Первое и второе Обретение главы Иоанна Предтечи. ОБЕДНИЦА (Изобразительные) Служба мирским чином
9 мáрта 2023 гóда. Четвéрг 2-й седмúцы Велúкaго постá. Пéрвое и вторóе Обретéнiе главы Iоáнна Предтéчи. Воскрéсная прáздничная слýжба для домáшнего (келéйнаго) совершéнiя. Послéдованiе вечéрни в соединéнiи с обéдницей.
Прежде глаголи часы: третiй, шестый и девятый, а также вечерню
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен Предтечи
Чтец: Прокíмен, глас седьмы́й, псалóм Давíдов: Возвесели́тся прáведник о Гóсподе и уповáет на негó. (Пс.63:11)
Хор: Возвеселúтся прáведник о Гóсподе/ и уповáет на негó.
Чтец: Услы́ши, Бóже, глас мой, внегдá моли́ти ми ся к Тебé.(Пс.63:2А)
Хор: Возвеселúтся прáведник о Гóсподе/ и уповáет на негó.
Чтец: Возвесели́тся прáведник о Гóсподе.
Хор: И уповáет на негó.
АПОСТОЛ
Чтец: К Корíнфяном послáнiя святáго апóстола Пáвла чтéнiе.
(2Кор.зач.176): Брáтiе, Бог рекíй из тмы свéту возсiя́ти, и҆́же возсiя́ в сердцáх нáших, к просвещéнiю рáзума слáвы Бóжiя о лицé Iисýс Хрїстóве. И́мамы же сокрóвище сié в скудéльных сосýдех, да премнóжество си́лы бýдет Бóжiя, а не от нас. Во всем скорбя́ще, но не стужáюще си, нечáеми, но не отчаявáеми, гони́ми, но не оставля́еми, низлагáеми, но не погибáюще. Всегдá мéртвость Гóспода Iисýса в тéле нося́ще, да и живóт Iисýсов в тéле нáшем яви́тся. При́сно бо мы живíи в смерть предаéмся Iисýса рáди, да и живóт Iисýсов яви́тся в мéртвенней плóти нáшей. Тéмже смерть ýбо в нас дéйствует, а живóт в вас. Имýще же тóйже дух вéры, по пи́санному: вéровах, тéмже возглагóлах, и мы вéруем, тéмже и глагóлем, вéдяще, я́ко Воздви́гiй Гóспода Iисýса, и нас со Iисýсом воздви́гнет, и предпостáвит с вáми. Вся бо вас рáди, да благодáть умнóжившаяся, мнóжайшими благодарéнiи избы́точествит в слáву Бóжiю.
[Русский синодальный перевод]Братия, Бог, повелевший из тьмы воссиять свету, озарил наши сердца, дабы просветить нас познанием славы Божией в лице Иисуса Христа. Но сокровище сие мы носим в глиняных сосудах, чтобы преизбыточная сила была приписываема Богу, а не нам. Мы отовсюду притесняемы, но не стеснены; мы в отчаянных обстоятельствах, но не отчаиваемся; мы гонимы, но не оставлены; низлагаемы, но не погибаем. Всегда носим в теле мертвость Господа Иисуса, чтобы и жизнь Иисусова открылась в теле нашем. Ибо мы живые непрестанно предаемся на смерть ради Иисуса, чтобы и жизнь Иисусова открылась в смертной плоти нашей, так что смерть действует в нас, а жизнь в вас. Но, имея тот же дух веры, как написано: я веровал и потому говорил, и мы веруем, потому и говорим, зная, что Воскресивший Господа Иисуса воскресит через Иисуса и нас и поставит перед Собою с вами. Ибо всё для вас, дабы обилие благодати тем большую во многих произвело благодарность во славу Божию.(2Кор.4:6-15)
Аллилуарий Предтечи
Чтец: Аллилýїа, аллилýїа, аллилýїа, глас четвéртый.
Хор: Аллилýїа, аллилýїа, аллилýїа.
Прáведник, я́ко фíнiкс, процветéт, я́ко кедр, и҆́же в Лiвáне, умнóжится. (Пс.91:13)
Хор: Аллилýїа, аллилýїа, аллилýїа.
Чтец: И́стина от земли́ возсiя́, и прáвда с небесé прини́че. (Пс.84:12)
Хор: Аллилýїа, аллилýїа, аллилýїа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Мф.зач.40): Во врéмя óно, слы́шав во узи́лищи Iоáннъ дѣлá Хрїстóва, послá два от учени́къ свои́хъ, речé Емý: Ты ли еси́ Гряды́й, или́ инóго чáемъ? И отвѣщáвъ Iисýсъ речé и́ма: шéдша возвѣсти́та Iоáннови, я́же слы́шита и ви́дита: слѣпíи прозирáютъ и хрóмiи хóдятъ, прокажéннiи очищáются и глусíи слы́шатъ, мéртвiи востаю́тъ и ни́щiи благовѣствýютъ: и блажéнъ éсть, и́же áще не соблазни́тся о Мнѣ́. Тѣ́ма же исходя́щема, начáтъ Iисýсъ нарóдомъ глагóлати о Iоáннѣ: чесó изыдóсте въ пусты́ню ви́дѣти? Трость ли вѣ́тромъ колéблему? Но чесó изыдóсте ви́дѣти? Человѣ́ка ли въ мя́гки ри́зы облечéнна? Се, и́же мя́гкая нося́щiи, въ домѣ́хъ цáрскихъ суть. Но чесó изыдóсте ви́дѣти? Прорóка ли? Ей, глагóлю вамъ, и ли́шше прорóка. Сей бо есть, о нéмже есть пи́сано: се, Азъ посылáю Áнгела Моегó предъ лицéмъ Твои́мъ, и́же уготóвитъ путь Твой предъ Тобóю. Ами́нь глагóлю вамъ, не востáвъ рождéнныхъ женáми бóлiй Iоáнна Крести́теля: мній же во Цáрствiи Небéснѣмъ бóлiй егó есть. От дній же Iоáнна Крести́теля досéлѣ Цáрствiе Небéсное нýдится (съ нýждею воспрiéмлется), и нýждницы восхищáютъ é: вси́ бо прорóцы и закóнъ до Iоáнна прорекóша. И áще хóщете прiя́ти, той есть Илiá хотя́й прiити́: имѣ́яй ýшы слы́шати да слы́шитъ.
[Русский синодальный перевод]В те дни Иоанн, услышав в темнице о делах Христовых, послал двоих из учеников своих сказать Ему: Ты ли Тот, Который должен прийти, или ожидать нам другого? И сказал им Иисус в ответ: пойдите, скажите Иоанну, что слышите и видите: слепые прозревают и хромые ходят, прокаженные очищаются и глухие слышат, мертвые воскресают и нищие благовествуют; и блажен, кто не соблазнится о Мне. Когда же они пошли, Иисус начал говорить народу об Иоанне: что смотреть ходили вы в пустыню? трость ли, ветром колеблемую? Ч то же смотреть ходили вы? человека ли, одетого в мягкие одежды? Носящие мягкие одежды находятся в чертогах царских. Что же смотреть ходили вы? пророка? Да, говорю вам, и больше пророка. Ибо он тот, о котором написано: вот, Я посылаю Ангела Моего пред лицом Твоим, который приготовит путь Твой пред Тобою. Истинно говорю вам: из рожденных женами не восставал больший Иоанна Крестителя; но меньший в Царстве Небесном больше его. От дней же Иоанна Крестителя доныне Царство Небесное силою берется, и употребляющие усилие восхищают его, ибо все пророки и закон прорекли до Иоанна. И если хотите принять, он есть Илия, которому должно прийти. Кто имеет уши слышать, да слышит! (Мф.11:2-15)
Хор: Слáва Тебé, Гóсподи, слáва Тебé.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь Iоáнна Предтéчи, глас 4: От земли́ возсiя́вши, Предтéчева главá/ лучи́ испущáет нетлéнiя вéрным исцелéнiй/ свы́ше собирáет мнóжество Áнгел,/ дóле же созывáет человéческiй род,// единоглáсную возсылáти слáву Хрїстý Бóгу.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстé, Сыне Бóжїй, моли́твами пречи́стыя Своея́ Мáтере, прорóка, Предтéчи и Крести́телѧ Госпóднѧ Iѡáнна, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.