Неделя о мытаре и фарисее. Начало Постной Триоди, глас 1. ОБЕДНИЦА (Изобразительные)
5 февраля́ 2023 г. Недéля о мытарé и фарiсéе. Начáло Пóстной Трióди. Собóр новомýчеников и исповéдников Цéркви Рýсской. Глас 1. Воскрéсная прáздничная слýжба для домáшнего (келéйнаго) совершéнiя. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Чтец (стiхúры воскрéсные, глас 1): Снéдiю изведé из рая́ враг Адáма:/ Крестóм же разбóйника введé Хрiстóс вонь,/ помяни́ мя, зовýща,// егдá прiи́деши во Цáрствiи Твоéм.
Хор: Блажéни плáчущiи,/ я́ко тíи утéшатся.
Чтец: Покланя́юся страстéм Твои́м,/ славослóвлю и Воскресéнiе со Адáмом и разбóйником,/ со глáсом свéтлым вопiю́ Ти:/ помянѝ мя Гóсподи,// егдá прiи́деши во Цáрствiи Твоéм.
На 10. Хор: Блажéни крóтцыи,/ я́ко тíи наслéдят зéмлю.
Чтец: Распя́лся еси безгрéшне,/ и во грóбе положи́лся есѝ волею,/ но воскрéсл есѝ яко Бог,/ совоздви́гнувый Себé Адáма,/ помянѝ мя, зовýща,// егдá прiи́деши во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Храм Твой телéсный триднéвным Воскреси́вый погребéнiем,/ со Адáмом, и и҆́же от Адáма, воскреси́л есѝ Хрiстé Бóже:/ помяни́ нас зовýщих,// егдá прiи́деши во Цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры Трióди, глас 6): От гнóища ýбо страстéй смирéнный возношáется,/ от высоты́ же добродéтелей низпáдает лю́те всяк высокосéрдый:// егóже óбраза злóбы убежи́м.
Хор: Блажéни чúстiи сéрдцем,/ я́ко тíи Бóга ýзрят.
Чтец: Тщеслáвiе оттщетевáет богáтство прáвды,/ смирéнiе же расточáет страстéй мнóжество:// éже подражáющiя ны, чáсти покажи́ мытарéвы Спáсе.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Я́ко мытáрь и мы бiю́щеся в пéрси, умилéнiем вопiéм:/ очи́сти Бóже нас, грéшных,// я́ко да сегó прiи́мем оставлéнiе.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: К рéвности прiи́дем вéрнiи, исправля́юще крóткое,/ смирéнiю соживýще в стенáнiи сéрдца, плáче же и моли́тве,// я́ко да и́мамы от Бóга прощéнiе.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры новомýчеников, глас 6): Вóлны безбóжнаго нечéстiя тщáхуся потопи́ти корáбль Цéркве Рýсскiя,/ Ты же, И́стинный Кóрмчiй, спасл еси шéствующiя на нем моли́твами страстотéрпцев Россíйских, вопiю́щих:// Гóсподи Сил, из смертонóсныя глубины́ возведи́ ны.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Безбóжнiи Кáiновы внýцы святы́ни церкóвныя поругáнiю и огню́ предáша,/ оби́тели разори́ша, хрáмы я́ко овóщная храни́лища содéяша,/ хрiстолюби́выя лю́ди в темни́цы заключи́ша и умýчиша./ Вы же, страстотéрпцы, с любóвiю учи́ли естé:// сié бысть по грехóм нáшим, лю́дiе, покáйтеся.
Хор: Слáва Ѻтцý и Сы́ну и Святóму Дýху.
Чтец: Увы́ нам, увы́, вопiя́ху исповéдницы Россíйстiи,/ ви́дяще, я́ко безýмнiи богобóрцы святы́ни земли́ нáшея разори́ша,/ оби́тели я́ко узи́лища темни́чная содéяша,/ хрáмы Бóжiи в сквéрная и позóрищная местá обрати́ша/ и кровь хрiстiáнскую в них пролiя́ша./ Сегó рáди опустоши́шася сердцá нечести́вых// и живóт их áду приближися.
Хор: И ны́не и прúсно и во вéки векóв. Амúнь.
Богорóдичен: Изведи́ нас из рóва поги́бели/ и уврачýй нáша грехóвныя я́звы, Пресвятáя Мáти Дéво,// да неосуждéнно сподóбимся при́сно прославля́ти новомýченики Сы́на Твоегó и Бóга нáшего.
Тропари и кондаки
Тропáрь воскрéсный, глас 1: Кáмени запечáтану от iудéй/ и вóином стрегýщим Пречи́стое Тéло Твоé,/ воскрéсл еси триднéвный, Спáсе,/ дáруяй мíрови жизнь./ Сегó рáди си́лы небéсныя вопiя́ху Ти, Жизнодáвче:/ слáва Воскресéнiю Твоемý, Хрiстé,/ слáва Цáрствiю Твоемý,// слáва смотрéнiю Твоемý, еди́не Человеколю́бче.
Тропáрь новомýчеников, глас 4: Днесь рáдостно ликýет Цéрковь Рýсская,/ прославля́ющи новомýченики и исповéдники своя́:/ святи́тели и iерéи,/ цáрственныя страстотéрпцы,/ благовéрныя кня́зи и княги́ни,/ преподóбныя мýжи и жены́/ и вся правослáвныя хрiстiáны,/ во дни гонéнiя безбóжнаго/ жизнь свою́ за вéру во Хрiстá положи́вшiя/ и кровьми́ и́стину соблю́дшiя./ Тех предстáтельством, долготерпели́ве Гóсподи,/ странý нáшу в Правослáвiи сохрани́// до скончáнiя вéка.
Кондáк воскрéсный, глас 1: Воскрéсл еси́, я́ко Бог, из грóба во слáве,/ и мiр совоскреси́л есѝ;/ и естествó человéческое я́ко Бóга воспевáет Тя, и смерть исчезé;/ Адáм же ликýет, Влады́ко;/ Éва ны́не от уз избавля́ема рáдуется, зовýщи:// Ты есѝ, И҆́же всем подая́, Хрiстé, воскресéнiе.
Слáва Отцý и Сы́ну и Святóму Дýху.
Кондáк новомýчеников, глас 3: Днесь новомýченицы Россíйстии/ в ри́зах бéлых предстоя́т Áгнцу Бóжiю/ и со Áнгелы песнь побéдную воспевáют Бóгу:/ благословéнiе, и слáва, и премýдрость,/ и хвалá, и честь,/ и си́ла, и крéпость/ нáшему Бóгу// во вéки векóв. Ами́нь.
И ны́не и прúсно и во вéки векóв. Амúнь.
Кондáк Трióди, глас 3: Воздыхáнiя принесéм мытáрская Гóсподеви,/ и к Немý пристýпим грéшнiи я́ко Влады́це:/ хóщет бо спасéнiя всех человéков,/ оставлéнiе подаéт всем кáющимся./ Нас бо рáди воплоти́ся,// Бог сый Отцý собезначáльный.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен воскресный, глас 1
Чтец: Прокíмен, глас пéрвый, псалóм Давíдов: Бýди, Гóсподи, ми́лость Твоя́ на нас, я́коже уповáхом на Тя. (Пс.32:22)
Хор: Бýди, Гóсподи, мúлость Твоя́ на нас,/ я́коже уповáхом на Тя.
Чтец:Рáдуйтеся, прáведнiи, о Гóсподе, прáвым подобáет похвалá. (Пс.32:1)
Хор: Бýди, Гóсподи, мúлость Твоя́ на нас,/ я́коже уповáхом на Тя.
Прокимен новомучеников, глaс 7
Чтец: Прокíмен, глас седьмы́й, псалóм Давíдов: Бог нам Прибе́жище и Си́ла. (Пс.45:2А)
Хор: Бог нам Прибе́жище и Си́ла.
АПОСТОЛ
Чтец: К Тiмофéю послáнiя святáго апóстола Пáвла чтéнiе.
(2Тим.зач.296): Чáдо Тiмофéе, ты после́довал еси́ моему́ уче́нiю, житию́, приве́ту, ве́ре, долготерпе́нию, любви́, терпе́нию, изгна́нием, страда́нием, якова́ ми бы́ша во Антиохи́и, и во Икони́и, и в Ли́стрех, якова́ изгна́нiя прiя́х, и от всех мя изба́вил есть Госпо́дь. И вси же хотя́щiи благоче́стно жи́ти о Хрiсте́ Iису́се гони́ми бу́дут. Лука́вiи же челове́цы и чароде́и преуспе́ют на го́ршее, прельща́юще и прельща́еми. Ты же пребыва́й в ни́хже науче́н еси́ и я́же вве́рена суть тебе́, ве́дый, от кого́ научи́лся еси́. И я́ко из мла́да свяще́нная писа́нiя уме́еши, могу́щая тя умудри́ти во спасе́нiе ве́рою, я́же о Хрiсте́ Iису́се.
[Русский синодальный перевод]Сын мой Тимофей, ты последовал мне в учении, житии, расположении, вере, великодушии, любви, терпении, в гонениях, страданиях, постигших меня в Антиохии, Иконии, Листрах; каковые гонения я перенес, и от всех избавил меня Господь. Да и все, желающие жить благочестиво во Христе Иисусе, будут гонимы. Злые же люди и обманщики будут преуспевать во зле, вводя в заблуждение и заблуждаясь. А ты пребывай в том, чему научен и что тебе вверено, зная, кем ты научен. Притом же ты из детства знаешь священные писания, которые могут умудрить тебя во спасение верою во Христа Иисуса.(2Тим.3:10-15)
(Рим.зач.99) Брáтие, вéмы я́ко лю́бящим Бóга вся поспешествýют во благóе, сýщим по предувéдению звáнным. И́хже бо предувéде, тех и предустáви сообрáзным бы́ти óбразу Сы́на Своегó, я́ко бы́ти Емý перворóдну во мнóгих брáтиях. А и́хже предустáви, тех и призвá, а и́хже призвá, сих и оправдá, а и́хже оправдá, сих и прослáви. Что ýбо речéм к сим, áще Бог по нас, кто на ны? И́же ýбо Своегó Сы́на не пощадé, но за ны вся прéдал есть Егó, кáко ýбо не и с Ним вся нам дáрствует? Кто поéмлет на избрáнныя Бóжия? Бог оправдáяй. Кто осуждáяй? Христóс Иисýс умéрый, пáче же и воскресы́й, И́же и есть одеснýю Бóга, И́же и ходáтайствует о нас. Кто ны разлучи́т от любвé Бóжия? Скорбь ли, или́ теснотá, или́ гонéние, или́ глад, или́ наготá, или́ бедá, или́ мечь? Я́коже есть пи́сано: я́ко Тебé рáди умерщвля́еми есмы́ весь день, вмени́хомся я́коже óвцы заколéния. Но о сих всех препобеждáем за Возлю́бльшаго ны. Извести́хся бо, я́ко ни смерть, ни живóт, ни Áнгели, ни Начáла, нижé Си́лы, ни настоя́щая, ни грядýщая, ни высотá, ни глубинá, ни и́на тварь кáя возмóжет нас разлучи́ти от любвé Бóжия, я́же о Христé Иисýсе Гóсподе нáшем.
[Русский синодальный перевод]Братия, мы знаем, что любящим Бога, призванным по Его изволению, все содействует ко благу. Ибо кого Он предузнал, тем и предопределил быть подобными образу Сына Своего, дабы Он был первородным между многими братиями. А кого Он предопределил, тех и призвал, а кого призвал, тех и оправдал; а кого оправдал, тех и прославил. Что же сказать на это? Если Бог за нас, кто против нас? Тот, Который Сына Своего не пощадил, но предал Его за всех нас, как с Ним не дарует нам и всего? Кто будет обвинять избранных Божиих? Бог оправдывает их. Кто осуждает? Христос Иисус умер, но и воскрес: Он и одесную Бога, Он и ходатайствует за нас. Кто отлучит нас от любви Божией: скорбь, или теснота, или гонение, или голод, или нагота, или опасность, или меч? как написано: за Тебя умерщвляют нас всякий день, считают нас за овец, обреченных на заклание. Но все сие преодолеваем силою Возлюбившего нас. Ибо я уверен, что ни смерть, ни жизнь, ни Ангелы, ни Начала, ни Силы, ни настоящее, ни будущее, ни высота, ни глубина, ни другая какая тварь не может отлучить нас от любви Божией во Христе Иисусе, Господе нашем. (Рим.8:28-39)
Аллилуарий воскресный, глас 1
Чтец: Аллилýіа, аллилýіа, аллилýіа, глас пéрвый, псалóм Давíдов:
Хор: Аллилýіа, аллилýіа, аллилýіа.
Чтец: Бог дая́й отмщéнiе мне, и покори́вый лю́ди под мя. (Пс.17:48)
Хор: Аллилýіа, аллилýіа, аллилýіа.
Чтец: Величáяй спасéнiя царéва и творя́й ми́лость хрiстý Своемý Давíду и сéмени егó до вéка. (Пс.17:51)
Хор: Аллилýіа, аллилýіа, аллилýіа.
Аллилуарий новомучеников, глас 4
Чтец: Аллилýїа, глас четверты́й: Воззвáша прáведнiи, и Господь услы́ша их, и от всех скорбéй их избáви их. (Пс.33:18)
Хор: Аллилýіа, аллилýіа, аллилýіа.
Чтец: Мнóги скóрби прáведным, и от всех их избáвит я́ Госпóдь. (Пс.33:20)
Хор: Аллилýіа, аллилýіа, аллилýіа.
ЕВАНГЕЛИЕ
От Луки́ Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Лк.зач.89): Речѐ Госпо́дь при́тчу сїю̀: Челове́ка два внидо́ста в це́рковь помоли́тися, еди́н фарисе́й, а други́й мыта́рь. Фарiсе́й же став, си́це в себе́ моля́шеся: Бо́же, хвалу́ Тебе́ воздаю́, я́ко несмь я́коже про́чии челове́цы, хи́щницы, непра́ведницы, прелюбоде́е, или́ я́коже сей мыта́рь. Пощу́ся двакра́ты в суббо́ту, десяти́ну даю́ всего́ ели́ко притяжу́. Мыта́рь же издале́ча стоя́, не хотя́ше ни о́чию возвести́ на не́бо, но бия́ше пе́рси своя́, глаго́ля: Бо́же, ми́лостив бу́ди мне гре́шнику. Глаго́лю вам, я́ко сни́де сей оправда́н в дом свой па́че о́наго, я́ко всяк вознося́йся смири́тся, смиря́яй же себе́ вознесе́тся.
[Русский синодальный перевод]Сказал Господь притчу сию. Два человека вошли в храм помолиться: один фарисей, а другой мытарь. Фарисей, став, молился сам в себе так: Боже! благодарю Тебя, что я не таков, как прочие люди, грабители, обидчики, прелюбодеи, или как этот мытарь: пощусь два раза в неделю, даю десятую часть из всего, что приобретаю. Мытарь же, стоя вдали, не смел даже поднять глаз на небо; но, ударяя себя в грудь, говорил: Боже! будь милостив ко мне грешнику! Сказываю вам, что сей пошел оправданным в дом свой более, нежели тот: ибо всякий, возвышающий сам себя, унижен будет, а унижающий себя возвысится. (18:10-14)
(Лк.зач.105-106): Речé Госпóдь: блюди́те, да не прельщéни бýдете, мнóзи бо прии́дут во и́мя Моé, глагóлюще, я́ко Аз есмь, и врéмя прибли́жися. Не изы́дите ýбо во след их. Егдá же услы́шите брáни и нестроéния, не убóйтеся, подобáет бо сим бы́ти прéжде, но не у áбие кончи́на. Тогда глагóлаше им: востáнет бо язы́к на язы́к, и цáрство на цáрство. Трýси же вели́цы по мéстам, и глáди и пáгубы бýдут, страховáния же и знáмения вéлия с небесé бýдут. Прéжде же сих всех, возложáт на вы рýки своя́ и ижденýт, предаю́ще на сóнмища и темни́цы, ведóмы к царéм и влады́кам, и́мене Моегó рáди, прилучи́тся же вам во свидéтельство. Положи́те ýбо на сердцáх вáших, не прéжде поучáтися отвещавáти. Аз бо дам вам устá и премýдрость, éйже не возмóгут проти́витися или́ отвещáти вси противля́ющиися вам. Прéдани же бýдете и роди́тели и брáтиею и рóдом и дрýги, и умертвя́т от вас. И бýдете ненави́дими от всех и́мене Моегó рáди. И влас главы́ вáшея не поги́бнет. В терпéнии вáшем стяжи́те дýши вáша.
[Русский синодальный перевод]Он сказал: берегитесь, чтобы вас не ввели в заблуждение, ибо многие придут под именем Моим, говоря, что это Я; и это время близко: не ходите вслед их. Когда же услышите о войнах и смятениях, не ужасайтесь, ибо этому надлежит быть прежде; но не тотчас конец. Тогда сказал им: восстанет народ на народ, и царство на царство; будут большие землетрясения по местам, и глады, и моры, и ужасные явления, и великие знамения с неба.[Зач.106.] Прежде же всего того возложат на вас руки и будут гнать вас, предавая в синагоги и в темницы, и поведут пред царей и правителей за имя Мое; будет же это вам для свидетельства. Итак положите себе на сердце не обдумывать заранее, что отвечать, ибо Я дам вам уста и премудрость, которой не возмогут противоречить ни противостоять все, противящиеся вам. Преданы также будете и родителями, и братьями, и родственниками, и друзьями, и некоторых из вас умертвят; и будете ненавидимы всеми за имя Мое, но и волос с головы вашей не пропадет, - терпением вашим спасайте души ваши. (21:8-19)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк Трióди, глас 3: Воздыхáнiя принесéм мытáрская Гóсподеви,/ и к Немý пристýпим грéшнiи я́ко Влады́це:/ хóщет бо спасéнiя всех человéков,/ оставлéнiе подаéт всем кáющимся./ Нас бо рáди воплоти́ся,// Бог сый Отцý собезначáльный.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстé, Сыне Бóжїй, моли́твами пречи́стыя Своея́ Мáтере, преподóбных и Богонóсных отéц нáших и всех святы́х, поми́лует и спасéт нас, я́ко Благ и Человеколю́бец.