НИКОЛА ЛЕТНИЙ. Перенесение мощей святителя и чудотворца Николая. ОБЕДНИЦА (изобразительные)
22 мáя 2023 гóда. Понедéльник 6-й седмúцы по Пáсхе. Перенесéнiе мощéй святúтеля и чудотвóрца Нiколáя из Мир Ликíйских в Бар. Прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (Трúжды)
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Хор: Блажéни áлчущiи и жáждущiи прáвды,/ я́ко тíи насы́тятся.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры Трiоди, глас 5): Зéмлю, на ню́же не возсiя́, ни ви́де сóлнце когдá,/ бéздну, ю́же не ви́де нáгу, широтá небéсная,/ Iзрáиль прóйде невлáжно, Гóсподи,/ и ввел еси́ егó в гóру святы́ни Твоея́,// хвáляща и пою́ща побéдную песнь.
Хор: Блажéни чúстiи сéрдцем,/ я́ко тíи Бóга ýзрят.
Чтец: Распя́тiе вóльное воспрiи́м, Спáсе, плóтiю,/ источи́л еси́ благословéнiе, и жизнь мíрови, Влады́ко,/ еди́не Всеблагословéнне, и всех Содéтелю./ Тéмже благослови́м Тя, поéм и слáвим, пою́ще,// воспевáюще побéдную песнь.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: В рóве Тя преиспóднейшем мéртва бы́вша, Хрїстé,/ положи́ благообрáзный Ióсиф,/ и привали́ к двéрем грóба кáмень, Долготерпели́ве./ Но воскрéсл еси́ слáвне, и мир совозстáвил еси́ пою́щiй,// воспевáющiй побéдную песнь.
Хор: Блажéни изгнáни прáвды рáди,/ я́ко тех есть Цáрство Небéсное.
Слепáго: Ми́ра что принóсите со слезáми вы,/ глагóлаше честны́м женáм Áнгел явлéйся?/ Хрїстóс востá:/ тéкше рцы́те богови́дцем ученикóм, рыдáющим и плáчущим,// я́ко да взыгрáют и ликовствýют свéтло.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
На 4.Чтец (святúтеля): Незлóбивый нрáвом и крóткiй óбразом,/ житié имéя áнгельское, Богоблажéнне Нiкóлае,// не престáй о нас моля́ся еди́ному Человеколю́бцу.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Кiй град, блажéнне, не имéет тебé помóщника?/ Кáя ли душá не призывáет твоегó и́мене?// Или́ кóего мéста не присещáеши дýхом, твои́ми чудесы́ удивля́я вся, Нiкóлае?
Хор: Слáва Ѻтцý и Сы́ну и Святóму Дýху.
Чтец: Бáрскiй ýбо град прiя́т тéло твоé, но дух твой в Вы́шнем Iерусали́ме,/ идéже ликýеши со прорóки, и апóстолы, и святи́тели кýпно,// моля́ся о нас еди́ному Человеколю́бцу.
Хор: И ны́не и прúсно и во вéки векóв. Амúнь.
Богорóдичен: Просвещéнiе ми испроси́, Пречи́стая Влады́чице,/ омрачéнному грехи́ мнóгими, порóждшая Свет всемý ми́ру,// и страстнýю мглу далéче отжени́, еди́на Богоблажéнная.
Тропари и кондаки
Тропáрь воскрéсный, глас 5: Собезначáльное Слóво Отцý и Дýхови,/ от Дéвы рóждшееся на Спасéнiе нáше,/ воспои́м, вéрнiи, и поклони́мся;/ я́ко благоволи́ Плóтiю взы́ти на Крест,/ и смерть претерпéти,/ и воскреси́ти умéршiя// слáвным воскресéнiем Свои́м.
Тропáрь Святителя Нiколáя, глас 4: Приспé день свéтлаго торжествá,/ град Бáрскiй рáдуется,/ и с ним вселéнная вся ликовству́ет пéсньми и пéньми духóвными:/ днесь бо свящéнное торжествó,/ в пренесéнiе честны́х и многоцелéбных мощéй/ святи́теля и чудотвóрца Нiколáя,/ я́коже сóлнце незаходи́мое, возсiя́ светозáрными лучáми,/ разгоня́я тьму искушéнiй же и бед/ от вопiю́щих вéрно:// спасáй нас, я́ко предстáтель наш вели́кiй, Нiкóлае.
Слáва Ѻтцý и Сы́ну и Святóму Дýху.
Кондáк Святúтеля Нiколáя, глас 3: Взы́де, я́ко звездá, от востóка до зáпада/ твоя́ мóщи, святи́телю Нiкóлае,/ мóре же освяти́ся шéствiем твои́м,/ и град Бáрскiй прiéмлет тобóю благодáть:/ нас бо дéля яви́лся еси́ чудотвóрец изя́щный,// преди́вный и ми́лостивый.
И ны́не и прúсно и во вéки векóв, амúнь.
Кондáк прáздника Тріóди (о слепóм) глас 4: Душéвныма очи́ма ослеплéн,/ к Тебé, Хрїстé, прихождý,/ я́коже слепы́й от рождéнiя,/ покая́нiем зовý Ти:// Ты сýщих во тьме Свет пресвéтлый.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкій,/ Святы́й Безсмéртный, поми́луй нас.
Прокимен Триоди, глас 8
Чтец: Прокíмен, глас осьмы́й: Помоли́теся и воздади́те Гóсподеви Бóгу нáшему.(Пс.75:12А)
Хор: Помолúтеся и воздадúте/ Гóсподеви Бóгу нáшему.
Чтец: Помоли́теся и воздади́те Гóсподеви Бóгу нáшему. (Пс.75:12А)
Хор: Помолúтеся и воздадúте/ Гóсподеви Бóгу нáшему.
Чтец:Вéдом во Iудéи Бог, во Iзрáили вéлiе И҆́мя Егó. (Пс.75:2)
Прокимен святителя Николая, глaс 7
Чтец: Прокíмен, глас седьмы́й, псалóм Давíдов: Восхвáлятся преподóбнiи во слáве, и возрáдуются на лóжах свои́х. (Пс.149:5)
Хор: Восхвáлятся преподóбнiи во слáве,/ и возрáдуются на лóжах своúх.
АПОСТОЛ
Чтец: Дея́нiй святы́х апóстол чтéнiе.
(Деян.зач.39): Во дни о́ны, Па́вел и Си́ла преше́дша Амфипо́ль и Аполло́нiю, внидо́ста в Солу́нь, иде́же бе со́нмище Iуде́йское. По обы́чаю же своему́ Па́вел вни́де к ним и по суббóты три стяза́шеся с ни́ми от Писа́нiй, сказу́я и предлага́я им, я́ко Хрїсту́ подоба́ше пострада́ти и воскре́снути от ме́ртвых, и я́ко Сей Iису́с, Егóже аз пропове́даю вам, есть Хрїстóс. И не́цiи от них ве́роваша и приложи́шася к Па́влу и Си́ле, от чести́вых Е́ллин мно́жество мно́го и от жен благоро́дных не ма́ло. Зазре́вше же непоко́ршиися Иуде́е и прiе́мше крамо́льники не́кия му́жи злы́я, и собра́вше наро́д, мо́лвяху по гра́ду, наше́дше же на дом Иассо́нов, иска́ху их извести́ к наро́ду. Не обре́тше же их, влеча́ху Иассо́на и не́кия от бра́тий ко градонача́льником, вопию́ще, я́ко и́же разврати́ша вселе́нную, си́и и зде приидо́ша, и́же прия́т Иассо́н. И си́и вси проти́вно веле́нием ке́саревым творя́т, царя́ глаго́люще ино́го бы́ти, Иису́са. Смято́ша же наро́д и градонача́льники слы́шащия сия́. Взе́мше же дово́льное от Иассо́на и от про́чих, отпусти́ша их. Бра́тiя же а́бiе в нощи́ отсла́ша Па́вла и Си́лу в Бе́рiю, и́же прише́дша, идо́ша в собо́р Иуде́йский. Си́и же бя́ху благоро́днейши живу́щих в Солу́не, и́же прия́ша сло́во со всем усе́рдием, по вся дни разсужда́юще Писа́нiя, а́ще суть сiя́ та́ко. Мно́зи у́бо от них ве́роваша, и от е́ллинских жен благообра́зных и муже́й не ма́ло. И я́ко уве́даша и́же от Солу́ня иуде́е, я́ко и в Бе́рии пропове́дася от Па́вла сло́во Бо́жие, приидо́ша и та́мо дви́жуще и смуща́юще наро́ды. А́бiе же тогда́ бра́тiя отпусти́ша Па́вла ити́ на помо́рiе, оста́ста же Си́ла и Тимофе́й та́мо. Провожда́ющии же Па́вла ведо́ша его́ да́же до Афи́н, и прiе́мше за́поведь к Си́ле и Тимофе́ю, да я́ко скоре́е прiи́дут к нему́, изыдо́ша.
[Русский синодальный перевод]В те дни Павел и Сила пройдя через Амфиполь и Аполлонию, пришли в Фессалонику, где была Иудейская синагога. Павел, по своему обыкновению, вошел к ним и три субботы говорил с ними из Писаний, открывая и доказывая им, что Христу надлежало пострадать и воскреснуть из мертвых и что Сей Христос есть Иисус, Которого я проповедую вам. И некоторые из них уверовали и присоединились к Павлу и Силе, как из Еллинов, чтущих Бога, великое множество, так и из знатных женщин немало. Но неуверовавшие Иудеи, возревновав и взяв с площади некоторых негодных людей, собрались толпою и возмущали город и, приступив к дому Иасона, домогались вывести их к народу. Не найдя же их, повлекли Иасона и некоторых братьев к городским начальникам, крича, что эти всесветные возмутители пришли и сюда, а Иасон принял их, и все они поступают против повелений кесаря, почитая другого царем, Иисуса. И встревожили народ и городских начальников, слушавших это. Но сии, получив удостоверение от Иасона и прочих, отпустили их. Братия же немедленно ночью отправили Павла и Силу в Верию, куда они прибыв, пошли в синагогу Иудейскую. Здешние были благомысленнее Фессалоникских: они приняли слово со всем усердием, ежедневно разбирая Писания, точно ли это так. И многие из них уверовали, и из Еллинских почетных женщин и из мужчин немало. Но когда Фессалоникские Иудеи узнали, что и в Верии проповедано Павлом слово Божие, то пришли и туда, возбуждая и возмущая народ. Тогда братия тотчас отпустили Павла, как будто идущего к морю; а Сила и Тимофей остались там. Сопровождавшие Павла проводили его до Афин и, получив приказание к Силе и Тимофею, чтобы они скорее пришли к нему, отправились.(Деян 17:1-15)
(Евр.зач.335) Брáтiе, повинýйтеся настáвником вáшым и покаря́йтеся: тíи бо бдя́т о душáх вáших, я́ко слóво воздáти хотя́ще: да с рáдостiю сié творя́т, а не воздыхáюще, нѣ́сть бо полéзно вáм сié. Моли́теся о нáс: уповáем бо, я́ко добрý сóвѣсть и́мамы, во всѣ́х дóбре хотя́ще жи́ти. Ли́шше же молю́, сié твори́те, да вскóрѣ устрóюся вáм. Бóг же ми́ра, возведы́й из мéртвых пáстыря овцáм вели́каго крóвiю завѣ́та вѣ́чнаго, Гóспода нáшего Iисýса Хрїстá, да соверши́т вы́ во вся́цѣм дѣ́лѣ блáзѣ, сотвори́ти вóлю егó, творя́ в вáс благоугóдное пред ни́м Iисýс Хрїстóм: емýже слáва во вѣ́ки вѣкóв. Ами́нь.
[Русский синодальный перевод]Повинуйтесь наставникам вашим и будьте покорны, ибо они неусыпно пекутся о душах ваших, как обязанные дать отчет; чтобы они делали это с радостью, а не воздыхая, ибо это для вас неполезно. Молитесь о нас; ибо мы уверены, что имеем добрую совесть, потому что во всем желаем вести себя честно. Особенно же прошу делать это, дабы я скорее возвращен был вам. Бог же мира, воздвигший из мертвых Пастыря овец великого Кровию завета вечного, Господа нашего Иисуса Христа, да усовершит вас во всяком добром деле, к исполнению воли Его, производя в вас благоугодное Ему через Иисуса Христа. Ему слава во веки веков! Аминь. (Евр.13:17-21)
Аллилуиарий, глас 8
Чтец: Аллилýїа, аллилýїа, аллилýїа, глас осьмы́й, псалóм Давíдов.
Хор: Аллилýїа, аллилýїа, аллилýїа.
При́зри на мя, и поми́луй мя.(Пс.118:132А)
Хор: Аллилýїа, аллилýїа, аллилýїа.
Чтец: Стопы́ моя́ напрáви по словеси́ Твоемý. (Пс.118:133А)
Хор: Аллилýїа, аллилýїа, аллилýїа.
Аллилуарий святителя, глас 2
Чтец: Аллилýїа, глас вторы́й: Свящéнницы Твои́ облеку́тся прáвдою, и преподóбнiи Твои́ возрáдуются. (Пс.131:9)
Хор: Аллилýїа, аллилýїа, аллилýїа.
Чтец: Закóн Бóга егó в сéрдце егó, и не зáпнутся стопы́ егó. (Пс.131:7)
Хор: Аллилýїа, аллилýїа, аллилýїа.
ЕВАНГЕЛИЕ
От Iоáнна Евáнгелiя чтéнiе.
Хор: Слáва Тебé, Гóсподи, слáва Тебè.
(Ин.зач.40): Во врéмя óно, собра́шася архiере́е и фарiсе́е на Iису́са и глаго́лаху: что сотвори́м? Я́ко Челове́к Сей мно́га зна́менiя твори́т? А́ще оста́вим Его́ та́ко, вси ве́руют в Него́, и прiи́дут ри́мляне и во́змут ме́сто и язы́к наш. Еди́н же не́кто от них Каiа́фа, архiере́й сый ле́ту тому́, рече́ им: вы не ве́сте ничесо́же, ни помышля́ете, я́ко у́не есть нам, да еди́н челове́к у́мрет за лю́ди, а не весь язы́к поги́бнет. Сего́ же о себе́ не рече́, но архиере́й сый ле́ту тому́, прорече́, я́ко хотя́ше Iису́с умре́ти за лю́ди, и не то́кмо за лю́ди, но да и ча́да Бо́жiя расточе́нная собере́т во еди́но. От того́ же дне совеща́ша, да убiю́т Его́. Iису́с же ктому́ не я́ве хожда́ше во Iуде́ех, но и́де отту́ду во страну́ близ пусты́ни, во Ефре́м нарица́емый град, и ту хожда́ше со ученики́ Свои́ми. Бе же близ фа́ска иуде́йска, и взыдо́ша мно́зи во Иеросоли́м от стран пре́жде Па́схи, да очи́стятся. Иска́ху у́бо Iису́са и глаго́лаху к себе́, в це́ркви стоя́ще: что мни́тся вам, я́ко не и́мать ли прiити́ в пра́здник? Да́ша у́бо архiере́е и фарiсе́е за́поведь, да а́ще кто ощути́т Его́, где бу́дет, пове́сть, я́ко да и́мут Его́.
[Русский синодальный перевод]В те дни собрались первосвященники и фарисеи против Иисуса и говорили: что нам делать? Этот Человек много чудес творит. Если оставим Его так, то все уверуют в Него, и придут Римляне и овладеют и местом нашим и народом. Один же из них, некто Каиафа, будучи на тот год первосвященником, сказал им: вы ничего не знаете, и не подумаете, что лучше нам, чтобы один человек умер за людей, нежели чтобы весь народ погиб. Это же он сказал не от себя, но, будучи на тот год первосвященником, предсказал, что Иисус умрет за народ, и не только за народ, но чтобы и рассеянных чад Божиих собрать воедино. С этого дня положили убить Его. Посему Иисус уже не ходил явно между Иудеями, а пошел оттуда в страну близ пустыни, в город, называемый Ефраим, и там оставался с учениками Своими. Приближалась Пасха Иудейская, и многие из всей страны пришли в Иерусалим перед Пасхою, чтобы очиститься. Тогда искали Иисуса и, стоя в храме, говорили друг другу: как вы думаете? не придет ли Он на праздник? Первосвященники же и фарисеи дали приказание, что если кто узнает, где Он будет, то объявил бы, дабы взять Его. (Ин 11:47-57)
(Лк.зач.24) Во врéмя óно, ста Iисýс на мéсте рáвне, и нарóд учени́к Егó, и мнóжество мнóго людéй от всея́ Iудéи и Iерусали́ма, и помóрiя Ти́рска и Сидóнска, и́же прiидóша послýшати Егó и исцели́тися от недýг свои́х, и стрáждущiи от дух нечи́стых, и исцеля́хуся. И весь нарóд искáше прикасáтися Емý, я́ко си́ла от Негó исхождáше, и исцеля́ше вся. И той возвéд óчи свои́ на ученики́ своя́, глагóлаше: блажéни ни́щiи дýхом, я́ко вáше есть Цáрствiе Бóжiе. Блажéни, áлчущiи ны́не, я́ко насы́титеся. Блажéни, плáчущiи ны́не, я́ко возсмеéтеся. Блажéни бýдете, егдá возненави́дят вас человéцы, и егдá разлучáт вы и понóсят, и пронесýт и́мя вáше я́ко зло, Сы́на Человéческаго рáди. Возрáдуйтеся в той день и взыгрáйте: се бо мзда вáша мнóга на небеси́.
[Русский синодальный перевод]В те дни стал Иисус на ровном месте, и множество учеников Его, и много народа из всей Иудеи и Иерусалима и приморских мест Тирских и Сидонских, которые пришли послушать Его и исцелиться от болезней своих, также и страждущие от нечистых духов; и исцелялись. И весь народ искал прикасаться к Нему, потому что от Него исходила сила и исцеляла всех. И Он, возведя очи Свои на учеников Своих, говорил: Блаженны алчущие ныне, ибо насытитесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как бесчестное, за Сына Человеческого. Возрадуйтесь в тот день и возвеселитесь, ибо велика вам награда на небесах. (Лк 6:17-23А)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк прáздника Тріóди (о слепóм) глас 4: Душéвныма очи́ма ослеплéн,/ к Тебé, Хрїстé, прихождý,/ я́коже слепы́й от рождéнiя,/ покая́нiем зовý Ти:// Ты сýщих во тьме Свет пресвéтлый.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Вместо Достойно есть
Задостóйник: Áнгел вопiя́ше Благодáтней:/ Чи́стая Дéво, рáдуйся!/ И пáки реку: рáдуйся!/ Твой Сын воскрéсе/ триднéвен от грóба,/ и мéртвыя воздви́гнувый:// людiе, весели́теся.
Iрмóс: Свети́ся, свети́ся,/ нóвый Iерусали́ме:/ слáва бо Госпóдня/ на тебé возсiя́./ Ликýй ны́не/ и весели́ся, Сióне./ Ты же, Чи́стая, красýйся, Богорóдице,// о востáнiи Рождествá Твоегó.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
Воскресы́й из мéртвых, Хрїстè, и҆́стинный Бог наш, моли́твами пречи́стыя Своея́ Мáтере, святи́теля Нiколáя чудотвóрца, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.
Хрїстóс воскрéсе! Воúстину воскрéсе!
Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (трúжды)
И нам даровá живóт вéчный, покланя́емся Егó триднéвному Воскресéнiю.