днесь слы́шит детéй возглашáющих,/ осáнна, нарóдов вопiю́щих:/ Сы́не Давíдов, ускорѝ спастѝ,/ и́хже создáл есѝ, благословéнне Iисýсе:/ на сiè бо пришéл есѝ,// да разумéем слáву Твою́.
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
На престóле херувíмсте,/ и на жребя́ти возсéд нас рáди,/ и к стрáсти вóльней дости́г, днесь слы́шит детéй возглашáющих,/ осáнна, нарóдов вопiю́щих:/ Сы́не Давíдов, ускорѝ спастѝ,/ и́хже создáл есѝ, благословéнне Iисýсе:/ на сiè бо пришéл есѝ,// да разумéем слáву Твою́.
СТЕПЕННА, ГЛАС 4
1 АНТИФОН
Хор: От ю́ности моея́/ мнóзи бóрют мя стрáсти,/ но Сам мя заступù// и спасù, Спáсе мой. (Двáжды)
Ненави́дящiи Сióна,/ посрами́теся от Гóспода,/ я́ко травà бо огнéм// бýдете изсóхше.(Двáжды)
Слáва Ѻтцý и Сы́ну и Святóму Дýху.
Святы́м Дýхом/ вся́ка душà живи́тся,/ и чистотóю возвышáется,// светлéется Трóйческим еди́нством, священнотáйне.
И ны́не и прúсно и во вéки векóв. Амúнь.
Святы́м Дýхом/ вся́ка душà живи́тся,/ и чистотóю возвышáется,// светлéется Трóйческим еди́нством, священнотáйне.
ПРОКИМЕН
Чтец: Прокíмен, глас четвéртый, псалóм Давíдов: Из уст младéнец и ссýщих соверши́л есѝ хвалý.(Пс.8:3А)
Хор: Из уст младéнец и ссýщих/ совершúл есù хвалý.
Чтец: Гóсподи Госпóдь наш, я́ко чýдно и́мя Твоè по всей землѝ.(Пс.8:2А)
Хор: Из уст младéнец и ссýщих/ совершúл есù хвалý.
Чтец: Из уст младéнец и ссýщих.
Хор: Совершúл есù хвалý.
Чтец: Гóсподу помóлимся.
Хор: Гóсподи, помúлуй.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Вся́кое дыхáнiе да хвáлит Гóспода.(Пс.150:6)
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егò, хвали́те Егò во утвержéнiи си́лы Егò.(Пс.150:1)
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
ЕВАНГЕЛИЕ
Чтец: От Матфéя Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мф.зач.83): Во врéмя óно, егдà прибли́жися Iисýс во Iерусали́м, и прiидóша в Виффагíю к горè Елеóнстей, тогдà Iисýс послà два ученикà, глагóля и́ма: иди́та в весь, я́же пря́мо вáма, и áбiе обря́щета осля́ привя́зано, и жребя́ с ним, отреши́вша приведи́та Ми. И áще вáма кто речéт что, речéта, я́ко Госпóдь ею́ трéбует: áбiе же пóслет я. Сiè же все бысть, да сбýдется речéнное прорóком, глагóлющим: Рцы́те дщéри Сióнове, се Царь твой грядéт тебè крóток, и всед на осля́ и жребя́, сы́на подъярéмнича. Шéдша же ученикà и сотвóрша, я́коже повелè и́ма Iисýс. Приведóста осля́ и жребя́, и возложи́ша верхý ею́ ри́зы своя́, и всéде верхý их. Множáйшiи же нарóди постилáху ри́зы своя́ по путѝ, друзíи же рéзаху вéтви от древ, и постилáху по путѝ. Нарóди же предходя́щiи (Емý) и вслéдствующiи звáху, глагóлюще: осáнна Сы́ну Давíдову, благословéн Гряды́й во и́мя Госпóдне, осáнна в вы́шних. И вшéдшу Емý во Iерусали́м, потрясéся весь град, глагóля: кто есть Сей? Нарóди же глагóлаху: Сей есть Iисýс Прорóк, и́же от Назарéта Галiлéйска. Ви́девше же архiерéе и кни́жницы чудесà, я́же сотворѝ, и óтроки зовýща в цéркви, и глагóлюща: осáнна Сы́ну Давíдову, негодовáша. И рéша Емý: слы́шиши ли, что сíи глагóлют? Iисýс же речè им: ей. Нéсте ли чли николи́же, я́ко изоýст младéнец и ссýщих соверши́л есѝ хвалý? И остáвль их, изы́де вон из грáда в Вифáнiю, и водвори́ся ту.
[Cинодальный перевод]В то время, когда приблизился Иисус к Иерусалиму и пришел в Виффагию к горе Елеонской, тогда Он послал двух учеников, сказав им: пойдите в селение, которое прямо перед вами; и тотчас найдете ослицу привязанную и молодого осла с нею; отвязав, приведите ко Мне; и если кто скажет вам что-нибудь, отвечайте, что они надобны Господу; и тотчас пошлет их. Всё же это было, да сбудется сказанное через пророка, который говорит: Скажите дщери Сионовой: вот, Царь твой грядет к тебе кроткий, сидя на ослице и молодом осле, сыне подъяремной. Ученики пошли и поступили так, как повелел им Иисус: привели ослицу и молодого осла и положили на них одежды свои, и Он сел поверх их. Множество же народа постилали свои одежды по дороге, а другие резали ветви с дерев и постилали по дороге; народ же, предшествовавший и сопровождавший, восклицал: осанна Сыну Давидову! благословен Грядущий во имя Господне! осанна в вышних! И когда вошел Он в Иерусалим, весь город пришел в движение и говорил: кто Сей? Народ же говорил: Сей есть Иисус, Пророк из Назарета Галилейского. Видев же первосвященники и книжники чудеса, которые Он сотворил, и детей, восклицающих в храме и говорящих: осанна Сыну Давидову! - вознегодовали и сказали Ему: слышишь ли, что они говорят? Иисус же говорит им: да! разве вы никогда не читали: из уст младенцев и грудных детей Ты устроил хвалу? И, оставив их, вышел вон из города в Вифанию и провел там ночь.(Мф.21:1-11:15-17)
Хор: Слáва Тебè, Гóсподи, слáва Тебè.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моè. Наипáче омы́й мя от беззакóнiя моегò, и от грехà моегò очи́сти мя. Яко беззакóнiе моè аз знáю и грех мой прéдо мнóю есть выну. Тебè Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдà суди́ти Ти. Се бо в беззакóнiих зачáт есмь, и во гресéх родѝ мя мáти моя. Се бо и҆́стину возлюби́л есѝ, безвéстная и тáйная премýдрости Твоея яви́л ми есѝ. Окропи́ши мя иссóпом и очи́щуся, омы́еши мя, и пáче снéга убелю́ся. Слýху моемý дáси рáдость и весéлiе, возрáдуются кóсти смирéнныя. Отвратѝ лицè Твоè от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обновѝ во утрóбе моéй. Не отвéржи менè от лицà Твоегò, и Дýха Твоегò Святáго не отымѝ от менè. Воздáждь ми рáдость спасéнiя Твоегò, и Дýхом Влады́чним утвердѝ мя. Научý беззакóнныя путéм Твоим, и нечести́вiи к Тебè обратятся. Избáви мя от кровéй, Бóже, Бóже спасéнiя моегò, возрáдуется язык мой прáвде Твоéй. Гóсподи, устнè мои отвéрзеши, и устà моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажѝ, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдà благоволи́ши жéртву прáвды, возношéнiе и всесожегáемая; тогдà возложáт на олтáрь Твой тельцы̀.
(Освящéние вáий) Освящáются вáiйя сiя́, окроплéнiем воды́ сея́ свящéнныя, во úмя Отцá и Сы́на и Святáго Дýха. Амúнь.
Слáва Ѻтцý и Сы́ну и Святóму Дýху.
Глас 2 (Трióди вáiй): Днесь Хрїстóс вхóдит/ во град Вифáнiю, на жребя́ти седя́й,/ безсловéсiе разрешáя язы́к злéйшее,// дрéвле свирéпеющее.
И ны́не и прúсно и во вéки векóв. Амúнь.
Днесь Хрїстóс вхóдит/ во град Вифáнiю, на жребя́ти седя́й,/ безсловéсiе разрешáя язы́к злéйшее,// дрéвле свирéпеющее.
Тáже, глас 6: Поми́луй мя, Бóже,/ по вели́цей ми́лости Твоéй, / и по мнóжеству щедрóт Твои́х,/ очи́сти беззакóнiе моè.(Пс.50:3)
Стiхúра Трióди (вáiй) , глас 6: Днесь благодáть Святáго Дýха нас собрà,/ и вси взéмше крест Твой глагóлем,/ благословéн Гряды́й во и́мя Госпóдне,// осáнна в вы́шних.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
КАНОН ПРАЗДНИКА, ГЛАС 4
ПЕСНЬ 1
Iрмóс: Явúшася истóчницы бéздны,/ влáги непричáстны,/ и откры́шася мóря волнýющася основáнiя бýрею,/ мáнiем бо запретúл есù емý,/ изря́дныя же лю́ди спасл есù,// пою́щiя побéдную песнь Тебè, Гóсподи.(Двáжды)
На 12.Хор (припéв): Поéм Гóсподеви, слáвно бо прослáвися./ Коня́ и всáдника вéрже в мóре.
Помóщник и Покровúтель бысть мне во спасéнiе,/ Сей мой Бог, и прослáвлю Егò,/ Бог отцà моегò, и вознесý Егò.
На 10: Госпóдь, сокрушáяй брáни, Госпóдь И́мя Емý,/ колеснúцы фараóновы и сúлу егò вéрже в мóре.
Пучúною покры̀ я́,/ погрязóша во глубинè я́ко кáмень.
На 8.Хор: Тогдà потщáшася влады́ки Едóмстiи, и князéй Моавíтских,/ прiя́т я́ трéпет, растáяша вси живýщiи в Ханаáне.
Нападéт на ня страх и трéпет,/ велúчiем мы́шцы Твоея́ да окáменятся.
Чтец: Из уст младéнец незлóбивых и ссýщих,/ хвалý Твои́х раб соверши́л есѝ,/ разруши́ти супостáта,/ и отмсти́ти стрáстiю Крестà, падéнiе дрéвняго Адáма,/ дрéвом же воскреси́ти сегò,/ пою́ща побéдную песнь Тебè, Гóсподи.(6 раз)
На 6: Дóндеже прóйдут лю́дiе Твоù, Гóсподи,/ дóндеже прóйдут лю́дiе Твоù сíи, я́же стяжáл есù.
Содéлал есù, Гóсподи, святы́ню,/ ю́же уготóвасте рýце Твоù.
На 4: Госпóдь цáрствуяй вéки и на век, и ещè,/ егдà внúде конь фараóнов с колеснúцами и всáдники в мóре.
Сы́нове же Iзрáилевы проидóша сýшею/ посредè мóря.
Чтец: Хвалéнiе Цéрковь преподóбных,/ живýщему в Сióне, Тебè Хрїстè принóсит:/ о Тебè же Iзрáиль, Творцè своéм рáдуется,/ и гóры язы́цы противообрáзнiи каменосердéчнiи, от лицà Твоегò возвесели́шася,// пою́ще побéдную песнь Тебè Гóсподи.(4 раза и 2 раза после Славы: и Ныне:)
Слáва Ѻтцý и Сы́ну и Святóму Дýху.
Чтец: Хвалéнiе Цéрковь преподóбных,/ живýщему в Сióне, Тебè Хрїстè принóсит:/ о Тебè же Iзрáиль, Творцè своéм рáдуется,/ и гóры язы́цы противообрáзнiи каменосердéчнiи, от лицà Твоегò возвесели́шася,// пою́ще побéдную песнь Тебè Гóсподи.
И ны́не и прúсно и во вéки векóв, амúнь.
Чтец: Хвалéнiе Цéрковь преподóбных,/ живýщему в Сióне, Тебè Хрїстè принóсит:/ о Тебè же Iзрáиль, Творцè своéм рáдуется,/ и гóры язы́цы противообрáзнiи каменосердéчнiи, от лицà Твоегò возвесели́шася,// пою́ще побéдную песнь Тебè Гóсподи.
Катавáсiя (глас 4): Явúшася истóчницы бéздны,/ влáги непричáстны,/ и откры́шася мóря волнýющася основáнiя бýрею,/ мáнiем бо запретúл есù емý,/ изря́дныя же лю́ди спасл есù,// пою́щiя побéдную песнь Тебè, Гóсподи.
ПЕСНЬ 3
Iрмóс: Точáщiй, краесекóмый повелéнiем Твоúм,/ твéрдый ссáша Кáмень iзрáильтестiи лю́дiе./ Кáмень же Ты есù Хрїстè, и Жизнь,/ на Нéмже утвердúся Цéрковь, зовýщая:// осáнна, благословéн есù, Гряды́й.(Двáжды)
На 12.Хор: Утвердúся сéрдце моè во Гóсподе,/ вознесéся рог мой о Бóзе моéм,/ разширúшася устà моя́ на врагù моя́,/ возвеселúхся о спасéнiи Твоéм.
Я́ко несть свят, я́ко Госпóдь,/ и несть прáведен я́ко Бог наш,/ и несть свят пáче Тебè.
На 10: Не хвалúтеся и не глагóлите высóкая в горды́ни,/ нижè да изы́дет велерéчiе из уст вáших.
Я́ко Бог рáзумов Госпóдь,/ и Бог, уготовля́яй начинáнiя Своя́.
На 8: Дая́й молúтву моля́щемуся,/ и благословù лéта прáведнаго.
Хор: Госпóдь нéмощна сотворù супостáта Егò,/ Госпóдь Свят.
Чтец: Мертвецà четвероднéвна повелéнiем Твои́м,/ из мéртвых с трéпетом ад испустѝ Лáзаря./ Воскресéнiе бо Ты Хрїстè и жизнь,/ в Нéмже утверди́ся Цéрковь зовýщи:// осáнна, благословéн есѝ Гряды́й.
На 6: Да не хвáлится премýдрый премýдростiю своéю,/ и да не хвáлится сúльный сúлою своéю,/ и да не хвáлится богáтый богáтством своúм.
Но о сем да хвáлится хваля́йся,/ éже разумéти и знáти Гóспода/ и творúти суд и прáвду посредè землù.
На 4: Госпóдь взы́де на Небесà и возгремè,/ Той сýдит концéм землù, прáведен Сый.
И даст крéпость царю́ нáшему,/ и вознесéт рог Хрїстà Своегò.
Чтец: Воспóйте лю́дiе боголéпно в Сióне,/ и моли́тву воздади́те Хрїстý во Iерусали́ме,/ Сам грядéт во слáве со óбластiю:/ в Нéмже утверди́ся Цéрковь зовýщи:// осáнна благословéн есѝ Гряды́й.(4 раза и 2 раза после Славы: и Ныне:)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Катавáсiя (глас 4): Точáщiй, краесекóмый повелéнiем Твоúм,/ твéрдый ссáша Кáмень iзрáильтестiи лю́дiе./ Кáмень же Ты есù Хрїстè, и Жизнь,/ на Нéмже утвердúся Цéрковь, зовýщая:// осáнна, благословéн есù, Гряды́й.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Ипакоù прáздника (вáiй), глас 6: С вéтвьми воспéвше прéжде,/ с древесы̀ последѝ я́ша Хрїстà Бóга, неблагодáрнiи iудéе./ Мы же вéрою непрелóжною при́сно почитáюще/ я́ко благодéтеля, вы́ну вопiéм Емý:// благословéн есѝ, гряды́й Адáма воззвáти.
ПЕСНЬ 4
Iрмóс: Хрїстóс гряды́й - я́вственно Бог наш,/ прiúдет и не закоснúт,/ от горы̀ прiосенéнныя чáщи,/ Отроковúцы раждáющiя Неискусомýжныя,/ прорóк дрéвле глагóлет./ Тем вси вопiéм:// слáва сúле Твоéй, Гóсподи.(Двáжды)
На 12.Хор: Гóсподи, услы́шах слух Твой и убоя́хся;/ Гóсподи, разумéх делà Твоя́ и ужасóхся.
Внегдà смутúтися душù моéй во гнéве,/ мúлость Твою́ помянéши.
На 10: Бог от ю́га прiúдет,/ и Святы́й из горы̀ прiосенéнныя чáщи.
Покры̀ Небесà добродéтель Егò,/ и хвалы̀ Егò испóлнь земля́.
Чтец: Да тóчат весéлiе крéпкое масти́тельное, гóры, и вси хóлми,/ и древà дубрáвная да взыгрáют:/ Хрїстà хвали́те язы́цы,/ и Томý вси лю́дiе рáдующеся возопíйте:// слáва си́ле Твоéй Гóсподи.(Четырежды)
На 8.Хор: Занè смоквь не плодопринесéт,/ и не бýдет рóда в лозáх.
Хор: Солжéт дéло мáслинное,/ и поля́ не сотворя́т я́ди.
На 6: Оскудéша óвцы от пúщи,/ и не бýдет волóв при я́слех.
Аз же о Гóсподе возрáдуюся,/ возвеселю́ся о Бóзе, Спáсе моéм.
Чтец: Крéпостiю цáрствуяй вéки Госпóдь, облечéн прiи́дет,/ Сегò красоты̀ же и слáвы, несравнéнно есть благолéпiе в Сióне./ Тéмже вси вопiéм:// слáва си́ле Твоéй Гóсподи.(Четырежды)
На 4.Хор: Госпóдь Бог мой сúла моя́/ и учинúт нóзе моù на совершéнiе.
И на высóкая возвóдит мя,/ победúти ми в пéсни Егò.
Чтец: Пя́дiю измéривый нéбо, длáнiю же зéмлю,/ Госпóдь прiи́де, Сióн бо избрà,/ в нéмже жи́ти и цáрствовати извóли,/ и возлюбѝ лю́ди вéрно вопiю́щiя:// слáва си́ле Твоéй Гóсподи.(2 раза и 2 раза после Славы: и Ныне:)
Слáва Ѻтцý и Сы́ну и Святóму Дýху.
Тропáрь: Пя́дiю измéривый нéбо, длáнiю же зéмлю,/ Госпóдь прiи́де, Сióн бо избрà,/ в нéмже жи́ти и цáрствовати извóли,/ и возлюбѝ лю́ди вéрно вопiю́щiя:// слáва си́ле Твоéй Гóсподи.
И ны́не и прúсно и во вéки векóв. Амúнь.
Тропáрь: Пя́дiю измéривый нéбо, длáнiю же зéмлю,/ Госпóдь прiи́де, Сióн бо избрà,/ в нéмже жи́ти и цáрствовати извóли,/ и возлюбѝ лю́ди вéрно вопiю́щiя:// слáва си́ле Твоéй Гóсподи.
Катавáсiя (глас 4): Хрїстóс гряды́й - я́вственно Бог наш,/ прiúдет и не закоснúт,/ от горы̀ прiосенéнныя чáщи,/ Отроковúцы раждáющiя Неискусомýжныя,/ прорóк дрéвле глагóлет./ Тем вси вопiéм:// слáва сúле Твоéй, Гóсподи.
ПЕСНЬ 5
Iрмóс: На гóру Сióн взы́ди, благовествýяй,/ и Iерусалúму проповéдуяй,/ в крéпости вознестù глас:/ преслáвная глагóлашася о Тебè, Грáде Бóжiй.// Мир на Iзрáиля, и спасéнiе язы́ком.(Двáжды)
На 12.Хор: От нóщи ýтренюет дух мой к Тебè, Бóже,/ занè свет повелéнiя Твоя́ на землù.
Прáвде научúтеся, живýщiи на землù.
На 10.Хор: Да вóзмется нечестúвый, да не вúдит слáвы Госпóдни./ Гóсподи, высокà Твоя́ мы́шца, и не вéдеша, разумéвше же постыдя́тся.
Зáвисть прiúмет лю́ди ненакáзанныя,/ и ны́не огнь супостáты поя́ст.
На 8.Хор: Приложù им зла, Гóсподи,/ приложù зла слáвным землù.
Гóсподи, в скóрби помянýхом Тя,/ в скóрби мáле наказáнiе Твоè нам.
Чтец: В вы́шних седя́й на херувíмех Бог,/ и призирáяй на смирéнныя,/ Той грядéт во слáве со óбластiю,/ и испóлнятся вся́ческая Божéственныя хвалы̀ Егò.// Мир на Iзрáиля, и спасéнiе язы́ком.(6 раз)
На 6.Хор: И я́ко боля́щая приближáется родúти, и в болéзни своéй вопiя́ше, тáко бы́хом Возлю́бленному Твоемý.
Не падéм, но падýт живýщiи на землù.
На 4.Хор: Воскрéснут мéртвiи, и востáнут, úже во гробéх,/ и возвеселя́тся, úже на землù.
Росà бо, я́же от Тебè, исцелéнiе им есть,/ земля́ же нечестúвых падéт.
Чтец: Сióне Бóжiй, горò святáя, и Iерусали́ме,/ óкрест óчи твоѝ возведѝ, и виждь/ сóбранная чáда твоя́ в тебè:/ се бо прiидóша издалéча, поклони́тися Царю́ твоемý.// Мир на Iзрáиля, и спасéнiе язы́ком.(4 раза и 2 раза после Славы: и Ныне:)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Катавáсiя (глас 4): На гóру Сióн взы́ди, благовествýяй,/ и Iерусалúму проповéдуяй,/ в крéпости вознестù глас:/ преслáвная глагóлашася о Тебè, Грáде Бóжiй.// Мир на Iзрáиля, и спасéнiе язы́ком.
ПЕСНЬ 6
Iрмóс: Возопúша с весéлiем прáведных дýси:/ ны́не мíру Завéт Нóвый завещáется,/ и кроплéнiем да обновя́тся лю́дiе,// Бóжiя крóве.(Двáжды)
На 12.Хор: Возопúх в скóрби моéй ко Гóсподу Бóгу моемý,/ и услы́ша мя.
Отвéргл мя есù во глубины̀ сéрдца морскáго,/ и рéки обыдóша мя.
На 10: Вся высоты̀ Твоя́ и вóлны Твоя́ на мне преидóша.
Хор: Едà приложý призрéти ми ко хрáму святóму Твоемý?
На 8: Возлiя́ся водà до душù моея́,/ бéздна обы́де мя послéдняя.
Понрè главà моя́ в разсéли гор,/ снидóх в зéмлю, ея́же вереù ея́ заклéпи вéчнiи.
Чтец: Прiими́ Iзрáилю Бóжiе цáрство,/ и пребывáяй во тьме, свет да ýзрит вели́кiй,/ и кроплéнiем да обновя́тся лю́дiе,// Божéственныя крóве.(6 раз)
На 6.Хор: И да взы́дет из истлéнiя живóт мой к Тебè, Гóсподи, Бóже мой.
И да прiúдет к Тебè молúтва моя́, ко хрáму святóму Твоемý.
На 4: Храня́щiи сýетная и лóжная, мúлость свою́ остáвиша.
Елúка обещáх, воздáм Тебè во спасéнiе моè, Гóсподеви.
Чтец: Разрешéны своя́ ю́зники Сióне испустѝ,/ и от рóва невéденiя безвóдна изведѝ,/ и кроплéнiем да обновя́тся лю́дiе,// Божéственныя крóве.(4 раза и 2 раза после Славы: и Ныне:)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Катавáсiя (глас 4): Возопúша с весéлiем прáведных дýси:/ ны́не мíру Завéт Нóвый завещáется,/ и кроплéнiем да обновя́тся лю́дiе,// Бóжiя крóве.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк Трióди (вáiй), глас 6: На престóле на Небесù,/ на жребя́ти на землù носúмый, Хрїстè Бóже,/ Áнгелов хвалéнiе/ и детéй воспевáнiе прiя́л есù, зовýщих Ти:// благословéн есù, Гряды́й Адáма воззвáти.
Íкос: Понéже áда связáл есѝ Безсмéртне,/ и смерть умертви́л есѝ,/ и мiр воскреси́л есѝ,/ с вáiами младéнцы восхваля́ху Тя Хрїстè, я́ко победи́теля,/ зовýще Ти днесь: осáнна Сы́ну Давíдову./ Не ктомý бо, речè, заклáни бýдут младéнцы, за Младéнца Марíина,/ но за вся младéнцы и стáрцы, Еди́н распинáешися./ Не ктомý на нас вмести́тся мечь:/ Твоя́ бо рéбра прободýтся копiéм./ Тéмже рáдующеся глагóлем:// благословéн гряды́й Адáма воззвáти.
ПЕСНЬ 7
Iрмóс: Спасы́й во огнù Авраáмскiя Твоя́ óтроки,/ и халдéи убúв,/ я́же Прáвда прáведно уловля́ше,/ препéтый Гóсподи,// Бóже отéц нáших, благословéн есù.(Двáжды)
На 12.Хор: Благословéн есù, Гóсподи, Бóже отéц нáших,/ и хвáльно и прослáвлено И́мя Твоè во вéки.
И вся делà Твоя́ úстинна, и прáви путiè Твоù.
На 10: И вси судù Твоù úстинни,/ и судьбы̀ úстинны сотворúл есù.
И на град святы́й отéц нáших Iерусалúм.
Чтец: Покланя́ющеся лю́дiе,/ и со ученикѝ рáдующеся, с вáiем,/ осáнна Сы́ну Давíдову зовя́ху:// препéтый Гóсподи Бóже отéц, благословéн есѝ.(4 раза)
На 8.Хор: Благословéн есù, Гóсподи Бóже отéц нáших,/ и препéтый и превозносúмый во вéки.
И благословéно И́мя слáвы Твоея́ святóе,/ препéтое и превозносúмое во вéки.
На 6: Благословéн есù в хрáме святы́я слáвы Твоея́,/ препéтый и превозносúмый во вéки.
Благословéн есù вúдяй бéздны, седя́й на Херувíмех,/ препéтый и превозносúмый во вéки.
Чтец: Неискусозлóбное мнóжество, ещè младéнствующее естествò,/ Боголéпно Тя Царю́ Iзрáильтескiй и Áнгельскiй воспéт:// препéтый Гóсподи Бóже отéц, благословéн есѝ.(4 раза)
На 4.Хор: Благословéн есù на престóле слáвы Цáрствiя Твоегò,/ препéтый и превозносúмый во вéки.
Благословéн есù на твéрди Небéсней,/ препéтый и превозносúмый во вéки.
Чтец: С вáiем Тя Хрїстè, вéтвьми похваля́ху мнóжества,/ благословéн пришéдый Царь векóв.// Вопiя́ху же: препéтый Гóсподи Бóже отéц, благословéн есѝ.(2 раза и 2 раза после Славы: и Ныне:)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Катавáсiя (глас 4): Спасы́й во огнù Авраáмскiя Твоя́ óтроки,/ и халдéи убúв,/ я́же Прáвда прáведно уловля́ше,/ препéтый Гóсподи,// Бóже отéц нáших, благословéн есù.
ПЕСНЬ 8
Iрмóс: Веселúся, Iерусалúме, торжествýйте лю́бящiи Сióна:/ Цáрствуяй бо во вéки Госпóдь Сил прiúде./ Да благоговéет вся земля́ от лицà Егò,/ и да вопiéт:// благословúте вся делà Госпóдня, Гóспода.(Двáжды)
На 12.Хор: Благословúте, вся делà Госпóдня, Гóспода,/ пóйте и превозносúте Егò во вéки.
Благословúте, Áнгели Госпóдни, Небесà Госпóдня, Гóспода,/ пóйте и превозносúте Егò во вéки.
На 10: Благословúте, вóды вся, я́же превы́ше Небéс, вся сúлы Госпóдни, Гóспода,/ пóйте и превозносúте Егò во вéки.
Благословúте, сóлнце и мéсяц, звéзды небéсныя, Гóспода,/ пóйте и превозносúте Егò во вéки.
Чтец:На жребя́ млáдо всед Царь твой Сióне,/ предстà Хрїстóс: безсловéсную бо íдольскую прéлесть разруши́ти,/ и неудержáнное стремлéнiе устáвити всех язы́к прiи́де, во éже пéти:// вся делà пóйте Гóспода.(4 раза)
На 8: Благословúте, вся птúцы небéсныя, звéрiе и вси скóти, Гóспода,/ пóйте и превозносúте Егò во вéки.
Благословúте, сы́нове человéчестiи, да благословúт Iзрáиль Гóспода,/ пóйте и превозносúте Егò во вéки.
На 6.Хор: Благословúте, свящéнницы Госпóдни, рабù Госпóдни, Гóспода,/ пóйте и превозносúте Егò во вéки.
Благословúте, дýси и дýши прáведных,/ преподóбнiи и смирéннiи сéрдцем, Гóспода,/ пóйте и превозносúте Егò во вéки.
Чтец: Бог твой, рáдуйся Сióне зелò,/ воцари́ся во вéки Хрїстóс./ Сей, я́коже пи́сано есть, крóткiй и спасáяй,/ прáведный Избáвитель наш, прiи́де на жребя́ти,/ кóнское свирéпство уби́ти врагóв, не вопiю́щих:// благослови́те вся делà Госпóдня Гóспода.(4 раза)
На 4.Хор: Благословúте Анáнiя, Азáрiя, Мiсаúл, Гóспода,/ пóйте и превозносúте Егò во вéки.
Благословúте, апóстоли, прорóцы и мýченицы Госпóдни, Гóспода,/ пóйте и превозносúте Егò во вéки.
Чтец: Оскудевáет Божéственных ограждéнiй,/ законопрестýпное сóнмище непокори́вых,/ понéже дом моли́твы Бóжiя, вертéп сотвори́ша разбóйническ,/ от сéрдца Избáвителя отри́нувше, Емýже вопiéм:// благослови́те вся делà Госпóдня Гóспода.(Двáжды)
Благословúм Отцà, и Сы́на, и Святáго Дýха, Гóспода/
Чтец: Оскудевáет Божéственных ограждéнiй,/ законопрестýпное сóнмище непокори́вых,/ понéже дом моли́твы Бóжiя, вертéп сотвори́ша разбóйническ,/ от сéрдца Избáвителя отри́нувше, Емýже вопiéм:// благослови́те вся делà Госпóдня Гóспода.
И ны́не и прúсно и во вéки векóв. Амúнь.
Чтец: Оскудевáет Божéственных ограждéнiй,/ законопрестýпное сóнмище непокори́вых,/ понéже дом моли́твы Бóжiя, вертéп сотвори́ша разбóйническ,/ от сéрдца Избáвителя отри́нувше, Емýже вопiéм:// благослови́те вся делà Госпóдня Гóспода.
Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя (глас 4): Веселúся, Iерусалúме, торжествýйте лю́бящiи Сióна:/ Цáрствуяй бо во вéки Госпóдь Сил прiúде./ Да благоговéет вся земля́ от лицà Егò,/ и да вопiéт:// благословúте вся делà Госпóдня, Гóспода.
ПЕСНЬ 9
Iрмóс: Бог Госпóдь, и явúся нам./ Состáвите прáздник,/ и веселя́щеся прiидúте, возвелúчим Хрїстà,/ с вáiями и вéтвьми, пéсньми зовýще:// благословéн Гряды́й во úмя Гóспода Спáса нáшего. (Двáжды)
На 12.Хор: Благословéн Госпóдь, Бог Iзрáилев,/ я́ко посетù и сотворù избавлéнiе лю́дем Своúм.
И воздвúже рог спасéнiя нам/ в домý Давíдове, óтрока Своегò.
На 10: Я́коже глагóла усты̀ святы́х, сýщих от вéка прорóк Егò,/ спасéнiе от враг нáших/ и из рукù всех, ненавúдящих нас.
Сотворúти мúлость со отцы̀ нáшими/ и помянýти Завéт Святы́й Свой.
Чтец: Язы́цы вскýю шатáетеся?/ Пи́сменницы, и свящéнницы, почтò тщéтным поучи́стеся?/ Кто Сей, рéкше,/ Емýже дéти с вáiем и вéтвьми, пéсньми зовýт:// благословéн гряды́й во И́мя Гóспода Спáса нáшего.(4 раза)
На 8: Кля́тву, éюже кля́тся ко Авраáму, отцý нáшему,/ дáти нам без стрáха, из рукù враг нáших избáвльшимся.
Служúти Емý преподóбiем и прáвдою/ пред Ним вся дни животà нáшего.
На 6.Хор: И ты, отрочà, прорóк Вы́шняго наречéшися,/ преды́деши бо пред лицéм Госпóдним, уготóвати путù Егò.
Дáти рáзум спасéнiя лю́дем Егò/ во оставлéнiе грех их/ милосéрдiя рáди мúлости Бóга нáшего.
Чтец: Сей Бог наш, Емýже никтóже подóбен,/ прáведный всяк путь изобрéт, дадè возлю́бленному Iзрáилю./ По сих же с человéки поживè я́влься:// благословéн гряды́й во И́мя Гóспода Спáса нáшего.(4 раза)
На 4.Хор: В нúхже посетù нас Востóк с высоты̀,/ явúтися во тьме и сéни смéртней седя́щим.
Напрáвити нóги нáша на путь мúрен.
Чтец: Соблáзны стезѝ, что близ вас положи́сте непокори́вiи?/ Нóги вáша скóры кровь излiя́ти Влады́чню,/ но воскрéснет вся́ко спастѝ зовýщiя:// благословéн гряды́й во И́мя Гóспода Спáса нáшего.(2 раза и 2 раза после Славы: и Ныне:)
Слáва Ѻтцý и Сы́ну и Святóму Дýху. И ны́не и прúсно и во вéки векóв. Амúнь.
Катавáсiя (глас 4): Бог Госпóдь, и явúся нам./ Состáвите прáздник,/ и веселя́щеся прiидúте, возвелúчим Хрїстà,/ с вáiями и вéтвьми, пéсньми зовýще:// благословéн Гряды́й во úмя Гóспода Спáса нáшего.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Свят Госпóдь Бог наш.
Хор: Свят Госпóдь Бог наш
Я́ко Свят Госпóдь Бог наш.
Хор: Свят Госпóдь Бог наш
Над всéми людьмѝ Бог наш.
Хор: Свят Госпóдь Бог наш
ХВАЛИТНЫ
Хор, глас 4: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егò в вы́шних.// Тебè подобáет песнь Бóгу.
Хвали́те Егò вси áнгели Егò,/ хвалите Егò вся си́лы Егò.// Тебè подобáет песнь Бóгу.
[В приходской практике пропускается до стихир]Хвали́те Егò, сóлнце и лунà, хвали́те Егò, вся звéзды и свет. Хвали́те Егò Небесà небéс и водà, я́же превы́ше небéс. Да восхвáлят и҆́мя Госпóдне: я́ко Той речè, и бы́ша, Той повелè, и создáшася. Постáви я́ в век и в век вéка, повелéнiе положѝ, и не ми́мо и҆́дет. Хвали́те Гóспода от землѝ, змíеве и вся бéздны: огнь, град, снег, гóлоть, дух бýрен, творя́щая слóво Егò, гóры и вси хóлми, древà плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiѝ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогò Еди́наго, исповéданiе Егò на землѝ и на небесѝ. И вознесéт рог людéй Свои́х, песнь всем преподóбным Егò, сыновóм Iзрáилевым, лю́дем, приближáющымся Емý.
[В приходской практике пропускается до стихир]Воспóйте Гóсподеви песнь нóву, хвалéнiе Егò в цéркви преподóбных. Да возвеселится Iзрáиль о сотвóршем Егò, и сы́нове Сióни возрáдуются о Царè своéм. Да восхвáлят и҆́мя Егò в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечѝ обою́ду острѝ в рукáх их: сотвори́ти отмщéнiе во языцех, обличéнiя в лю́дех, связáти царѝ их пýты, и слáвныя их ручными окóвы желéзными,
На 8.Чтец: Сотворúти в них суд напúсан:/ слáва сiя бýдет всем преподóбным Егò.
Стiхúры Трióди (вáiй): Мнóжество нарóда Гóсподи,/ постилáху по путѝ ри́зы своя́:/ друзíи же рéзаху вéтви от древéс, и ношáху./ Предыдýщiи же и послéдующiи, зовя́ху глагóлюще:/ осáнна Сы́ну Давíдову,/ благословéн есѝ пришéдый,// и пáки гряды́й во и́мя Госпóдне.
Хвалúте Бóга во святых Егò,/ хвалúте Егò в утвержéнiи сúлы Егò.
Стiхúра: Мнóжество нарóда Гóсподи,/ постилáху по путѝ ри́зы своя́:/ друзíи же рéзаху вéтви от древéс, и ношáху./ Предыдýщiи же и послéдующiи, зовя́ху глагóлюще:/ осáнна Сы́ну Давíдову,/ благословéн есѝ пришéдый,// и пáки гряды́й во и́мя Госпóдне.
На 6: Хвалúте Егò на сúлах Егò, хвалúте Егò по мнóжеству велúчествiя Егò.
Стiхúра: Хотя́щу Тебè вни́ти во святы́й град Гóсподи,/ вéтви садóв лю́дiе ношáху,/ Тебè пою́ще всех Влады́ку:/ и зря́ще Тя на жребя́ти седя́ща,/ я́коже на херувíмех зря́ху./ Сегò рáди си́це вопiя́ху:/ осáнна в вы́шних,/ благословéн есѝ пришéдый,// и пáки гряды́й во и́мя Госпóдне.
Хвалúте Егò во глáсе трýбнем, хвалúте Егò во псалтúри и гýслех.
Стiхúра: Хотя́щу Тебè вни́ти во святы́й град Гóсподи,/ вéтви садóв лю́дiе ношáху,/ Тебè пою́ще всех Влады́ку:/ и зря́ще Тя на жребя́ти седя́ща,/ я́коже на херувíмех зря́ху./ Сегò рáди си́це вопiя́ху:/ осáнна в вы́шних,/ благословéн есѝ пришéдый,// и пáки гряды́й во и́мя Госпóдне.
На 4. Хвалúте Егò в тимпáне и лúце, хвалúте Егò во стрýнах и оргáне.
Стiхúра: Изыди́те язы́цы, изыди́те и лю́дiе,/ и ви́дите днесь Царя́ Небéснаго,/ я́ко на престóле высóце,/ на жребя́ти хýде во Iерусали́м входя́ща./ Рóде iудéйскiй невéрный и прелюбодéйный, прiиди́ и виждь,/ Егóже ви́де Исáiа во плóти нас рáди прiити́ имýща,/ кáко уневещáет Себè, я́ко целомýдренный нóвый Сióн,/ и отлагáет осуждéнную сóнмицу:/ я́ко в нетлéнном же брáце и несквéрном,/ несквéрнiи стекóшася благохвáляще, неискусозлóбнiи дéти./ С ни́миже и мы пою́ще возопiéм песнь áнгельскую:/ осáнна в вы́шних,// Имýщему вéлiю ми́лость.
Хвалúте Егò в кимвáлех доброглáсных, хвалúте Егò в кимвáлех восклицáнiя. Всякое дыхáнiе да хвáлит Гóспода.
Стiхúра: Óбщее воскресéнiе,/ прéжде вóльныя стрáсти Твоея́,/ во уверéнiе всех предпоказáвый Хрiстè Бóже,/ Лáзаря ýбо в Вифáнiи, держáвною си́лою Твоéю,/ четвероднéвна мéртва воскреси́л есѝ:/ слепцéм же éже ви́дети я́ко Светодáвец даровáл есѝ Спáсе,/ и во святы́й град со ученикѝ Твои́ми вшел есѝ,/ седя́ на жребя́ти óсли,/ прорóческая исполня́яй проповéданiя,/ я́коже на херувíмех носи́мый,/ и дéти еврéйстiи с вéтвьми и вáiами предсретáху Тя./ Тéмже и мы вéтви мáсличныя нося́ще и вáiа,/ благодáрственно Тебè вопiéм:/ осáнна в вы́шних,// благословéн гряды́й во И́мя Госпóдне.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Продолжéнiе здесь