васіль заўсёды ў тапкі пісяў
усім сваім гаспадарам
але увесь трагізм не ў гэтым
а ў тым што ён на жаль не кот

усе даўно чыталі думкі
чыталі думкі васіля
а ён дазнаўся толькі сёння
ой мля

у аляўціны тры раз'ёмы
ды два раз'ёмы ў васіля
а значыць падключыць магчыма
адначасова пяць прылад

васіль знайшоў цікавы джойстык
і ну яго туды сюды
а то не джойстык а рубільнік
завода дызэльцягнікоў

мне гэты хлопец толькі сябар
адэлька піша васілю
і неўзабаве дазнаецца
што не націснула на эс

адэлька ў васіля спытала
ці лепшая яна за ўсіх
а гэты геній заяўляе
што ён усіх не правяраў

акакій троліў аляксея
але затроліў васіля

не спаражненне а спражэнне
крычыць акакій васілю
у невялікім перапынку
прамежду першым і другім

семсот рублёў адной паперкай
акакій выдаў васілю
васіль пайшоў у прадуктовы
купіў здаровага ляшча

у чым васіль ты добра шарыш
спытаў акакій васіля
васіль пачырванеў імкліва
а адказаць не адказаў