Трокы (Trakai) и замок
Найбарже тутай туристів гліті, звычайні. Лем и восени было іх не мало. Тота фортеця остала одреставрована до конця перешло кілька років. Мож тото ци не єдина така фортеця в Литві, мы маме дужо веце литовскых замків в Украіні ))
Слід повісти, же одреставрованым остал лем замок на высьпі. А тот, што был на березі - то там веце-менше руіна.
В фортеці поробили музей, де зобрано ріжны речы того часу. Напримір, от такы люлькы.
Як хто мож думат, же караімы жыют лем в Украіні, то ся помылят. Іщы в 14 ст. прибліжні 380 караімскых родин литовскый Вітовт Великій вывіз з Крыму до Троків. Там они были в велькій пошані, служыли при князьови яко охоронці и мали дужо привілеів.
От такы улиці, гварят, сут типово караімскы - в хыжі три облачка, што смотрят на улицю. Доправды, литовці будуют кус по инчому.
Лем самых караімів тутай мож здибати мож лем в іх кнайпах з суперскым ідлом, та і в кенасі.
Не самым же замком и караімами славят ся Трокы. Озера місцевы - чысты, прозоры, полны рыбы вшелиякой. Того не знают ани полякы, стаі якых тлумят ся доокола замку на выспі, ани німці, ани инчы туристы - так же можливіст до одпочынку єст выняткова. Мож купати ся, мож стояти деси на мості и позерати як єдны рыбы полюют инчых. Мож катати ся на катамаранах и не лем під тотым замком…
