Первое и второе Обретение главы Иоанна Предтечи. ВЕЧЕРНЯ. Служба мирским чином. 9 марта
9 мáрта 2023 гóда. Четвéрг 2-й седмúцы Велúкaго постá. Пéрвое и вторóе Обретéнiе главы Iоáнна Предтéчи. Воскрéсная прáздничная слýжба для домáшнего (келéйнаго) совершéнiя. Послéдованiе вечéрни в соединéнiи с обéдницей.
Прежде глаголи часы: третiй, шестый и девятый.
ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода.
Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Восемнадцатая кафисма
[Псалом 119]Ко Гóсподу, внегдá скорбéти ми, воззвáх, и услы́ша мя. Гóсподи, избáви дýшу мою́ от устéн непрáведных и от язы́ка льсти́ва. Что дáстся тебé, или́ что приложи́тся тебé к язы́ку льсти́ву? Стрéлы си́льнаго изощрéны, со ýгльми пусты́нными. Увы́ мне, я́ко пришéльствiе моé продолжи́ся, всели́хся с селéнiи Кидáрскими. Мнóго пришéльствова душá моя́, с ненави́дящими ми́ра бех ми́рен: егдá глагóлах им, боря́ху мя тýне.
[Псалом 120]Возведóх óчи мои́ в гóры, отню́дуже прiи́дет пóмощь моя́. Пóмощь моя́ от Гóспода, сотвóршаго нéбо и зéмлю. Не даждь во смятéнiе ноги́ твоея́, нижé воздрéмлет храня́й тя, се не воздрéмлет, нижé ýснет храня́й Iзрáиля. Госпóдь сохрани́т тя, Госпóдь покрóв твой на рýку деснýю твою́. Во дни сóлнце не ожжéт тебé, нижé лунá нóщiю. Госпóдь сохрани́т тя от вся́каго зла, сохрани́т дýшу твою́ Госпóдь. Госпóдь сохрани́т вхождéнiе твоé и исхождéнiе твоé, отны́не и до вéка.
[Псалом 121]Возвесели́хся о рéкших мне: в дом Госпóдень пóйдем. Стоя́ще бя́ху нóги нáша во двóрех твои́х, Iерусали́ме. Iерусали́м зи́ждемый я́ко град, eмýже причáстiе eгó вкýпе. Тáмо бо взыдóша колéна, колéна Госпóдня, свидéнiе Iзрáилево, исповéдатися и҆́мени Госпóдню, я́ко тáмо седóша престóли на суд, престóли в домý Давíдове. Вопроси́те же я́же о ми́ре Iерусали́ма: и оби́лiе лю́бящим тя. Бýди же мир в си́ле твоéй и оби́лiе в столпостенáх твои́х. Рáди брáтiй мои́х и бли́жних мои́х глагóлах ýбо мир о тебé. Дóму рáди Гóспода Бóга нáшего взыскáх благáя тебé.
[Псалом 122]К Тебé возведóх óчи мои́, живýщему на Небеси́. Се я́ко óчи раб в рукý госпóдiй свои́х, я́ко óчи рабы́ни в рукý госпожи́ своея́, тáко óчи нáши ко Гóсподу Бóгу нáшему, дóндеже ущéдрит ны. Поми́луй нас, Гóсподи, поми́луй нас, я́ко по мнóгу испóлнихомся уничижéнiя, наипáче напóлнися душá нáша поношéнiя гобзýющих и уничижéнiя гóрдых.
[Псалом 123]Я́ко áще не Госпóдь бы был в нас, да речéт ýбо Iзрáиль, я́ко áще не Госпóдь бы был в нас, внегдá востáти человéком на ны, ýбо живы́х пожéрли бы́ша нас, внегдá прогнéватися я́рости их на ны, ýбо водá потопи́ла бы нас. Потóк прéйде душá нáша, ýбо прéйде душá нáша вóду непостоя́нную. Благословéн Госпóдь, И҆́же не дадé нас в лови́тву зубóм их. Душá нáша, я́ко пти́ца избáвися от сéти ловя́щих: сеть сокруши́ся, и мы избáвлени бы́хом. Пóмощь нáша во и҆́мя Гóспода, сотвóршаго нéбо и зéмлю.
Чтец: Слáва Отцý и Сы́ну и Святóму Дýху.
Хор: И ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
[Псалом 124]Надéющiися на Гóспода, я́ко горá Сióн: не подви́жится в век живы́й во Iерусали́ме. Гóры óкрест eгó, и Госпóдь óкрест людéй Свои́х отны́не и до вéка. Я́ко не остáвит Госпóдь жезлá грéшных на жрéбiй прáведных, я́ко да не прóструт прáведнiи в беззакóнiя рук свои́х. Ублажи́, Гóсподи, благíя и прáвыя сéрдцем. Уклоня́ющiяся же в развращéнiя отведéт Госпóдь с дéлающими беззакóнiе. Мир на Iзрáиля.
[Псалом 125]Всегдá возврати́ти Гóсподу плен Сióнь, бы́хом я́ко утéшени. Тогдá испóлнишася рáдости устá нáша и язы́к наш весéлiя, тогдá рекýт во язы́цех: возвели́чил есть Госпóдь сотвори́ти с ни́ми. Возвели́чил есть Госпóдь сотвори́ти с нáми: бы́хом веселя́щеся. Возврати́, Гóсподи, пленéнiе нáше, я́ко потóки ю́гом. Сéющiи слезáми, рáдостiю пóжнут. Ходя́щiи хождáху и плáкахуся, метáюще сéмена своя́, грядýще же прiи́дут рáдостiю, взéмлюще рукоя́ти своя́.
[Псалом 126]Áще не Госпóдь сози́ждет дом, всýе труди́шася зи́ждущiи. Áще не Госпóдь сохрани́т град, всýе бде стрегíй. Всýе вам есть ýтреневати, востáнете по седéнiи, ядýщiи хлеб болéзни, егдá даст возлю́бленным Свои́м сон. Се достоя́нiе Госпóдне сы́нове, мзда плодá чрéвняго. Я́ко стрéлы в руцé си́льнаго, тáко сы́нове оттрясéнных. Блажéн, и҆́же испóлнит желáнiе своé от них. Не постыдя́тся, егдá глагóлют врагóм свои́м во вратéх.
[Псалом 127]Блажéни вси боя́щiися Гóспода, ходя́щiи в путéх Eгó. Труды́ плодóв Твои́х снéси: блажéн еси́, и добрó тебé бýдет. Женá твоя́, я́ко лозá, плодови́та в странáх дóму твоегó, сы́нове твои́, я́ко новосаждéнiя мáсличная, óкрест трапéзы твоея́. Се тáко благослови́тся человéк боя́йся Гóспода. Благослови́т тя Госпóдь от Сióна, и ýзриши благáя Iерусали́ма вся дни живóта твоегó, и ýзриши сы́ны сынóв твои́х. Мир на Iзрáиля.
[Псалом 128]Мнóжицею брáшася со мнóю от ю́ности моея́, да речéт ýбо Iзрáиль: мнóжицею брáшася со мнóю от ю́ности моея́, и҆́бо не премогóша мя. На хребтé моéм дéлаша грéшницы, продолжи́ша беззакóнiе своé. Госпóдь Прáведен ссечé вы́я грéшников. Да постыдя́тся и возвратя́тся вспять вси ненави́дящии Сióна. Да бýдут, я́ко травá на здех, я́же прéжде восторжéнiя и҆́зсше, éюже не испóлни руки́ своея́ жняй, и нéдра своегó рукоя́ти собирáяй, и не рéша мимоходя́щiи: благословéнiе Госпóдне на вы, благослови́хом вы во и҆́мя Госпóдне.
Чтец: Слáва Отцý и Сы́ну и Святóму Дýху.
Хор: И ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
[Псалом 129]Из глубины́ воззвáх к Тебé, Гóсподи, Гóсподи, услы́ши глас мой. Да бýдут ýши Твои́ внéмлюще глáсу молéнiя моегó. Áще беззакóнiя нáзриши, Гóсподи, Гóсподи, кто постои́т? Я́ко у Тебé очищéнiе есть. И҆́мене рáди Твоегó потерпéх Тя, Гóсподи, потерпé душá моя́ в слóво Твоé, уповá душá моя́ на Гóспода. От стрáжи ýтреннiя до нóщи, от стрáжи ýтреннiя да уповáет Iзрáиль на Гóспода. Я́ко у Гóспода ми́лость, и мнóгое у Негó избавлéнiе, и Той избáвит Iзрáиля от всех беззакóнiй eгó.
[Псалом 130]Гóсподи, не вознесéся сéрдце моé, нижé вознесóстеся óчи мои́, нижé ходи́х в вели́ких, нижé в ди́вных пáче менé. Áще не смиреномýдрствовах, но вознесóх дýшу мою́, я́ко отдоéное на мáтерь свою́, тáко воздáси на дýшу мою́. Да уповáет Iзрáиль на Гóспода, отны́не и до вéка.
[Псалом 131]Помяни́, Гóсподи, Давíда и всю крóтость eгó: я́ко кля́тся Гóсподеви, обещáся Бóгу Iáковлю: áще вни́ду в селéнiе дóму моегó, или́ взы́ду на одр постéли моея́, áще дам сон очи́ма мои́ма и вéждома мои́ма дремáнiе, и покóй скранiáма мои́ма, дóндеже обря́щу мéсто Гóсподеви, селéнiе Бóгу Iáковлю. Се слы́шахом я́ во Евфрáфе, обретóхом я́ в поля́х дубрáвы. Вни́дем в селéнiя Егó, поклони́мся на мéсто, идéже стоя́сте нóзе Егó. Воскресни́, Гóсподи, в покóй Твой, Ты и кiвóт святы́ни Твоея́. Свящéнницы Твои́ облекýтся прáвдою, и преподóбнiи Твои́ возрáдуются. Давíда рáди рабá Твоегó не отврати́ лицé помáзаннаго Твоегó. Кля́тся Госпóдь Давíду и҆́стиною и не отвéржется ея́: от плодá чрéва твоегó посаждý на престóле твоéм. Áще сохраня́т сы́нове твои́ завéт Мой, и свидéнiя Моя́ сiя́, и҆́мже научý я́, и сы́нове их до вéка ся́дут на престóле твоéм. Я́ко избрá Госпóдь Сióна, извóли и҆̀ в жили́ще Себé. Сей покóй Мой во век вéка, зде вселю́ся, я́ко извóлих и҆̀. Лови́тву eгó благословля́яй благословлю́, ни́щiя eгó насы́щу хлéбы, свящéнники eгó облекý во спасéнiе, и преподóбнiи eгó рáдостiю возрáдуются. Тáмо возращý рог Давíдови, уготóвах свети́льник помáзанному Моемý. Враги́ eгó облекý студóм, на нéмже процветéт святы́ня Моя́.
[Псалом 132]Се чтó добрó, или́ что краснó? Но éже жи́ти брáтiи вкýпе. Я́ко ми́ро на главé, сходя́щее на брадý, брадý Аарóню, сходя́щее на омéты одéжды eгó, я́ко росá Аермóнская сходя́щая на гóры Сióнскiя, я́ко тáмо заповéда Госпóдь благословéнiе и живóт до вéка.
[Псалом 133]Се ны́не благослови́те Гóспода вси раби́ Госпóдни, стоя́щiи в хрáме Госпóдни, во двóрех дóму Бóга нáшего, В нóщех воздежи́те рýки вáша во святáя, и благослови́те Гóспода. Благослови́т тя Госпóдь от Сióна, сотвори́вый нéбо и зéмлю.
Чтец: Слáва Отцý и Сыну и Святóму Дýху и ныне и присно и во вéки векóв. Аминь.
Аллилýїа, аллилýїа, аллилýїа, слáва Тебé Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 5
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
Чтец или хор: Положѝ, Гóсподи, хранéнiе устóм мои́м, и дверь ограждéнiя о устнáх мои́х.
Не уклонѝ сéрдце моé в словесá лукáвствiя, непщевáти вины́ о гресéх.
С человéки дéлающими беззакóнiе, и не сочтýся со избрáнными их.
Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́.
Я́ко ещé и моли́тва моя́ во благоволéнiих их. Пожéрты бы́ша при кáмени судiѝ их.
Услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде.
Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́.
Сохранѝ мя от сéти, ю́же состáвиша ми, и от соблáзн дéлающих беззакóнiе.
Падýт во мрéжу свою́ грéшницы: еди́н есмь аз, дóндеже прейдý.
Глáсом мои́м ко Гóсподу воззвáх, глáсом мои́м ко Гóсподу помоли́хся.
Пролiю́ пред Ним молéнiе моé, печáль мою́ пред Ним возвещý.
Внегдá исчезáти от менé дýху моемý: и Ты познáл есѝ стезѝ моя́:
На путѝ сем, по немýже хождáх, скры́ша сеть мне.
Смотря́х одеснýю и возгля́дах, и не бе знáяй менé:
Поги́бе бéгство от менé, и несть взыскáяй дýшу мою́.
Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х.
Вонмѝ молéнiю моемý, я́ко смири́хся зелó,
Избáви мя от гоня́щих мя, я́ко укрепи́шася пáче менé.
На 10 Чтец: Изведú из темнúцы дýшу мою́,// исповéдатися и҆́мени Твоемý.
Стiхúры, самоглáсны Трióди, глас 1: Духóвный, брáтiе, взéмше пост, язы́ком не глагóлите льсти́вная, нижé полагáйте претыкáнiя брáту в соблáзн: но покая́нiем просвѣти́вше души́ свѣщý слезáми, возопiи́м Хрїстý остáви нам грѣхопадéнiя нáша, я́ко человѣколю́бец.
Менé ждут прáведницы,// дóндеже воздáси мне.
Стiхúра: Духóвный, брáтiе, взéмше пост, язы́ком не глагóлите льсти́вная, нижé полагáйте претыкáнiя брáту в соблáзн: но покая́нiем просвѣти́вше души́ свѣщý слезáми, возопiи́м Хрїстý остáви нам грѣхопадéнiя нáша, я́ко человѣколю́бец.
На 8. Стiх: Из глубины́ воззвáх к Тебé, Гóсподи,// Гóсподи, услы́ши глас мой.
Мýченичен: Всехвáльнiи мýченицы, вас ни земля́ потаи́ла есть, но Нéбо прiя́т: отверзóшася вам рáйская вратá и внутрь бы́вше, дрéва жи́зни наслаждáетеся, Хрїстý моли́теся, даровáтися душáм нáшым ми́ру, и вéлiей ми́лости.
Да бýдут ýши Твоú// внéмлюще глáсу молéнiя моегó.
И҆́ны стiхúры Господúна Іóсифа, подóбны Трióди, глас 3: Божéственных апóстол Гóсподи молéньми, пóстное врéмя дóбрѣ нам соверши́ти, умилéнiем пóмысла сподóби, я́ко благ благоутрóбне, да спасáеми тя́ прославля́ем вси.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúра: Вели́кое и стрáшное твоé Гóсподи пришéствiе, в нéмже сѣдя́ суд прáведный сотвори́ши, да не ýбо осýдиши мя осуждéннаго: но я́ко Бог пощади́ мя, апóстол твои́х благопрiя́тными моли́твами.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
И҆́на Господúна Ѳеóдора, глас 6: Хрїстóвы апóстоли, земны́м свѣти́ла, сокрóвища мiробогáтная, всемýдраго рáзума Бóга нáшего: вас пою́щыя искушéнiй избáвите святы́ми вáшими моли́твами, и врéмя нам пóстное проводи́ти ю́ношески подаю́щи в ми́рѣ жизнь нáшу: да благоугóдно предвари́вше страсть Хрїстóву, со дерзновéнiем принóсим пѣ́нiя Бóгу нáшему.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúры Предтéчи, глас 5: Рáдуйся, свящéнная главó, и светонóсная,/ и Áнгелом говéйная,/ я́же мéчем отсеченá древлé,/ и óстрыми обличéньми нечистоты́ студ посéкшая,/ истóчник чудéс, вéрныя напая́юща,/ и я́же Спáсово спаси́тельное пришéствiе возвести́вшая,/ и наи́тiе Дýха дрéвле уви́девшая,/ к Семý всéльшаяся,/ вéтхой же и нóвой ходáтайствовавшая благодáти.// Хрїстá умоли́ душáм нáшим даровáти вéлiю ми́лость.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Рáдуйся, свящéнная главó, и светонóсная,/ и Áнгелом говéйная,/ я́же мéчем отсеченá древлé,/ и óстрыми обличéньми нечистоты́ студ посéкшая,/ истóчник чудéс, вéрныя напая́юща,/ и я́же Спáсово спаси́тельное пришéствiе возвести́вшая,/ и наи́тiе Дýха дрéвле уви́девшая,/ к Семý всéльшаяся,/ вéтхой же и нóвой ходáтайствовавшая благодáти.// Хрїстá умоли́ душáм нáшим даровáти вéлiю ми́лость.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: В сосýде скудéльне сокровéнная иногдá/ Предтéчева главá яви́ся,/ от земны́х недр издáвшаяся я́вственне/ и чудéс струи́ источáющая,/ и́бо в вóдах главý омы́,/ превы́спренняя ны́не покрывáющего водáми/ и одождя́ющаго человéком Божéственное оставлéнiе./ Сiю́ ýбо ублажи́м, и́стинно преслáвну,/ и в сея́ обрéтенiи рáдостно прáзднуем,// Хрїстá моля́ще даровáти душáм нáшим вéлiю ми́лость.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Главá, я́же Áгнца Бóжiя проповéдавшая,/ плóтiю я́вльшагося,/ и всем покая́нiя спасéнныя пути́ Божéственными заповедьми́ извести́вшая,/ я́же прéжде И́родово законопреступлéнiе обличи́вшая/ и сегó рáди отсеченá от телесé,/ и на врéмя подъéмшая сокровéнiе,/ я́коже светоявлéнное нам возсiя́ сóлнце,/ покáйтеся - вопiю́щая - и ко Хрїстý ны́не предложи́теся во умилéнiи душéвнем, // подаю́щему мíру вéлiю ми́лость.
Слáва Ѻтцý и Сы́ну и Святóму Дýху.
Стiхúра, глас 6: Сокрóвище Божéственных дарóв,/ Богохрани́мая главá твоя́, Предтéче,/ от земны́х недр возсiя́,/ ю́же мы, вéрно прiéмлюще/ и покланя́ющеся, слáвне,/ обогащáемся от Тебé, Хрїстóв Крести́телю,// чудесы́ преслáвными и согрешéнiй прóщенiем.
И ны́не и прúсно и во вéки векóв, амúнь.
Догмáтик. Глас тóйже: Кто Тебé не ублажи́т, Пресвятáя Дéво?/ Кто ли не воспоéт Твоегó Пречи́стаго Рождествá?/ Безлéтно бо от Отцá возсiя́вый Сын Единорóдный,/ Тóйже от Тебé Чи́стыя прóйде,/ неизречéнно воплóщься,/ естествóм Бог сый,/ и естествóм быв Человéк нас рáди,/ не во двою́ лицý разделя́емый,/ но во двою́ естествý/ несли́тно познавáемый./ Тогó моли́ Чи́стая Всеблажéнная,// поми́ловатися душáм нáшим.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ТРИОДИ
Чтец: Прокíмен, глас четвéртый. Весели́теся о Гóсподѣ, и рáдуйтеся прáведнiи. (Пс.31:11А)
Хор: Веселúтеся о Гóсподѣ,/ и рáдуйтеся прáведнiи.
Чтец: Блажéни, и́хже остáвишася беззакóнiя. (Пс.31:1А)
Хор: Веселúтеся о Гóсподѣ,/ и рáдуйтеся прáведнiи.
Чтец: Весели́теся о Гóсподѣ.
Хор: И рáдуйтеся прáведнiи.
ПАРИМИИ ТРИОДИ
Чтец: Бытiя чтéнiе.
(Глава 4): Изы́де Кáiн от лицá Бóжiя, и всели́ся в зéмлю Наíд, пря́мо Едéму. И познá Кáiн женý свою́, и зачéнши роди́ Енóха; и бе зи́ждяй град, и именовá град во и́мя сы́на своегó, Енóх. Роди́ся же Енóху Гаiдáд, и Гаiдáд роди́ Малелеи́ла, и Малелеи́л роди́ Мафусáла, Мафусáл же роди́ Ламéха. И взя себé Ламéх две жены́: и́мя еди́ной Адá, и и́мя вторéй Селлá. И роди́ Адá Iови́ла: сей бя́ше отéц живýщих в селéнiих скотопитáтелей. И и́мя брáту егó, Iувáл; сей бя́ше показáвый певни́цу, и гýсли. Селлá же и тáя роди́ Фóвела, сей бя́ше млатоби́ец, ковáч мéди и желéза; сестрá же Фóвелова, Ноемá. Речé же Ламéх свои́м женáм: Адá и Селлá, услы́шите глас мой жены́ Ламéховы, внуши́те моя́ словесá, я́ко мýжа уби́х в я́зву мне, и ю́ношу в струп мне. Я́ко седми́цею отмсти́ся от Кáiна, от Ламéха же сéдмьдесять седми́цею. Познá же Адáм Éву, женý свою́, и зачéнши роди́ сы́на, и именовá и́мя емý Сиф, глагóлющи: воскреси́ бо ми Бог сéмя другóе, вмéсто Áвеля, егóже уби́ Кáiн. И Си́фу бысть сын; именовá же и́мя емý Енóс, сей уповá призывáти и́мя Гóспода Бóга.
[Русский синодальный перевод]И пошел Каин от лица Господня и поселился в земле Нод, на восток от Эдема. И познал Каин жену свою; и она зачала и родила Еноха. И построил он город; и назвал город по имени сына своего: Енох. У Еноха родился Ирад; Ирад родил Мехиаеля; Мехиаель родил Мафусала; Мафусал родил Ламеха. И взял себе Ламех две жены: имя одной: Ада, и имя второй: Цилла. Ада родила Иавала: он был отец живущих в шатрах со стадами. Имя брату его Иувал: он был отец всех играющих на гуслях и свирели. Цилла также родила Тувалкаина, который был ковачом всех орудий из меди и железа. И сестра Тувалкаина Ноема. И сказал Ламех женам своим: Ада и Цилла! послушайте голоса моего; жены Ламеховы! внимайте словам моим: я убил мужа за рану мне и отрока за удар мне; если за Каина отмстится всемеро, то за Ламеха в семьдесят раз всемеро. И познал Адам еще Еву, жену свою, и она родила сына, и нарекла ему имя: Сиф, потому что, говорила она, Бог положил мне другое семя, вместо Авеля, которого убил Каин. У Сифа также родился сын, и он нарек ему имя: Енос; тогда начали призывать имя Господа Бога.(Быт.4:16-26)
Прокимен Триоди, глас 1
Чтец: Прокíмен, глас пéрвый, псалóм Давíдов: Бýди, Гóсподи, ми́лость Твоя́ на нас, я́коже уповáхом на Тя. (Пс.32:22)
Хор: Бýди, Гóсподи, мúлость Твоя́ на нас, я́коже уповáхом на Тя.
Чтец: Рáдуйтеся, прáведнiи, о Гóсподе, прáвым подобáет похвалá.(Пс.32:1)
Хор: Бýди, Гóсподи, мúлость Твоя́ на нас, я́коже уповáхом на Тя.
Чтец: Бýди, Гóсподи, ми́лость Твоя́ на нас.
Хор: Я́коже уповáхом на Тя.
Чтец: При́тчей чтéнiе.
(Из глав 5 и 6): Сы́не, пiй вóды от свои́х сосýдов, и от твои́х кладенцéв истóчника. Да преизливáются тебé вóды от твоегó истóчника, во твои́ же пути́ да происхóдят твоя́ вóды. Да бýдут тебé еди́ному имéнiя, и да никтóже чуждь причасти́тся тебé. Истóчник твоея́ воды́ да бýдет тебé твой, и весели́ся с женóю, я́же от ю́ности твоея́. Елéнь любвé, и жребя́ твои́х благодáтей да бесéдует тебé, твоя́ же да преды́дет тебé, и да бýдет с тобóю во вся́ко врéмя; в дрýжбе бо сея́ спребывáяй, умнóжен бýдеши. Не мног бýди к чуждéй, нижé объя́т бýди объя́тiи не твоея́. Пред очи́ма бо суть Бóжiима путié мýжа, вся же течéнiя егó назирáет. Законопреступлéнiя мýжа уловля́ют; плени́цами же свои́х грехóв кíйждо затязáется. Сей скончавáется с ненакáзанными; от мнóжества же своегó житiя́ извéржется, и погибáет за безýмiе. Сы́не, áще поручи́шися за твоегó дрýга, предáси твою́ рýку врагý. Сеть бо крепкá мýжу свои́ устнé, и пленя́ется устнáми свои́х уст. Твори́ сы́не, я́же аз заповéдаю ти, и спасáйся.
[Русский синодальный перевод]Сын мой, пей воду из твоего водоема и текущую из твоего колодезя. Пусть не разливаются источники твои по улице, потоки вод - по площадям; пусть они будут принадлежать тебе одному, а не чужим с тобою. Источник твой да будет благословен; и утешайся женою юности твоей, любезною ланью и прекрасною серною: груди её да упоявают тебя во всякое время, любовью её услаждайся постоянно. И для чего тебе, сын мой, увлекаться постороннею и обнимать груди чужой? Ибо пред очами Господа пути человека, и Он измеряет все стези его. Беззаконного уловляют собственные беззакония его, и в узах греха своего он содержится: он умирает без наставления, и от множества безумия своего теряется. Сын мой! если ты поручился за ближнего твоего и дал руку твою за другого, - ты опутал себя словами уст твоих, пойман словами уст твоих. Сделай же, сын мой, что я заповедаю тебе, и спасайся.(Притч.5:15-6:3)
ПАРИМИИ ПРЕДТЕЧИ
Чтец: Прорóчества Исáiина чтéнiе.
(Из глав 40,41,45,48 и 54): Тáко глагóлет Госпóдь: утешáйте, утешáйте лю́ди Моя́, глагóлет Бог. Свящéнницы, глагóлите в сéрдцы Iерусали́му, умоли́те егó, я́ко умнóжися смирéнiе егó, разреши́ся бо грех егó, я́ко прiя́т из руки́ Госпóдни сугýба согрешéнiя своя́. Глас вопiю́щаго в пусты́ни: уготóвайте путь Госпóдень, прáвы твори́те стези́ Бóгу нáшему. На гóру высóку взы́ди, благовествýй Сióну, возвышáй крéпостiю глас твой, благовествýй Iерусали́му, вознеси́те, не бóйтеся. Аз Госпóдь Бог, Аз услы́шу убóгих, Iзрáилев, и не остáвлю тех. Но отвéрзу от гор рéки и посредé пóля истóчники, сотворю́ пусты́ню в луг и жáждущую зéмлю во истóчники водны́я. Да возвесели́тся нéбо свы́ше, и óблацы да кропя́т прáвду, да возсiя́ет земля́, и да прозя́бнет ми́лость, и прáвда да возсiя́ет вкýпе. Глас весéлiя возвести́те, и услы́шано да бýдет, возвести́те дáже до конéц земли́. Глагóлите, я́ко избáви Госпóдь рабá Своегó Iáкова, и áще вжáждут в пусты́ни, источи́т им вóду из кáмене. Возвесели́ся, неплóды нераждáющая, растóргни и возопíй, неболéвшая, я́ко мнóга чáда пусты́я пáче, нéжели имýщiя мýжа.
[Русский синодальный перевод]Утешайте, утешайте народ Мой, говорит Бог ваш; говорите к сердцу Иерусалима и возвещайте ему, что исполнилось время борьбы его, что за неправды его сделано удовлетворение, ибо он от руки Господней принял вдвое за все грехи свои. Глас вопиющего в пустыне: приготовьте путь Господу, прямыми сделайте в степи стези Богу нашему; Взойди на высокую гору, благовествующий Сион! возвысь с силою голос твой, благовествующий Иерусалим! возвысь, не бойся; скажи городам Иудиным: вот Бог ваш! Бедные и нищие ищут воды, и нет ее; язык их сохнет от жажды: Я, Господь, услышу их, Я, Бог Израилев, не оставлю их. Открою на горах реки и среди долин источники; пустыню сделаю озером и сухую землю - источниками воды; Кропите, небеса, свыше, и облака да проливают правду; да раскроется земля и приносит спасение, и да произрастает вместе правда. Я, Господь, творю это. Выходите из Вавилона, бегите от Халдеев, со гласом радости возвещайте и проповедуйте это, распространяйте эту весть до пределов земли; говорите: «Господь искупил раба Своего Иакова». И не жаждут они в пустынях, чрез которые Он ведет их: Он источает им воду из камня; рассекает скалу, и льются воды. Возвеселись, неплодная, нерождающая; воскликни и возгласи, немучившаяся родами; потому что у оставленной гораздо более детей, нежели у имеющей мужа, говорит Господь. (Ис 40:1-3, 9; 41:17-18; 45:8; 48:20-21; 54:1)
Чтец:Прорóчества Малахíина чтéнiе.
(Из главы 3): Тáко глагóлет Госпóдь Вседержи́тель: се Аз посылáю Áнгела Моегó пред лицéм Твои́м, и́же уготóвит путь Твой пред Тобóю. И прiи́дет во храм Свой Госпóдь, Егóже вы и҆́щете. И кто стерпи́т день вхóда Егó? Занéже Томý прiити́, я́ко огнь в горни́ле и я́коже бы́лiе перýщих, и очи́стит, поядáя и очищáя, я́ко сребрó и злáто. И прiи́дет к вам судóм, и бýдет Свидéтель скор на лукáвыя, и на прелюбодéйцы, и на кленýщiяся и҆́менем Мои́м во лжу, и на лишáющiя мзды наéмника, и на наси́льствующiя вдови́цы, и пхáющiя си́рыя, и на уклоня́ющiя суд пришéльца, и на не боя́щiяся Егó, глагóлет Госпóдь Вседержи́тель. Занé Аз Госпóдь Бог ваш и не изменю́ Себé. И вы, сы́нове Iáковли, уклони́стеся от закóна и не сохрани́сте. Сегó рáди обрати́теся ко Мне, и обращýся к вам, глагóлет Госпóдь Вседержи́тель, и ублажáт вас вси язы́цы. И разумéйте, я́ко Аз Госпóдь, смотря́яй посредé прáведнаго и посредé беззакóнника в день он, вóньже сотворю́ снабдéнiе лю́бящим Мя. Познáйте ýбо и помяни́те закóн Моисéов, рабá Моегó, я́коже заповéда вам в Хори́ве, ко всемý Iзрáилю повелéнiе и оправдáнiе. И се Аз послю́ вам Илiю́ Фесвíтянина, прéжде дáже не прiити́ дню Госпóдню вели́кому просвещéнному, и́же напрáвит сéрдце отцá к сы́ну и сéрдце человéка ко и́скреннему своемý, да не, пришéд, поражý зéмлю вскóре, глагóлет Госпóдь Вседержи́тель, Бог Святы́й Iзрáилев.
[Русский синодальный перевод]Вот, Я посылаю Ангела Моего, и он приготовит путь предо Мною, и внезапно придет в храм Свой Господь, Которого вы ищете, и Ангел завета, Которого вы желаете; вот, Он идет, говорит Господь Саваоф. И кто выдержит день пришествия Его, и кто устоит, когда Он явится? Ибо Он - как огонь расплавляющий и как щелок очищающий, и сядет переплавлять и очищать серебро, и очистит сынов Левия и переплавит их, как золото и как серебро, чтобы приносили жертву Господу в правде. И приду к вам для суда и буду скорым обличителем чародеев и прелюбодеев и тех, которые клянутся ложно и удерживают плату у наемника, притесняют вдову и сироту, и отталкивают пришельца, и Меня не боятся, говорит Господь Саваоф. Ибо Я - Господь, Я не изменяюсь; посему вы, сыны Иакова, не уничтожились. Со дней отцов ваших вы отступили от уставов Моих и не соблюдаете их; обратитесь ко Мне, и я обращусь к вам, говорит Господь Саваоф. Вы скажете: «как нам обратиться?» И блаженными называть будут вас все народы, потому что вы будете землею вожделенною, говорит Господь Саваоф. И они будут Моими, говорит Господь Саваоф, собственностью Моею в тот день, который Я соделаю, и буду миловать их, как милует человек сына своего, служащего ему. И тогда снова увидите различие между праведником и нечестивым, между служащим Богу и не служащим Ему. Помните закон Моисея, раба Моего, который Я заповедал ему на Хориве для всего Израиля, равно как и правила и уставы. Вот, Я пошлю к вам Илию пророка пред наступлением дня Господня, великого и страшного. И он обратит сердца отцов к детям и сердца детей к отцам их, чтобы Я, придя, не поразил земли проклятием. (Мал 3:1-3, 5-7, 12, 18, 17; 4:4-6)
Чтец: Премýдрости Соломóни чтéнiе.
(Из глав 4 и 5) Прáведник, áще пости́гнет скончáтися, в покóи бýдет. Осýдит же прáведник умирáяй живýщiя нечести́выя. У́зрят бо кончи́ну прáведнаго и не разумéют, что совещáша о нем, я́ко повéржет Госпóдь нечести́выя безглáсны ниц и поколéблет их от основáнiй, и до послéдняго исчéзнут в болéзни, и пáмять их поги́бнет. Прiи́дут бо в помышлéнiе согрешéнiй свои́х ужáсни, и обличи́т их сопроти́в беззакóнiя их. Тогдá стáнет в дерзновéнiи мнóзе прáведник пред лицéм оскорби́вших егó и отметáющих труды́ егó. Ви́девше же егó, смятýтся стрáхом мнóгим и ужáснутся о преслáвнем спасéнiи егó. Рекýт бо в себé, кáющеся, и в теснотé дýха воздóхнут и рекýт: сей бе, егóже имéхом нéкогда в посмéх и в при́тчу поношéнiя, безýмнiи, житié егó вмени́хом неи́стово и кончи́ну егó безчéстну. Кáко вмени́ся в сынéх Бóжiих, и во святы́х жрéбiй егó есть? У́бо заблуди́хом от пути́ и҆́стиннаго, и прáвды свет не облистá нам, и сóлнце не возсiя́ нам. Беззакóнных испóлнихомся стезь и поги́бели, и ходи́хом стези́ непрохóдны, пути́ же Госпóдня не разумéхом.
[Русский синодальный перевод]Праведник, если и рановременно умрёт, будет в покое. Умирая же, он осудит живых нечестивых; ибо они увидят кончину мудрого и не поймут, что Господь определил о нём. Ибо Он повергнет их ниц безгласными и сдвинет их с оснований, и они вконец запустеют и будут в скорби, и память их погибнет; в сознании грехов своих они предстанут со страхом, и беззакония их осудят их в лицо их. Тогда праведник с великим дерзновением станет пред лицом тех, которые оскорбляли его и презирали подвиги его; они же, увидев, смутятся великим страхом и изумятся неожиданности спасения его и, раскаиваясь и воздыхая от стеснения духа, будут говорить сами в себе: "это тот самый, который был у нас некогда в посмеянии и притчею поругания. Безумные, мы почитали жизнь его сумасшествием и кончину его бесчестною! Как же он причислен к сынам Божиим, и жребий его - со святыми? Итак, мы заблудились от пути истины, и свет правды не светил нам, и солнце не озаряло нас. Мы преисполнились делами беззакония и погибели и ходили по непроходимым пустыням, а пути Господня не познали".(Прем.4:7;16А;17;19-20;5:1-7)
И глагóли обéдницу