Покров Пресвятой Владычицы нашей Богородицы и Приснодевы Марии. ВСЕНОЩНОЕ БДЕНИЕ. ВЕЛИКАЯ ВЕЧЕРНЯ
14 октября́ 2023 гóда. Суббóта 19-й седмúцы по Пятидеся́тнице. Покрóв Пресвяты́я Влады́чицы нáшея Богорóдицы и Приснодéвы Марíи. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Вся слýжба прáздника по Минéе. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Стiхù избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благословѝ, душé моя, Гóспода. Гóсподи, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоé.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебé Бóже. (трúжды)
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 1
Хор: Гóсподи, воззвáх к Тебè, услы́ши мя./ Услы́ши мя, Гóсподи./ Гóсподи, воззвáх к Тебè, услы́ши мя:/ вонми́ глáсу молéнія моегó,/ внегдá воззвáти ми к Тебè./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещè и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебè, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моè, печáль мою́ пред Ним возвещý. Внегдá исчезáти от менè дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менè: поги́бе бéгство от менè, и несть взыскáяй дýшу мою́. Воззвáх к Тебè, Гóсподи, рех: Ты есѝ уповáнiе моè, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менè.
[Пропускается до стихир]Изведи́ из темни́цы дýшу мою́, исповéдатися и҆́мени Твоемý. Менè ждут прáведницы, дóндеже воздáси мне.
На 8. Стiх: Из глубины́ воззвáх к Тебè, Гóсподи,// Гóсподи, услы́ши глас мой.
Стiхиры Богорóдицы (Покрóва), глас 1: О вели́кое заступлéнiе/ печáльным еси́, Богорóдице Чи́стая,/ скóрая Помóщнице,/ спасéнiе мíра и утверждéнiе,/ ми́лости пучи́на, Бóжiя мýдрости истóчниче,/ мíру покрóв;/ воспоéм, вéрнiи, свéтлый омофóр Ея́,/ хвáляще неизречéнно:/ Обрáдованная, рáдуйся, с Тобóю Госпóдь,// подая́й мíру Тобóю вéлiю ми́лость.
Да бýдут ýши Твоù// внéмлюще глáсу молéнiя моегó.
Стiхúра: О вели́кое заступлéнiе/ печáльным еси́, Богорóдице Чи́стая,/ скóрая Помóщнице,/ спасéнiе мíра и утверждéнiе,/ ми́лости пучи́на, Бóжiя мýдрости истóчниче,/ мíру покрóв;/ воспоéм, вéрнiи, свéтлый омофóр Ея́,/ хвáляще неизречéнно:/ Обрáдованная, рáдуйся, с Тобóю Госпóдь,// подая́й мíру Тобóю вéлiю ми́лость.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.
Стiхúра: Ди́вный проречé Исáiя:/ бýдет бо, речé, в послéдняя дни/ я́ве горá Госпóдня и дом Госпóдень верхý горы́;/ уви́дехом же, Влады́чице,/ о Тебé и҆́стинное сбытié,/ гóры бо и хóлми украси́шася многоимени́тыми церквáми Твои́х прáздников./ Тем вéсело вопiéм Ти:/ Обрáдованная, рáдуйся, с Тобóю Госпóдь,// подая́й мíру Тобóю вéлiю ми́лость.
И҆́мене рáди Твоегó потерпéх Тя, Гóсподи, потерпè душá моя́ в слóво Твоè,// уповá душá моя на Гóспода.
Стiхúра: О чýдное украшéнiе всем вéрным еси́,/ прорóческое и҆́стинное сбытié,/ апóстолом слáва и мýчеником удобрéнiе,/ дéвству похвалá и всемý мíру преди́вный покрóв./ Покры́й, Влады́чице, омофóром ми́лости Твоея́ вся лю́ди, вопiю́щiя:/ Обрáдованная, рáдуйся, с Тобóю Госпóдь,// подая́й мíру Тобóю вéлiю ми́лость.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
И҆́ны стiхúры Богорóдицы (Покрóва) глас 4: Я́ко Богонасаждéнный рай/ и мéсто Живóтнаго дрéва, напая́емо Дýхом Святы́м,/ Тебé, Богорóдице, свéдуще,/ Творцá всех рóждшую,/ Живóтным Хлéбом вéрныя питáюща,/ Емýже о нас со Предтéчею моли́ся,// честны́м омофóром покрывáющи лю́ди от вся́кiя напáсти.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Освящáется Нéбо и земля́,/ Цéрковь же свéтится, и лю́дiе вси веселя́тся:/ се бо Мáти Бóжiя/ со Áнгельскими вóинствы, с Предтéчею и Богослóвом,/ с прорóки же и апóстолы, неви́димо вшéдши,/ за хрiстiáны мóлится Хрiстý поми́ловати град и лю́ди,// слáвящiя Тоя́ Покрóва прáздник.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Добрóту Тя Iáковлю/ и лéствицу Небéсную,/ по нéйже Госпóдь сни́де на зéмлю,/ тех же тогдá óбрази/ Твою́ честь и слáву, Богорóдице, проявля́ху./ Тя, Рóждшую Бóга всех,/ блажáт Небéснiи Áнгели и земнíи человéцы, я́ко за весь мiр мóлишися,/ покрывáющи ми́лостiю// Твой честны́й совершáющих прáздник.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Возсiя́ днесь рáдостный прáздник/ всечестнáго Покрóва Бóжiя Мáтере:/ днесь бо Цари́ца и Влады́чица всех,/ рýце свои́ простéрши к Сы́ну Своемý, мóлится прилéжно,/ прося́щи ми́ра мíрови,/ покрывáющи лю́ди от нахождéнiя иноплемéнных омофóром ми́лости Своея́/ и, Тобóю хвáлящеся, побéды на сопроти́вныя прóсят// покрывáющеся омофóром человеколю́бiя Твоегó.
Слáва Отцý и Сыну и Святóму Дýху и ны́не и прúсно и во вéки векóв, амúнь.
Глас 8: Срáдуются с нáми ýмная вся чиноначáлiя,/ духóвно совокýпльше чýвственный лик,/ ви́дяще Цари́цу и Влады́чицу всех/ многоимéнне вéрными слáвиму;/ рáдуются же и дýси прáведных,/ сýщiи зри́телiе видéнiя/ на воздýсе молéбно простирáющу всечестнéи Свои́ рýце,// прося́щу умирéнiя мíру и спасéнiя душ нáших.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВЕЧЕРА ПЯТНИЦЫ
Чтец: Прокíмен, глас седьмы́й, псалóм Давíдов. Бóже, застýпник мой есѝ Ты, и ми́лость Твоя́ предвари́т мя. (Пс.58:10Б-11А)
Хор: Бóже, застýпник мой есù Ты,/ и мúлость Твоя́ предварúт мя.
Чтец: Измѝ мя от враг мои́х, Бóже, и от востаю́щих на мя избáви мя. (Пс.58:2)
Хор: Бóже, застýпник мой есù Ты,/ и мúлость Твоя́ предварúт мя.
Чтец: Бóже, застýпник мой есѝ Ты.
Хор: И мúлость Твоя́ предварúт мя.
ПАРЕМИИ
Чтец: Бытiя́ чтéнiе.
(Из главы 28) Изы́де Iáков от студенцá кля́твеннаго и и҆́де в Харрáнь. И обрéте мéсто, и спа тáмо: зáйде бо сóлнце, и взят от кáменiя мéста тогó, и положи́ возглáвше себé, и спа на мéсте óном. И сон ви́де. И се лéствица, утверждéна на земли́, eя́же главá досязáше до небéс, и Áнгели Бóжiи восхождáху и низхождáху по ней. Госпóдь же утверждáшеся на ней, и речé: Аз Бог Авраáмов, отцá твоегó, и Бог Iсаáков, не бóйся: земля́, идéже ты спи́ши на ней, тебé дам ю и сéмени твоемý. И бýдет сéмя твоé, я́ко песóк земны́й, и распространи́тся на мóре, и ли́ву, и сéвер, и на востóки; и возблагословя́тся о тебé вся колéна земнáя и о сéмени твоéм. И се Аз с тобóю, сохраня́яй тя на вся́ком пути́, áможе áще пóйдеши. И возвращý тя в зéмлю сiю́, яко не и҆́мам тебé остáвити, дóндеже сотвори́ти Ми вся, ели́ка глагóлах тебé. И востá Iáков от сна своегó, и речé: яко eсть Госпóдь на мéсте сем, аз же не вéдех. И убоя́ся, и речé: я́ко стрáшно мéсто сié; несть сié, но дом Бóжiй и сiя́ вратá Небéсная.
[Синодальный перевод]Иаков вышел из Вирсавии и пошел в Харран, и пришел на одно место, и остался там ночевать, потому что зашло солнце. И взял один из камней того места, и положил себе изголовьем, и лег на том месте. И увидел во сне: вот, лестница стоит на земле, а верх ее касается неба; и вот, Ангелы Божии восходят и нисходят по ней. И вот, Господь стоит на ней и говорит: Я Господь, Бог Авраама, отца твоего, и Бог Исаака; [не бойся]. Землю, на которой ты лежишь, Я дам тебе и потомству твоему; и будет потомство твое, как песок земной; и распространишься к морю и к востоку, и к северу и к полудню; и благословятся в тебе и в семени твоем все племена земные; и вот Я с тобою, и сохраню тебя везде, куда ты ни пойдешь; и возвращу тебя в сию землю, ибо Я не оставлю тебя, доколе не исполню того, что Я сказал тебе. Иаков пробудился от сна своего и сказал: истинно Господь присутствует на месте сем; а я не знал! И убоялся и сказал: как страшно сие место! это не иное что, как дом Божий, это врата небесные.(Быт.28:10-17)
Чтец: Прорóчества Iезекíилева чтéнiе.
(Из глав 43 и 44) Тáко глагóлет Госпóдь: бýдет от дне осмáго и прóчее, сотворя́т iерéи на олтари́ всесожжéнiя вáшего и я́же спасéнiя вáшего, и прiимý вы, глагóлет Адонаи́ Госпóдь. И обрати́ мя на путь врат святы́х внéшних, зря́щих на востóки, и сiя́ бя́ху затворéна. И речé Госпóдь ко мне: вратá сiя́ затворéна бýдут и не отвéрзутся, и никтóже прóйдет сквозé их; я́ко Госпóдь Бог Iзрáилев прóйдет и҆́ми, и бýдут затворéна. Я́ко Игýмен ся́дет в них снéсти хлеб, по пути́ Елáмских врат вни́дет и по пути́ егó изы́дет. И введé мя по пути́ врат святы́х, сýщих к сéверу, пря́мо хрáму, и ви́дех, и се испóлнь слáвы храм Госпóдень.
[Синодальный перевод]Так говорит Господь: по окончании сих дней, в восьмой день и далее, священники будут возносить на жертвеннике ваши всесожжения и благодарственные жертвы; и Я буду милостив к вам, говорит Господь Бог. И привел он меня обратно ко внешним воротам святилища, обращенным лицом на восток, и они были затворены. И сказал мне Господь: ворота сии будут затворены, не отворятся, и никакой человек не войдет ими, ибо Господь, Бог Израилев, вошел ими, и они будут затворены. Что до князя, он, как князь, сядет в них, чтобы есть хлеб пред Господом; войдет путем притвора этих ворот, и тем же путем выйдет. Потом привел меня путем ворот северных перед лицо храма, и я видел, и вот, слава Господа наполняла дом Господень.(Иез.43:27;44:1-4)
Чтец: При́тчей чтéнiе.
(Из главы 9): Премýдрость создá Себé дом и утверди́ столпóв седмь. Заклá Своя́ жéртвенная, и раствори́ в чáши Своéй винó, и уготóва Свою́ трапéзу. Послá Своя́ рабы́, созывáющи с высóким проповéданiем на чáшу, глагóлющи: И҆́же есть безýмен, да уклони́тся ко Мне. И трéбующим умá речé: Прiиди́те, яди́те Мой хлеб, и пíйте винó, éже раствори́х вам. Остáвите безýмiе и жи́ви бýдете, и взыщи́те рáзума, да поживетé, и испрáвите рáзум в вéденiи. Наказýяй злы́я прiи́мет себé безчéстiе, обличáяй же нечести́ваго опорóчит себé: обличéнiя бо нечести́вому рáны емý. Не обличáй злых, да не возненави́дят тебé. Обличáй премýдра, и возлю́бит тя. Даждь премýдрому винý, и премýдршiй бýдет. Сказýй прáведному, и приложи́т прiимáти. Начáло премýдрости страх Госпóдень и совéт святы́х рáзум: разумéти бо закóн пóмысла есть благáго. Сим бо óбразом мнóгое поживéши врéмя, и приложáтся тебé лéта животá.
[Синодальный перевод]Премудрость построила себе дом, вытесала семь столбов его, заколола жертву, растворила вино свое и приготовила у себя трапезу; послала слуг своих провозгласить с возвышенностей городских: «кто неразумен, обратись сюда!» И скудоумному она сказала: «идите, ешьте хлеб мой и пейте вино, мною растворенное; оставьте неразумие, и живите, и ходите путем разума». Поучающий кощунника наживет себе бесславие, и обличающий нечестивого - пятно себе. Не обличай кощунника, чтобы он не возненавидел тебя; обличай мудрого, и он возлюбит тебя; дай наставление мудрому, и он будет еще мудрее; научи правдивого, и он приумножит знание. Начало мудрости - страх Господень, и познание Святаго - разум; потому что чрез меня умножатся дни твои, и прибавится тебе лет жизни.(Притч.9:1-11)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры Богорóдицы (Покрóва) глас 3: Настá днесь пресвéтлый прáздник, Пречи́стая Дéво,/ честнáго Твоегó Покрóва./ Пáче сóлнца освещáеши лю́ди,/ вéрою от чи́ста сéрдца Тебé И҆́стинную Мáтерь Бóжiю исповéдающiя/ и Сы́ну Твоемý вопiю́щiя:/ Хрiстé Бóже, моли́твами Приснодéвы,/ чи́сто и без истлéнiя рóждшiя Тя,/ не предáждь врагóм рáтующим Твоé достоя́нiе,// но я́ко Ми́лостив спаси́ в ми́ре дýши нáша.
Глас 4: Хвалéнiе Тебé, éже по достоя́нiю,/ лю́дiе Сы́на Твоегó, Пречи́стая Влады́чице,/ желáюще воспéти, но не возмóгут./ Всегдá бо всех вéрных заступáеши/ и покрывáеши честны́м Твои́м Покрóвом,/ и мóлишися спасти́ся всем,// вéрою Тебé Чи́стую и И҆́стинную Богорóдицу почитáющим.
Глас 2: Пренепорóчную всех Цари́цу, Пречи́стую Дéву,/ сошéдшеся, вéрнiи, днесь ублажи́м, Мáтерь Хрiстá Бóга:/ при́сно бо к Сы́ну рýце ми́лостивно простирáет./ Ю́же и преди́вный Андрéй ви́де на воздýсе,/ честны́м Свои́м Покрóвом лю́ди покрывáющую,/ и Той уми́льно возопiи́м:/ рáдуйся, покрóве и заступлéнiе,// и спасéнiе душáм нáшим.
Слáва Ѻтцý и Сы́ну и Святóму Дýху и ны́не и прúсно и во вéки векóв, амúнь.
Глас 2: Смысл очи́стивше и ум,/ со Áнгелы и мы торжествýем,/ свéтло начинáюще Давíдскую песнь Отрокови́це,/ Невéсте всех Царя́ Хрiстá Бóга нáшего,/ воскресни́, Гóсподи, глагóлюще, в покóй Твой,/ Ты и кiвóт святы́ни Твоея́:/ я́ко бо палáту краснý, Сiю́ укрáсив,/ и причтé Ю́ грáду Твоемý, Влады́ко,/ стрóити и покрывáти от сопостáтных погáн// держáвною си́лою Твоéю, моли́твами Ея́.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхиры прáздника, глас 2): Я́ко всех вы́шши сýщи Небéсных и земны́х,/ Херувíм слáвнейши и всея́ твáри честнéйши,/ Тебé, Застýпницу и покрóв держáвен,/ хрiстiáнскому рóду Хрiстóс даровá/ покрывáти и спасáти лю́ди согрéшшiя,/ к Тебé притекáющiя./ Тéмже прибéжище всем, Тебé воспевáем, Влады́чице,/ и честны́й прáздник Твоегó Покрóва прáзднуем свéтло,// Хрiстá моля́ще даровáти нам вéлiю ми́лость.
Стiх: Слы́ши, Дщи, и виждь, и приклонù ýхо Твоè. (Пс.44:11А)
Глас 5: Воспои́м, лю́дiе, свéтло Давíдскую песнь/ Отрокови́це Невéсте,/ Бóжiи Мáтери всех Царя́ Хрiстá:/ предстá Цари́ца одеснýю Тебé, Влады́ко,/ ря́сны златы́ми одéяна и преукрáшена Божéственными лéпотами./ Сiю́ бо избрáнную в женáх,/ пáче всегó мíра удобри́в,/ благоизвóли роди́тися от Нея́,/ вели́кiя рáди ми́лости,/ и Сiю́ Помóщницу лю́дем Свои́м даровá/ стрóити и покрывáти от вся́кiя беды́ рабы́ Своя́,// Еди́ну Благословéнную.
Стiх: Лицý Твоемý помóлятся богáтiи лю́дстiи. (Пс.44:13Б)
Глас 7: Горá еси́ вели́ка и преслáвна,/ пáче горы́ Сiнáйскiя, Богорóдице:/ онá бо, не терпя́щи сни́тiя Слáвы Бóжiя во óбразе и сéнех,/ огнéм возгарáшеся, и грóми и мóлнiя тáмо бы́ша./ Ты же всегó в Себé Божéственнаго Огня́ сýщи,/ Бóжiя Слóва во чрéве неопáльно носи́ла еси,/ мáнiем нося́щаго вся,/ и, мáтерне дерзновéнiе к Немý имýщи,/ помози́, Влады́чице, вéрно прáзднующим/ Твой честны́й прáздник/ и не забýди, ми́лостивно посещáющи:/ прiя́ла бо еси́ от Бóга дар стрóити// и покрывáти хрiстоимени́тое Твоé стáдо, рабы́ Твоя́.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Глас 2: Я́ко венцéм пресвéтлым, Всечи́стая Богорóдице,/ Покрóвом Твои́м честны́м Цéрковь Бóжiя прiодéяся/ и свéтится, рáдующися, днесь,/ и тáйно ликовствýет, Влады́чице, вопiю́щи Тебé:/ рáдуйся, одея́нiе честнóе и вéнче Бóжiя слáвы;/ рáдуйся, Еди́на слáвы совершéнiе и вéчное весéлiе;/ рáдуйся, к Тебе притекáющим пристáнище, и избавлéнiе,// и спасéнiе нáше.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоè,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Тропáрь прáздника, глас 4: Днесь благовéрнiи лю́дiе свéтло прáзднуем,/ осеняеми Твои́м, Богомáти, пришéствiем,/ и к Твоемý взирáюще пречи́стому óбразу, уми́льно глагóлем:/ покры́й нас честны́м Твои́м Покрóвом/ и избáви нас от вся́каго зла,/ моля́щи Сы́на Твоегó, Хрiстá Бóга нáшего,// спасти́ дýши нáша. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасè и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практитке пропускается]/ Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню