Լիրիկական...
Click to viewՄի տխրություն հավերժական,
Եվ էլ ուրիշ բան չունեմ,
Կորուստներիս ողբ ու կական,
Եվ էլ ուրիշ բան չունեմ,
Թեև հոգուս մեջ խնդության
Անարձագանք կանչ ունեմ,
Ամենքի հետ լուռ եմ սակայն,
Եվ էլ ուրիշ բան չունեմ...
Արեգակը կրկին բացվեց
էն մնացածը, ոչինչ...
Սիրտս լույսի մեջ լվացվեց
էն մնացածը, ոչինչ...
Կորուստներով, սարսափներով,
Այս խելագառ աշխարհի
Հոգուս ականջը լվացվեց
էն մնացածը, ոչինչ...
Ախ, թե լիներ՝ իմ երազած
Կյանքով մեկ օր ապրեի,
Խեղճ մարդկության երջանկության
Հանգով մեկ օր ապրեի...
Առնչվեի մի ակնթարթ
Ինձ արարող Հոգու հետ,
Ծնված օրս գլխիս լույսի
Թագով մեկ օր ապրեի...
Արեգակը կրկին բացվեց
էն մնացածը, ոչինչ...
Սիրտս լույսի մեջ լվացվեց
էն մնացածը, ոչինչ...
Կորուստներով, սարսափներով,
Այս խելագառ աշխարհի
Հոգուս ականջը լվացվեց
էն մնացածը, ոչինչ...
Խոսք՝ Ռազմիկ Դավոյան
Երաժշտություն` Վահան Արծրունի