Всемирное Воздвижение Честнаго и Животворящего Креста Господня. ВСЕНОЩНОЕ БДЕНИЕ. ВЕЛИКАЯ ВЕЧЕРНЯ
27 сентября́ 2022 гóда. Всемíрное Воздвúженiе Честнáго и Животворя́щего Крестá Госпóдня. Послéдованiе всенóщнаго бдéнiя для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Вся слýжба прáздника по Минéе. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святы́й Крéпкiй, Святый Безсмéртный, помилуй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Гóсподи, поми́луй, (12 раз.)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стихú избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýіа, аллилýіа, аллилýіа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
ГОСПОДИ ВОЗЗВАХ, ГЛАС 6
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[в приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[в приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
[Пропускается до стихир]На 10 Чтец: Изведи́ из темни́цы дýшу мою́,// исповéдатися и҆́мени Твоемý. Менé ждут прáведницы,// дóндеже воздáси мне.
На 8. Стiх: Из глубины́ воззвáх к Тебе, Гóсподи,// Гóсподи, услы́ши глас мой.
Стiхиры прáздника, глас 6: Крест воздвизáемь/ на нем Вознесéннаго Страсть пречи́стую/ пéти повелевáет твáри всей./ На том бо уби́в нас уби́вшаго,/ умерщвлéнныя оживи́л eсть,/ и удобри́, и на Небесéх жи́ти сподóби, я́ко Милосéрд,/ премнóжеством блáгости./ Тем, рáдующеся, вознесéм и҆́мя Eгó// и Тогó возвели́чим крáйнее снизхождéнiе.
Да бýдут ýши Твоú// внéмлюще глáсу молéнiя моегó.
Стiхúра: Крест воздвизáемь/ на нем Вознесéннаго Страсть пречи́стую/ пéти повелевáет твáри всей./ На том бо уби́в нас уби́вшаго,/ умерщвлéнныя оживи́л eсть,/ и удобри́, и на Небесéх жи́ти сподóби, я́ко Милосéрд,/ премнóжеством блáгости./ Тем, рáдующеся, вознесéм и҆́мя Eгó// и Тогó возвели́чим крáйнее снизхождéнiе.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúра: Крест воздвизáемь/ на нем Вознесéннаго Страсть пречи́стую/ пéти повелевáет твáри всей./ На том бо уби́в нас уби́вшаго,/ умерщвлéнныя оживи́л eсть,/ и удобри́, и на Небесéх жи́ти сподóби, я́ко Милосéрд,/ премнóжеством блáгости./ Тем, рáдующеся, вознесéм и҆́мя Eгó// и Тогó возвели́чим крáйнее снизхождéнiе.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: Моисéй предобрази́ тя,/ рýки простéр на высотý,/ и побеждáше Амали́ка мучи́теля,/ Крéсте честны́й,/ вéрных похвалó,/ страдáльцев утверждéнiе,/ апóстолов удобрéнiе,/ прáведных побóрниче,/ всех преподóбных спаси́телю./ Тем, тя воздвизáема зря́щи, тварь весели́тся/ и торжествýет, слáвящи Хрiстá,// тобóю разстоя́щая собрáвшаго крáйнею блáгостiю.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Моисéй предобрази́ тя,/ рýки простéр на высотý,/ и побеждáше Амали́ка мучи́теля,/ Крéсте честны́й,/ вéрных похвалó,/ страдáльцев утверждéнiе,/ апóстолов удобрéнiе,/ прáведных побóрниче,/ всех преподóбных спаси́телю./ Тем, тя воздвизáема зря́щи, тварь весели́тся/ и торжествýет, слáвящи Хрiстá,// тобóю разстоя́щая собрáвшаго крáйнею блáгостiю.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Моисéй предобрази́ тя,/ рýки простéр на высотý,/ и побеждáше Амали́ка мучи́теля,/ Крéсте честны́й,/ вéрных похвалó,/ страдáльцев утверждéнiе,/ апóстолов удобрéнiе,/ прáведных побóрниче,/ всех преподóбных спаси́телю./ Тем, тя воздвизáема зря́щи, тварь весели́тся/ и торжествýет, слáвящи Хрiстá,// тобóю разстоя́щая собрáвшаго крáйнею блáгостiю.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Крéсте пречестны́й,/ eгóже обстоя́т чи́ни áнгельстiи, веселя́щеся,/ днесь воздвизáемь,/ Божéственным мановéнiем вознóсиши вся/ окрадéнiем снéди отгнáнныя/ и в смерть попóлзшiяся./ Тéмже тя сердцы́ и устнáми, вéрнiи, лобызáюще,/ свящéнiе почерпáем,/ возноси́те, вопiю́ще, Хрiстá, Преблагáго Бóга,// и Тогó покланя́йтеся Божéственному поднóжiю.
Яко утвердúся мúлость Егó на нас,// и úстина Госпóдня пребывáет во век.
Стiхúра: Крéсте пречестны́й,/ eгóже обстоя́т чи́ни áнгельстiи, веселя́щеся,/ днесь воздвизáемь,/ Божéственным мановéнiем вознóсиши вся/ окрадéнiем снéди отгнáнныя/ и в смерть попóлзшiяся./ Тéмже тя сердцы́ и устнáми, вéрнiи, лобызáюще,/ свящéнiе почерпáем,/ возноси́те, вопiю́ще, Хрiстá, Преблагáго Бóга,// и Тогó покланя́йтеся Божéственному поднóжiю.
Слáва Ѻтцý и Сы́ну и Святóму Дýху и ны́не и прúсно и во вéки векóв, амúнь.
Глас 2: Прiиди́те, вси язы́цы,/ благословéнному Дрéву поклони́мся,/ и҆́мже бысть вéчная прáвда:/ прáoтца бо Адáма прельсти́вый дрéвом/ Крестóм прельщáется/ и пáдает, низвéржен, падéнiем стрáнным,/ мучи́тельством одержáвый цáрское здáнiе;/ Крóвiю Бóжiею яд змíев отмывáется,/ и кля́тва разруши́ся осуждéнiя прáведнаго,/ непрáведным судóм Прáведнику осуждéну бы́вшу;/ Дрéвом бо подобáше дрéво исцели́ти/ и Стрáстiю Безстрáстнаго, я́же на Дрéве,/ разреши́ти стрáсти осуждéннаго./ Но слáва, Хрiстé Царю́,/ éже о нас Твоемý мýдрому смотрéнiю,/ и҆́мже спасл eси́ всех,// я́ко Благ и человеколю́бец.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сына и Святáго Дýха, Бóга. Достóин еси во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ВЕЧЕРНИЙ ПРОКИМЕН ДНЯ
Чтец: Прокíмен, глас четвéртый: Госпóдь услы́шит мя, внегдá воззвáти ми к Немý. (Пс.4:4Б)
Хор: Госпóдь услы́шит мя,/ внегдá воззвáти ми к Немý.
Чтец: Внегдá призвáти ми, услы́ша мя Бог прáвды моея́. (Пс.4:2А)
Хор: Госпóдь услы́шит мя,/ внегдá воззвáти ми к Немý.
Чтец: Госпóдь услы́шит мя.
Хор: Внегдá воззвáти ми к Немý.
ПАРЕМИИ
Чтец: Исхóда чтéнiе.
(Из главы 15) Поя́т Моисéй сы́ны Iзрáилевы от мóря Чермнáго и ведé ты́я в пусты́ню Сур, и идя́ху три дни в пусты́ни, и не обретáху воды́, да бы́ша пи́ли. Прiидóша же в Мéрру и не можáху пи́ти воды́ из Мéрры, горькá бо бе; сегó рáди наречéся и́мя мéсту тому́: гóресть. И роптáху лю́дiе на Моисéя, глагóлюще: что пiéм? Возопи́ же Моисéй ко Гóсподу, и показá ему́ Госпóдь дрéво, и вложи́ тóе в вóду, и сладкá бысть водá; тáмо положи́ ему́ Бог оправдáнiя и суды́. И тáмо искушáше егó и речé: А́ще слу́хом услы́шиши глас Гóспода Бóга твоегó, и угóдная пред Ним сотвори́ши, и внуши́ши зáповеди Егó, и сохрани́ши вся оправдáнiя Егó, вся́ку болéзнь, ю́же наведóх еги́птяном, не наведу́ на тя. Аз бо есмь Госпóдь, исцеля́яй тя. И прiидóша во Ели́м, и бя́ху тáмо дванáдесять истóчников вод, и сéдмьдесят стéблiй фи́никовых, и ополчи́шася тáмо при водáх. И воздвиго́шася от Ели́ма, и прiи́де весь сонм сынóв Iзрáилевых в пусты́ню Син, я́же есть мéжду Ели́мом и между́ Си́ною.
[русский синодальный перевод]Повел Моисей Израильтян от Красного моря, и они вступили в пустыню Сур; и шли они три дня по пустыне и не находили воды. Пришли в Мерру - и не могли пить воды в Мерре, ибо она была горька, почему и наречено тому месту имя: «Горечь». И возроптал народ на Моисея, говоря: что нам пить? Моисей возопил к Господу, и Господь показал ему дерево, и он бросил его в воду, и вода сделалась сладкою. Там Бог дал народу устав и закон и там испытывал его. И сказал: если ты будешь слушаться гласа Господа, Бога твоего, и делать угодное пред очами Его, и внимать заповедям Его, и соблюдать все уставы Его, то не наведу на тебя ни одной из болезней, которые навел Я на Египет, ибо Я Господь Бог твой, целитель твой. И пришли в Елим; там было двенадцать источников воды и семьдесят финиковых деревьев, и расположились там станом при водах. И двинулись из Елима, и пришло всё общество сынов Израилевых в пустыню Син, что между Елимом и между Синаем. (Исх.15:22-27,16:1)
Чтец: При́тчей чтéнiе.
(Из главы 3): Сы́не, не пренебрегáй наказáнiя Госпóдня, нижé ослабевáй, от Негó обличáемый. Егóже бо лю́бит Госпóдь, наказу́ет, бiéт же вся́каго сы́на, егóже прiéмлет. Блажéн человéк, и́же обрéте Прему́дрость, и смéртен, и́же увéде рáзум. Лу́чше бо Сiю́ куповáти, нéжели злáта и сребрá сокрóвища. Честнéйшая же есть кáменiй многоцéнных, не сопротивля́ется Ей ничтóже лукáвое, благоразу́мна есть всем лю́бящим Ю, вся́кое же честнóе недостóйно Ея́ есть. Долготá бо житiя́, и лéта жи́зни в десни́це Ея́. В шу́йце же Ея́ богáтство и слáва, из уст Ея́ исхóдит прáвда, закóн же и ми́лость на язы́це нóсит. Путié Ея́, путié добры́, и вся стези́ Ея́ с ми́ром. Дрéво животá есть всем держáщимся Ея́ и восклоня́ющимся на Ню, я́ко на Гóспода, твердá.
[русский синодальный перевод]Сын мой, наказания Господня не отвергай, и не тяготись обличением Его; ибо кого любит Господь, того наказывает и благоволит к тому, как отец к сыну своему. Блажен человек, который снискал мудрость, и человек, который приобрел разум, - потому что приобретение её лучше приобретения серебра, и прибыли от неё больше, нежели от золота: она дороже драгоценных камней; никакое зло не может противиться ей; она хорошо известна всем, приближающимся к ней, и ничто из желаемого тобою не сравнится с нею. Долгоденствие - в правой руке её, а в левой у неё - богатство и слава; из уст её выходит правда; закон и милость она на языке носит; пути её - пути приятные, и все стези её - мирные. Она - древо жизни для тех, которые приобретают её, и для опирающихся на неё, как на Господа, - тверда!(Притч.3:11-18)
Чтец: Прорóчества Исáiина чтéнiе.
(Из главы 60): Сiя́ глагóлет Госпóдь: отвéрзутся вратá твоя́, Iерусали́ме, вы́ну день и нощь и не затворя́тся, éже ввести́ к тебé си́лу язы́ков и цари́ их ведóмыя. Язы́цы бо и цáрiе, и́же тебé не порабóтают, поги́бнут, и язы́цы запустéнiем запустéют. И слáва Лiвáнова к тебé прiи́дет, в кипари́се, и пéвке и кéдре вку́пе, прослáвити мéсто святóе Моé, и мéсто ног Мои́х прослáвлю. И пóйдут к тебé, боя́щеся, сы́нове смири́вших тя и прогнéвавших тя и поклóнятся следóм ног твои́х вси прогнéвавшiи тя, и наречéшися град Госпóдень, Сióн Святáго Iзрáилева, за éже бы́ти тебé остáвлену и возненави́дену, и не бе помогáяй тебé. И положу́ тя в рáдость вéчную, весéлiе родóм родóв. И иссéши млекó язы́ков, и богáтство царéй снéси, и разумéеши, я́ко Аз Госпóдь, спасáяй тя и избавля́яй тя, Бог Iзрáилев.
[русский синодальный перевод]Так говорит Господь: будут всегда отверсты врата твои, Иерусалим, не будут затворяться ни днем ни ночью, чтобы приносимо было к тебе достояние народов и приводимы были цари их. Ибо народ и царства, которые не захотят служить тебе, - погибнут, и такие народы совершенно истребятся. Слава Ливана придет к тебе, кипарис и певг и вместе кедр, чтобы украсить место святилища Моего, и Я прославлю подножие ног Моих. И придут к тебе с покорностью сыновья угнетавших тебя, и падут к стопам ног твоих все, презиравшие тебя, и назовут тебя городом Господа, Сионом Святого Израилева. Вместо того, что ты был оставлен и ненавидим, так что никто не проходил чрез тебя, Я соделаю тебя величием навеки, радостью в роды родов. Ты будешь насыщаться молоком народов, и груди царские сосать будешь, и узнаешь, что Я Господь - Спаситель твой и Искупитель твой, Сильный Иаковлев.(Ис.60:11-16)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры прáздника, Андрéя Iерусалúмскаго, самоглáсны, глас 1: Днесь я́ко вои́стину/ святовещáнный глаго́л Дави́дов коне́ц прiя́т:/ се бо я́ве пречи́стых ног Твои́х покланя́емся подно́жiю/ и, на сень крилу́ Твоéю наде́ющеся,/ Всеще́дрый, вопiе́м Ти:/ да знáменуется на нас свет Лицá Твоего́./ Правослáвных люде́й Твои́х рог вознеси́/ честнáго Крестá Твоего́ воздви́женiем,// Хрiсте́ Многоми́лостиве.
Насажде́нное в крáнiеве ме́сте Дре́во су́щаго животá,/ на не́мже соде́ла спасе́нiе Преве́чный Царь посреде́ земли́,/ возноси́мо днесь, освящáет ми́ра концы́,/ и обновля́ется Воскресе́нiя дом./ Рáдуются А́нгели на Небеси́,/ и веселя́тся челове́цы на земли́,/ Дави́дски вопiю́ще и глаго́люще:/ возноси́те Го́спода Бо́га нáшего/ и поклоня́йтеся подно́жiю но́гу Eго́,/ я́ко свя́то eсть,// подая́й ми́ру ве́лiю ми́лость.
Прообразу́я Крест Твой, Хрiстé,/ патрiáрх Iáков, вну́ком благословéнiе дáруя,/ на главáх пременéны ру́ки сотвори́./ Eго́же, Спáсе, мы днесь вознося́ще, взывáем:/ дáруй хрiстолюби́вому во́инству побéды,// я́ко Константи́ну одолéнiе.
Феофáново, глас 2: Боже́ственное сокро́вище, в земли́ скрыва́емо,/ Жизнода́вца Крест,/ на небесе́х показа́ся царю́ благочести́вому/ и побе́ды на враги́ подписа́ние явля́ет разу́мно;/ eго́же, ра́дуяся, ве́рою и любо́вию, боже́ственно восте́к к высоте́ зре́ния,/ тща́нием же того́ от земны́х недр изнесе́,// во избавле́ние ми́ра и спасе́ние душ на́ших.
Кипрiáново: Рук премене́ние патриа́рха Иа́кова/ на благослове́ние чад/ держа́вное Креста́ Твоего́ предъявля́ше зна́мение;/ его́же мы держа́ще тве́рда храни́теля,/ де́монския всемо́щно отго́ним полки́/ и велиа́рову горды́ню в нем низлага́ем,/ вражде́бнейшаго Амали́ка побежда́ем всегуби́тельную си́лу./ Того́ и ны́не возноси́ма/ благочестивому́дренно, ве́рнии, во очищение́ грехо́в,/ Твое́й бла́гости, во многомножа́йшем гла́се вопию́ще, прино́сим:/ Го́споди, поми́луй,/ из Де́вы воплоти́выйся,// уще́дри рук Твои́х, Бла́же, му́дрое созда́ние.
Льва Дéспота: Ты мой покро́в держа́вен еси́,/ трича́стный Кре́сте Христо́в,/ освяти́ мя си́лою твое́ю,// да ве́рою и любо́вию покланя́юся и сла́влю тя.
Глас 4: Воспле́щем днесь пе́сненное торжество́/ и све́тлым лице́м и язы́ком я́сно возопии́м:/ нас ра́ди, Христе́, суд прие́мый,/ и оплева́ния, и ра́ны, и червлени́цею оде́явыйся,/ и на Крест возше́д,/ его́же ви́девше, со́лнце и луна́ свет скры́ша,/ и стра́хом земля́ колеба́шеся,/ и заве́са церко́вная раздра́ся на дво́е./ Ты и ны́не да́руй Крест Твой честны́й нам блюсти́теля и храни́теля/ и прогони́теля де́монов,/ я́ко да вси, облобыза́юще, вопие́м ему́:/ спаси́ ны, Кре́сте, си́лою твое́ю,/ освяти́ ны све́тлостию твое́ю, честны́й Кре́сте,/ и укрепи́ ны воздви́жением твои́м,/ я́ко свет нам дарова́н еси́// и спасе́ние душ на́ших.
Анатóлiя: Светосiя́нен звезда́ми о́браз/ предпоказа́, Кре́сте, побе́ду одоле́ния/ благочести́вому царю́ вели́кому,/ его́же ма́ти Еле́на изобре́тши,/ мироявле́нна сотвори́,/ и, тя днесь воздви́жуще, ве́рных ли́цы, зове́м:/ просвети́ ны све́тлостию твое́ю,/ Кре́сте живоно́сный,/ освяти́ ны кре́постию твое́ю,/ всечестны́й Кре́сте,/ и утверди́ ны воздви́жением твои́м,// воздвиза́емый ко ополче́нию враго́в.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Глас 4: Честна́го Креста́, Христе́, де́йство прообрази́в, Моисе́й,/ победи́ проти́внаго Амали́ка в пусты́ни Сина́йстей:/ eгда́ бо простира́ше ру́це, Креста́ о́браз творя́,/ укрепля́хуся лю́дие;/ ны́не же веще́й сбытие́ в нас испо́лнися,/ днесь Крест воздвиза́ется,/ и де́мони бе́гают,/ днесь тварь вся от тли свободи́ся,/ вся бо Креста́ ра́ди возсия́ша нам дарова́ния./ Те́мже, ра́дующеся, вси/ припа́даем Тебе́, глаго́люще:// я́ко возвели́чишася дела́ Твоя́, Го́споди, сла́ва Тебе́.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхиры прáздника, самоглáсны, глас 5): Рáдуйся, живонóсный Крéсте,/ благочéстiя непобеди́мая побéда,/ дверь рáйская,/ вéрных утверждéнiе,/ Цéркве ограждéнiе,/ и҆́мже тля разори́ся и упраздни́ся,/ и попрáся смéртная держáва,/ и вознесóхомся от земли́ к Небéсным;/ oрýжiе непобеди́мое,/ бесóв сопротивобóрче,/ слáва мýчеников,/ преподóбных я́ко вои́стину удобрéнiе,/ пристáнище спасéнiя,// дáруяй мíру вéлiю ми́лость.
Стих: Возносúте Гóспода Бóга нáшего/ и покланя́йтеся поднóжiю нóгу Eгó, я́ко свя́то eсть. (Пс.98:5)
Рáдуйся, Госпóдень Крéсте,/ и҆́мже разреши́ся от кля́твы человéчество,/ сýщiя рáдости знáменiе,/ прогоня́яй враги́ во твоéм воздви́женiи, всечéстне,/ нам помóщниче, царéй держáво,/ крéпость прáведных,/ свящéнников благолéпiе,/ воображáемый, и лю́тых избавля́яй,/ жезл си́лы, и҆́мже пасéмся,/ oрýжiе ми́ра, eгóже со стрáхом обстоя́т А́нгели,/ Хрiстá Божéственная слáва,// подаю́щаго мíру вéлiю ми́лость.
Стих: Бог же Царь наш прéжде вéка, содéла спасéнiе посредé землú. (Пс.73:12)
Ра́дуйся, слепы́х наста́вниче,/ немощны́х врачý,/ воскресéнiе всех умéрших,/ воздви́гнувый ны, во тлю па́дшiя,/ Крéсте честны́й,/ и҆́мже разруши́ся кля́тва, и процветé нетлéнiе,/ и земни́и обожи́хомся,/ и дiа́вол всеконéчно низвéржеся./ Днесь воздвиза́ема тя ви́дяще рука́ми архiерéйскими,/ возно́сим Вознесéннаго посредé тебé/ и тебé покланя́емся,// почерпа́юще бога́тно вéлiю ми́лость.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Глас 8: Его́же дре́вле Моисе́й прообразова́в собо́ю,/ Амали́ка низложи́в, победи́,/ и Давíд песнопе́вец/ подно́жiю Твоему́, вопiя́, кла́нятися повелева́ше,/ честно́му Кресту́ Твоему́, Хрiсте́ Бо́же,/ днесь, гре́шнiи, кла́няемся,/ устна́ми недосто́йными/ Тя, изво́лившаго пригвозди́тися на нем, воспева́юще, мо́лимся:// Го́споди, с разбо́йником Ца́рствiя Твоего́ сподо́би нас.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святы́й Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь Крестá, глас 1: Спаси́, Гóсподи, лю́ди Твоя́/ и благослови́ достоя́нiе Твоé,/ побéды правослáвным хрiстiáнам на сопроти́вныя дáруя// и Твоé сохраня́я Крестóм Твои́м жи́тельство. (Трúжды)
[Тропарь ц.ч.]Тропáрь Крестá, глас 1: Спаси́, Гóсподи, лю́ди Твоя́/ и благослови́ достоя́нiе Твоé,/ побéды грядýщему рýсскому Царю́ и правослáвным хрiстiáнам на сопроти́вныя дáруя// и Твоé сохраня́я Крестóм Твои́м жи́тельство.
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.
И глаголи ýтреню